المناظرة الكبرى...بين بيكهام (حفر) و سمو الأمير(تكرير)

[AbdoHolmez]

http://www.yabdoo.com/users/55389/gallery/3551_p126222.gif

ازيكم يا جماعه عاملين ايه ؟
موضوع النهارده فكرته جديدة وظريفة
هى مش بتاعتى اللى اقترحها عليا مشرفنا الغالي بكرى وانا قررت انفذها

http://img100.imageshack.us/img100/3043/3551p126192fq1.gif

الموضوع باختصار ان احنا كل اسبوع هيبقي في مناظرة بين عضوين بيدرسوا فى قسمين مختلفين يعني مثلا واحد من حفر وواحد من تكرير وكل واحد يبين مميزات قسمه والتانى يحاول يبرز عيوب القسم التانى والاول يدافع طبعا

http://img100.imageshack.us/img100/3043/3551p126192fq1.gif

طب فايدة الموضوع ده ايه ؟؟؟

طبعا الموضوع مفيد لكل طلبة اعدادى لانها هتعرفهم كل قسم عن قرب كويس وهيعرفوا ايه مميزاته وعيوبه وبيدرس ايه يعنى من الأخر يبقي كانه متخرج من القسم ده وعارف كل خفاياه كويس

وفايده كمان انها هتعرف كل الناس حاجات ماكنوش يعرفوها اكيد

http://img100.imageshack.us/img100/3043/3551p126192fq1.gif

طب النظام هيبقي ازاى ؟؟

الأول انا باقترح ان اول مناظرة تبقي بين قسمي حفر وتكرير واسبابي :

1 - دول اعلى قسمين من حيث التقدير فى الكلية وده مش معناه انهم افضل قسمين انا باقول اعلى قسمين تقدير انا ماعرفش انى افضل وده اكيد هنقدر نكون عنه فكرة من خلال المناظرة

2 - اللى بيدخل المنتدي من الكلية غالبا بيبقوا من القسمين دول

3 - دول القسمين المختصين اوى بدراسة البترول فنخليهم مع بعض فى الأول

http://img100.imageshack.us/img100/3043/3551p126192fq1.gif

طب ازاى نختار الاعضاء ؟؟

كل عضو فى القسمين دول وشايف فى نفسه انه يقدر يدخل المناظرة ديه وقدها وقدود يدخل ويسيب رد انه جاهز ولو دخل اكتر من عضو فى قسم واحد فده بقي هنسيب الاختيار للاعضاء وللأخ بكرى

http://img100.imageshack.us/img100/3043/3551p126192fq1.gif



http://img100.imageshack.us/img100/3043/3551p126192fq1.gif

طب كيفية المشاركة ؟؟؟

كل عضو يدخل يحط المشاركات بتاعته وكل عضو يدخل يسأل الاطراف المتناظرة ويا سلام بقي لو أسئلة محرجة فى الصميم عشان نزنق بيها العضو

]


http://img100.imageshack.us/img100/3043/3551p126192fq1.gif



لو الموضوع عجبكم يا جماعه يا ريت نبدأ بسرعه ومنتظرين احد طلبة حفر وواحد من تكرير عشان نبدأ مناظرة الأسبوع ده

[AbdoHolmez]

ايه ده يا جماعه هى الفكرة وحشة اوى كده ؟؟؟؟؟
والله لو وحشة قولوا لى مفيهاش زعل لان ديه وجهات نظر عشان بس نشيل تثبيت الموضوع مش اكتر ونثبت المواضيع الاكثر اهميه

[ابن القيم]

عايزين نرشح عضوين يا عبده ...

إيه رأيكم يا جماعة نرشح مين؟؟؟؟؟........

+_)(*&

[ابن القيم]

خلاص يا جماعة تم اختيار العضوين.....
.
.
.
.
وهما
.
.
.
.
.
.
.
.
بيكهام عن قسم حفر......و سمو الأمير عن قسم تكرير

.
.
.

وقوانين المناظرة هي...
1-كل عضو من العضوين مطالب بالرد علي أسئلة كل منها علي الآخر
2-يتم الحوار دون سخرية أو استهزاء لشخص العضو
3-يحق لباقي الأعضاء المشاركة للتوضيح وابداء الرأي وليس للدخول في المناظرة والحوار فيها
4-يحق للمشرفين سؤال العضوين
.

.
.
.
.
.
والآن تبدأ المناظرة..

[ابن القيم]

إيه أخباركم يا سمو الأمير ويا بيكهام......

ممكن الأول نتعرف عليكم....

أخوكم/ بكري

[سمو الامير]

السلام عليكم ورحمة الله وبركاته

شكرا باشمهندس بكري وعبده هولمز على الفكرة الجميلة

وان كنت شايف ان في أحسن مني كتير لتمثيل قسمي ( تكرير)

بس ان شاء الله تكون مناظرة مفيدة للجميع

توكلنا على الله

بيكهام ممكن تقولنا


* لما كنت في اعدادي كان هدفك تدخل حفر ؟ ولما دخلته هل غيرت رأيك ولا اتمسكت بيه اكتر ؟
* ايه اللي بيميز حفر عن تكرير من وجهة نظرك ؟
* هل بتلاقي وقت تعمل فيه اي حاجة غير المذاكرة والريبورتات ؟ تقرا كتاب مثلا ((( خارج تخصصك ))) تطلع تتفسح تشترك في اي مسابقة ؟ كده يعني ؟ ولو في وقت بمعدل كام ساعة في اليوم ؟

شكـــرا ليك مقدما
وفي انتظار أسئلتك

[سمو الامير]

إيه أخباركم يا سمو الأمير ويا بيكهام......

ممكن الأول نتعرف عليكم....

أخوكم/ بكري

أهلا بيك يا باشمهندس بكري

معاكم أحمد السيد فتح الباب
ان شاء الله رايح تانية تكرير

[سمو الامير]

في اعدادي تقديري كان جيد
والنسبة كانت
74.7%
بالتأكيد كان نفسي ادخل حفر لأاني كنت بقول كا دام هو اعلي قسم يبقي اكيد أحسن قسم
بس بعد كده رأيي اتغير
لأن الأقسام كلها حلوة واني مكانشي ينفع لي غير تكرير
لأسباب كتيرة جدا ابسطها
اني مش من النوع الحفيظ عشان كده مكنتش هامشي في حفر
ثانيا اني من ايام الاعدادي والثانوي انا متعود علي اني اشارك في انشطة كتير تانية بصرف النظر عن الدراسة
وطبعا وجودي في حفر كان هيخلي ده شبه مستحيل

تقبل تحياتي واحترامي
سمو الامير

[SleeplessHeart]

الصلاة على النبي.......ههههههههههههههه............شكلها هتبقى دبح.....فينك يابيكهام؟؟؟

[AbdoHolmez]

بيكهام يا جماعه عنده مشاكل فى الجهاز وهيرد على بالليل
انتظروا المذبحة الكبرى اخيرا هنقدر نزنق بيكهام ههههههه

[love_queen]

الموضوع فكرته لذيذة جدااا وان شاء الله كلنا نستفيد منه شكرا ليك يا بشمهندس عبده وشكرا كمان للبشمهندس بكري علي الفكرة الجميلة دي وربنا يوفقكم جميعا

[ابن القيم]

بيكهام....

فينك يا عم ...

كل ده بتصلح الجهز بتاعك.....

الكل منتظرك

[halawa]

بجد فكرة رائعة وتستحق المتابعة وانا بشكركم على الموضوع دة جداااااااا
احب اعرفكم بنفسى الاول
اسلام على حلاوة (ان شاء الله داخل تانية حفر)
واعرف بيكهام وسمو الامير لانهم اصحابى اساسا
بس انا شايف ان بيكهام عندة ظروف ولو ما يقدرشى يجاوب احنا كل شباب الحفر نقدر نجاوب
فلو ممكن اجاوب لحد ما يجى ويكمل هوة المناظرة ؟؟؟؟ دا لو ما فيش مشاكل يعنى

[ابن القيم]

معلش يا حلاوة ...احنا عايزين اعتذار من بيكهام شخصيا...
وكده نكمل معاك المناظرة..........................


وأنا كمشرف هابدأ أسئلتي....
وسؤالي إلي سمو الأمير....

طيب اشمعنا قسم تكرير....ليه ما دخلتش حفر؟؟؟
وكمان قسم حفر أسهل قسم في الكلية....فهتلاقي وقت للترفيه واللعب وممارسة الأنشطة الأخري....

[beckham7]

أنــــــــا رجــــــــعت يـــــــا جمـــــــاعه متــأسف جدا على التأخير ده بجد انا اسف جدا
..
وبحب اشكر اخويا العزيز الاستاذ بكرى و عبده طبعا على اختيارهم ليــا كممثل لقسم حفر وان شاء الله اقدر انفع زمايلى اللى محتارين بين بترول وتكرير
..
وعلى فكرة انتوا احرجتونى اوى لما تضعونى فى مناظرة مع سمو الامير عارفين ليه
عشان كده مش حعرف اهزر ولا أقلس عشان هو حبيبى وشخصيه جديرة بالاحترام
المهم نبتدى المناظرة
واسف مرة تانية للعطل الفنى ده

[ابن القيم]

ولا يهمك يا باشمهندس محمد.....

مش اسمك محمد برضه!!!!!

[beckham7]

ردا على سمو الامير
..
..
بالنسبة للسؤال الاول
أكيد طبعا كان نفســي ادخل حفر .. ســاعتها لما كنت فى اعدادى لما صحابى بيشاورولى على ولد من حفر كنت ببصله بمنتها الاحترام والتقدير - مش نظرة حسد طبعا - بس نظرة احترام
وبعد لما دخلته ... مش حقولك متمسك بيه بس انا شايف انه احسن من غيره فى كذا حاجة وكويس انى دخلته
..
بس لو جاتلى تكرير مكنتش حزعل طبعا .. لان معظم صحابى من تكرير

[beckham7]

اه محمد ..... أحسن من بيكهام طبعا

[beckham7]

بالنسبة للسؤال التانى
..
..
سؤالك يا سمو الامير قاعده اصلا - اعتقد كده - فى كليتنا انا لاحظتها من اول سنا ليا فى قسم حفر
فعلا قسم حفر متميز عن قسم تكرير من وجهة نظرنا كطلبة ومن وجهة نظر كتير من الدكاترة ..وده ليه كذا دليل
..
جرب تشوف نتيجة اولى مثلا السنادى حتلاقى فى 29 واحد جيد جدا كلهم من قسم حفر من أصل 430 واحد تقريبا من الاقسام كلها ... وعندنا تقريبا 4 مقبول على ما اتذكر
اما باقى الاقسام او قسم تكرير - متفرقشي - حتلاقى كمية مقابيل زى الرز وكمية جيدات متعدش
دى حاجة
دليل تانى ... فى المواد المشتركة اللى كلنا بندرسها فى اولى مثلا - زى الماتلاب - الرياضه فى الترمين-الرسم- حتلاقى اعلى تقديرات فيها فى قسم حفر او بمعنى تانى حتلاقى كل المتيازات ومعظم الجيد جدا عندنا ..ولو فضل شوية جيد جدا يدوهالكوا والباقى جيد ومقبول زى الرز - اكنك دخلت فى حــلة رز بالظبط
..
..
اللى عاوز اقوله ان الدكاترة بيحترموا قسم حفر فى كل المجالات واهما التصحيح طبعا وده مش انا اللى بقوله ..ده الدكاترة نفسهم ولو عايزنى اذكر اسماء أوكى مفيش مشاكل
..
..
..
فى حاجة كمان بتميز قسمنا ... انك مثلا مثلا ..لو طالب فى قسم تانى غير حفر - زي تكرير- و مش واثق من نفسك فى مادة - لازم تكون مشتركة مثلا- ...يــاترا حتجيب المذكرات بتاعتها منين أو حتســأل مين عن نظام المادة دى أو لو عايز تنقل محاضرات مكتوبة حلو فيها حتروح لمين
أكيد حتروح ( لشــاب حفر ) وده برضه مش كلامى بيحصل ادامى طبعا ..ولو عايز تشوف بعينك ..تعالا مدينة الحفر فى ليلة امتحان اى مادة مشتركة وشوف كام واحد تكرير عندنا بيسألونا فى المادة

[beckham7]

بالنسبة للسؤال الثــالث
...
..
ليه اجابتين مختلفين خالص عن بعضهم
..
فى ناس معندهمشي وقت خالص للكلام الفارغ بتاع القراية والانشطة اللى انتا بتقوله ده
وأنـــصحك تقرا موضوع ( شاب الحفر استايل ومعاه موبايل ) حتلاقى فعلا اللى بيحصل بالظبط من مجموعه مش قليلة فى قسمنا .... زى النوم بأسكيل - المذاكرة فى الحمامات - تخليص المناهج وحاجات من دى كتير عمرك ما تتصورها بتحصل بجد مش هزار
..
ومن النقطة دى بنصح اى حد ناوى تدخل حفر ..أنتا حتقابل ناس من النوعية دى كتير... ف ياريت لو انتا من النوع اللى بيتعقدوا بسرعه بلاش تدخل حفر ليجيلك زبحة او جلطة من العمايل اللى بتحصل دى
بس ده مش بيروح فراغ ..وده اعتقد السبب فى ان تقديرات قسم حفر علطول مرتفعه عن اى قسم
..
..
وفى نــــــــــاس تكبـــــيــــر دمـــــــاغ على الاخر
بس فى منهم ساعه الجد جد والهزار هزار ودول بيجيبوا تقديرات مرتفعه وعادى جدا زى النوع الاول من الطلبة
وفى ناس تانية ملهاش فى الليلة كلها بس الصراحة النوع ده محتكتشي بيه واعتقد انه مش موجود ..عشان نتيجتنا مخالفة لده تماما
والوقت الفاضى مش ثابت يا سمو الامير بالنسبة للناس دى ..فى ليالى الامحانات بيبقا فى وقت بس مش كتير - عشان ميشولوش المادة برضه مش كده ولا ايه - بالنسبة لباقى الايام اللى ساعات مش بيذاكروا اصلا والله

[beckham7]

انا بكده خلصت اجاباتى ... منتظر رد بــاقى الاطراف

[ابن القيم]

شكرا ليك بيكهام....

إجابات ممتازة....

ولكن فين أسئلتك؟؟....

دي مناظرة يابشمهندس.....

[ENG_2011]

الله عليك يا بيكهام يا رافع راسنا هي دي الاجابات ولا بلاش

[beckham7]

ااااااااااااه نســـيت معلش

[beckham7]

1- هل لو ينفع دلوقتى تحول حفر - فرضا مثلا - كنت حترضى تحول ؟ خصوصا ان مجموعك كان قريب اوى من الحفر
2- حسيت فى مرة ان قسم حفر مميز عنكوا او فى باقى الاقسام ؟؟ ولو فى دليل قول
3 - ايه عيوب قسمنا من وجهة نظرك وايه مميزات قسمك عننا ؟؟

[سمو الامير]

طيب اشمعنا قسم تكرير....ليه ما دخلتش حفر؟؟؟

مدخلتش حفر لأن مجموعي كان أقل من حفر ب 0.3 %
بس أنا مش زعلان أني دخلت تـــ ك ــرير
بالعكس أنا باحمد ربنا على كده


وكمان قسم حفر أسهل قسم في الكلية....فهتلاقي وقت للترفيه واللعب وممارسة الأنشطة الأخري

من ضمن كلام أصحابي عن قسم حفر إنه مش أسهل ولا حاجة
دا غير موضوع شاب الحفر ستايل ومعاه موبايل اللى بيكهام بيأكد إنه حقيقي مش مبالغة
يعني يمكن دي أول مرة اسمع فيها ان حفر أسهل قسم في الكلية من حضرتك دلوقتي
بس بردو ما بحبش احكم على حاجة معرفهاش
ويمكن اقرب مثال على اللى بقوله
تنظيم ال SPE .. ( Society of Petroleum Engineers )
كان أغلبه ناس من تكرير
واحد صاحبي رايح تالتة تكرير وكان شغال خلال الدراسة مدير مكتب الدكتور ابراهيم الفقي في السويس
فريق الجوالة اغلبه تكرير
كان معايا ناس اصحابي من تكرير وكنا ماسكين ادارة منتدي خاص بالكلية

باختصار اغلب المشاركين في الانشطة من تكرير
وانا من ضمن الناس اللى بحب المشاركة في الانشطة لاسباب كتيرة
منها اني بتعرف منها على ناس جداد
بفرغ الطاقة اللى جوايا في حاجة كويسة
ترفيه عن النفس بدرجة كبيرة جدا
وحاجات تانية كتيرة

اتمني اكون وضحت وجهة نظري
وشكرا ليك باشمهندس بكري

[Maoud]

يا بكهم يا جامد
وحشني انت وحلاوة
وريهم الحفرجية
بتوع تكرير بييتكلموا
بيكهام بيكهام

[سمو الامير]

وعلى فكرة انتوا احرجتونى اوى لما تضعونى فى مناظرة مع سمو الامير عارفين ليه
عشان كده مش حعرف اهزر ولا أقلس عشان هو حبيبى وشخصيه جديرة بالاحترام
المهم نبتدى المناظرة
واسف مرة تانية للعطل الفنى ده


أهلا بيك يا بيكهام
اخبارك ايه واحشني والله
انت اللى انسان محترم بجد وتستحق التقدير
وعلي فكرة الحال من بعضه النت عندي بردو بحالات كده وبيفصل علطول
يعني مفيش داعي للأسف ولا حاجة

[سمو الامير]

جرب تشوف نتيجة اولى مثلا السنادى حتلاقى فى 29 واحد جيد جدا كلهم من قسم حفر من أصل 430 واحد تقريبا من الاقسام كلها ... وعندنا تقريبا 4 مقبول على ما اتذكر

أنت رديت علي سبب ده لما قلت بعد كده


ان الدكاترة بيحترموا قسم حفر فى كل المجالات واهما التصحيح طبعا وده مش انا اللى بقوله ..ده الدكاترة نفسهم

وبالنسبة لمواد التخصص ففي دكاترة كتير في تكرير بيمسكوا ايديهم في التصحيح والتقديرات
يعني تصول وتجول وآخرك المقبول

والسبب التالت انت قلته بردو

اللى بيحصل بالظبط من مجموعه مش قليلة فى قسمنا .... زى النوم بأسكيل - المذاكرة فى الحمامات - تخليص المناهج وحاجات من دى كتير عمرك ما تتصورها بتحصل بجد مش هزار


ودا بالتأكيد مش موجود في تكرير

يمكن دول أكتر 3 اسباب انا شايفهم السبب ان تقديرات حفر اعلي بكتير من تكرير

[سمو الامير]

1- هل لو ينفع دلوقتى تحول حفر - فرضا مثلا - كنت حترضى تحول ؟ خصوصا ان مجموعك كان قريب اوى من الحفر

بالتأكيد لأ
أولا لأني لما اتعرفت على تخصصي اكتر حبيته وفرحت اني دخلته
ثانيا إني لما اكون داخل في قسم أنا من الأوائل عليه أحسن من إني اكون آخر واحد في القسم
ثالثا إن قسم حفر مينفعش ليا لأسباب وضحتها قبل كده

[سمو الامير]

2- حسيت فى مرة ان قسم حفر مميز عنكوا او فى باقى الاقسام ؟؟ ولو فى دليل قول

يمكن اكتر ميزة شفتها في حفر إنه بيحفذك على المذاكرة غصب عنك
حتي لو ملكش مزاج ليها
بتذاكر عشان تجيب تقدير
واللى بيذاكر في حفر بيجيب تقدير فعلا

ودا مش موجود عندنا بنسبة كبيرة
لأن زي ما قلت قبل كده ممكن تكون في تكرير وبتذاكر كويس جدا
وحليت في الامتحان كويس خالص ومش سايب وراك حاجة
ومفيش اي سبب انك تقل عن امتياز
وفجأة تطلع النتيجة وتلاقي نفسك جايب مقبووول

وعشان ماكونش بحدف تهم على حد
دا حصل معايا انا في مادة زي ( مدخل التكرير )

وأكيد الواحد لما مايكونش عنده دافع لحاجة مش هايعملها زي ما يكون عارف انه بيتعب وهايلاقي نتيجة لمجهوده بعد كده

[halawa]

الله عليكم يا شباب
ربنا معاكم
بس عندى تعليق كلامك يا احمد دة فى حد ذاتة ميزة عندنا انك تتعب تلاقى نتيجة مش تتعب تلاقى مقبول
وحاجة تانية احنا لو عايزين يبقا عندنا وقت فاضى كتييييييييير زيكم نقدر بس فى النهاية هنبقى مقصرين زيكم يعنى اغلب تكرير يقولك دا قسم الدماغ والتكبير لانه هوة مكبر دماغة اساسا مش القسم اللى تكبير وكل واحد ممكن يكبر دماغة وينجح بسهولة لكن التقدير يفرق
وربنا معاكم
ارفع راسنا يا بيكهام انا هاعينك نائب عمدة حفر وهاوصلك

[سمو الامير]

3 - ايه عيوب قسمنا من وجهة نظرك وايه مميزات قسمك عننا ؟؟

* عيوب قسمكم : -
- ضيق الوقت لممارسة اي انشطة
- الحساسية الشديدة بين بعض الناس لأن فلان جاب اكتر من فلان ... وعلان عمل ريبورت وورط القسم كله انه يعمله وووو ....
- في عيوب تانية بس عشان ما اظلمش القسم هي موجودة في اشخاص معينيين ومينفعش اعممها على القسم كله

* مميزات قسمنا : -
- الدراسة سهلة ( تكرير أسهل قسم في الكلية )
- الكورسات اللى فيه جامدة جدا بتأهلك إنك تشتغل في حاجات كتيرة جدا زي معامل تكرير البترول أو الصناعات البتروكيماوية بأشكالها الكتير أو إسالة الغاز الطبيعي و
gas processing
تحلية المياة بالاضافة انك ممكن تشتغل
mud engineer
مع مهندس البترول
ممكن تشتغل
designer
في شركات التكرير بإنك تصمم المعامل والوحدات الانتاجية للمصانع وتعمل الحسابات كلها والتكاليف من خلال الكمبيوتر في برنامج زي ال
HYSYS
& ChemCAD
&flare
& Aspen plus

وهي بتشترك جميعا انها بتعمل محاكاة لبيئة العمل من خلال الكمبيوتر
- دكاترة تكرير بيوصلولك المعلومة كويس جدا وبيربطوها لك باللى هتقابله في الواقع ( بصرف النظر عن التقديرات والدرجات ) بس بتتعلم منهم العلم الصح

- عندك الوقت الكافي انك تمارس هواياتك وتشترك في الانشطة وتزور قرايبك واصحابك وترفه عن نفسك

- ممكن بكام كورس تاخدهم بعد ما تخلص وتشتغل كمهندس الحفر زيك زيه

دي المميزات اللى جت على بالي دلوقتي يعني مش كلها ولو في حد هنا من تكرير أكيد هتلاقي عنده زيادة على اللى انا قولته

[سمو الامير]

دة فى حد ذاتة ميزة عندنا انك تتعب تلاقى نتيجة مش تتعب تلاقى مقبول

وعشان كده انا قلت أن دا


اكتر ميزة شفتها في حفر

[سمو الامير]

ودلوقتي دوري في الأسئلة

1- تفتكر ايه الحاجة اللى لو اتوجدت في تكرير هتخليه ياخد اكتر من حفر ؟
وتفتكر ان ده ممكن يحصل في يوم من الايام ؟

2- ايه هي عيوب قسم تكرير اللى انت شايفها ؟

3- طالب من اعدادي جايلك وبيقول انه جايب مجموع يدخله اي قسم هو عاوزه بس محتار بين حفر وتكرير هترد عليه تقوله ايه ؟

[beckham7]

يا بكهم يا جامد
وحشني انت وحلاوة
وريهم الحفرجية
بتوع تكرير بييتكلموا
بيكهام بيكهام

حبيبى سولم ..انتا كمان واحشنى جدا

[beckham7]

ضيق الوقت لممارسة اي انشطة
لا مفيش ضيق وقت ولا حاجة ... يا حمادة انا كنت لسه بقولك ان فى نسبة عندنا مكبرة دماغها و عندهم وقت فراغ وساعات بيجيبوا دقديرات زي الاوائل تمام
وده بيبقا ذكاء ... وفى ليهم انشطه كمان وفى ماسكين ادارة منتديات وبيطلعوا من الاوائل عادى جدا

-

الحساسية الشديدة بين بعض الناس لأن فلان جاب اكتر من فلان
مش كلوا كده ... هو فعلا ممكن يكون في بس اعتقد ان ده اتسبب فيه وضعنا فى المدينة كلنا مع بعض
لو كنتوا انتوا معانا يمكن مكنتش قولت الكلام ده
بس فعلا عندنا ممكن ولد ( يغتــال ) التانى لو مذاكر مادة اكتر منه


وعلان عمل ريبورت وورط القسم كله
دى ممكن عندك حق فيها ..بس احنا مش ساكتين
وأســأل اللى بيعمل كده الدفعه بتعمل في ايه ؟؟ ... بــقــام عليه الحد علطوول


ممكن بكام كورس تاخدهم بعد ما تخلص وتشتغل كمهندس الحفر زيك زيه
وســـعت منك دى ...يعنى احنا نقعد 4 سنين ندرس وفى الاخر بكام قورص تبقا بنــفس الكفاءة..صعب ده

[AbdoHolmez]

ايه ده يا جماعه ده بيكهام بيجاوب اجابات مفحمه ايه يا سمو الأمير مش قادر تزنقه ولا ايه ؟؟؟
ولا انت بتعترف ان قسمه أفضل ؟؟؟؟؟؟؟؟

[ahmed e]

يا عينى عليك يا عبدو لما بتحب تسخنها...........

[beckham7]

1- تفتكر ايه الحاجة اللى لو اتوجدت في تكرير هتخليه ياخد اكتر من حفر ؟
وتفتكر ان ده ممكن يحصل في يوم من الايام ؟


اه تحصل عارف امتا
لو بدلــنـــا الاسماء
هههههههههه لا معتقدشي ده ... ده لسبب مماثل للسبب انك جيت الكلية اصلا
اوضح شوية
الشاب المصرى لما بيلاقى حاجة معينة سواء كلية قسم بتاخد مجموع عالى بيروحلها ظننا منه ان ده اكيد الاحسن
بس فى الحالة دى حصل ده بالفعل وقسمنا احسن الاقسام فعلا
بس يا احمد
قسمكوا ناقص ان يبقا اسمه حفر

[beckham7]

ايه ده يا جماعه ده بيكهام بيجاوب اجابات مفحمه ايه يا سمو الأمير مش قادر تزنقه ولا ايه ؟؟؟
ولا انت بتعترف ان قسمه أفضل ؟؟؟؟؟؟؟؟

أحم أحم ..... أى خـــودعـــه

[AbdoHolmez]

بس فى الحالة دى حصل ده بالفعل وقسمنا احسن الاقسام فعلا
بس يا احمد
قسمكوا ناقص ان يبقا اسمه حفر


أحم أحم ..... أى خـــودعـــه

انا شامم ريحة تريقة على قسمك يا سمو الأمير بجد لازم ترد وبحزم

[beckham7]

2- ايه هي عيوب قسم تكرير اللى انت شايفها ؟


سبق واتكلمت على حكاية التقديرات وانتا قولتها بنفسك على انك تذاكر تذاكر وتجيب المقبول
بس كنت عاوز اعلق على حاجة
أنتوا ماشي بتفــهموا صح ... بس برضه احنا كمان بنفهم وعندنا دكاترة على مستوي مش بطيخ يعنى ...يبقى ده عيب ليكوا وميزة عندنا ولا إيه ؟؟؟؟؟

[zara]

ياجماعه
برضه تكرير هيفضل تكرير
وحفر هيفضلوا يحفروا في الكتب والمذكرات
لغاية مايتخرجوا يقوموا يحفروا تاني عشان يطلعوا بترول
مش عارفه هيبطلوا حفر امتى
والتكرير يعيشوا حياتهم وبرضه ان شاء الله بأذن الله هيشتغلوا برضه
يعني ليه الحفر ده كله

[beckham7]

انا شامم ريحة تريقة على قسمك يا سمو الأمير بجد لازم ترد وبحزم

فـــيــن ميــا النـــار مش لاقــيها ؟؟؟؟؟؟

[beckham7]

3- طالب من اعدادي جايلك وبيقول انه جايب مجموع يدخله اي قسم هو عاوزه بس محتار بين حفر وتكرير هترد عليه تقوله ايه ؟

بكل بســاطة يا احمد ...حقوله أقــرا الموضوع ده وقول رأيك ايه
ولو انتا عاوز تقدير مع فهم - مصاحب بمجهود - ادخل حفر
ولو عاوز فهم مع صعوبة فى التقدير - ومجهود لو بذلته لتقدير عالى حيبقا ع الفاضى- ..ادخل تكرير

[beckham7]

كنت عاوز اضيف حاجة
..
- بالنسبة لفرص الشغل فهيا متوفرة برضه والحمد لله وكله طبعا فى الاول وفى الاخر بمشيئة الله
- معامل التكرير محدودة فى مصر ع فكرة
- احنا عندنا 71 شركة اونر ( او شركة مالكة ) وعدد لا نهائى شركات سرفيس
- المرتبات فى بعض الشركات بتوصل ل 100 و150 دولار يوميا فى شركات الماضmud والكاسنج casing
- على اللى سمعته مرتبات تكرير قليلة بالنسبة لحفر

[beckham7]

انا مش عارف المفروض اسأل ولا اخلى الاعضاء يسألوا دلوقتى بس على العموم انا خلصت ردى
ولو فى حاجة المفروض اعملها قولوا

[AbdoHolmez]

انت المفروض بقي تسأله وتبدأ هجومك يا بيكهام مش معقول هتفضل مقضيها ددفاع كله كده

[ابن القيم]

- ممكن بكام كورس تاخدهم بعد ما تخلص وتشتغل كمهندس الحفر زيك زيه



من قال لك ذلك...مش للدرجة دي أن مهندس التكرير بكام كورس يبقي مهندس حفر أنا ماشفتهاش خالص...ممكن بتاع جيولوجيا ولكن مستحيل بتاع بترول...أو ممكن قصدك يشتغل في شركة سيرفس اللي بتاخد أي حد مع شهادة أو ممكن يكون قصدك يشتغل علي البريمة ريست أبوت...

[ابن القيم]

- على اللى سمعته مرتبات تكرير قليلة بالنسبة لحفر

من اللي قال لك ذلك.....بيختلف من شركة لشركة ....ولكنها ليست قاعدة...

[سمو الامير]

وســـعت منك دى ...يعنى احنا نقعد 4 سنين ندرس وفى الاخر بكام قورص تبقا بنــفس الكفاءة..صعب ده

قصدي زي ما قال باشمهندس بكري


ممكن قصدك يشتغل في شركة سيرفس اللي بتاخد أي حد مع شهادة أو ممكن يكون قصدك يشتغل علي البريمة ريست أبوت

ودي حصلت مع واحد في شارعنا - مش هنروح بعيد ولا حاجة - ومش مهندس تكرير لا دا علوم كيميا كمان

[سمو الامير]

ايه يا سمو الأمير مش قادر تزنقه ولا ايه ؟؟؟
ولا انت بتعترف ان قسمه أفضل ؟؟؟؟؟؟؟؟



انا شامم ريحة تريقة على قسمك يا سمو الأمير بجد لازم ترد وبحزم

انت عاوز تقلبها خناقة وخلاص ؟!!!
اطلع انت منها يا عبده وهي هتبقي فله
ههههههههههههههه

[سمو الامير]

اه تحصل عارف امتا
لو بدلــنـــا الاسماء

لأ مش لو غيرنا الأسماء
لو الناس بدأت تفكر صح

[سمو الامير]

معامل التكرير محدودة فى مصر ع فكرة

مش محدودة ولا حاجة
بالعكس في خلال السنتين اللي فاتوا بدأت مشروعات استثمارية كبيرة جدا في مصر
وشركات كتيرة فتحت
ولسا ان شاء الله - على ما سمعت - ان في مشروعات هايبدأوا فيها في 2010 هيحتاجوا فيها حوالي 700-1000 مهندس تكرير
يعني شوف كام دفعة


على اللى سمعته مرتبات تكرير قليلة بالنسبة لحفر

مش في كل الشركات
يمكن انت سمعت كده لأن أغلب شركات التكرير في مصر تبع القطاع العام
وانت فاهم مرتبات الحكومة
لكن زي ما بقولك مشروعات الاستثمار في تكرير بدأت تزيد بشكل ملحوظ في الفترة اللى فاتت
ولو مش مصدق اسأل مهندسين التكرير دفعة السنة اللى فاتت واللى قبلها
تقريبا كلهم شغالين دلوقتي في شركات كويسة ومحترمة

[halawa]

تعليقا على فرص العمل
فى كام معمل تكرير فى مصر؟؟؟؟؟؟؟؟؟؟
وفين؟؟؟؟؟؟؟؟؟؟؟
وفى كام شركة بترول فى مصر؟؟؟؟؟؟؟؟
الاجابة واضحة بالنسبة لفرص العمل
وان مهندس تكرير اشتغل فى شركة حفر يبقى زى ما قلت ريستابوت يعنى بلية فى الموقع بيعمل كل حاجة يشيل ويحط وينضف
مش معنى كدة ان ممنوع لبتوع حفر فى بعض الناس من حفر بيوافقوا ويسلكوا طريق شركات contractor
بس دا صعب اوووووووووى لانها مرمطة وما فيش فلوس كمان
لكن شركات السرفس موجودة بكثرة وبتفرق فلوس

[سمو الامير]

فعلا عندنا ممكن ولد ( يغتــال ) التانى لو مذاكر مادة اكتر منه


دى ممكن عندك حق فيها ..بس احنا مش ساكتين
وأســأل اللى بيعمل كده الدفعه بتعمل في ايه ؟؟ ... بــقــام عليه الحد علطوول

وشهــد شــاهد من أهلهــــا

[سمو الامير]

طب بما إن الموضوع دخل في فرص العمل والشغل جبتلكوا اقتباس من مشاركة لعاشور في احد المنتديات

ولو في حد من تكرير هنا أكيد يعرف عاشور


اليكم توضيح بالفرص التى يقدمها القسم(تكرير)
1-مجال الحفر:
.) المعالجة الاولية
.)علاوة عن شركات الخدمات التى تقبل جميع التخصصات
2-مجال التكرير:
على الرغم من انه ماقبل كثيرا فى الفترة الماضية لضيق الفرص بها
لكن حاليا تقام العديد من الشركات امثال السخنة لتكرير البترول- مجمع التكرير فى كفر الشيخ والذى يشمل مشروعات بتروكيمياء
هذه المشروعات ستتيح الكثير من الفرص المباشرة والغير مباشرةوغيرها
3-مجال البتروكيمياء:
كان ميت ايضا فى السنوات الماضية لكن مع افتتاح مشروعات جدد بدأ فى الازدهار أمثال 1-شركة ايلاب(انتاج الالكيل بنزين الخطى)
2-مشروع الاكريليك
3-وغيرهم الكثير من المشروعات التى لا اتذكرها الان
سيتم افتتاحهافى عام 2009وغيرها
4-الغاز الطبيعى:
(مجاله مفتوح جدا هذه الايام)
خاصة بعد انشاء مشروع اسالة الغاز الطبيعى(الشركةالمصرية لاسالة الغاز الطبيعى ادكو -البحيرة)
اضافة الى الشركة التى بدمياط(مصرى اسبانى)وغيرها
5-النقل والتخزين :
(سوميد وغيرها)
6-الاسمدة:
وهى غنية عن التعريف
شركتى(النصر -المصرية) فى السويس وغيرها فى دمياط
7-الزيوت المعدنية(اسو-شل -كالتكس -وغيرها)
8-الشركات الكيميائية:
اى شركة اخرى تتعلق بالكيمياء(الزيوت النباتية(افكو-صافولا)-البويات-وغيرها الكثير)
وفى النهايه اتمنى ان نكون قد المننا بمعظم الفرص التى يقدمها القسم وان لا نسمع الى هؤلاء المحبطين وان يكون عندنا اكثر من ذلك .......(الارزاق باذن الله)

[halawa]

تعليق على الاغتيال والكلام الجامد دة
دا شخصيات ممكن تقول الغيرة بتقلب بحقد
يعنى مرض نفسى مش هاتجمع الكلام دة على القسم وتحسبة عيب

[ابن القيم]

إجابات سمو الأمير جامدة جدا....

بس أكيد هو بيستعين بصديق انا عارفه ...

فينك بيكهام......

[halawa]

هوة جاب مجالات العمل معتمدا معظمة على البتروكيمياء مش البترول وانا لو اتكلمت على فرص العمل مش هاعرف اجملها فى مشاركة هوة حاول يفصل بالزبط وممكن اكتر واحد يفدنا فى فرص العمل الباشمهندس بكرى

[سمو الامير]

إجابات سمو الأمير جامدة جدا....

بس أكيد هو بيستعين بصديق انا عارفه ...

اشكرك يا باشمهندس على ذوقك

بس والله ما بستعين بحد غير بربنا

أنا نفسي حد من تكرير يدخل معايا بدل ما أنا بطولي كده

وبعدين هو كلكوا عليا ولا إييييييييييه ؟!!!!

ههههههههههههههههه

[halawa]

حفرجية بقى والدم بيحن

[سمو الامير]

هوة جاب مجالات العمل معتمدا معظمة على البتروكيمياء

متنساش إن قسمي اسمه

هنسة تكرير البترول والبتروكيماويات

يعني البتروكيمياء من صميم تخصصي

[ابن القيم]

حفرجية بقى والدم بيحن

طبعا يا حلاوة.......

[Maoud]

تحية كبيرة للتكريرين
علي الرغم اني في حفر بس بحب تكرير جدا
انا مستعد اقف معاك يا سمو الأمير
بس في حاجة كانت مزعلاني منكم
كل مواحد من تكرير يشوف واحد في حفر يقله انت بتحفظ مبتفهمش
يعني بردوا محسسني ان احنا معندناش مخ
المهم انا بحب تكرير جدا وكنت خلاص دخله بس الظروف

التوقيعhttp://www2.0zz0.com/2008/07/29/22/115517661.jpg

[سمو الامير]

تحية كبيرة للتكريرين
علي الرغم اني في حفر بس بحب تكرير جدا

تسلم يا غالي واحنا بردو بنحب الحفرجية لأنهم ناس محترمين وعارفين ايه اللى وراهم وبيشيلوا المسئولية


بس في حاجة كانت مزعلاني منكم
كل مواحد من تكرير يشوف واحد في حفر يقله انت بتحفظ مبتفهمش

ههههههههههههههههه

بنحبكم بقي ولازم نتدلع عليكوا

بس بجد الحفظ عندكو حاجة صعبة جدااااااا

[ابن القيم]

المهم انا بحب تكرير جدا وكنت خلاص دخله بس الظروف


وأنا كمان كنت مقدم علي تكرير ...والكلية دخلتني حفر ومعرفتش أحول

[ابن القيم]

ولسا ان شاء الله - على ما سمعت - ان في مشروعات هايبدأوا فيها في 2010 هيحتاجوا فيها حوالي 700-1000 مهندس تكرير
يعني شوف كام دفعة


ظنون واحتمالات ...بل أوهام....هايجيبوا بترول منين...طبقات الأرض اشتكت



ولو مش مصدق اسأل مهندسين التكرير دفعة السنة اللى فاتت واللى قبلها
تقريبا كلهم شغالين دلوقتي في شركات كويسة ومحترمة

والدفعة 2004و2003و2002و2001و2000 لسه مشتغلوش في مجالات ترضيهم لحد دلوقتي...الدنيا حظوظ....
لكن حفر علي طول تحت الطلب زي الجيش كده.....
هههههههههههههههههههه

[SleeplessHeart]

ههههههههههههه زي الجيش.........الله الغني يا اخ بكري هههههههههههههه

[AbdoHolmez]

ايه ده انا مادخلتش من امبارح
بس واضح كده ان سمو الامير جهز اسلحة هجومية من المحرمة دوليا وعامل هجوم فتاك على بيكهام

ايه يا بيكهام هترفع الرايه البيضا امتى ؟؟؟

[SleeplessHeart]

هههههههههههههههههههه مانت عارف بيكهام ياهولمز مابيسملش ههههههههههههه وانت ممكن تعرف كدة من الى حصل اول السنة هههههههههه بس الحمدلله دلوقتي النفوس اتصافيت.......

[ENG/ MOUTAZ]

يا جماعه انا بجد عجباني فكره المناظره دي بس انا بقالي فتره بعيد عن المنتدي واندهشت لكميه التغيير اللي حصلت في المنتدي من مواضيع وردود بس اتمني لو حد يقدر يلخصلي اللي اتقال عشان ابقي عارف ايه اللي بيحصل ولو ينفع اشارك معاكوا.شكرا.

[halawa]

بس كدة من اللى انا قراتة
اقتنعت ان حفر احسن من تكرير ولية مميزات كتير وفرص كتير
بس دة مش معناها ان تكرير وحش تكرير زى الفل بردة ويلى الحفر
يعنى تنسيق الكلية مناسب جدااااااااااااااااااااااا

[halawa]

ولا حد لية راى تانى؟؟؟؟؟؟؟؟؟؟؟؟؟؟؟؟

[ENG/ MOUTAZ]

انا معاك يا باشمهندس halawa ان حفر وتكرير وكمان فلزات ومناجم مجالات عمل ممتازه بس المشكله ان احنا كل واحد عايز رايه واختياره يبقي صح فعشان كده عايز كل واحد يبقي زيه بس الحقيقه انا كليتنا من احسن الكليات في توفير مجالات العمل المطلوبه بس المشكله ان صعوبه طبيعه العمل بتخلي كل واحد يختار مجاله بعد مايفكر الف مره عشان مفيش فرصه تانيه.ده رايي

[beckham7]

أنـــــــــــا رجـــــــــعت يـــــــــا رجــــــالة ومفيش أستسلام ولا حــاجة زى ما قال سليبلس ؟؟؟
وأســتسلم أزاى و قســمي هو المنتصر
..
على ما اعتقد بكده يا جماعه أى طالب حيقرا الموضوع ده أكيــــــــد حيــفضل قـــســم حفــر على تكرير
..
..
بس يا ريت حد تكرير يدخل مع سمو الامير عشان احنا كتير اوى حفر على تكرير ........ ومعانا كمان البشمهندس بكري ده كفاية اوى

[beckham7]

تعليق على الاغتيال والكلام الجامد دة
دا شخصيات ممكن تقول الغيرة بتقلب بحقد
يعنى مرض نفسى مش هاتجمع الكلام دة على القسم وتحسبة عيب

أنـــــا قــصدى كده بالظبط
..
..
مش كل القسم فــي نــاس بالصــفات دى وأعتــقد أنى وضحت ده فى مشــاركتى اللى اتكلمت فيها عن الموضوع ده
.
.
بس أظاهر اتفهمت غلط

[beckham7]

لكن حفر علي طول تحت الطلب زي الجيش كده.....
هههههههههههههههههههه

الله يــطمنك



ايه يا بيكهام هترفع الرايه البيضا امتى ؟؟؟

لا صـــعبه دى يـــا عبده
وكمان حــفر هو الكسبان لغاية دلوقتى على ما اعتقد

[ابن القيم]

إيه يا بيكهام أنت رجعت تاني ترد ردود غريبة...

وكمان من قال لك أنا معاك....أنا محايد....

وانت ناسي اللي حفر فيه العيوب الآتية:

1-مجالاته ضيقة جدا غير تكرير مجالاته مفتوحة

2-معظم شركات التكرير في المدن ...غير مهندس الحفر متغرب علي طول لا يري أهله ولا يري أولاده .....زي الجيش...

3-شغل التكرير نسبة الخطورة فيه ووقوع إصابات أقل من مجال الحفر...وربنا يعافينا

4-الأنانية والطمع شئ عادي هاتتعلمه في قسم حفر..مش عارف ليه؟؟؟

5-معلش بس في حاجة تانية....اللي أنا شوفته إني بتاع حفر(البعض وليس الكل) واخداه العظمة الشوية....وده شئ خطير

6-بعض دكاترة حفر متساهلين جدا في التقديرات...وده بيضر مش بينفع لما تكون مهندس وفي حاجات انت مش فاهمها كويس بل كنت حافظها....لذلك أنا بحيي دكاترة فلزات لأنهم بيشدوا علي الطلبة لكن بيطلعوا مهندسين صح صح(زي جبنة بريزدون)

7-ولا كفاية كده ...والمرة الجاية هاتكلم علي تكرير علشان أهدي النفوس...وبرضه زي ما قال حلاوة الدم بيحن ساعات...فأنا مهما رحت ومهما جيت أنا مهندس بترول

بكري

[beckham7]

إيه يا بيكهام أنت رجعت تاني ترد ردود غريبة...


مش شايف ان في رد غريب رديته كله فى صمام الموضوع ولا إيه


وكمان من قال لك أنا معاك....أنا محايد....

عــارف الكلام ده كويس
وانا قولت ان حضرتك معانا على اساس انك قسم حفر زينا
والدم بيحن مش كده ولا إيه
بس مش قصدى عدم حــيــادية ولا حــاجة


وانت ناسي اللي حفر فيه العيوب الآتية:


عــارف طبعا ان حفر فيه عيــوب ودى حاجة طبيعية
بس تبــعا للمناظرة
المفروض انا مقولهاش العيوب دي لكن الطرف الاخر هو اللى يقول وانا أرد
ولا إيه
.
.
.
وشكرا لــك

[halawa]

-مجال الحفر ضيق ممكن!!!!!!!!!!!!!!!!!!!!!!
بس لو مجال التكرير كيمياء ما انا ادخل علوم كيمياء وهاشتغل نفس شغل التكرير
احنا داخلين عشان نشتغل فى البترول مش مهندسين مواد دهنية وزيتية

[ابن القيم]

-مجال الحفر ضيق ممكن!!!!!!!!!!!!!!!!!!!!!!

هذه الحقيقة....فليس لك مجال غير شركات البترول......
غير تكرير ممكن يقدموا في شركات كتير...والمرتبات أحسن من مرتبات البترول...كشركات الأسمدة مثلا....



احنا داخلين عشان نشتغل فى البترول مش مهندسين مواد دهنية وزيتية
علي فكرة مهندسين الدهانات مطلوبين جدا الآن......
ولو كنت تقصد بالمواد الدهنية شركات الزيت والسمنة.....فمش للدرجة دي أنت مهندس ليك شغل في شركات أحسن من كده......

[bawadylion]

الشغل دة نصيب يا جماعة
وفي ناس مش معاهم كلية خالص وشغلين في شركات البترول هم اه مش مهندسين لكن مستواهم عالي جدا
نصيييييييييييييييييييييييييييييييييييييييييييييييي ييييييييييب

[bawadylion]

وانا الصراحة فكرة المناظرة دي مش عجباني خالص
علشان كل واحد بيحب قسمة وحيدافع عنة
حتى ولو كان في كلية حقوق حيقول لك انا احسن منك
كل واحد لية مجالة

[beckham7]

وانا الصراحة فكرة المناظرة دي مش عجباني خالص
علشان كل واحد بيحب قسمة وحيدافع عنة
حتى ولو كان في كلية حقوق حيقول لك انا احسن منك
كل واحد لية مجالة

واضـــــــــح أنك مقــرتشـــي المــقدمة كــويس

[AbdoHolmez]

واضـــــــــح أنك مقــرتشـــي المــقدمة كــويس

تمام يا بيكهام

[سمو الامير]

معلش يا جماعة النت كان فاصل عندي بس الحمد لله اشتغل دلوقتي

ومعاكم ان شاء الله

[سمو الامير]

هايجيبوا بترول منين...طبقات الأرض اشتكت
مهو لو مش هايكون في شغل لتكرير في السنين الجاية - لا قدر الله - يبقي من البديهي جدا إن مفيش شغل لحفر بردو
يعني جملة

حفر علي طول تحت الطلب زي الجيش كده
هاتبقي

ظنون واحتمالات ...بل أوهام

ولا ايه ؟؟؟

[سمو الامير]

بس كدة من اللى انا قراتة
اقتنعت ان حفر احسن من تكرير

وانا بعد اللى قرأته اقتنعت ان تكرير احسن من حفر

وكل يغني علي ليلاه


ولا حد لية راى تانى؟؟؟؟؟؟؟؟؟؟؟؟؟؟؟؟

مين يشهد للعروسة ؟؟؟

[سمو الامير]

احنا كل واحد عايز رايه واختياره يبقي صح فعشان كده عايز كل واحد يبقي زيه بس الحقيقه انا كليتنا من احسن الكليات في توفير مجالات العمل المطلوبه بس المشكله ان صعوبه طبيعه العمل بتخلي كل واحد يختار مجاله بعد مايفكر الف مره عشان مفيش فرصه تانيه.ده رايي


ودا أحسن رأي شوفته لغاية دلوقتي يا باشمهندس معتـــز

تقريبا انت اختصرت المناظرة كلها في كلامك

شكرا جزيلا لك

[سمو الامير]

وأســتسلم أزاى و قســمي هو المنتصر
اثبتلي بالدليل


1-مجالاته ضيقة جدا غير تكرير مجالاته مفتوحة

2-معظم شركات التكرير في المدن ...غير مهندس الحفر متغرب علي طول لا يري أهله ولا يري أولاده .....زي الجيش...

3-شغل التكرير نسبة الخطورة فيه ووقوع إصابات أقل من مجال الحفر...وربنا يعافينا

4-الأنانية والطمع شئ عادي هاتتعلمه في قسم حفر..مش عارف ليه؟؟؟

5-معلش بس في حاجة تانية....اللي أنا شوفته إني بتاع حفر(البعض وليس الكل) واخداه العظمة الشوية....وده شئ خطير

6-بعض دكاترة حفر متساهلين جدا في التقديرات...وده بيضر مش بينفع لما تكون مهندس وفي حاجات انت مش فاهمها كويس بل كنت حافظها....

[سمو الامير]

احنا داخلين عشان نشتغل فى البترول مش مهندسين مواد دهنية وزيتية

مهندسين مواد دهنية وزيتيه

مش عارف ليه شامم ريحة تريأه في الجملة دي

عموما احنا بردو داخلين عشان نشتغل في البترول مش عشان نمسك فاس ونطلع عالصحراوي

[الملاك الباكى]

اولا المناظره جميله جدااااا وفكره ممتازه
تانيا انا داخله تكرير السنه الجايه ان شاء الله ......وشكرا ياسمو الامير حببتنى ف القسم جدااااا
ثالثا احب اضيف ودى معلومه خاصه بالبنات شويه ان قسم حفر صعب جداا للبنات كمجال شغل اما تكرير فعمله مريح نوعا ما
رابعا وده رجاء احنا عايزين مناظره كمان بين تكرير وفلزات

[سمو الامير]

وشكرا ياسمو الامير حببتنى ف القسم جدااااا

العفو يا ملاك وهو ده دور المناظرة إنها تكشف الستار عن كل قسم



احنا عايزين مناظره كمان بين تكرير وفلزات

وأنا كمان باضم صوتي لصوتك ويا ريت يكون بسرعة كمان

[bawadylion]

واضـــــــــح أنك مقــرتشـــي المــقدمة كــويس



اصل انا مبعرفش اقرأ خالص!!!!!!!!!!!

[zara]

مناظره فعلا جميله
بس ممكن تعرفنا ياسمو الأمير
هوا قسم تكرير شغله كويس للبنات ولا برضه فيه
حاجات مبيشغلوش فيها بنات يعني تفرقه عنصريه
هو ان شاء الله هدخل تكرير
بس نفسي أعرف ليه دايما بيقولولنا تكرير أحسن قسم للبنات

[سمو الامير]

هوا قسم تكرير شغله كويس للبنات ولا برضه فيه
حاجات مبيشغلوش فيها بنات يعني تفرقه عنصريه

بصراحة معرفش بالظبط هل في تفرقة عنصرية في الشغل ولا لأ
بس متهيألى ان مفيش حاجة تتسبب في ده
لأن أغلب شركات التكريروالبتروكيميا موجودة في السويس واسكندرية والقاهرة ( في المدن عموما ) يعني مش في الصحرا وبكده مفيش مشكلة ان البنات يشتغلوا فيه

دا غير ان في وظيفة اسمها process engineer
وهي عبارة عن ان مهندس التكرير بيجيله ماكينة معينة مثلا تخص مصنع التكرير وهو المسئول عن تشغيلها وصيانتها واعتقد انه مش من الصعب ولا حاجة ان البنات تشتغل في ال processing

بس في الحقيقة انا معرفش بردو كل مجالات العمل وايه منها مش مناسب للبنات
ياريت لو في مهندس تكرير أو مهندسة تكرير هايكون أفضل مني في توضيح المسألة دي


بس نفسي أعرف ليه دايما بيقولولنا تكرير أحسن قسم للبنات

لأنه مريح في الدراسة والشغل عن حفر وفلزات
يمكن دا السبب
لكن إن نظن إلا ظنا
وما نحن بمستيقنيين

نصيحتي ليكي شوفي مهندسة تكرير واسأليها هتوضحلك أكتر
وآسف إذا كنت مقدرتش أفيدك

[zara]

لا شكرا انك اهتميت اصلا ورديت عليا
وعلى العموم خلينا نسيبها على الله وان شاء الله
تكرير يعني مش هرضى بأقل من كده حفر مثلا؟؟

[beckham7]

مين يشهد للعروسة ؟؟؟

ههههههههههههههههههههههههههههه
إيه الاحراج ده
بس بجــــــد رد فى الجـووووووووووووول

[beckham7]

ودا أحسن رأي شوفته لغاية دلوقتي يا باشمهندس معتـــز

تقريبا انت اختصرت المناظرة كلها في كلامك

شكرا جزيلا لك

بالعكس يا سمو الامير - مع احترامى للمشاركة - بس انا شايف انه رأي مش صح
ولو عايز الدليل
راجع المقدمة كويس
وأتأمل معناها ....... أنتا ومعتز
..
..

اثبتلي بالدليل

اااااااااااااااااااااااه
امال انا كل ده كنت عمال احكي فى ايه
أظن ان قسمنا منتصر منتصر و انظر لجميع المشاركات مش المشاركات اللى انصفت قسمك بس

[beckham7]

وشكرا ياسمو الامير حببتنى ف القسم جدااااا
احم احم
.
.
أنتى لازم تــحبيه عشان مقدمكيش غيرة
بس جميل انك تدخل قسم حـــابه


احب اضيف ودى معلومه خاصه بالبنات شويه ان قسم حفر صعب جداا للبنات كمجال شغل

اولا : يــا ريتك ما اتكلمتى
ثانيا :
مش اى كلام تسمعيه تقوليه وخلاص
واعتقد قــدامك بنات من حـــفر من دفعتنا ودفعتك أسأليهم واعتقد حتعرفى الاجابة
وحتكون افضل من ( الملوخية ) اللى انتى قولتيه ده
عشان احنا سبق وسمعنا الاجابة منهم فياريت تروحى تسمعيها افضل

[سمو الامير]

بالعكس يا سمو الامير - مع احترامى للمشاركة - بس انا شايف انه رأي مش صح

وجهات نظر وكل واحد بيبص للموضوع من ناحية معينة

وأنا شايف إنه وفر عليا كلام كتير كنت عاوز اقوله

إن المشكلة في إن كل واحد فينا شايف نفسه هو وبس الصح


اااااااااااااااااااااااه
امال انا كل ده كنت عمال احكي فى ايه
أظن ان قسمنا منتصر منتصر و انظر لجميع المشاركات مش المشاركات اللى انصفت قسمك بس

يا سلام
طب مانا اقولك بص للمشاركات كلها مش المشاركات اللى نصفت قسمك بس بردو

وهتلاقي تكرير هو المنتصر :)

[beckham7]

اصل انا مبعرفش اقرأ خالص!!!!!!!!!!!

ااااااااه واضح من اسلوب كلامك انك عـــاوز تتــخــانق
بس حقولك ايه
اللى على راســـــه بـــطحــة

[سمو الامير]

ههههههههههههههههههههههههههههه
إيه الاحراج ده
بس بجــــــد رد فى الجـووووووووووووول

ميرسي خالص دا بس من ذوقك يا حبي

[beckham7]

يعني تفرقه عنصريه


نفسي أعرف ليه دايما بيقولولنا تكرير أحسن قسم للبنات

عشــــأن علطول البنات بيطلعوا معيدات فى القســـم ده - مش الولاد
..
..
واظن سمو الامير يعرف النقطة دى احسن منى

[سمو الامير]

عشــــأن علطول البنات بيطلعوا معيدات فى القســـم ده - مش الولاد
..
..
واظن سمو الامير يعرف النقطة دى احسن منى

دا شيئ طبيعي لأن الولاد بيحبوا الشغل في الشركات وبيفضلوه على المشوار الأكاديمي

من معيد وبعدين يعمل ماجستير ودكتوراه وخصوصا إن الشغل كمعيد - على حسب معلوماتي - فلوسه مش كتير

والشباب عاوزين يكونوا نفسهم وبيدوروا على الحاجة اللى تبني لهم مستقبلهم بسرعة

ولو كان قسمكم بيقبل بنات أيام زمان

كان زمان أغلب اللى بيتعينوا ( معيد ) في حفر .... >>> بنـــات

[beckham7]

مش كده وبس يا سمو الامير
عـــشــان كمـــان فى دكتور معين بيفــضل البنـــات وبيديــهم اعلى تـــقديـــــرات
مع ان ممكن يكون في ولاد احــــســـن منها
واظن انـــتـــا عارف كده كويس

[سمو الامير]

مش كده وبس يا سمو الامير
عـــشــان كمـــان فى دكتور معين بيفــضل البنـــات وبيديــهم اعلى تـــقديـــــرات
مع ان ممكن يكون في ولاد احــــســـن منها
واظن انـــتـــا عارف كده كويس


ههههههههههههههههههههه

No Comment

[bawadylion]

ااااااااه واضح من اسلوب كلامك انك عـــاوز تتــخــانق
بس حقولك ايه
اللى على راســـــه بـــطحــة


انا عاوز اتخانق!!!!!
على فكرة انا مش عجبني اسلوبك حتى على الرد على الكلام
اسلوبك كلة استهزاء وكلام ملوش لزمة
ومش حردة عليك والله
مناظرة قال!!!!!!!!!!
ههههههههههههه

[beckham7]

مناظرة قال!!!!!!!!!!
ههههههههههههه

مين بقا اللى بيستهزأ
.
.
وانا على فكرة ردي عادى جدا عليك بس انتا اللى رديت رد عجيب فى الاول
( انا اللى مش بعرف اقرا )
ده واضح منه انك زعلت مع ان كلامى فى الاول مفهوش اى حاجة خالص
ع العموم شكرا لمشاركتك

[bawadylion]

مين بقا اللى بيستهزأ
.
.
وانا على فكرة ردي عادى جدا عليك بس انتا اللى رديت رد عجيب فى الاول
( انا اللى مش بعرف اقرا )
ده واضح منه انك زعلت مع ان كلامى فى الاول مفهوش اى حاجة خالص
ع العموم شكرا لمشاركتك

عادي يا بيكهام احنا اصحاب في كلية واحدة
وانا مزعلتش ولا حاجة لكن انا حسيت في شوية استهزاء
لكن قشطة ياعم

[yaso]

فكرة المناظرة روعه

بس سمو الأمير كلامه مرتب ومقنع وارشحه منتصر في المناظره دي
وخلتني احب قسم التكرير

[سمو الامير]

بس سمو الأمير كلامه مرتب ومقنع وارشحه منتصر في المناظره دي
وخلتني احب قسم التكرير


اشكرك يا yaso

بجد فرحتني بردك الجميل ده

.............

ها يا بيكهام ؟

لسه معتقد ان قسمك هو الفايز ؟؟؟؟؟؟؟؟؟؟؟؟؟؟

[abdlrahman90]

بالنسبة للسؤال الثــالث
...
..
ليه اجابتين مختلفين خالص عن بعضهم
..
فى ناس معندهمشي وقت خالص للكلام الفارغ بتاع القراية والانشطة اللى انتا بتقوله ده
وأنـــصحك تقرا موضوع ( شاب الحفر استايل ومعاه موبايل ) حتلاقى فعلا اللى بيحصل بالظبط من مجموعه مش قليلة فى قسمنا .... زى النوم بأسكيل - المذاكرة فى الحمامات - تخليص المناهج وحاجات من دى كتير عمرك ما تتصورها بتحصل بجد مش هزار
..
ومن النقطة دى بنصح اى حد ناوى تدخل حفر ..أنتا حتقابل ناس من النوعية دى كتير... ف ياريت لو انتا من النوع اللى بيتعقدوا بسرعه بلاش تدخل حفر ليجيلك زبحة او جلطة من العمايل اللى بتحصل دى
بس ده مش بيروح فراغ ..وده اعتقد السبب فى ان تقديرات قسم حفر علطول مرتفعه عن اى قسم
..
..


اهو ده من اسوا الحاجات فى قسم حفر الصراحة

[abdlrahman90]

بالتأكيد لأ
أولا لأني لما اتعرفت على تخصصي اكتر حبيته وفرحت اني دخلته
ثانيا إني لما اكون داخل في قسم أنا من الأوائل عليه أحسن من إني اكون آخر واحد في القسم
ثالثا إن قسم حفر مينفعش ليا لأسباب وضحتها قبل كده

الصراحة انت اقنعتنى جدا فى الجزئية ديه خاصة انت لما تكون داخل قسم انت من الاوائل عليه اكيد هتكون فرصتك فيه احسن بكتير

[abdlrahman90]

الصراحة يا جماعة فكرة المناظرة ديه فكرة كويسة جدا
والصراحة برده ان كل قسم من الاتنين ليه مميزات وعيوب بعيدا عن سوق العمل لان الشغل ده حاجة بتاعة ربنا ورزق مهما كان بل انا شايف ان هناك عيب كبير فى قسم حفر وهو انه يشتغل فى شركات بترول وبس وعلى الحفار كمان عكس بتوع تكرير بالذات اللى ممكن يشتغلوا فى اكتر من مجال
بس الصراحة الاتنين بيتكلموا بموضوعية كبيرة جدا وردور مقنعة وانا شايف ان ده احسن موضوع فى المنتدى

[AbdoHolmez]

بجد انا اكتر فرحااااااااااان جدا بان موضوع المناظرة ده لقي صدي كبير جدااااا عند الناس وفى ناس كتيييييييير عجبتهم الفكرة واستفادوا فعلا وانا والله اولهم
واظن ان الاسبوع قرب يخلص وانتظروا المناظرة الجديدة هتبقي بين فلزات وتكرير
وجارى دعوة عضو من اعضاء فلزات

[سمو الامير]

وجارى دعوة عضو من اعضاء فلزات

وشوفلك حد تاني من تكرير

عشان أنا كده خلصت مهمتي

هههههههههههههههه

[AbdoHolmez]

لا ازاى هههههههههههههههههههه
انت بتهرب من المعركة ولا ايه يا سمو الامير ؟؟؟؟؟؟؟؟؟؟؟؟؟؟؟؟

[سمو الامير]

انت بتهرب من المعركة ولا ايه يا سمو الامير ؟؟؟؟؟؟؟؟؟؟؟؟؟؟؟؟

لا مش بهرب

بس مش هيبأي لمشاركتي في مناظرة جديدة عن تكرير فايدة

أصلي قولت كل اللى اعرفه عن القسم فهيبأي كلامي متعاد وهايفقد حماسته

ومتحاولش تثبتني بالكلام ده يا عبده

بتكلم بجد شوف حد تاني تكرير عشان يبقي في جديد

وإلا هاتبقي المناظرة ملل x ملل

[سمو الامير]

الصراحة انت اقنعتنى جدا



الاتنين بيتكلموا بموضوعية كبيرة جدا وردور مقنعة وانا شايف ان ده احسن موضوع فى المنتدى

بجد أنا سعيد بمشاركتك واختيارك للمناظرة انها أحسن موضوع

دا معناه إننا - بفضل الله - قدرنا نوضح لكم الفروق ما بين القسمين وهو ده هدف المناظرة

بصرف النظر عن مين اللى فاز ومين خسر

بس اعتقد إنها مناظرة ناجحة لأنها حققت هدفها

واحنا الاتنين فايزين

شكرا جزيلا لكل من ساهم في الموضوع

واتمني أكون قدرت أمثل قسمي بالشكل اللى يليق بيه

تقبلوا تحياتي واحترامي

سمو الامير

[beckham7]

عادي يا بيكهام احنا اصحاب في كلية واحدة
وانا مزعلتش ولا حاجة لكن انا حسيت في شوية استهزاء
لكن قشطة ياعم

قشطة يا باشــا منتظرين مشاركات اكتر منك
مع كامل شكري ليك
..
ع فكرة شكلك مش غريب عليا خالص تقريبا اعرفك لو شوفتك اكيد حقولك

[beckham7]

فكرة المناظرة روعه

بس سمو الأمير كلامه مرتب ومقنع وارشحه منتصر في المناظره دي
وخلتني احب قسم التكرير

1 - 0 يا سمو الامير .....لسه المتش مخلصشي

[سمو الامير]

1 - 0 يا سمو الامير .....لسه المتش مخلصشي

عاوز تمشيها بالتصويت ولا ايه ؟
أنا موافق بشرط

محدش من اللى يصوتوا يكونوا حفر أو تكرير

و yaso

لسه داخل اعدادي يعني محايد

[beckham7]

اهو ده من اسوا الحاجات فى قسم حفر الصراحة

رأي لازم أحترمه
بس فى ناس بيعجبهم ده ولا ايه

[beckham7]

عاوز تمشيها بالتصويت ولا ايه ؟
أنا موافق بشرط

محدش من اللى يصوتوا يكونوا حفر أو تكرير

و yaso

لسه داخل اعدادي يعني محايد

انا موافق
ويـــا ريت اللى يدخل يقول اقنع بأنهى قسم
بس على شرط
من دفعه اعدادى اللى داخلين فقط

[abdlrahman90]

بجد أنا سعيد بمشاركتك واختيارك للمناظرة انها أحسن موضوع

دا معناه إننا - بفضل الله - قدرنا نوضح لكم الفروق ما بين القسمين وهو ده هدف المناظرة

بصرف النظر عن مين اللى فاز ومين خسر

بس اعتقد إنها مناظرة ناجحة لأنها حققت هدفها

واحنا الاتنين فايزين

شكرا جزيلا لكل من ساهم في الموضوع

واتمني أكون قدرت أمثل قسمي بالشكل اللى يليق بيه

تقبلوا تحياتي واحترامي

سمو الامير

الف شكر ياباشا وانا كمان اكيد سعيد بده

[abdlrahman90]

رأي لازم أحترمه
بس فى ناس بيعجبهم ده ولا ايه

اكيد ههههههههههههههههههههههههه

[beckham7]

يـــــأ ريت يا جماعه اللى اقنع بقسم حفر او قسم تكرير يقول فى مشاركته عشان تحدد مين القسم اللى فاز فى المناظرة دى
وانا منتظر ردودكم

[ابن القيم]

انـتـهــت الـمـنـاظــرة

[abdlrahman90]

مين طب اللى فاز وعايزين بقى تكرير وفلزات او الاقسام المهجورة زى مناجم وجيولوجيا

[سمو الامير]

مين طب اللى فاز

هو عموما المناظرة مفيهاش فوز وخسارة

المهم انها تكون نجحت في كشف الستار عن كل قسم وتوضيح الفروق بينهم

بعد كده كل واحد يقرا الموضوع ويشوف ميوله لأي قسم بالظبط حفر أو تكرير ومين هيناسب قدراته وامكانياته اكتر من التاني

لكن احنا كنا بنتكلم عن الفوز وكده من باب الهزار مش أكتر

[abdlrahman90]

هههههههههههههه اكيد انا عارف ماشى

[bawadylion]

يا جماعة طبعا تكرير احسن لانة قسم ظريف وبحس انة حلو كدة وروشنة
مش كل حاجة مذاكرة مذاكرة
في امور دنياوية لازم نهتم بيها
حرااااااااااااااام زهقتونا في عشتنا يا حفرجية والله
وعلى فكرة اانا في جيولوجيا وكان متاحلي اقسام تانية
لكن انا حابب قسم جيولوجيا
وكبعا من اسمة انتم عارفين مميزاتة وعيوبة

[ابن القيم]

للإفادة

حتي يتعرف طلبة اعدادي علي الأقسام

ويقارنوا بينها

[AbdoHolmez]

هههههههههههههه المناظرة اتعملت وخلصت من زمان يا احمد هههههههههههههههه

اقرا الصفحت الاولى من الموضوع
مناظرة بجد روووعه

[SleeplessHeart]

عمران شكله نايم

ههههههههههههههههههههههههههههه

[SleeplessHeart]

ههههههههههههههههههههههه

كويس انك فوقت من الغيبوبة بتاعتك دي

ههههههههههههههههههههههه

[Ahmed Omran]

ظنون واحتمالات ...بل أوهام....هايجيبوا بترول منين...طبقات الأرض اشتكت



والدفعة 2004و2003و2002و2001و2000 لسه مشتغلوش في مجالات ترضيهم لحد دلوقتي...الدنيا حظوظ....
لكن حفر علي طول تحت الطلب زي الجيش كده.....
هههههههههههههههههههه

كلام زى الفل يا بشمهندس بكرى بس هو انت شغال ف صميم مجالك ؟؟؟

[Ahmed Omran]

مهو لو مش هايكون في شغل لتكرير في السنين الجاية - لا قدر الله - يبقي من البديهي جدا إن مفيش شغل لحفر بردو
يعني جملة

هاتبقي


ولا ايه ؟؟؟


افضل رد يا سمو الامير صح انا مش عارف الطبيعى ان لو البترول خلص هما اللى ها ينتهوا الاول

[Ahmed Omran]

[quote=beckham7;25600]بالنسبة للسؤال الثــالث
...
..
ليه اجابتين مختلفين خالص عن بعضهم
..
فى ناس معندهمشي وقت خالص للكلام الفارغ بتاع القراية والانشطة اللى انتا بتقوله ده
وأنـــصحك تقرا موضوع ( شاب الحفر استايل ومعاه موبايل ) حتلاقى فعلا اللى بيحصل بالظبط من مجموعه مش قليلة فى قسمنا .... زى النوم بأسكيل - المذاكرة فى الحمامات - تخليص المناهج وحاجات من دى كتير عمرك ما تتصورها بتحصل بجد مش هزار


عمر ما كانت القراءة والنشاطات دى كلام فارغ
النشاطات دى بتطلع مواهب يا بكهام

[Ahmed Omran]

كل اللى اقدر اقوله بعد المناظرة الجامدة دى انه كل اقسام الكلية بتكمل بعض وانه ما فيش فرق بين حفر ولا تكرير وبل فلزات لانهم كلهم بيدورا ف دايرة واحد اسمها البترول
بس انا سعيد الحمد لله ان انا ف تكرير وشايف ان ما فيش قسم احسن منى ف الكلية
انا صحيح كنت ها اموت ع القسم خاصة انى جايب75.5
بس لما دخلت تكرير حمدت ربنا ع اختياره ليا

[misho]

ما تحاولش يا عبده حفر ثم حفر ثم حفر
السبب اللى يخلى الطالب يفضل قسم حفر هو نفس السبب الل خلاه يسيب بلده و يجى هندسة بترول (الفلوس)

[Ahmed Omran]

ما تحاولش يا عبده حفر ثم حفر ثم حفر
السبب اللى يخلى الطالب يفضل قسم حفر هو نفس السبب الل خلاه يسيب بلده و يجى هندسة بترول (الفلوس)



يا ابنى دة رزق ها تاخده لو انت شغال غفير ربنا يوفقك

[momoo]

بيكهام مش معبر سمو الامير هههههههههههههه:laughing at::laughing at::laughing at:

[wa7d]

انا لسه مخلص اعدادى ومحتار بين تكرير وفلزات ارجو من سمو الامير تفيدنى لأنى سمعت ان مرتبات تكرير قليلة وان مرتبات فلزات اكبر ومش عارف الكلام ده صح ولا لأ ؟ ياريت توضحلى هل فعلا تكرير مرتباتها قليلة ....يعنى بتبقى فى حدود كام بالظبط ..شكرا جزيلا واتمنى الاقى عندك جواب

[beckham7]

انا لسه مخلص اعدادى ومحتار بين تكرير وفلزات ارجو من سمو الامير تفيدنى لأنى سمعت ان مرتبات تكرير قليلة وان مرتبات فلزات اكبر ومش عارف الكلام ده صح ولا لأ ؟ ياريت توضحلى هل فعلا تكرير مرتباتها قليلة ....يعنى بتبقى فى حدود كام بالظبط ..شكرا جزيلا واتمنى الاقى عندك جواب



أحــنـــا أتكلمنا عن المرتــبــات فى المناظرة
ممكن تتطلع عليها بنفسك
بالاضافة لمجالات الشغل

[سمو الامير]

انا لسه مخلص اعدادى ومحتار بين تكرير وفلزات ارجو من سمو الامير تفيدنى لأنى سمعت ان مرتبات تكرير قليلة وان مرتبات فلزات اكبر ومش عارف الكلام ده صح ولا لأ ؟ ياريت توضحلى هل فعلا تكرير مرتباتها قليلة ....يعنى بتبقى فى حدود كام بالظبط ..شكرا جزيلا واتمنى الاقى عندك جواب


فيه شركات مرتبات تكرير فيها قليلة

وفيه شركات مرتبات فلزات فيها قليلة

والعكس فيه شركات تانية مرتبك فيها كبير

يعني الموضوع نسبي مش مطلق

بس الحاجة الوحيدة اللى انا متأكد منها

سواء كنت هنا أو هنا

إن طالما أنت فاهم تخصصك كويس

هتلاقي فرص عمل ممتازة ان شاء الله

نصيحتي ليك شوف الدراسة اللى أنت حاببها وادخلها واتفوق فيها

وهتلاقي اللى أنت عاوزه ان شاء الله

[wa7d]

أحــنـــا أتكلمنا عن المرتــبــات فى المناظرة
ممكن تتطلع عليها بنفسك
بالاضافة لمجالات الشغل
انا فعلا قريت المناظرة كلها بس موضوع المرتبات ده محدش اكد اذا كانت قليلة ولا معقولة...كنت محتاج اجابة محددة ...وشكرا

[wa7d]

فيه شركات مرتبات تكرير فيها قليلة

وفيه شركات مرتبات فلزات فيها قليلة

والعكس فيه شركات تانية مرتبك فيها كبير

يعني الموضوع نسبي مش مطلق

بس الحاجة الوحيدة اللى انا متأكد منها

سواء كنت هنا أو هنا

إن طالما أنت فاهم تخصصك كويس

هتلاقي فرص عمل ممتازة ان شاء الله

نصيحتي ليك شوف الدراسة اللى أنت حاببها وادخلها واتفوق فيها

وهتلاقي اللى أنت عاوزه ان شاء الله
اجابة جميلة وفعلا كلامك منطقى جدا وكلامك فعلا يطمن....الف شكر وربنا يوفقنا جميعا

[taha123]

عمر ما كانت القراءة والنشاطات دى كلام فارغ
النشاطات دى بتطلع مواهب يا بكهام
[/quote]

طيب يا احمد انت شايف ان احنا ما عندناش وقت للبلاى استاسن
حبيبى

[taha123]

بس انا سعيد الحمد لله ان انا ف تكرير وشايف ان ما فيش قسم احسن منى ف الكلية

مش انت اسمك احمد ازاى تبقى سعيد هههههههههههههههههههه:laughing at:

[ahmed petrol]

يا حماعه انا داخل اولى السنه دى وجالى جيولوجيا بس اناهدخل مميز ان شاء الله يا ريت حد يبين لى مميزات زعيوب القسم ده

[beckham7]

يا حماعه انا داخل اولى السنه دى وجالى جيولوجيا بس اناهدخل مميز ان شاء الله يا ريت حد يبين لى مميزات زعيوب القسم ده



اللى اعرفه عن مميز انهم بياخدوا حفر على جــولوجيــا

والامكانيات ممــتازة من حيث تجهيز القاعات والسكاشن والعملى

بالاضافة لأختيار دكاترة متميزين جدا جدا لكل ماده



لكل محدش لسه اتخرج من القسم ده
وده اللى اقدر اقيدك بيه

وربنا يوفقك

[first knight]

القسم المميز دة بفلوس ولا اية شكلة يفلوس عايز رد بسرعة الله يخليكو

[MICHEAL OWEN]

القسم المميز دة بفلوس ولا اية شكلة يفلوس عايز رد بسرعة الله يخليكو
بفلوس كتير تقريبا من 15 الى 18 سنويا:rich:

[pulldozer]

هوا كليتنا مفيهاش الا حفر وتكرير ولا ايه

احنا عاوزين كل الاقسام تاخد حقها

[طائري شاغلي]

انا طالب في اعدادي
وبصراحه انا اقتنعت بكلام سمو الامير جدا وحبيت قسم تكرير :election:

[ahmed younis]

تحية لسمو الأمير من يونس

[امير احمد]

كنت عاوز اضيف حاجة
..
- بالنسبة لفرص الشغل فهيا متوفرة برضه والحمد لله وكله طبعا فى الاول وفى الاخر بمشيئة الله
- معامل التكرير محدودة فى مصر ع فكرة
- احنا عندنا 71 شركة اونر ( او شركة مالكة ) وعدد لا نهائى شركات سرفيس
- المرتبات فى بعض الشركات بتوصل ل 100 و150 دولار يوميا فى شركات الماضmud والكاسنج casing
- على اللى سمعته مرتبات تكرير قليلة بالنسبة لحفر
عندك حق يا بيكهام
شركات الmud كده واكتر
بس عايز اقوللك حاجه
شركه الmud والرفيس
بيشتغل فيها جيولوجيا بردوا علوم وهندسه
وانا اعرف واحد خريج علوم جيولوجيا شغال mud enggineer
يعنى مش حفر بس

[veky girl]

انا موافقة عالموضوع دة وبقيدة جدا لانة لة مزايا حلوة كتيررررررررررررررر

[neweshy]

الفكرة جامدة

[اسماعيل سالم]

ياجماعة انا ماليش في الحفظ بس انا نفسي ادخل قسم حفر هل هو فيه حفظ اكتر من تكرير

[beckham7]

وهوا ده سؤال برضه :smile (129)::smile (129):

[ابن القيم]

ياجماعة انا ماليش في الحفظ بس انا نفسي ادخل قسم حفر هل هو فيه حفظ اكتر من تكرير

اتوكل علي الله وادخل حفر

[MnsmaK]

ياجماعة انا ماليش في الحفظ بس انا نفسي ادخل قسم حفر هل هو فيه حفظ اكتر من تكرير

يا عم توكل على الله واعمل زيي وادخل فلزات
هتستريح من الحفظ والفهم كمان
ههه بهزر
بس واحنا فى سنة أولى كان قسمنا أكتر قسم مريح

[Behary]

انا طالب لسه هدخل اعدادي وبصراحه المناظره فكرتها جمبله
بس ليه يعني ف مشادات بين الاعضاء ع الماشي كده ف كل المواضيع عايزين سعه صدر شويه لبعضنا
وانا شايف ان مادام حفر هو الاعلي ف التنسيق لازم اعمل علشان اجيب درجته واما اكون مالك كل حاجه ابقي اقرر يعني المناظره دي لن تفيد اي حد مجبر ع قسم معين فلازم اتيح لنفسي فرصه الاختيار واركز ع حفر
مجرد رأي