دليل طالب الكلية الجديد [الأرشيف] - منتديات فرع جامعة قناة السويس بالسويس

AbdoHolmez

22 - 07 - 08, 12:04 PM

ان شاء الله الموضوع ده هيبقي زي الدليل لاى طالب جديد يدخل الكلية عشان البهدلة اللى احنا شفناها غيرنا ما يدوقهاش ويا ريت اى واحد عنده معلومات يفيدنا هنا واى استفسار من اى طالب مستجد ( حلوة مستجد ديه ) يحطها هنا وان شاء الله مش هنتأخر عليه ....

مكان الكلية وطريقه (http://scusuez.org/vb/showpost.php?p=23202&postcount=2)
المدينة الجامعية (http://scusuez.org/vb/showpost.php?p=23234&postcount=4)

ودا ملف word فيه شوية حاجات عن الكلية.......... مرفوع على موقع 2shared
http://www.2shared.com/file/3634796/397523d9/___.html

AbdoHolmez

22 - 07 - 08, 12:12 PM

وصف مكان الكلية

الأول يا جماعه لازم تعرفوا ان الكلية ليها فرعين زى كارفور كده ههههههههه............. بايخة ..... عارف

الفرع الأول موجود فى حته اسمها المعمل وده المبنى الرئيسي واللى بتقدم فيه ورقك وفيه شئون الطلبة والمعامل بتاعة الكلية والمبنى بتاعها عتيق شوية او شويتين

الفرع التانى : عند الموقف بتاع السويس وده بتحضر فيه محاضرات اعدادى كلها وهو مبني جديد بس مش هتروحوا الا مع بداية السنه لان مفييهوش حاجة ادارية يعني هتروحوا مع اول يوم فى بداية الدراسه عشان تحضر بس

طب ازاى تروح للفرعين ؟؟

الأولانى اللى عند المعمل : وانت جاى من بلدك - بأي وسيلة مواصلات - تقول للسواق عايز انزل التوفيقية وديه حته بعد الموقف بشوية وبعد ما تنزل هتركب ميكروباص بيروح الأربعين وقوله عايز انزل الصينية وتنزل الصينية تركب ميكروباص رايح المعمل وتنزل الأخر وهتلاقي الكلية بسهولة

التانية اللى عند الموقف باين طبعا من الاسم هتنزل الموقف عادى وهتمشي مسافة 4 او 5 دقايق هتبقي هناك بس زي ما قلتلك مش هتروحها دلوقتى عشان مش هتعمل اى حاجة هناك

وده اقتباس من مشاركة ل animator مشكورا

انا حجاوبك على اسئلة الأماكن
انا جايبلك أماكن الكلية في السويس والمدينة اللي في السلام
أنا حاططهالك كملفات places من google earth
لو عندك البرنامج حتريح نفسك

http://www.megaupload.com/?d=40N4QIBN

لو مش عندك ادي صور
http://www.megaupload.com/?d=8HC23KFF

SleeplessHeart

22 - 07 - 08, 01:25 PM

مجهود حلو ياهولمز والفكرة كويسة جدا وانا انشاءالله هاعمل ملف text بالحاجات الى اعرفها وممكن تكون مهمة للطلبة الجدد وربنا يسهل.....

AbdoHolmez

22 - 07 - 08, 03:43 PM

المدينة الجامعية

انا معلش مش هاقدر احكى كتير عشان ممكن ازودها حبتين عشان انا مش طايقها فياريت واحد غيري يحاول يتكلم بحياديه فانا مش هاتكلم غير فى الحاجات المعروفة وهى :
1
- المدينة بتقع فى حى اسمه السلام وده مسافه 8 دقايق مشي تقريبا من الموقف او 10 دقايق لو انت بتدلع شوية وطبعا هي جنب الكلية

2 - المدينة كل 8 فى غرفة واحده !!!!

مش هازود عن كده عشان مش هابقي موضوعى ولا حيادي وهازودها حبتين

ولو حد عايز يشوف مجموعة صور للمدينه ممكن يشوف مشاركة بيكهام اللى فى موضوع استفسارات

من هنا (http://scusuez.org/vb/showpost.php?p=22625&postcount=3)

او يبعت لى رسالة خاصه لو عنده الاستعداد الكافى انه يشوفها

SleeplessHeart

22 - 07 - 08, 04:00 PM

يبابني انت كدة بتكره الناس في الكلية..............
هي فعلا تستحق بس برضه دول جداد...

SleeplessHeart

22 - 07 - 08, 04:16 PM

ودا ملف word فيه شوية حاجات عن الكلية.......... مرفوع على موقع 2shared
http://www.2shared.com/file/3634796/397523d9/___.html

AbdoHolmez

22 - 07 - 08, 04:18 PM

انا كرهت حد ؟؟؟؟؟؟؟؟؟؟؟؟؟؟؟؟؟
ده انا ما رضيتش اتلكم ولا فتحت بقي
مش عشان انا ماستريحتش فيها تبقي وحشة
يمكن تكون عاجبه ناس غيري صح ولا لا؟؟؟

SleeplessHeart

22 - 07 - 08, 05:02 PM

انا قولتلك انها تستحق هههههههههههه بس ياعم دول لسة جداد لما يدخلوها هم بقا يقرروا مع نفسهم....

bomba

24 - 07 - 08, 04:15 AM

يا الله
كليتكم حلوة وانتم لازم تستحملوا في ناس كتير ولاد كان نفسهم فيها
بس انا اسمع ان خدماتها مش حلوة بس الطريق مش معقول يكون مفروش بورد
هو انتم هتحولوا منها ولا ايه ؟

AbdoHolmez

24 - 07 - 08, 10:20 AM

وهو انا قلت هاحول ؟؟
على فكرة انا اتعودت عالكلية خلاص وهى احسن من غيرها
واهم حاجة تعرف ان فى مثل بيقول
اذا اردت الا تتعب فيجب ان تتعب كي لا تتعب

SleeplessHeart

24 - 07 - 08, 05:24 PM

وهو انا قلت هاحول ؟؟
على فكرة انا اتعودت عالكلية خلاص وهى احسن من غيرها
واهم حاجة تعرف ان فى مثل بيقول
اذا اردت الا تتعب فيجب ان تتعب كي لا تتعب
ههههههههههه احلى حاجة في كليتنا انها مابيعجبهاش العجب......
لو مرة وانا عارف انها مابتحصلش مع ناس كتير صحيت بدري للمحاضرة تلاقي الدكتور ييحي متاخر ولو صحيت متأخر تلاقيه قفل المدرج وتقضي باقي اليوم في القهوة بتاعت الكلية ...اسف قصدي الكافتيريا...

HiThAm

24 - 07 - 08, 06:31 PM

SleeplessHeart

24 - 07 - 08, 07:05 PM

الى كل طالب فى اعدادى لو ضامن ان معاك واسطه كمل فى الكليه
ولو مش ضامن بجد بجد حول منها
المجال ده خلاص بقه شبه مستحيل بدون وسايط
انا اكبر منكم واعرف كتير
الوسايط فى الشغل هيا الاساس سيبك من التقدير
والكورسات
لان معظم اللى بيقدم حاليا معاهم كورسات
والتقديرات مش وحشه اوى خاصه بتوع حفر كلهم جيد جدا اهه

العملية بقت صعبه جدا
واضيق من خرم ابره

إيه ياعم هيثم الكلام ده والله عيب عليك بجد....
طيب ياعم احنا نعمل الى علينا والشغل ده نسيبه على الله بقى ماحدش بياخد رزق حد......
ولو على الواسطة احنا واسطتنا ربنا الى احسن مني ومنك ومن الدنيا كلها....

ان اجتمع الناس على ان ينفعوك بشيء لن ينفعوك الا بشيء قد كتبه الله لك...وإن اجتمعوا على ان يضروك بشيء لن يضروك الا بشيء قد كتبه الله عليك...

ياريت تتمعن النظر وتفهم الحديث....

beckham7

29 - 07 - 08, 06:30 PM

قـــــــــشـــــــطة علــيــــــك يــــــا ( sleeplessheart) .... أفـــحمـــته

HiThAm

29 - 07 - 08, 07:16 PM

ونعم بالله يا اخى
بس انا اكبر منك وشغال وعارف
مش حانسى بعد ما خلصنا واحنا بنلف على الشركات ونحط السى فى بتاعنا على الامن زى الشحاتين
وده يطردنا وده يطردنا
وناس معاها مقبول وتشتغل وساعات من غير انتر فيو
وشركات تبقى داخل وعارف مين اللى ناجح مسبقا

ولا ال 40 مهندس تكرير زمايلى اللى ما اشتغلوش
احكى على ايه ولا ايه ولا ايه

صدقنى الواسطه دلوقت هيه المفتاح

اه مشيئه ربنا فوق كل شىء

بس اللى شوفته بعينى لا يمكن اطلاقا انه يتوصف بالكلام بس

AbdoHolmez

29 - 07 - 08, 10:20 PM

طب انت مش دلوقتى اشتغلت ؟؟
الارزاق ديه بايد ربنا ولازم كل واحد بيتعب وكله مكتوب لاجل مسمي

على فكرة انا اعرف واحد برده اتخرج من قسمكم بس من فترة طويله هو خريج 1996 وتعب برده اوى عقبال ما اشتغل بس مهما كان هو دلوقتى بيحمد ربنا اكيد

AbdoHolmez

30 - 07 - 08, 08:30 PM

دفعة اعدادى الجديدة شكلها دفعه متعاونه جدااااااااااا
300 مشاهده للموضوع وزياده ومفيش غير الناس القدام بتوع المنتدى هما اللى ردوا
انا متفائل ههههههههههههه

SleeplessHeart

30 - 07 - 08, 09:41 PM

اشطات ياهولمز شكلها دفعة جامدة السنة دي........ربنا يستر...

love_queen

02 - 08 - 08, 01:35 AM

AbdoHolmez

02 - 08 - 08, 03:20 AM

انا قلت مشكلة الكلية الاولى بالنسبة لى كانت المدينة
اظن الباقي كله ممكن نتغاضي عنه

SleeplessHeart

02 - 08 - 08, 11:24 AM

يا ملكة دي صورة من مدينة الولاد........الله اعلم بقى مدينة البنات عاملة ايه هههههههههههههههههههههههههه
بس انتى ادخلى الكلية وهتتعودي على القطط والكلاب والحمير والغربان وكل حيوان عمرك ماشوفتيه....هتشوفيه هناك...
ربنا يستر علينا...ناقص 3 او 4 اسود ونعمل حديقة حيوانات.......

yaso

02 - 08 - 08, 06:46 PM

الموضوع فكرته حلوه
بس اعتقد مشاركات HiThAm
في الاستفسارات الي كنت سالها جميله اوي و مفيده

لو اي طالب جديد يدخل الموضوع حيستفيد كتير
و أنا صديق جديد لكم في الكلية

elzaim111

02 - 08 - 08, 11:14 PM

بالتوفيق لكل الطلبة الجدد
و أنا بأكد ان الكلية هتتغير كتير السنة الجاية للاحسن
و السنين اللي بعدها ان شاء الله

beckham7

03 - 08 - 08, 12:29 AM

هو بعد الصور دي والكلام ده هيبقي في دفعه هههههههههه دا أنا شوفت الصورة بتاعت تفاعل الطلاب مع الحيوانات إترعبت القطة ع السرير لالالالا انا هفكر تاني في موضوع البترول ده بس هي الصورة دي بجد والله المدينة عامله كده دي مستواها منخفض أوووووي ربنا يستر عليا بس يا رب ألحقها برده وبعدين ربنا يسهل بقي
مرسيي علي الموضوع التعقيدي ده وربنا يبشرك بالخير

لا لا لا لا مفيش حد يجيب ســــيرة القطة بــــــوســـي حبــيــيه هـــــارتـــي
دى صــاحبتى الروح بالروح وهيــا اللى عرفتنى على المدينة حتا حته

SleeplessHeart

03 - 08 - 08, 12:36 AM

هي قطة واحدة يابيكهام دي دفعة قطط زي دفعة اعدادي بترول...

zara

04 - 08 - 08, 11:09 PM

يا جماعه انا كنت ساكته بس بتتكلموا بقى عن مدينة البنات
مدينة البنات دي
اه سوري عمارة البنات
عباره عن شقق كل دور فيه 4 شقق
كل شقه فيها 12 بنت وساعات 14
يعني اللمه حلوه
وماقللكوش طبعا عن المعامله رهيييبه بيحترموا الفيران اللي معششه في المدينه عننا
وطبعا اكل اخر حاجه
بييجي من مدينة الولاد اولا دي حاجه يعني بييجي cold
ومتأخر كمان وخصوصا فرمضان بييجي بعد الفطار
يعني بينظمولنا الريجيم
والمدينه قصدي العماره فحته مقطوعه

بس للصراحه احلى حاجه فالمدينه انها جنب مسجد حمزه
مسجد جميل ونظيف دي الحاجه اللي مصبره البنات اللي فالمدينه
وعلى فكره الكلام ده من واقع خبرة 3 اسابيع مدينه
يعني ما خفي كان اعظم
اه كنت هنسى الولاد العساسيل المقطقطين اللي بيبلطوا قدام المدينه
ومتصاحبين على الأمن (زبوط المدينه الوحيد)
يعني بيسلوا البنات وبيشغلولهم أغاني وكمان اول مابنت تدخل
فراندة المدينه بيمسوا عليها
بس خلاص كفايه عليكو كده

beckham7

05 - 08 - 08, 01:25 AM

اه كنت هنسى الولاد العساسيل المقطقطين اللي بيبلطوا قدام المدينه
ومتصاحبين على الأمن (زبوط المدينه الوحيد)
يعني بيسلوا البنات وبيشغلولهم أغاني وكمان اول مابنت تدخل
فراندة المدينه بيمسوا عليها
بس خلاص كفايه عليكو كده

أحم أحم
يــاريتنى كنت مــصــاحب الأمـــن

love_queen

05 - 08 - 08, 02:03 AM

هههههههههههههه ايه الحاجات الحلوة إللي تفتح النفس دي مش قطة واحدة دفعات قطط بس فكرة حلوة الواحد يصاحب القطط
وإيه بس يا سارة إللي إنتي قولتيه ده كده هتخلي مصر كلها تروح تصاحب الأمن حتي شوفي البشمهندس بيكهام
انا ان شاء الله مش هدخل مدينة انا هروح دار مغتربات أصلي بخاف من الحيوانات الصغيرة دي أوي يلا ربنا يستر علينا

SleeplessHeart

06 - 08 - 08, 02:38 AM

beckham7

06 - 08 - 08, 03:48 PM

انا ان شاء الله مش هدخل مدينة انا هروح دار مغتربات أصلي بخاف من الحيوانات الصغيرة دي أوي يلا ربنا يستر علينا ]

هـــو دار المــغتربـــات فى أمن بــرضــه ؟؟؟؟؟؟؟
يـــا ريت حد يوصفلى العنوان بالظبط

love_queen

06 - 08 - 08, 05:52 PM

هههههههههههههههههه بتخافي من الحيوانات الصغيرة؟؟؟؟؟؟؟؟امال لو شوفتي الحيوانات الكبيرة هتعملي ايه.........احنا ناس بنتكحرط وعادي مش فارقة معاهم............ربنا يستر مافضلش غير 4 سنين واخلص........
بس يا زارا لو سمحتي ممكن توصفيلي عنوان المدينة كويس؟؟
ههههههههههههههههههههههههههه

ههههههههههههه حيوانات كبيرة يـــــــاماشاء الله يـــــــا ماشاء الله هو انا داخلة كلية ولا حديقة
وبعدين مفضلش غير أربع سنين وتخلص هو انت لسه عملت حاجه ههههههههه
محسسني إنك خلصت عشر سنين وفاضل أربعه علي العموم ربنا يوفقك
إوعي يا سارة توصفيله العنوان

love_queen

06 - 08 - 08, 05:55 PM

هـــو دار المــغتربـــات فى أمن بــرضــه ؟؟؟؟؟؟؟
يـــا ريت حد يوصفلى العنوان بالظبط

ههههههههههههه لا دا إنت واخد الحكاية جد بقي يا جماعه محدش يوصفله العنوان

beckham7

06 - 08 - 08, 06:00 PM

على فكرة ....... في حيوانات كبيرة فعلا فى الكلية ....... حمير وكلاب وبيدخلوا الكلية زينا زيهم ... وبالكــارنيه كمان

SleeplessHeart

08 - 08 - 08, 01:21 AM

هههههههههههههههه حلوة دي يابيكهام مش شوفت الحمار الى كانوا بيطلعوه من الاسانسير في الكلية ويقولهم مش طالع غير لما تجيبولى عميد الكلية؟؟؟
كانت فضيحة................

SleeplessHeart

08 - 08 - 08, 01:23 AM

ههههههههههههه حيوانات كبيرة يـــــــاماشاء الله يـــــــا ماشاء الله هو انا داخلة كلية ولا حديقة
وبعدين مفضلش غير أربع سنين وتخلص هو انت لسه عملت حاجه ههههههههه
محسسني إنك خلصت عشر سنين وفاضل أربعه علي العموم ربنا يوفقك
إوعي يا سارة توصفيله العنوان
هههههههههههه لو سمحتي يا ملكة خليكي محضر خير.........ها يازارا انتى قولتيلي فين؟؟؟

beckham7

08 - 08 - 08, 01:24 AM

هههههههههههههههه حلوة دي يابيكهام مش شوفت الحمار الى كانوا بيطلعوه من الاسانسير في الكلية ويقولهم مش طالع غير لما تجيبولى عميد الكلية؟؟؟
كانت فضيحة................

ههههههههههههههههههههههه
يـــــــا ريت جت على الاســــــانســـير بس
..
..
ده مرة حـــــــمـــــار حـــضر معـــانا ســـكشن فـــزيـــا .. وراســه وألف سيف يعمل التجربة

love_queen

08 - 08 - 08, 03:06 PM

هههههههههههه لو سمحتي يا ملكة خليكي محضر خير.........ها يازارا انتى قولتيلي فين؟؟؟
هههههههههههههههههههه والله طيب إياك تقولي يا سارة

SleeplessHeart

08 - 08 - 08, 11:54 PM

ههههههههههههههههههههههه
يـــــــا ريت جت على الاســــــانســـير بس
..
..
ده مرة حـــــــمـــــار حـــضر معـــانا ســـكشن فـــزيـــا .. وراســه وألف سيف يعمل التجربة
هههههههههههه حلوة يابيكهام.........ههههههههههههههههههه

abdlrahman90

09 - 08 - 08, 01:31 AM

هو بعد الصور دي والكلام ده هيبقي في دفعه هههههههههه دا أنا شوفت الصورة بتاعت تفاعل الطلاب مع الحيوانات إترعبت القطة ع السرير لالالالا انا هفكر تاني في موضوع البترول ده بس هي الصورة دي بجد والله المدينة عامله كده دي مستواها منخفض أوووووي ربنا يستر عليا بس يا رب ألحقها برده وبعدين ربنا يسهل بقي
مرسيي علي الموضوع التعقيدي ده وربنا يبشرك بالخير

الصراحة هو اكبر عيب هناك المدينة عشان كده احسن حاجة انك تشوفى كام واحدة تصاحبيهم وتاخدى معاهم شقة او لو من القاهرة ممكن تروحى وتيجى كل يوم عادى انا ساعات كنت بعمل كده بس انت من الغربية
على العموم كمان السنة الجاية بيكملوا المبانى الجديدة وهتبقى انشاء الله الكلية معظمها مع كلية التربية

zara

10 - 08 - 08, 10:19 PM

beckham7

10 - 08 - 08, 11:11 PM

اوعي تصدقي الكلام اللي بيتقال ده
بصي سليبلس هارت وبيكهام مش فبترول اصلا على فكره
..........................
يا فاضحننا فكل حته متهدوا اللعب شويه
دي أغنيه يا كويين ههههههه
مش أي حاجه تانيه

تـــبع مين العضــوة اللى فوق دى يـــا جمــاعه ؟؟؟
يـــا ريت تــتــشبط فـــورا

SleeplessHeart

15 - 08 - 08, 08:37 PM

اوعي تصدقي الكلام اللي بيتقال ده
بصي سليبلس هارت وبيكهام مش فبترول اصلا على فكره
..........................
يا فاضحننا فكل حته متهدوا اللعب شويه
دي أغنيه يا كويين ههههههه
مش أي حاجه تانيه
الله الله الله الله................
ايه يا زارا شكلي انا الى هرش عليكي مية نار........
انا مش ف بترول ههههههههههههههههههههههههههههههههههههههه
عالعموم ماشي.......
ها ياملكة مش ناوية تقولي العنوان؟؟؟

ابن القيم

20 - 07 - 10, 05:43 PM

يرفع للأهمية
رغم انا عارف انها سنة فراغ

wanted4ever

27 - 07 - 11, 04:00 PM

شكرااا جداا لكل اللي تعب ف الموضوع الجميل ده
بس عايز اقول حاجه ف بعض الناس متحامله كتير ع الكليه بس ف رأيي مفيش دراسه جامعيه سهله
كل شئ هيبقي صعب واللي عايز يحقق لازم يتعب ممكن ظروف الكليه مش حلوه بس ف ظروف اسوأ منها بكتير
وع رأي المثل the way to glory isn`t paved with flowers
ومفيش حد بيقول ع الدراسه بتاعته انها سهله الا اللي مكبر دماغه يعني لو كلمت حد ف طب ولا صيدله هتلاقيه زهقان جداا منها ودي طبيعه البشر وانا واحد من الناس اللي كاتب بترول السويس رغبه اولي
وباذن الله نبقي اصدقاء فيا ريت اللي يتكلم يتكلم بطريقه منطقيه وبعيده عن وجهه نظره اللي ممكن تكون حابه الكليه او كارهاها وده مش هجوم ع حد انا لسه معرفش حد بس انا بتكلم علشان الفايده من الموضوع
وده مجرد رأي يحتمل الصواب والخطأ