لو كنت طالب جديد تعالى هنا تتعرف على زملائك

[yaso]

بسم الله الرحمن الرحيم
السلام عليكم ورحمة الله وبركاته

هنا حنتعرف وحنكون أصدقاء
اكتب اسمك وبلدك واي معلومه تانيه تحب نعرفها عنك

وده طبعا للطلاب الجدد في هندسة البترول بس !}{+_) وان شاء الله تكون سنة سعيدة

وانا حبدأ

الاسم : ياسر كمال محمد
بلدي : دمنهور
هواياتي : الكمبيوتر والانترنت والتصميم والشعر

[MOHAMED EL_BARKY]

الأسم : محمد صبحى فهمى البرقى
بلدى : بركة السبع / المنوفية
هواياتى : هى لعبة ping pong وقراءة الكتب العلمية والانترنت و

[tool]

بسم الله الرحمن الرحيم
انا محمد كرم طالب جديد انا عايز اعرف معاد تقديم اوراقى للجامعه امتى والمصاريف كام للجامعه والكتب كام والمدينه الجامعيه كام فلوس وشكرا*/

[fadybox]

فادى بوكس المنصورة هوايتهى هى لعبتى المفضلة الملاكمة ياريت فعلا نكون اصحاب لانى عاوز اسالكم حاجات كتيييييييييير قوى

[جدxجد]

واحنا يسعدنا ان تبقى هذه الصفحه لكل طالب فى هندسه البترول

[MOHAMED EL_BARKY]

شكرا لكم وياريت تكتبوا ايميلاتكم

[elzaim111]

بسم الله الرحمن الرحيم
انا محمد كرم طالب جديد انا عايز اعرف معاد تقديم اوراقى للجامعه امتى والمصاريف كام للجامعه والكتب كام والمدينه الجامعيه كام فلوس وشكرا*/

ده انت طلباتك كتير قوي
لو جالك الجواب روح قدم ورقك دلوقتي
المصاريف حوالي 170
الكتب لسه هتعرف لما السنة تبدأ و كل مادة لوحديها
المدينة بتسحب الورق من فيصل ب 50
و اي طلبات انا في الخدمة
.
و تقبل تحياتي
احمد جمال

[ahmed e]

فادى بوكس المنصورة هوايتهى هى لعبتى المفضلة الملاكمة ياريت فعلا نكون اصحاب لانى عاوز اسالكم حاجات كتيييييييييير قوى

ازيك فادى انا احمد زميلك فى اولى السنادى ان شاء الله ومن طنطا ممكن تعرفنى على نفسك اكتر على فكره انا بلعب بوكس برده وياريت تقولى انت فى نادى ايه؟اااه وياريت انت مواليد كام؟

[جمال عبد الناصر]

ياريت لو فى حد من بنها معانا علشان نتعرف
علشان مبقاش وحييييييييييييييييييد

[yaso]

واحنا يسعدنا ان تبقى هذه الصفحه لكل طالب فى هندسه البترول
شكرا لكي أريج البهجه وشكرا على تثبيت الموضوع


ده انت طلباتك كتير قوي
لو جالك الجواب روح قدم ورقك دلوقتي
الجواب ده كان زمان دلوقتي التقديم ببطاقة الترشيح الي طبعتها من على النت
أنا اتصلت بالكليه وقالوا كده


ياريت لو فى حد من بنها معانا علشان نتعرف
علشان مبقاش وحييييييييييييييييييد
احنا معاك ، ما تقلق لن تكون وحيد

وشكرا للجميع على الاهتمام بالموضوع

[elzaim111]

شكرا لكي أريج البهجه وشكرا على تثبيت الموضوع


الجواب ده كان زمان دلوقتي التقديم ببطاقة الترشيح الي طبعتها من على النت
أنا اتصلت بالكليه وقالوا كده


احنا معاك ، ما تقلق لن تكون وحيد

وشكرا للجميع على الاهتمام بالموضوع

يا راااااااااااااااجل
طب ما انا عارف انا اقصد الورقة اللي طبعها من علي النت ما هي جواب برضو
ومشكور لاضافاتك للموضوع

[El sWeeFe]

يا راااااااااااااااجل
طب ما انا عارف انا اقصد الورقة اللي طبعها من علي النت ما هي جواب برضو
ومشكور لاضافاتك للموضوع
اسلام سيد السويفي من بني سويف هواياتي السباحة والملاكمة والقراءة والمشي وحاجات تاني كتيرررررررررررررررر بجد انا زادني شرف اني اتعرفت على ناس زي العسل زييكوا ويارب نكون كلنا اخوات واصحاب دايما يا رب ونقضي سنة سعيدة مع بعضناااااااااااااااا كلنااااااااااااااااااااااااا سلام يا حبااااااااااااااايب

[El sWeeFe]

اسلام سيد السويفي من بني سويف هواياتي السباحة والملاكمة والقراءة والمشي وحاجات تاني كتيرررررررررررررررر بجد انا زادني شرف اني اتعرفت على ناس زي العسل زييكوا ويارب نكون كلنا اخوات واصحاب دايما يا رب ونقضي سنة سعيدة مع بعضناااااااااااااااا كلنااااااااااااااااااااااااا سلام يا حبااااااااااااااايب

[elshebly]

اهلا يا جماعة انا محمد الشبلى معاكم السنة دى عاوزين نبقى ان شاء الله احسن دفعة

[MR_CREative59]

انا محمود شحاتة من القاهرة ( مدينة نصر )

الهوايات: الجرافيكس وتصميم المواقع وبنائها وأي حاجة ليها علاقة بالكمبيوتر :hungry:

[El sWeeFe]

اول حاجة السلام عليكم دي تحية الاسلام انا بس كنت عايز اضيف اضافة صغيرة من غير ما اضايق اي حد فيكوا والله اتمنى ميزعلش حد مني يا جماعة مش علشان واحد غلط كلكم تردوا عليه وتهزقوا بعضكم احنا مش عيال صغيرة يعني لو واحد غلط يبقى بيغلط في نفسه الاول قبل ما يغلط فينا ده اللي انا اعرفه ولما هوه بيغلط في نفسه يبقى هوه حر احنا منردش عليه وبعدين احنا زعلنا علشان واحد غلط فينا طيب ليه مش بنزعل لما المصحف يداس في الارض من اليهود وغيرهم وعموما والله العظيم انا اسف لو ضايقتكم بكلامي ده انا بحبكم اوي وربنا وحدة اللي يعلم اعرفكم بنفسي اسلام سيد السويفي اعدادي السنة دي معاكو ان شاء الله اتمنى كل واحد يعرفني بنفسه اكتر سلاااااااااااااااااااااااام

[frenzy55]

[b]اتشرفت بمعرفتكم انا اخوكم مينا سمير السنة الاعدادية في كلية الهندسة احب اتعرف بيكم اكتر في الجامعة

[Seif El-Eslam]

أسمى/ سيف الإسلام إبراهيم حجازى (طالب إعدادى فى هندسة البترول)
بلدى / المحلة الكبرى (كلكوا عارفنها)
بأحب الشطرنج و الرسم و الكورة شويه وبلعب "جودو"

[Silent Hell]

حبيبي يا ياسو , انت عارفني طبعا بس احب اعرف بقية الزملاء عليا
ايهاب عبدالرحمن نصار
المنوفية
اعدادي
هواياتي : الانترنت , الشطرنج , .... حاجة تانية كده اقولها بعدين!
باي

[yaso]

أهلا يا ايهاب

[Silent Hell]

الحاجة التانية اللي بحبها اوى و تعتبر اهم هواياتي هي السيارات

[فلوريندا]

بسم الله الرحمن الرحيم
انا اسمى فلوريندا <الشهره طبعا> انا فى اولى علوم نظام حديث ساعات معتمده منالاسماعيليه وقسمى رياضيات

[ميدو90]

بسم الله الرحمن الرحيم
انا اسمى فلوريندا <الشهره طبعا> انا فى اولى علوم نظام حديث ساعات معتمده منالاسماعيليه وقسمى رياضيات

اهلا بيكي نورتي المنتدي ويارب تستفيدي وتفيدي المنتدي

[كريم الباشا]

اهلا بيكى فلوريندا معانا
نتمنى ان تستفيدى معنا

[sadma]

هااااااااااااااااااااااااااي
اسمي (sadma) مش الحقيقي طبعا
كلية علوم عين شمس
سنة 2
قسم بيولوجي
وان شاء الله هحول السنة اللي جاية السويس
ادعوووووووووووولي انجح صافي عشان اعرف احول و فرق المواد مش يبقي كتييييييييير

[ميدو90]

اهلا بيكsadma نورت المنتدي وان شاء الله تنجح وتحول

[كريم الباشا]

اهلا بيك يا sadma معانا
نورت المنتدى وان شاء الله تكون اضافة للمنتدى

[ahmed gaber]

السلام عليكم
أنا طالب في ثانوى و من السويس
و عاوز اعرف
هل من الممكن ادخل هندسة البترول و انا مجموعى يجيب هندسة عادية ؟
من فضلك رد عليا بسرعة
و شكرا
:musician:

[SleeplessHeart]

اها تقدر اكيد

[بوسي دياب]

هاي انا اعدادي بترول وعايزه اعرف لو في بنات داخلين معايا وميرسي

[elsaftynour]

5بنات ان شاء الله يا بوسى
و اكيد انتى واحده منهم يعنى هيزيدوا يبقوا 4

[بوسي دياب]

معلشي يعني هي الدفعه كلها فيها 5 بنات امال كام ولد

[midosaid]

معلشي يعني هي الدفعه كلها فيها 5 بنات امال كام ولد

الدفعة تقريبا فيها تمن او تسع بنات

[midosaid]

نسيت اعرفكم بنفسي انا محمد من كفر الشيخ
طبعا داخل اعدادي
وهوايتي الانترنت وكرة القدم بينج بونج بلياردو بلايستاشن
واي لعبة تخطر في بالكم:laughing at:

[catch my mind]

معلشي يعني هي الدفعه كلها فيها 5 بنات امال كام ولد

احنا دفعتنا كانت 53 بنت
معظمهم من السويس لأنهم بيدخلوها بمجموع الهندسة العادية

[بوسي دياب]

طب مخدش يعرف قسم حفر ده ولاد بس ولا ممكن بنات تدخله لو خد يعرف بليز يرد عليه وميرسي في جميع الحالات

[catch my mind]

طب مخدش يعرف قسم حفر ده ولاد بس ولا ممكن بنات تدخله لو خد يعرف بليز يرد عليه وميرسي في جميع الحالات

قسم حفر كان محرم على البنات قبل سنة 2006
لكن بعديه بقا من حق أي بنت انها تدخله طالما جابت مجموعه
الدفعة اللي قبلينا دخلوا بنتين
و ف دفعتنا , 3 بنات جابت مجموعه , و من حقهم انهم يدخلوه , لكن الاختيار في إيدهم
بس في نقطة لازم تكون واضحة ان القسم دة مرهق جدا بالنسبة للبنات من ناحية المجهود البدني لأن شغله بيكون في المناطق النائية زي الصحرا أو في عرض البحر , لكن الحكومة خلت من حقهم دخوله على سبيل المساواة مش أكتر
و الدفعة اللي قبلينا دخلوا بنتين

[بوسي دياب]

ميرسي ميرسي ميرسي ميرسي مووووووووووووووووت انت بجد ريحتني موت ميرسي كتير

[catch my mind]

ميرسي ميرسي ميرسي ميرسي مووووووووووووووووت انت بجد ريحتني موت ميرسي كتير

لا شكر على واجب

رمضان كريم

[midosaid]

طب مخدش يعرف قسم حفر ده ولاد بس ولا ممكن بنات تدخله لو خد يعرف بليز يرد عليه وميرسي في جميع الحالات

يعني هيا البنات سابت حاجه ما دخلتهاش
جت يعني على قسم حفر :laughing at:

[بوسي دياب]

ده ليه الاضطهاد ده وبعدين شوفت يعني البنات دخلوا حربيه وبحريه
دي هندسه عادي يعني لسه برضوا في حاجات كتير مش دخلناها:hooooos:

[ELGAZAAR]

على كده لو قامت حرب هنخلى البنات تحارب وتقعد الرجال فى البيت تدعى

[بوسي دياب]

وايه المشكله علي الاقل البنات مضمونين يفوزوا ومش هيهربوا علي الاقل من اول قلم :laughing at:

[CRISTIANO RONALDO]

وايه المشكله علي الاقل البنات مضمونين يفوزوا ومش هيهربوا علي الاقل من اول قلم :laughing at:
هيفوزوا طيب انتوا اخركم بيت الزوجية وتربى الاولاد
وبالنسبة لو عايزة تدخلى قسم حفر لو انتى دحيحة لا قدر الله مش لازم تشتغلى فى الصحرا زى فيلم للرجال فقط ممكن اوى تشضتغلى اوفس فى مكاتب والشركات معظمها فى القاهرة
ويا ريتى ان شاء الله تركزى فى بداية الدراسة لانها اهم
وسيبك من عدد البنات والولاد دى مسائل فرعية المهم رغبتك فى الدراسةواثبات ذاتك

[بوسي دياب]

مين اللي اخره البيت ولااولاد يا بني هو احنا في العصر الحجري احنا في القرن الواحد وعشرين ولو عايز شغل مكاتب واداري كنت دخلت هندسه عاديه علي الاقل كان ممكن ابقي معيده واسهل حتي وبعدين انا مش دحيحه ومش مشكله عندي لو مش دخلت حفر بس مش تبقي هي ممنوعه انا مش ادخلها حاجه وتبقي محرمه وممنوعه حاجه تانيه وموضوع الولاد والبنات ده بس للفضول مش اكتر سواء كانت الدفعه كلها ولاد او بنات مش فارقه

[CRISTIANO RONALDO]

مين اللي اخره البيت ولااولاد يا بني هو احنا في العصر الحجري احنا في القرن الواحد وعشرين

شكلك مش واقعية يا بوسى
انا عارف والله اننا والحمد لله سبقنا عصرنا ودخلنا القرن ابو واحد وعشرين بس الست زى ما هى بتتزوج وتنجب اطفال وتربيهم بصرف النظر عن مهنتها وممكن زوجها يرفض انها تشتغل وتتفرغ لاطفالها
على فكرة تربية الاطفال وجعل منهم شباب وبنات صالحين افضل من انى اشتغل بعد ما اتخرج
واكون موظفة زى ما اروح زى ما ارجع

وبصرف النظر عن الاختلافات فى وجهات النظر اهلا بيكى فى الكلية ويا رب تتاقلمى فيها
واحنا كلنا هنا اخواتك واى مساعدة ان شاء الله مش هنتاخر انا وكل الاعضاء اللى فى الكلية هنا

[بنت مصريه]

أولاً أهلا وسهلا بيكي بوسي معانا على المنتدى
واهلاً بيكي في دفعة اعدادي بترول الجديده

احب اقولك حاجه وحده بس اختصاراً لدا كلوا... اعملي حفظ لمشاركاتك اللي هنا اللي هيا قبل ما تبدأي دراسه وقبل ما تجربي السفر والغربه وتعرفي ان الكليه دي ما اتعملتش علشان البنات يدخلوها ... وبعد ما السنه تخلص ان شاء الله ارجعي اقرأيها تاني علشان تعرفي الفرق بين الحماسه والخبره والحياه اللي بجد
واتمنى ربنا يسهلك امورك هناك انتي وكل البنات اللي داخلين جداد لسى ان شاء الله

والله مش هيجيبنا لورا غير شعارات المساواه بين الرجل والمرأه دي
ماكانش ربنا خلقهم نوعين مختلفين يكملوا بعض مش يتنافسوا مع بعض في مجالات مش بتاعتهم

[beckham7]

طب مخدش يعرف قسم حفر ده ولاد بس ولا ممكن بنات تدخله لو خد يعرف بليز يرد عليه وميرسي في جميع الحالات



:crying::crying::crying:


مــمــنوع بنت تــشــتغل فى مــوقع حــفر
ولا حته رست أبوت




ده للعلم فقط


و
أحم أحم

بيتكتبلها ف البطاقة (مهندس حفر)....بعد التخرج

..
..
..
..

لسه عاوزة قسم حفر؟؟

[بوسي دياب]

اه لسه عايزه بس ادعولي بس ادخله وبعدين انا مقتنعه انا الولاد والبنات مش ينفع بينهم مساواه لان في حاجات طبيعي طرف فيهم مش هيعرف يعملها بس انا بس مش مقتنعه انه صعب اوي كده علي البنات اي واحد او واحده هيقدر يوفق نفسه حسب ميوله وبعدين مفيش حاجه اسمها زوج مش هبيرضي زوجته تشتغل دي حريه شخصيه وعموما انا مش بعمل حاجه غلط وطبيعي ان اي حد هيبقي متفاهم معايه ومستوعب حياتي بشغلي وشخصيتي وميرسي اوي علي ردودكم كلكم وانشاء الله سنه سعيده علينا كلنا بالتوفيق للجميع وكل سنه وانتوا طيبين

[catch my mind]

اه لسه عايزه بس ادعولي بس ادخله وبعدين انا مقتنعه انا الولاد والبنات مش ينفع بينهم مساواه لان في حاجات طبيعي طرف فيهم مش هيعرف يعملها بس انا بس مش مقتنعه انه صعب اوي كده علي البنات اي واحد او واحده هيقدر يوفق نفسه حسب ميوله وبعدين مفيش حاجه اسمها زوج مش هبيرضي زوجته تشتغل دي حريه شخصيه وعموما انا مش بعمل حاجه غلط وطبيعي ان اي حد هيبقي متفاهم معايه ومستوعب حياتي بشغلي وشخصيتي وميرسي اوي علي ردودكم كلكم وانشاء الله سنه سعيده علينا كلنا بالتوفيق للجميع وكل سنه وانتوا طيبين

أنا مقدر حماسك يا بوسي
و زي ما قلت لك ان في بنتين في الدفعة اللي قبلينا دخلوه و 3 بنات في دفعتنا جابوا مجموعه
اللي أنا عاوزك تعمليه هوا ان هدفك يكون الأعلى دائما , لأنك لو خليتي طموحك تكرير و قصرتيه على كدة ممكن ما يجيش ليكي تكرير أو حتى فلزات
احنا لما كنا بنذاكر كنا بنقول عاوزين نجيب مجموع الحفر عشان يبقا في ايدي كل الخيارات
و لما كنت في الثانوي كنت بنذاكر عشان نطلع من أوائل الجمهورية و الأول على المحافظة , لأني لو قصرت مذاكرتي على دخول البترول , مش ح ندخلها , زي ناس كتير زملاتي ضاعت منهم على أنصاف درجات , لكن أنا الحمد لله دخلتها بفرق 6 درجات
انتي ذاكري عشان تجيبي حفر و دة مش عيب , هوا دة الصح
و ح تخدمك أوي حتة ان التنسيق بيكون في امتحانات الفينال
ساعتها ح تكتبي رغباتك عادي ( حفر - تكرير -....... )
و بعد النتيجة لو جبتي مجموع الحفر , ابقي اختاري ح تدخي ايه
و كمان مع الحياة هناك ح تقدري تاخدي القرار
و انا مش ح نحبطك ان دة مستحيل , لأن زي ما قلت لك ان في بنات بيدخلوه
................
لكن نصيحة شخصية مني
اللي عاوز يعمل حاجة , ميقولش انا ح نعمل
اللي عاوز يعمل حاجة , يعملها و بعد كدة يقول أنا عملت

[CRISTIANO RONALDO]

اللي عاوز يعمل حاجة , ميقولش انا ح نعمل
اللي عاوز يعمل حاجة , يعملها و بعد كدة يقول أنا عملت
تصدق بالله يا خبيرى
والله احلى نصيحة واحلى كلمة قريتهالك من ساعة مدخلت المنتدى دة
يا ريت تستمر كدة علطووووووول

[catch my mind]

تصدق بالله يا خبيرى
والله احلى نصيحة واحلى كلمة قريتهالك من ساعة مدخلت المنتدى دة
يا ريت تستمر كدة علطووووووول

الله يخليك يا كريستيانو
و الله الواحد عندوا كتير يقدر يقدموا , و هوا دة اللي خلاني نستمر رغم المشاكل اللي حصلت زمان

[beckham7]

أنا مقدر حماسك يا بوسي
و زي ما قلت لك ان في بنتين في الدفعة اللي قبلينا دخلوه و 3 بنات في دفعتنا جابوا مجموعه
اللي أنا عاوزك تعمليه هوا ان هدفك يكون الأعلى دائما , لأنك لو خليتي طموحك تكرير و قصرتيه على كدة ممكن ما يجيش ليكي تكرير أو حتى فلزات
احنا لما كنا بنذاكر كنا بنقول عاوزين نجيب مجموع الحفر عشان يبقا في ايدي كل الخيارات
و لما كنت في الثانوي كنت بنذاكر عشان نطلع من أوائل الجمهورية و الأول على المحافظة , لأني لو قصرت مذاكرتي على دخول البترول , مش ح ندخلها , زي ناس كتير زملاتي ضاعت منهم على أنصاف درجات , لكن أنا الحمد لله دخلتها بفرق 6 درجات
انتي ذاكري عشان تجيبي حفر و دة مش عيب , هوا دة الصح
و ح تخدمك أوي حتة ان التنسيق بيكون في امتحانات الفينال
ساعتها ح تكتبي رغباتك عادي ( حفر - تكرير -....... )
و بعد النتيجة لو جبتي مجموع الحفر , ابقي اختاري ح تدخي ايه
و كمان مع الحياة هناك ح تقدري تاخدي القرار
و انا مش ح نحبطك ان دة مستحيل , لأن زي ما قلت لك ان في بنات بيدخلوه
................
لكن نصيحة شخصية مني
اللي عاوز يعمل حاجة , ميقولش انا ح نعمل
اللي عاوز يعمل حاجة , يعملها و بعد كدة يقول أنا عملت



:medicine::medicine:

أنـــا عــاوز وســـام حـــــالا للراجل ده





واضح أن جــواة طاقة مكمونة
يا ريت يمسك أشراف قسم التنمية البشرية :medicine:
أو حتى مسكوه المتواجدين حاليا





بس تعالا هنا
انتا دخلت الكلية بفرق 6 درجات ازاى

شكلك أخدت حافز رياضى بلاى استيشن:laughing at:

[CRISTIANO RONALDO]

:medicine::medicine:

أنـــا عــاوز وســـام حـــــالا للراجل ده





واضح أن جــواة طاقة مكمونة
يا ريت يمسك أشراف قسم التنمية البشرية :medicine:
أو حتى مسكوه المتواجدين حاليا







:laughing at::laughing at::laughing at:

[بوسي دياب]

بجد كلامك صح موت انا فعلا مش لازم اعد اقول عايزه المفروض اني اعمل بس اصل انا كان في ناس بتقول ممنوع وناس تقول لا فالموضوع ثارني مش اكتر وانت بس ادعيلي وميرسي اوي

[catch my mind]

بجد كلامك صح موت انا فعلا مش لازم اعد اقول عايزه المفروض اني اعمل بس اصل انا كان في ناس بتقول ممنوع وناس تقول لا فالموضوع ثارني مش اكتر وانت بس ادعيلي وميرسي اوي

ربنا يوفقك يا بوسي

[بوسي دياب]

يا رب ويو فقك انت كمان وكل سنه وانت طيب والكل طيب

[catch my mind]

يا رب ويو فقك انت كمان وكل سنه وانت طيب والكل طيب

لو قعدنا نشكر بعض كدة كتير , مش ح نخلص
بصي يا بوسي
المنتدى فيه أقسام كتير , غير قسم التعارف , تقدري تستفيدي منها
شوفي اللي يناسب مواهبك و هوايتك , و ادخلي اقري المواضيع اللي فيه و حطي ردود
.........
و عشان تتحركي شوية
ياريت تدخلي على قسم " رمضانيات 1430 هجرية "
و اشتركي معانا في حملة مقاطعة مسلسلات رمضان

[AbdoHolmez]

اظن ان اللى بيتكلم ده واحد غير الخبيرى
او الخبيرى المعدل ههههههههههه

معلش يا خبيرى بس بجد ديه الحقيقة

[beckham7]

اظن ان اللى بيتكلم ده واحد غير الخبيرى
او الخبيرى المعدل ههههههههههه

معلش يا خبيرى بس بجد ديه الحقيقة



:laughing at::laughing at::laughing at:


الــحظر بــيــهد الواحــد برضــه

[catch my mind]

اظن ان اللى بيتكلم ده واحد غير الخبيرى
او الخبيرى المعدل ههههههههههه

معلش يا خبيرى بس بجد ديه الحقيقة

أنا بس بحترم قوانين المنتدى اللي أنا وافقت عليها:laughing at:

[catch my mind]

:laughing at::laughing at::laughing at:


الــحظر بــيــهد الواحــد برضــه

اللي تشوفوا يا بيكي

[Silent Hell]

صاحبي بيضيع مني يا جدعان
ايه اللي حصلك ياد
انت خوفت من الحظر و الكلام ده ؟؟ :laughing at::laughing at:
فين الخبيري الشرس بتاع زمان
يا خسارة شكلي هكمل المشوار لوحدي :crying::crying:

[catch my mind]

صاحبي بيضيع مني يا جدعان
ايه اللي حصلك ياد
انت خوفت من الحظر و الكلام ده ؟؟ :laughing at::laughing at:
فين الخبيري الشرس بتاع زمان
يا خسارة شكلي هكمل المشوار لوحدي :crying::crying:

:laughing at::laughing at:

[ELGAZAAR]

يقول المتقولون على الإسلام: إن الإسلام يجعل الرجل قواماً على المرأة (الرجال قوامون على النساء) ، قد فرض وصايته عليها ، وسلبها بذلك حريتها وأهليتها ، وثقتها بنفسها.

ونقول: ليس الأمر كما يرون ويفهمون من القوامة ، فليس قوامة الرجل في الإسلام قوامة السطوة والاستبداد والقوة والاستعباد ، ولكنها قوامة التبعات ، والالتزامات والمسؤوليات ، قوامة مبينة على الشورى والتفاهم على أمور البيت والأسرة ، قوامة ليس منشؤها تفضيل عنصر الرجل على عنصر المرأة ، وإنما منشؤها ما ركب الله في الرجل من ميزات فطرية ، تؤهله لدور القوامة لا توجد في المرأة ، بينما ركب في المرأة ميزات فطرية أخرى ، تؤهلها للقيام بما خلقت من أجله ، وهو الأمومة ورعاية البيت وشؤونه الداخلية.

فهو أقوم منها في الجسم ، وأقدر على الكسب والدفاع عن بيته وعرضه ، لا شك في ذلك ، وهو أقدر منها على معالجة الأمور ، وحل معضلات الحياة بالمنطق والحكمة وتحكيم العقل ، والتحكم بعواطفه لا شك في ذلك أيضاً ، والأمومة والبيت في حاجة إلى نوع آخر من الميزات الفطرية ، في حاجة إلى العاطفة الدافقة والحنان الدافئ ، والإحساس المرهف ، لتضفي على البيت روح الحنان والحب ، وتغمر أولادها بالعطف والشفقة

[beckham7]

إيه الكلام الكبير ده


طيب ما كنت تكتبه ف موضوع لوحده :medicine:

[ELGAZAAR]

إيه الكلام الكبير ده


طيب ما كنت تكتبه ف موضوع لوحده :medicine:
لازم كل واحد او واحدة يعرف الصح من الغلط ... ولا ايييييه؟؟؟

[m_helaly92]

الاسم/محمد سلامة هلالى
البلد/قليوب

[ahmed waheed]

انا احمد من قويسنا ومش هتكون وحيد يا جمال.........:election:

[الصامت]

ده ثالثموضوع ترحيب أشارك فيه :tired:

أخوكم عمار جمال

الزقازيق

أكتر حاجة بحبها القراءة والشعر والكمبيوتر

[SleeplessHeart]

انا احمد من قويسنا ومش هتكون وحيد يا جمال.........:election:

ازاي جمال و وحيد في نفس الوقت

انا خايف لتقوله كمان شوية يا علي:talking-phone:

[عاشقة الدمع]

انا عاشقة الدمع داخلة اعدادى ياريت لو فى حد فى المنتدى من السويس

[eng.negoo]

انا عاشقة الدمع داخلة اعدادى ياريت لو فى حد فى المنتدى من السويس
اهلا بيكي معانا ف الكليه
واعتقد ان الاخت zeinab من السويس

[yaso]

انا عاشقة الدمع داخلة اعدادى ياريت لو فى حد فى المنتدى من السويس

أهلاً بكِ في المنتدى

نتمنى لكِ الاستفاده

[FATI]

أنا فاتي بن أحمد من الجزائر إعلام آلي فرع مشغل المعلوماتية :good:

[كريم الباشا]

اهلا بك فاتى معانا واهل بكل أخوانا الجزائريين
نتمنى تنبسط معانا

[ميدو90]

أنا فاتي بن أحمد من الجزائر إعلام آلي فرع مشغل المعلوماتية :good:
منور المنتدي

[soso]

انا سوسو من السويس هواياتى الكومبيتر :chipsy:

[sector88]

اهلا بيك يا سوسو وان شاء الله تنبسط معانا
:happy:

[ashash]

اهلا شباب انا ash من السويس وان شاء الله نكون مع بعض فى الخير دايماً

ويارب تكون سنه سعيده علينا كلنا

شدو حيلكم فى الامتحانات

[ميدو90]

اهلا شباب انا ash من السويس وان شاء الله نكون مع بعض فى الخير دايماً

ويارب تكون سنه سعيده علينا كلنا

شدو حيلكم فى الامتحانات


منور المنتدي

[محمود محمد]

الاسم محمود محمد اخصائى اجتماعى
:tired:

[محمود محمد]

:tired:

[محمود محمد]

شـكــ وبارك الله فيك ـــرا لك ... لك مني أجمل تحية .

[smsm2010]

انا ساره
كليه تجاره السويس
اسم الشهره smsm
هويتى المقالات

[الورده البيضا]

انا عايزه اتعرف على حد من المحله او المنصوره او طنطا وهيقدم فى دبلومة بيو بالاسماعيليه