اخبار المدينة الجامعية السنة دى

[halawa]

يا جماعة اى حد يعرف اخبار عن المدينة الجامعية ياريت يعرفنا
يعنى هنقعد فين ونسافر امتة؟؟؟؟؟
وكدة يعنى..............

[mas1990]

هو السفر حيبقى يوم السبت عشان التسكين بس حنقعد فين الله اعلم

[El sWeeFe]

بسم الله الرحمن الرحيم
الاول احب ارحب بيكوا كلكم وبجد يشرفني اوي اني اتعرف على ناس زي الفل زيكم انا على حسب معلوماتي ان دفعة اعدادي السنة دي وش السعد والهنا على الكلية ده لأننا اتظلمنا في الامتحانات وطلع عينا علشان كده هتبقى المدينة اللي هيه في السلام اللي جنب الكلية الجديدة اللي هيه عند الموقف بتاع السوبر جيت والدراسة هتكون في المبنى اللي جنب المدينة مفيش الا يوم واحد في الاسبوع هنروح المبنى اللي هوه في المعمل اللي في الزيتيات وده هيكون يوم السكشن وربنااااااااااا يوفقنااااااااااااااااا كلناااااااااااااااااااا ياااااااااااااااااااا رب

[loving-angle]

طيب مفيش اخبار عن اى تغيرات فيها

وبالمناسبة انا طالب جديد فى اعدادى

[beckham7]

يــــسمع من بــوقك ربـــنا

[ENG/ MOUTAZ]

بسم الله الرحمن الرحيم
الاول احب ارحب بيكوا كلكم وبجد يشرفني اوي اني اتعرف على ناس زي الفل زيكم انا على حسب معلوماتي ان دفعة اعدادي السنة دي وش السعد والهنا على الكلية ده لأننا اتظلمنا في الامتحانات وطلع عينا علشان كده هتبقى المدينة اللي هيه في السلام اللي جنب الكلية الجديدة اللي هيه عند الموقف بتاع السوبر جيت والدراسة هتكون في المبنى اللي جنب المدينة مفيش الا يوم واحد في الاسبوع هنروح المبنى اللي هوه في المعمل اللي في الزيتيات وده هيكون يوم السكشن وربنااااااااااا يوفقنااااااااااااااااا كلناااااااااااااااااااا ياااااااااااااااااااا رب
اولا احب اشكرك
بس الكلام ده معناه ان مفيش جديد
لان الوضع ده بالظبط بتاع السنه اللي فاتت

[SleeplessHeart]

السلام والى السلام نعود....حسبي الله ونعم الوكيل

[elshebly]

يعنى محدش يعرف يا رجالة هنسكن امتى ؟؟؟

[halawa]

انا عرفت ان السكن يوم السبت
وبالنسبة للسلام ما بقتش السلام بقت حاجة تانية خالص
حصل فيها تعديلات رهيبة هتشوفها كل حاجة اتزبطتت فيها
فيا بختة اللى يبقا فى السلام السنة دى
ما حدش يعرف اى معلومات عن استلام المدن الجديدة؟؟؟؟؟؟؟

[اسفة للازعاج]

لو سمحت يا جماعة انا جديدة فى الكلية وعايزة اعرف اروح المدينة امتى
واحضر فى الكلية امتى انا كنت ناوية اكون يوم الجمعة فى السويس
معنى كلامك انى لازم استنى لحد يوم السبت ارجوكم تفيدونى جزاكم الله كل خير

[ENG/ MOUTAZ]

اولا المدينه ممكن تستلميها في اي وقت
وثانيا انتي مدينه بنات يعني مفيش البهدله بتاعت مدينه الولاد
بس الاحسن تستلمي اول يوم للمدينه اللي هو قبل الدراسه بيوم عشان تاخدي عهده نضيفه
وممكن تروحي الكليه اول اسبوع وممكن متروحيش زيي وزي ناس كتيره مش هتروح اول اسبوع وغالبا كمان اسبوع كمان بعد العيد لان نظام الكليه غير نظام الجامعه مش لازم الحضور المستمر بس المهم تحضري الحاجات اللي تفيدك و غالبا محاضرات اول اسبوعين يبيبقي ملهاش لازمه وغالبا مقدمات يعني ممكن تستغني عنها
اي خدمه

[beckham7]

لان نظام الكليه غير نظام الجامعه مش لازم الحضور المستمر بس المهم تحضري الحاجات اللي تفيدك و غالبا محاضرات اول اسبوعين يبيبقي ملهاش لازمه وغالبا مقدمات يعني ممكن تستغني عنها
اي خدمه


أنـــا متــأكد انك حــتغير الكلام ده لما تخلص سنة اولى
ازاى من سنة واحده ليك تحكم كده علطول

[ENG/ MOUTAZ]

يا استاذ بيكهام صدقني انا مبقولش كلام ما اعرفوش
انا الكلام ده متقالي من خلاصه كذا واحد في سنه اولي وحفر
زي جلال مثلا لو تعرفه
واعتقد ان جلال مرتب السنه دي علي الدفعه
واعتقد اني هاسمعلهم لانهم خففوا عليا حاجات كتير السنه اللي فاتت غيري كانوا تايهيين فيها
وشكرا علي ردك

[beckham7]

يا استاذ بيكهام صدقني انا مبقولش كلام ما اعرفوش
انا الكلام ده متقالي من خلاصه كذا واحد في سنه اولي وحفر
زي جلال مثلا لو تعرفه
واعتقد ان جلال مرتب السنه دي علي الدفعه
واعتقد اني هاسمعلهم لانهم خففوا عليا حاجات كتير السنه اللي فاتت غيري كانوا تايهيين فيها
وشكرا علي ردك

هههههههههههههههههههههه
يا راجل حرام عـــليك
مش عاوز اتكلم عن حد فى غيابه وكمان عشان هو صاحبى
بس يا ريت تتأكد من المعلومة كويس

[SleeplessHeart]

بس يابني انت وهو مش ناقص صداع..........بتتخانقوا عشان كلمتين....انزلوا الكلية صفوا حسابكم هناك احسن...بيكهام انا هاعرفك معتز وانت تخلص معاه....

[MR_CREative59]

يا جدعان انتم متأكدين من ان التسكين يوم السبت ولا هندب مشوار علي الفاضي !!!

وانا عايز انا رحت انهي مدينة فيهم اعرف ازاي ؟

[ENG/ MOUTAZ]

هههههههههههههههههههههه
يا راجل حرام عـــليك
مش عاوز اتكلم عن حد فى غيابه وكمان عشان هو صاحبى
بس يا ريت تتأكد من المعلومة كويس
ههههههههههههههههه انا فاهم قصدك بس ماله جلال يعني شخصيه زي الفل ثم كمان خد عندك محمد اشرف عبقري الجامعه ربنا يحميه بس انا دايما لما بحتار في اي حاجه باخد رايه يعني والله انا ما بالف كلام من عندي
ثم يا سيدي لو معلوماتي غلط صلحهالي وقولي ايه الغلط في كلامي

[ENG/ MOUTAZ]

يا جدعان انتم متأكدين من ان التسكين يوم السبت ولا هندب مشوار علي الفاضي !!!

وانا عايز انا رحت انهي مدينة فيهم اعرف ازاي ؟
انا مش عارف الناس بتوع اعداي قلقانين ليه حكايتهم اساسا مش مستاهله والتسكين باذن الله في معاده يوم السبت وكل اعدادي لازم يبقوا في مدينه السلام اللي جنب الكليه الجديده اللي اكبر منهم بس هما اللي بيتوزعوا علي المدن التانيه حسب التقدير
ثم والله المدن التانيه زي فيصل احلي 100 مره من السلام علي الاقل وسط بيوت الناس مش وسط الصحرا

[MR_CREative59]

انا مش عارف الناس بتوع اعداي قلقانين ليه حكايتهم اساسا مش مستاهله والتسكين باذن الله في معاده يوم السبت وكل اعدادي لازم يبقوا في مدينه السلام اللي جنب الكليه الجديده اللي اكبر منهم بس هما اللي بيتوزعوا علي المدن التانيه حسب التقدير
ثم والله المدن التانيه زي فيصل احلي 100 مره من السلام علي الاقل وسط بيوت الناس مش وسط الصحرا

شكرا علي ردك !!

الف شكر !!

[~الســـراب~]

أنا سمعت كلام أيام التدريب الصيفي أن السلام هتبقى مدينة( للحريم) و هيتنقل الرجاله مدينة تانية...........يمكن تكون أشاعة الله اعلم

[beckham7]

ههههههههههههههههه انا فاهم قصدك بس ماله جلال يعني شخصيه زي الفل ثم كمان خد عندك محمد اشرف عبقري الجامعه ربنا يحميه بس انا دايما لما بحتار في اي حاجه باخد رايه يعني والله انا ما بالف كلام من عندي
ثم يا سيدي لو معلوماتي غلط صلحهالي وقولي ايه الغلط في كلامي

يــا عم انا قولت حاجة وحشة او حتا حلوة على جلال او غيرة انا كل اللى قولتهولك عيد وجهة نظرك بس
وان شاء الله اخلى سليبلس يعرفنى عليك ونبقا نتكلم براحتنا

[beckham7]

أنا سمعت كلام أيام التدريب الصيفي أن السلام هتبقى مدينة( للحريم) و هيتنقل الرجاله مدينة تانية...........يمكن تكون أشاعة الله اعلم

بـــنات ايه يــا عم ... ايه اللى بتقوله ده
السلام دى حته مــقطوعه متنفعشي للبنات ببــصلة

[elshebly]

لا مالهاش لازمة تروحى الجمعة انا عن نفسى هروح السبت لانى سمعت كلام بيقول ان اول يوم هيكون الاهتمام بالتسكين فى المدن ومش هيكون دراسة .. واى خدمة

[ENG/ MOUTAZ]

انا عايز بس الناس الجديده تعرف ان اول يوم دراسه بيبدأ الحد وان يوم السبت عطله رسميه في محافظه السويس

[halawa]

بالنسبة لطلبةاعدادى كلهم قيلوا فى مدينة السلام
وباقى الفرق لازم يكون جايب اكتر من 70% عشان يقبل
والباقى لسة مرحلة تانية
ولازم كلنا نسافر يوم السبت عشان نستلم السكن
المصاريف 220 تقريبا
لكن بالنسبة للبنات مش عارف بيسكنوا فين

[halawa]

موضوع ال 70 % دا ضرورى دا تنسيق السنة دى
اى حد اقل من كدة مايروحشى السبت دى نصيحة وياريتكلة يقراها

[ENGAWAY]

انا يا شباب واعوذة بالله من كلمة انا من اللى مرتبين دفعة اولى حفر والمدينة بيقولا فيها تجديدات هنشوف ولا زم تقدير عالى عشان السكن وعلى العموم والله اول اسبوعين فى الطراوة والعيد كمان وكل سنة وانتوا طيبين اخوكم احمد انجاوى

[كريم الباشا]

بعد زيارة مفاجئة لمدينة السلام وبعد عناء يوم طويل دخلنا المدينة وفوجئنا بالتجديدات الرهيبة:
1)أولا المدينة نضفت وده طبيعى انها لسه ف الاول بس مقولكش بعد كام اسبوع هتكون عاملة ازاى وربنا يستر
2)الغرف مدهونة جديد
3)السراير متظبطة والمراتب جديدة لانج ومتنجدة بضميييييييييييييير يعنى هتنام لما تقول يا بس
4)المفاجئة الاكبر هى وجود مروحة فى كل غرفة وده اللى الوحد مش مصدقه لحد دلوقتى بس الحمد لله كان حلم واتحقق
5)الحمامات اتنضفت وعملوا السباكة وحطوا مراية امام كل حوض علشان الواحد يعرف يهندم نفسه
ومن الغريب انى لقيت الاوضة متعلق فيها زينة كأننا فى عيد ميلاد ويكأنهم بيحتفلوا بعودتنا من جديد ههههههههههههههههه

[mankind]

أنت في السويس ولا الشرقية يا كريم

[mankind]

ويا ريت لو كنت شفت الجدول تقولي أول محاضرة بكره أيه

[mankind]

أنت رحت فين يا عم كريم

[SleeplessHeart]

ههههههههههههههه كريم انت نسيت الدبوس الى حسن لقاه ف السرير بتاعه لعلمك..........والشراب الى كان تحت سرير مسلم ههههههههههههههههههههه...ياريت تدقق ف التفاصيل عشان ماحدش يشوف حاجات زي دي ويتصدم..

[ENG/ MOUTAZ]

لا والله يا جماعه
في مروحه

[كريم الباشا]

اه يا شحاته
وبعدين يا عم مش كفاية انهم رحموك من المراية اللى كنت بتجيبها معاك
ههههههههههههههههههه
اهم حطولك مرايات مش مراية واحدة