شوية استفسارات

[yaso]

السلام عليكم،،
أنا لسه مخلص ثانويه عامه ومجموعي حلو الحمد لله
أنا كان عندي شوية استفسارات كده عن الكلية وياريت تستحملوني لأنها كتيره نسبيا

أولا كنت عايز اسال على مكان الكلية بالضبط ف السويس؟؟
المدينة الجامعيه؟؟ لأني سمعت انها وحشه جدا جدا أكتر من المدينه الجامعيه في القاهره او اسكندريه

ايه الفرق بين بترول وتعدين السويس و قسم البترول في هندسة القاهره؟؟ وطبعا ايهما افضل؟؟

فرص العمل بعد التخرج حلوه زي ما بنسمع ولا مفيش شغل اصلا؟؟؟

الاقسام في الكليه واحسن قسم؟؟

المواد الي بتدرس؟؟

وكمان انا سمعت ان في ناس بيجلها حالات نفسيه من صعوبة المواد و الحياه هناك...ياريت تعليق على الكلام ده

وشكرا مقدما!}{+_)

[beckham7]

انــــا ححطلك شوية صور مصورنها ولاد صحابى من الفيس بوك
...
...
..
..
..
صورة للجامعه الجديدة
http://photos-d.ak.facebook.com/photos-ak-sf2p/v232/214/2/504177587/n504177587_868691_1012.jpg
..
..
..
..
..
صورة للجامعه الجديدة برضه بس مبانى لسه تحت الانشاء
http://photos-b.ak.facebook.com/photos-ak-sf2p/v234/71/65/1016680470/n1016680470_30058225_3261.jpg
..
..
..
..
..
صورة للمدينة ..وبلاش اســتغراب ده هو الواقع
http://photos-379.ll.facebook.com/photos-ll-snc1/v272/231/65/570378379/n570378379_699688_951.jpg
..
..
..
..
..
وكمان صورة للمدينة
http://photos-863.ll.facebook.com/photos-ll-sf2p/v231/166/54/712959863/n712959863_463991_2920.jpg
..
...
..
..
..
ودى صورة من على سرير جوة المدينة
..
وبدل على مدى تـــفاعل الطالب مع الحـــيوان
http://photos-379.ll.facebook.com/photos-ll-snc1/v272/231/65/570378379/n570378379_699697_2944.jpg
...
...
..
..
..
..
..
..
ولو حد مـــــــعاه صور تانية يا جمـــــــاعه اوعوا تبخلوا بيها

[yaso]

شكرا يا animator على الصور الي وضحتلي حاجات مكنتش اعرفها
يعني البترول والتعدين في حي المستقبل والمدينه الجامعيه في السلام؟؟؟؟
والمسافه بينهم بعيده كده؟؟

وشكرا يا beckham7 على الصور بردو وضحتلي حاجات كتيييير

وياريت حد بقى من بترول يجاوب على باقي الاسئله عشان التنسيق يوم السبت يا جدعان

[ابن القيم]

ايه الفرق بين بترول وتعدين السويس و قسم البترول في هندسة القاهره؟؟ وطبعا ايهما افضل؟؟



بترول السويس أحسن من الناحية العلمية في علوم البترول والتعدين...أما بترول القاهرة فهي أحسن من الناحية الهندسية عموما ولكن عندهم ضعف نوعا ما في الناحية العلمية للبترول

ولكن إذا كنت من سكان القاهرة أو كنت قريب من القاهرة أو تريد أن تعمل مستقبلا في مكاتب شركات البترول في القاهرة.....فادخل هندسة القاهرة

وعموما رأيي الشخصي أن تدخل هندسة القاهرة الأول...والله أعلم

[yaso]

لو سمحت يا بكري عايز معلومات أكتر انا سالت اكتر من سؤال وما جاني الاجابه الا على 2 بس

[ابن القيم]

فرص العمل بعد التخرج حلوه زي ما بنسمع ولا مفيش شغل اصلا؟؟؟



الأرزاق علي الله في الأول ....واسعي يا عبد

ولكن فرص العمل كويسة بفضل الله....وأكتر قسم له فرص كثيرة هو قسم هندسة الحفر والإنتاج

[ابن القيم]

الاقسام في الكليه واحسن قسم؟؟

المواد الي بتدرس؟؟



هندسة الحفر والإنتاج ...تدرس عمليات الحفر والإنتاج وصيانة الآبار
هندسة التكرير .....تدرس مكونات زيت البترول وكيفية استخلاصها
هندسة الفلزات....تدرس المعادن والسبائك
هندسة الجيولوجيا....تدرس طبقات الأرض
هندسة المناجم....تدرس علوم المناجم وكيفية استخراج المعادن

وهذه الأقسام بالترتيب من حيث الاقبال من الطلبة
ولكن انت حر في الاختيار....وشوف المواد اللي بتحبها وادخل القسم بتاعها

[ابن القيم]

وكمان انا سمعت ان في ناس بيجلها حالات نفسيه من صعوبة المواد و الحياه هناك...ياريت تعليق على الكلام ده



كل الطلبة اللي جايين الكلية فاكرنها جنة ...والحياة فيها حياة حلوة ولا مشقة فيها ولا تعب...

سيجدوها كلية صغيرة الحجم ...قليلة عدد الطلبة.....مواد شديدة الصعوبة أحيانا....فلا يشعرون بجو كليات والجامعات الكبيرة

وبالنسبة للي اخوانا اللي جايين فاكرين الكلية كلها بنات وعايزين يعيشوا حياتهم سيجدون الأمر عكس ذلك ...والبنات معظمهم بتوع مذاكرة مش بتوع كلام فاضي

أما عن مدينة السويس ....بلدة صغيرة المكان....قليلة السكان....ليس بها أشجار ولا زروع ....بل بها مصانع وتجارة وفلوس.....

والله أعلم

[HiThAm]

السلام عليكم
اهلا يا هندسة وارحب بيك فى الكلية
وانت جيت فى منطقتى وان شاء الله افيدك
واقولك على كل حاجه


اولا : الكلية فى السويس فى حى اسمه المعمل بتنزل انت فى الموقف تركب ميكروباص الاربعين وتقوله انزل الصينيه تنزل الصينيه توقف ميكروباص رايح المعمل وقوله الكلية حينزلك وهنا اسأل اى حد وهو يدلك

[HiThAm]

ثانيا المدينة الجامعية
المدينة الجامعية اللى فى السويس زى اى مدينه فى مصر مقرفه شويه واكلها مش اوى مش فندق هيا مثلا عشان يهتمو بيك زياده عن كده ان المدينه فى بيئه صحراويه شويه وكمان فى كل اوضه 8 افراد بس المدينه غالبا مفيهاش الا طلبة الكلية ومعظمهم ناس كويسين
وعشان اول سنة ليك ينصح انك تسكن فى المدينه السنه دى حتفيدك من الناحيية الدراسية وبعد كده تكون كونت اصحاب السنة اللى بعدها انت وضميرك اما تكمل فيها او تسيبها

[HiThAm]

الفرق بين السويس والقاهره
السويس دى كلية فيها 5 اقسام كل قسم بيخرج مهندس مالوش دعوه بالمهندس اللى جنبه كل واحد ليه تخصص مختلف

القاهره فيها قسم اسمه هندسة البترول واللى انت تقصده وده يساوى عندنا قسم اسمه هندسة البترول برضه وبالعاميه كده حفر
يعنى بيشتغلو فى الحفر والانتاج للبترول اللى هى الصوره اللى فى خيالك عن مهندس البترول

عامة القاهره ميديا مكانه اسم الجامعه قديم وكبير ويمكن يكون فى التخصص ضعيفين شويه لكن كله بيتساوى فى الغسيل قصدى فى الشغل

خريج السويس حافظ كويس ( خلى بالك انسى كلمة الفهم فى مجال البترول ده فى اى مكان ) صبور عارف كتير ولما بيشتغل بيدى كويس
وعشان الكلية صعبه والطلبة بتتبهدل شويه فى السويس ربنا سبحانه وتعالى بيديهم على قد نيتهم فى الشغل وبيكرمهم

[yaso]

شكرا على المعلومات يا HiThAm

[HiThAm]

الاقسام فى الكلية
1- هندسة البترول : وده المختص بالحفر وانتاج البترول من الابار على البر والبحر وكل الحبشكتانات دى اعلى قسم فى تقدير اعدادى وده مش عشان خاطر سودا عيونه ولكن الطلبه بتحطه رغبه اولى
عامة معظم خريجينه بيشتغلو كويس ومرتبات كويسه
الوسايط بتسهل عمليه الشغل بدرى بدرى وتخليهم يشتغلو فى شركات احسن او وظايف اريح
المهندس المتخرج منه بياخد فلوس كتير فعلا بس بيطلع عينه شغل وتعب وبهدله ومتستقلش بالتعب ده
طلبته يمتازو بحبهم الشديد للمذاكره والفحت والطحن وتقدير الشعب فيه جيد جدا والمتميزين بيجيبو امتياز
كل ما تكبر فيها تلاقيه اسهل
الدكاتره ناس بتدى تقديرات وبتحب الطلبة وكويسين
ومعيدين القسم احسن من الدكاتره كمان


2-قسم هندسة تكرير البترول والبتروكيماويات ( وده قسمى عشان كده حشرح باستفاضه)
ده تانى قسم فى رغبات الطلاب
يمتاز الطلبه فيه يانهم
مش داحاحين اوى غالبا- ناس دماغ كده - مقلين فى حضور المحاضرات مع العلم بان بيتاخد غياب فيها وبينقصو درجات - ولا بيفرق معاهم التقدير
بيفهمو كويس اوى وغالبا فى رابعه لان فى رابعه طلبة حفر بيكونو خلاص نسو الفهم نهائيا

هذا القسم بيؤهلك للعمل فى المجالات الاتيه
هندسة تكرير البترول وصناعة المشتقات البترولبة وزيوت التزييت - هندسة معالجة الغازات الطبيعية - صناعات البتروكيماويات وصناعة الاسمدة
- معالجة المياه والتحكم فى التاكل الكيميائى
والقسم ده بنسبة 80 فى الميه يشبه هندسه قسم كيميا ولذلك هما بيشتغلو معاك فى نفس الحاجات دى
بس عندنا متخصصين فى البترول اكتر يعنى بتدرس خواصه وانوعه ومواصفاته ونقله وتخزينه

الشغل اللى قلته ده اللى بيؤهلك القسم انك تشتغله بس فى وظايف ممكن تشتغلها وانت مدرستش عنها اى حاجه فى القسم متسألش ازاى اسأل الشركات زى هندسة الطفلة فى مواقع انتاج البترول او فى المعالجه الاولية للبترول فى مواقع الحفر او لو ليك واسطه كويسه تشغلك مهندس حفر وانت تكرير لان الحفر ده خبره انما التكرير ده علم

عامة احنا من اكتر الاقسام اللى فيها علوم حلوه وخاصة الكيميا وما ترتب عليها من كورسات حتلاقيها لذيذه وتشد والبتروكيماويات دى تعتبر المستقبل فى مصر

اصعب سنة فى القسم سنة تالته لان كل دكاتره القسم المعقدين بيدوك فيها مواد وبتكون اقل سنه فى التقدير عند الغالبيه
التقدير الشعبى هو جيد والمتميزين جيد جدا وامتياز نادر اوى اوى اوى
يعنى غالبا مفيش امتياز

الدكاتره عندنا مفيش وسط اما ناس فله ومسيبينها ولا تفهم منهم حاجهولا هم مهتمين واخر السنة يدوك التقدير الممتاز او ناس معقده تكرهك فى الماده ومتفهمش منهم حاجه ويدو تقديرات مش ولا بد بس لاحظ انا قلتلك ان الطلبة دماغ لذلك مش بيفرق معانا المهم الصحة

على فكره طلبة تكرير تشوفهم فى اولى وتانيه
انما تالته ورابعه بيبقو عرفو اللى فيها كويس فتلاقيهم ايام الامتحانات
والقسم مش سهل زى ما بيقولو والله صعب بس احنا اللى كبرنا

3- هندسة الفلزات وعلوم المواد
اكتر قسم فى جمهورية مصر العربية بيدرس علم تحس انك عالم وانت فيه تشوف المواد بتاعتهم تحس انهم علما فعلا الا ان غالبية الطلبة مكبره اوى وبتدعى انها تنجح ومروقه جدا وخاصه ان الدكاتره كتير عندهم وبيفهمو اوى ومبيدوش تقديرات لذلك تقدير الشعب فيه مقبول والمتميزين جيد وجيد جدا
اعتقد امتياز فى فلزات رابع المستحيلات
المواد تقريبا كلها تقيله وصعبه
دول بيشتغلو فى مصانع الحديد والصلب والنحاس والزنك واى معدن يتم انتاجه ومصانع السيراميك والدهانات والبودره واى ماده ممكن تيجى فى بالك وفى مكافحه التاكل وفى انتاج الاستيل وفى خمسين الف مجال بس برضه شغلهم صعب شويه
وعايز وسايط
وكلها ارزاق


4-هندسة المناجم : على الرغم انه بيطلع كل سنه كام مهندس يتعدو على صوابع الايدين الا ان فرص الشغل بتاعته نادره اوى لان مصر اساسا مش دوله مناجم وربنا يسهل لعبيده وكل اللى داخله كان شايل مواد فى اعدادى وداخله مضطر

5- هندسة الجيولوجيا : وهذا القسم ليس اه مثيل فى العالم عشان خريجه تقريبا مش معترف بيه خالص يعنى مثلا فى قسم فى علوم جيولوجيا ماشى
انما ده لا تعرف له شكل ولا طعم ولا ريحه
يعنى شويه تحس انه مدنى
وشويه تحس انه بترول
وشويه تحس انه مناجم
خريجينه لما بيشتغلو ان اشتغلو
مره يشتغلو فى حفر ابار ميه
مره يشغلوهم مهندسين حفر بترول
مره يشتغلو مهندسين مدنى

[HiThAm]

الاقسام فى الكلية
1- هندسة البترول : وده المختص بالحفر وانتاج البترول من الابار على البر والبحر وكل الحبشكتانات دى اعلى قسم فى تقدير اعدادى وده مش عشان خاطر سودا عيونه ولكن الطلبه بتحطه رغبه اولى
عامة معظم خريجينه بيشتغلو كويس ومرتبات كويسه
الوسايط بتسهل عمليه الشغل بدرى بدرى وتخليهم يشتغلو فى شركات احسن او وظايف اريح
المهندس المتخرج منه بياخد فلوس كتير فعلا بس بيطلع عينه شغل وتعب وبهدله ومتستقلش بالتعب ده
طلبته يمتازو بحبهم الشديد للمذاكره والفحت والطحن وتقدير الشعب فيه جيد جدا والمتميزين بيجيبو امتياز
كل ما تكبر فيها تلاقيه اسهل
الدكاتره ناس بتدى تقديرات وبتحب الطلبة وكويسين
ومعيدين القسم احسن من الدكاتره كمان


2-قسم هندسة تكرير البترول والبتروكيماويات ( وده قسمى عشان كده حشرح باستفاضه)
ده تانى قسم فى رغبات الطلاب
يمتاز الطلبه فيه يانهم
مش داحاحين اوى غالبا- ناس دماغ كده - مقلين فى حضور المحاضرات مع العلم بان بيتاخد غياب فيها وبينقصو درجات - ولا بيفرق معاهم التقدير
بيفهمو كويس اوى وغالبا فى رابعه لان فى رابعه طلبة حفر بيكونو خلاص نسو الفهم نهائيا

هذا القسم بيؤهلك للعمل فى المجالات الاتيه
هندسة تكرير البترول وصناعة المشتقات البترولبة وزيوت التزييت - هندسة معالجة الغازات الطبيعية - صناعات البتروكيماويات وصناعة الاسمدة
- معالجة المياه والتحكم فى التاكل الكيميائى
والقسم ده بنسبة 80 فى الميه يشبه هندسه قسم كيميا ولذلك هما بيشتغلو معاك فى نفس الحاجات دى
بس عندنا متخصصين فى البترول اكتر يعنى بتدرس خواصه وانوعه ومواصفاته ونقله وتخزينه

الشغل اللى قلته ده اللى بيؤهلك القسم انك تشتغله بس فى وظايف ممكن تشتغلها وانت مدرستش عنها اى حاجه فى القسم متسألش ازاى اسأل الشركات زى هندسة الطفلة فى مواقع انتاج البترول او فى المعالجه الاولية للبترول فى مواقع الحفر او لو ليك واسطه كويسه تشغلك مهندس حفر وانت تكرير لان الحفر ده خبره انما التكرير ده علم

عامة احنا من اكتر الاقسام اللى فيها علوم حلوه وخاصة الكيميا وما ترتب عليها من كورسات حتلاقيها لذيذه وتشد والبتروكيماويات دى تعتبر المستقبل فى مصر

اصعب سنة فى القسم سنة تالته لان كل دكاتره القسم المعقدين بيدوك فيها مواد وبتكون اقل سنه فى التقدير عند الغالبيه
التقدير الشعبى هو جيد والمتميزين جيد جدا وامتياز نادر اوى اوى اوى
يعنى غالبا مفيش امتياز

الدكاتره عندنا مفيش وسط اما ناس فله ومسيبينها ولا تفهم منهم حاجهولا هم مهتمين واخر السنة يدوك التقدير الممتاز او ناس معقده تكرهك فى الماده ومتفهمش منهم حاجه ويدو تقديرات مش ولا بد بس لاحظ انا قلتلك ان الطلبة دماغ لذلك مش بيفرق معانا المهم الصحة

على فكره طلبة تكرير تشوفهم فى اولى وتانيه
انما تالته ورابعه بيبقو عرفو اللى فيها كويس فتلاقيهم ايام الامتحانات
والقسم مش سهل زى ما بيقولو والله صعب بس احنا اللى كبرنا

3- هندسة الفلزات وعلوم المواد
اكتر قسم فى جمهورية مصر العربية بيدرس علم تحس انك عالم وانت فيه تشوف المواد بتاعتهم تحس انهم علما فعلا الا ان غالبية الطلبة مكبره اوى وبتدعى انها تنجح ومروقه جدا وخاصه ان الدكاتره كتير عندهم وبيفهمو اوى ومبيدوش تقديرات لذلك تقدير الشعب فيه مقبول والمتميزين جيد وجيد جدا
اعتقد امتياز فى فلزات رابع المستحيلات
المواد تقريبا كلها تقيله وصعبه
دول بيشتغلو فى مصانع الحديد والصلب والنحاس والزنك واى معدن يتم انتاجه ومصانع السيراميك والدهانات والبودره واى ماده ممكن تيجى فى بالك وفى مكافحه التاكل وفى انتاج الاستيل وفى خمسين الف مجال بس برضه شغلهم صعب شويه
وعايز وسايط
وكلها ارزاق


4-هندسة المناجم : على الرغم انه بيطلع كل سنه كام مهندس يتعدو على صوابع الايدين الا ان فرص الشغل بتاعته نادره اوى لان مصر اساسا مش دوله مناجم وربنا يسهل لعبيده وكل اللى داخله كان شايل مواد فى اعدادى وداخله مضطر

5- هندسة الجيولوجيا : وهذا القسم ليس اه مثيل فى العالم عشان خريجه تقريبا مش معترف بيه خالص يعنى مثلا فى قسم فى علوم جيولوجيا ماشى
انما ده لا تعرف له شكل ولا طعم ولا ريحه
يعنى شويه تحس انه مدنى
وشويه تحس انه بترول
وشويه تحس انه مناجم
خريجينه لما بيشتغلو ان اشتغلو
مره يشتغلو فى حفر ابار ميه
مره يشغلوهم مهندسين حفر بترول
مره يشتغلو مهندسين مدنى

[beckham7]

من رأيي تاعلا عندنا الكلية وجرب ........فى ناس بتتأقلم على الجو هناك وبتعجبهم الكلية وفى ناس لأ
...
.. تعالا الكلية وربنا يوفقك

[ابن القيم]

كم أعجبتني مشاركاتك في هذه الموضوع هيثم...

وأتمني تواصل أكثر في المنتدي...

[HiThAm]

اخ بكرى شكرا جزيلا واتمنى دايما اكون عند حسن ظنك

[HiThAm]

اهلا بيك تانى يا yaso
بالنسبة لاستفسارك عن المواد اللى بتدرس حاليا مش حيبقى ذو قيمه اوى ليك بس برضه اجاوبك على قد ما اقدر
ونبدأ باللى يهمك الان وهو اعدادى
طبعا معظم مناهج اعدادى هندسه فى كل كليات الهندسة ثابته يعنى مفيش اختلافات كبيره
اعدادى ارخم سنه فى المواد والدكاتره والحياه عامة لانها اول سنة وحتشهد فيها حاجات كتير فى حياتك اول مره تدخل ميد تيرم واول شفوى واول عملى واول شيت تنقله و احتمال تكون اول مره تغش فى امتحان يبقى فى اعدادى

تمتاز اعدادى فى كليتنا انها حظوظ يعنى سنه تلاقى الاول جايب جدا بالعافيه والدفعه مدمره واللى بعدها على طول تلاقى اول اعدادى جايب امتياز ومعاه كمان امتيازات وجيد جدا بالعبيط كله على حسب الدكاتره

تقدر تقسم مواد اعدادى الى مجموعات
1- الرسم الهندسى وده بره تقسيم المجموعات دى وماده كويسه مينفعش انكك يتقال عليك مهندس من غيرها عايزه قدره على التخيل والفهم بسرعه ولو ده توافر فيك مش حتذاكرها خالص وحتجيب تقدير انما لو تنحت ومعندكش القدرات دى ممكن تبقى هيا عقدتك

2- مجموعه المواد اللى مالهاش لازمه بعد كده خالص :
(الميكانيكا) ودى ماده خنيقه ويشهد بكده اى طالب فى اعدادى فى اى هندسة وربنا يستر على عبيده طبعا فى اول ثانوى كانت الميكانيكا مع الفزيا ولما دخلت تالته ثانوى لقيتها فرع من فروع الرياضه لكن فى الكلية بتلاقيها ماده لوحدها واللى بيديهالك دكاتره الفزيا يعنى حاجه دلع

على حسب الدكتور يعنى لو زى ما بقالهم سنتين كده او تلاته حتجيب فيها درجه كويسه انما لو دكتور رخم وحب انه يسقطك فيها ممكن يعمل كده بصابع رجله الصغير لانها ماده خباياها كتير

(هندسة الانتاج) ودى ماده شلل بمعنى الكلمه ولا ليها اى لازمه بتدرس فيها المكن اللى فى الورش خراطه وما شابه والعملى بتاعها فى الورش وبيدرسلك عمال وحاجه قرف وتحس بضيق فى التنفس كده وانت بتذاكرها لكن لو حفظتها كويس وعملت اى حركات فى المسائل تجيب تقدير

(تاريخ العلوم الهندسية ) طبعا ازاى هندسه واقولك تاريخ متسألنيش اسألهم هما ماده حفظ وصغيره بس مالهاش لازمه

(لغة) قد تقولى ان اللغه مهمه وانا اتفق معاك انها من اهم المهارات اللى لازم تتوفر عند المهندس انه يجيد التحدث بالانجليزيه ولكن اللى حتاخده فى الكليه مش لغه ده ضحك على الدقون كام درس بتقراهم ليله الامتحان وتدخل كلمه من هنا على كلمه من هناك وترجمه هبله كده تطلع جايب جيد جدا ولا استفدت انت اى حاجه

(حاسب) زى اللغه كده بيضحكو عليك بيه وحيقولولك اوتو كاد وحاجات وبتاع ومش حتستفيد حاجه

2 المواد اللى يعنى ممكن يكون ليها لازمه
رياضه- وحتاخد فيها كل الفروع تحليلية - جبر - تفاضل -تكامل
فيزيا- ودى ماده دلع وعلى حسب الدكاتره ممكن تبقى ماده تقدير او ماده كسر وسط

كيميا- ودى بقى بتعتمد على الدكتور اللى حيديهالك وحتفيدك فى مواد كيميا تانى فى سنوات التخصص

مش فاكر الباقى بقى

بس عامة وبشكل عام
طالب الهندسة اليومين دول عامة وهندسة البترول خاصة لازم يتعلم ان الحفظ سر النجاح يعنى متحاولش تجهد مخك كتير اوى وحتسمع دايما عباره هيه كده يعنى احفظها كده وهيه مش مفهومه وليكن شعارك

احفظ يا بنى ولا تنسى فيينا عاصمة النمسا

[yaso]

شكرا يا HiThAm بجد معلوماتك حلوه وشكلك كمان شاطر ف كل حاجه

وليكن شعارك

احفظ يا بنى ولا تنسى فيينا عاصمة النمسا
حلوه اوي النصيحه دي+_)(*&

شكرا مره اخري يا HiThAm !}{+_)

[HiThAm]

العفو يا سيد الناس يا عم المهندسين كلهم

[HiThAm]

العفو يا سيد الناس يا عم المهندسين كلهم

[ah_algamal]

الصراحة انا ساكن بالقاهرة يعنى جامعة القاهرة 20-25 دقيقة

اكتب هندسة القاهرة واخش قسم البترول ولا اكتب السويس

1/هل المناهج واحدة ( متقاربة )
2/ هل الشركات بتفضل خريج السويس
3/ اية الفرق بين خريج السويس والقاهرة
4/ اية حكاية ان البترول حفظ ليس فهم ( انا بكرة الحفظ ) ؟

[sameh50002000]

انا ساكن في حلوان ومحتار اخش بترول السويس ولا جامعه القاهره والمشكله اني عايز الاتنين بس مش عارف ايه لاحسن يا ريت حد يرد عليه ويقولي اعمل ايه بسرعه

[ابن القيم]

الصراحة انا ساكن بالقاهرة يعنى جامعة القاهرة 20-25 دقيقة

اكتب هندسة القاهرة واخش قسم البترول ولا اكتب السويس

1/هل المناهج واحدة ( متقاربة )
منهج بترول السويس أفضل

2/ هل الشركات بتفضل خريج السويس
أحيانا وليس دائما....

3/ اية الفرق بين خريج السويس والقاهرة
الاتنين بيشتغلوا*

4/ اية حكاية ان البترول حفظ ليس فهم ( انا بكرة الحفظ ) ؟
إشاعة


وربنا يوفقك

[ابن القيم]

انا ساكن في حلوان ومحتار اخش بترول السويس ولا جامعه القاهره والمشكله اني عايز الاتنين بس مش عارف ايه لاحسن يا ريت حد يرد عليه ويقولي اعمل ايه بسرعه
ادخل القاهرة لو في مشاكل مادية عندك أو لو مش بتحب الغربة أو انت مش ضامن لما تدخل بترول السويس تلحق قسم كويس

[elbrince]

بص لو ناوي تدخل بترول السويس يبقي انت مش داخل عشان يبقي اسمك مهندس وخلاص
لا الكلية محتاجه مجهود جامد جدا عشان تلحق قسم كويس


ولو انت ناوي تجتهد يبقي بكل تأكيد بترول السويس احسن مية مرة

[جمال عبد الناصر]

يا عم اللى من القاهرة يخش هندسة القاهرة ارحملة و الله من اللى هيشوفة فى السويس

[osama]

بسم الله الرحمن الرحيم السلام عليكم ورحمة الله وبركاته أيوى يا بشوات أنا #إن شاء الله # الهندسة أسامة النادى

كنت عاوز شوية استفسارات عن الكلية 1:كم عدد المقبولين بالكلية فى السن الإعدادى ؟ أصل أنا 407 وترتيبى على رياضة 532

وأنا بشكر جدا كل المهتمين بينا المستجدين بس أنا ملاحظ في ناس عايزة دكتور نفسانى وااضح الكلية عامله شغلها على العموم لنا عودة شـكــ وبارك الله فيك ـــرا لك ... لك مني أجمل تحية .