جاوبونى بكل صراحة !!!!!!!!!!!!!!!!!!

[لانا 2010]

انا داخلة 3 ثانوى والحمد لله جبت فىتانية 98.5 ونفسى اكمل رياضة 2 عشان اخش هندسة بترول بس بابا وماما مش موافقين عشان انا بنت بس مش مهم المهم ان ماما قالتلى ان ان حاتخرج من هنا ومش حيقبلوا يشغلونى فى اى شركة وحبقى قاعدة زى اللى معاهم دبلوم بالظبط وهو ده اللى خلانى اعيد حساباتى والله يكرمكم ياجماعة ساعدونى وقولولى هل سوف اشتغل اذا تخرجت واى حد يعرف مهندسة بترول اشتغلت يقولى انتوا متعرفوش انا قلقانة اد ايه وحضرت حصة فى درس الأحياء بقيت سرحانة فى رياضة 2 وبقيت عمالة ابص كل شوية فى الساعة عشان زهقت منالحصة ومن المدرس


ارجوكم ساعدونى ده مستقبلى........................................... ..................!!!!!!!*/

[كريم الباشا]

اولا الف مبروك على المجموع الجامد ده وبالتوفيق ان شاء الله السنة الجاية
انا كريم طالب فى هندسة بترول
انا بصراحة معرفش اى بنت اشتغلت بس عاوز اقولك حاجة مهمة
انا كنت عند الدكتور عطية وده وكيل الكلية لشئون التعليم والطلاب وكان عنده بنت بتستفسر عن الكلية والشغل وكده فقالها اللى هقولهولك ده بالظبط:
معندناش فرق بين البنت والولد ....هنا لو البنت جابت مجموع بتدخل القسم اللى هى عاوزاه ...وان بالفعل يوجد حوالى 3 او 4 بنات فى قسم حفر اللى يعتبر اصعب قسم من حيث طبيعة العمل ...وانه بالفعل يعرف مهندسات كتير اتخرجت وبتشتغل فى شركات محترمة وناجحة ف شغلها .
انا بصراحة عن نفسى لا افضل قسم حفر للبنت ...اعتقد ان تكرير هو انسب قسم للبنات لان طبيعة العمل فيه ممكن تناسبهم .
ولو انتى عايزة بترول وتعدين وشايفة انك ممكن تعملى حاجة فيها مش تتراجعى بس لازم تعرف انك هتقابلك صعوبات من حيث الغربة والشقا بتاع السويس وخصوصا انك بنت.....ولو ممكن انك تتواصلى مع البنات اللى فى الكلية معانا وهما ينقلولك الصورة افضل منى.

[love_queen]

أهلا بيكي يا لانا انا إيمان مخلصة ثانوية ولسه هدخل التنسيق ويا رب ألحق بترول وألف مبروك يا جميل علي المجموع الجميل ماشاء الله عليكي ربنا يباركلك يا رب
انا يمكن زيك شوية من ناحية بابا وماما عندي نفس المشكلة هما مش موافقين خالص علي موضوع البترول ده بس أنا بحاول براحه معاهم دلوقت بس أول ما يبدأ تنسيقي هدافع عن حلمي بقلب جامد وبكل قوة بس إنتي برده لازم تتكلمي مع باباكي وماماتك وتشوفي وجهة نظرهم يمكن تقتنعي بيها وأكيد هما أكتر ناس خايفين علينا بس للأسف ساعات بيبقوا مش فاهمينا
بصي أنا أعرف إن مهندسات البترول بيلاقوا شغل عادي متقلقيش من الناحية دي خالص وربنا يوفقك شدي حيلك إنتي بس في تالته وإعرفي إن الكلية اللي هتدخليها هي اللي فيها مصلحتك ربنا مبيخيبش أمل حد صدقيني وربنا معاكي يا قمر

[ENG_2011]

اهلا بيكي انا بنصحك انك متعمليش حاجه انتي مش حباها
انا زيك بالظبط كانوا عايزين اكمل علمي علوم لكن الحمدلله كان في ديمقراطيه
و اقدرت اقنعهم بحبي للرياضه و الحمدلله دخلتها
اما بالنسبه للشغل متوافر جدا و على حسب استحمالك هتستحملي ولا لأ
بالنسبه لقسم حفر و هو اعلى الاقسام هتقدري تشتغلي في مكاتب طبعا مننكرش العمليه صعبه في الموقع بس يسمح بوجود مرافق
والدليل وجود بنات اتخرجوا قبل كدة و ماشاء الله شغالين في شركات زي شركه (schlumberger) للحفر فيها
اول بنت اتخرجت من القسم وهي دككتوره وليها مركز مرموق جدا
بنت تانيه شغلاه في شركه EDC PETROLEUM والقسم كان اتقفل للبنات و اتعاد فتحه السنه اللي فاتت
اما بالنسبه لقسم تكرير وهو تاني قسم من حيث التقدير البنات برده شغالين كلهم طبيعي جدا و ما اكتر شركات التكرير
ومجال واسع جدا ولما كنا بننزل التدريب كان عدد المهندسات كبير جدا و هم اللي بيدربونا على الشغل وفيش اي فرق بين البنت والولد في الكليه كله حسب المجهود ولكل مجتهد نصيب مثال شركهNPC للتكرير فيها 10 مهندسات
8 بنات من قسم تكرير و 2 قسم فلزات و مجال قسم فلزات من الاقسام الصعبه دراسيا والمجال الاوسع
اما بالنسب لبقيه الاقسام جولوجيا و مناجم مجال دراستهم شيق في بنت واحده بس اللي دخلت قسم جولوجيا بس محدش بيحب يدخله لأنهم مش بيلاقوا شغل
اتمنى اكون افدتك و مطولتش عليكي

[لانا 2010]

شكرا يا جماعة بس انا كده هاخد رياضة 2 انتوا متعرفوش انا حتعب اد ايه خصوصا انى انا من طنطا وياريت تكونوا متأكدين من موضوع الشغل وياريت ياجماعة حد يدينى اسم أو تليفون اىمهندسة بترول اتخرجت وبتشتغل يمكن ده يقنع بابا وماما

[ENG/ MOUTAZ]

معلش انا ممكن يكون ردي جاي متاخر بس اللي عايز اقولهولك ان لو انتي مصممه علي حاجه لازم تعرفي الاول ايه المكاسب اللي هتخديها من الكليه وقصادها هتتعبي قد ايه لان السويس لناس كتير متعبه جدا خاصه لو انتي اول سنه فلازم تحطي في اعتبارك حاجات تانيه زي ظروف المعيشه والمذاكره والاقامه قبل ما تقفلي دماغك وتختاري حاجه وتكتشفي بعدين انك اخترتي غلط . ممكن تسالي اي حد حول من الكليه وهو يقولك هو حول ليه .انا مش بقولك متجيش الكليه بس بكل امانه بنقلك بعض من المعاناه اللي ممكن تتعرضيلها اول شهر او اتنين .بس الكليه في ذاتها كليه محترمه وتستاهل مجموعها العالي ده واكيد طبعا ليها مكان للبنات بس انا برده مع كريم في ان احسن قسم للبنات هو تكريرلانه مرتبط بمجال بترول باقل جهدمش زي حفر اللي طبيعه عمله في سايت لاسبوعين متصلين حسب طبيعه الشركه. وربنا يوفقك.

[babycat86]

انا مع الجميع في الصعوبة اللي حتواجهيها وخصوصا في بلد زي السويس مش مريحة بكل ما تحمله الكلمة من معاني وخصوصا للبنات زينا اما من ناحية الدراسة فهي كلية مش سهلة بس لو جينا للافضل انا منصحش بقسم حفر للبنات اما تكرير كويس من ناحية الشغل ومن ناحية الدراسة يمكن هو الاسهل اما بالنسبة للافضل والاوسع مجالا من ناحية الشغل ولكن الاصعب جدااااا من ناحية الدراسة هو فلزات وبالنسبة لبابا وماما مصيرهم يتفهمو الموضوع وانا اعرف بنات الدفعة اللي قبل السنادي اتعينو 5 او 6 يمكن من فلزات فور التخرج اتمنالك التوفيق بس الاول شدي حيلك في ثالثة ان شاء الله

[beckham7]

بكل امــــانة منى لو حبا الرياضه أدخلى هندسة عادية وفكك من بترول
حاجة غريبة
مش عارف ليه كليتنا - أتصيتت - كده ليه ...وبقا البنات نــفسهم فيها زي الولاد تــمام حاجة عجيبة

[SleeplessHeart]

والله كل الكلام دا صحيح وفعلا انتى لو بتحبي الرياضة يبقى حرام عليكي تدخلي احياء لأنك بالعقل كدة مش هتجيبي فيها مجموع.........

[لانا 2010]

:tired:شكرا ليكو كلكم ياجماعة ونورتم موضوعى بس انا بعشق الرياضة جدا وانا مش مهم عندى الدراسة صعبة او الغربة بس انا مستعدة استحمل لأن مفيش حاجة بتيجى بالساهل واهم حاجة عندى الشغل عشان ميبقاش تعبى راح ونفسى اعرف هل هما بيقبلوا توظيفهم فى شركات فى الدول العربية

وبشكركم تانى ياجماعة

[SleeplessHeart]

اكيد يا لانا مافيش الايام دي فرق بين الجنسين في كل حاجة.........يعني اكيد الشغل واحد.....بس فعلا تكرير انسب للبنات....عشان مافيهوش بهدلة زي حفر.........

[beckham7]

انا من رأيي يا جماعه ويا ريت محدش من البنات يزعل منى
الكلية دى مش للبنات اصــلا بــــــــــــإســــــــتثناء ( بنــات السويس نفسها )
عشان مفيش كلية قمة فى السويس غيرها فده غــزر مناسب ليهم
..
الصراحة انا مش متصور بنت تســافر طول السنا كده زى ما الولاد بيعملوا وتتعب التعب اللى احنا بنتعبه ده
حاجة عجيبة مش قادر اتصورها
..
فكك من الكلام تكرير او فلزات انسب للبنات ومفيش فرق بين بنات وولاد
لا فى فرق طبعا وفرق كبير
....
وفيها إيه هندسة مهي انسب من هندسة البترول
بس فعلا المضحك فى ده ان بعد لما تتخرجى
..
حيتكتبلك فى البطاقه مهندس بترول او تكرير ههههههههههههه فعلا حاجة مضحكة جدا مش بالزمة حتبقا شكلها مش لذيذ
..
اوعى يكون حد زعلان منى بس بوضح وجهة نظرى

[ENG/ MOUTAZ]

انا من رأيي يا جماعه ويا ريت محدش من البنات يزعل منى
الكلية دى مش للبنات اصــلا بــــــــــــإســــــــتثناء ( بنــات السويس نفسها )
عشان مفيش كلية قمة فى السويس غيرها فده غــزر مناسب ليهم
..
الصراحة انا مش متصور بنت تســافر طول السنا كده زى ما الولاد بيعملوا وتتعب التعب اللى احنا بنتعبه ده
حاجة عجيبة مش قادر اتصورها
..
فكك من الكلام العبيط تكرير او فلزات انسب للبنات ومفيش فرق بين بنات وولاد
لا فى فرق طبعا وفرق كبير
....
وفيها إيه هندسة مهي انسب من هندسة البترول
بس فعلا المضحك فى ده ان بعد لما تتخرجى
..
حيتكتبلك فى البطاقه مهندس بترول او تكرير ههههههههههههه فعلا حاجة مضحكة جدا مش بالزمة حتبقا شكلها مش لذيذ
..
اوعى يكون حد زعلان منى بس بوضح وجهة نظرى
والنبي يا جماعه ده كلام ؟!!!!!!!!!!! ايه الكلام الرجعي ده . وياريت يا جماعه مشاركات الشخصيه دي تتحذف .

[SleeplessHeart]

هههههههههههههههههههه حلوة رجعي دي ههههههههههههههههههههههه.........جديدة..........

[babycat86]

لا يا جماعة مش كده خالص الكلام. يعني فيها ايه الواحدة لو اتغربت وعانت عشان مستقبل كويس اما حتة السوايسة ديه لالالالالالالا انا مش عاجبني اصلا حد يكون جايب مجموع يادوب يدخله هندسة بالزق وبعدين يحول بترول اللي غيره عشان يدخلها ذاق المر والاسم عشان هو سويسي

[beckham7]

ايه الكلام الرجعي ده . وياريت يا جماعه مشاركات الشخصيه دي تتحذف .

واضـــح انك معــترض معــايا فى وجهة نــظرى
وصــلتنى وجهــة نـــظرك يـــــا ريــت المــرا الجيا تكون بطريقة افضل من كده
غريبة انك متنرفز كده
مش معتز أسم ولــد بــرضــه ولا إيـــه ؟؟؟؟

[beckham7]

لا يا جماعة مش كده خالص الكلام.

أمال ازاى ؟؟؟؟؟؟؟؟؟
دى وجهة نظرى وعبرت عنهــا بطريقة محترمة جدا ومغــلطتش فى حد زى ما معتز عمل مثلا
وأتــأسفــت فى بــدايــة المـــشاركة وأخــرهـــا
أظن انا كده مش غلطان ولا إيه

[beckham7]

أذا كــــــانت جـــــت على دى حـــاضر ححزفها
وبكرر تانى يا جماعه مش قصدى اهانة حد ودى وجهة نظر بس - مش تهزيق زى ردود الاعضاء معتز

[AbdoHolmez]

على فكرة يا جماعه المسألة وجهات نظر يا معتز

انا مثلا من الناس اللى وجهة نظرها زي بيكهام فى حكاية الكلية ديه وده حقى انى اعبر عنه

ولازم تحترم وجهة النظر ديه يا معتز حتى لو كانت غلط

فالاختلاف فى الرأى لا يفسد للود قضية

لكن الظاهر انه هنا فى المنتدي بيفسد 10000 قضية

[ENG/ MOUTAZ]

ههههههههههههههههههههههههههههههههههههههه

[AbdoHolmez]

ههههههههههههههههههههههههههههههههههههههه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ!!!!!!!!!!!!!!!!!!!! !!!!!!!!

[حسونة]

علله حد يهوب ناحية الكلية دي
دي بعبع
دي مصيبة
دي بلاء
بس حلوة والله وبحبها جدا
انا زعلان اني خلاص في اخر سنة والله عدوا هوا
اوعى حد يدخلها
هتعدي عليه 5 سنين هوا وهبزعل
وهيحس انها بعبع
مصيبة
بلاء
بس هيحبها