ليه طلاب بترول وتعدين مش عجباهم الجامعة وليه في نفس اللوقت مستمرين فيها ...؟

[عم مازن بترول]

سؤال يطرح نفسه واتمنى من كل افراد المنتدى انهم يجوبوا عليهم بكل صراحه لانك لو هتحور يبقى بتحور على نفسك مش اكتر واعتقد فهمني و سؤال بيقول ...
ليه طلاب بترول وتعدين مش عجباهم الجامعة وليه في نفس الوقت مستمرين فيها ...؟

[scusuez]

ana 3n nafsy
1- fekret any aro7 gm3a tany s3b 3lshan at3wet 3ala deh
2- 3arfeen al dakatra
3- 3arfeen mkan al war2
4- kman be2olo 5areg al suez afdal

[MR_CREative59]

بص يا باشا

الي انت بتقولة دة دليل اصلا علي ان الكلية مستقبلها راااااااااااائع جداااااااااااا جداااااااااااا

يعني احنا وكل الناس الي مخليهم مستحملين الدنيا دي ان هوة ارف انة بيفرق عن المهندس العادي وبيفرق عن مهندس بترول القاهرة !!

وعايز افكرك بس ( ان الله لا يضيع اجر من احسن عملا ) صدق الله العظيم !!!

يعني الناس مش بتتساوي الي تعب حاجة والي قلك يدرس بترول كلة علي بعضة في القاهرة عشان اقرب حاجة تانية !!

[كريم الباشا]

هو كل اللى مش عاجبنى ف الكلية موضوع واحد وهو انها فى السويس والواحد بيتغرب والمكان مش ولا بد يعنى صحرا والواحد بيبقى هيموووووووووت وخصوصا الطريق من الموقف للكليه .(بكرهه)
بس عموما انا بحب الكلية نفسها ولو كانوا حطوها فى القاهرة او اسكندرية كانت هتبقى على قلبى ذى العسل ومكنش هيبقى فى حد زيها

[ENG/ MOUTAZ]

والله عندك حق يا كيمو
بس كمان انا عايز اقولك حاجه احنا لو كنا بننتقد الكليه يبقي عشان تبقي احسن انما ساعه ما حد غريب يعيب فيها بناكله
زي مصر بالظبط طول النهار عمالين نشتم فيها انما لو حد عربي مثلا فكر يشتمها بنزله هو واللي جايبينه
مع فائق الاحترام للعرب المحترمين

[zara]

مش عارفه يمكن عشان
قبل ماندخل كنا حاطين آمال عريضه فوق فوق
على مستوى الدراسه على اساس انها كلية بترول....
فعشان كده لما شفنا الواقع قول كده اتصدمنا

ويمكن كمان لأننا خايفين من الحسد
يعني أي حد يقول انتوا فبترول وتعدين:deepthinking:
تلاقينا مسكنا في الكليه تهزيق وفي السويس كمان ..
حاجه كده لا اراديه كأنها دفاع عن النفس من شر العين والقر
وبعدين بصراحه هي السويس برضه بلد صعب انك تعيش فيها خصوصا لو كنت عايش اصلا فمدينة القاهرة ..اسكندريه...........مثلا
فمابالك بقى لوحدك

هي دي وجهة نظري المتفلسفه المتسلحفه
وبرضه الله أعلم

[كريم الباشا]

اه عندك حق يا زارا والله فى حكاية الحسد دى
واللى ميعرفش يقول عدس
انا لما بنزل الجامعه عندنا فى الزقازيق بنزل انا والشلة بتوع بترول
بتلاقى احتفالية وكل واحد يقولك : حد يسيب بترول ويجى هنا يا ابنى

احنا كنا فعلا حاطين امال عريييييييييييضة على الكلية وخصوصا المدية الجامعية اللى الواحد كان فاكرها فرع من الشيراتون او فورسيزونز فى السويس .


انا اول يوم روحت المدينة اتصدمت ومقدرتش اقعد وروحت تانى ورجعت تانى يوم الصبح بعد ما اتعالجت من الصدمة.
بس بمرور الوقت الواحد اخد عليها .


بس كل ده ميمنعش انها لو كانت ف اى حتة غير السويس كانت هتبقى مقبولة .

[smile 4 life]

ياااااااااااااااه كل ده شايلينه في قلبكو والله صعبتو عليا
فعلا اظن ان السويس دي مش تابعه لمصر دي اكيد تبع جمهوريه تانيه واحنا مش عارفين
انا اشك انها تبع ((مستنقعات نيجيريا)) دي للي فاهمها
ههههههههههههههههه

[كريم الباشا]

دى تبع جمهورية شمبونجو
هههههههههههههههههههه
..
..
.
..
..
تابعونا

[mankind]

مع احترامي لرأيك يا كريم مفيش اي مدينة جامعية نظيفة أصلا مش زي الشيراتون

[كريم الباشا]

انا اقصد انى كنت راسم صورة ف خيالى تليق بكلية البتروووووووووووووووووووول ولا فى الاحلام بس للأسف .

[mankind]

كمان الكلية دي موجودة في السويس من زمان و محدش كان يعرف أن سعادتك جاي وكمان في حاجة مهمة أن اللي عايز يعمل حاجة يستحمل

[كريم الباشا]

:(:(اذا كان عل التحمل ف الواحد مستحمل حاجات تانية كتيييييييييييييير
ومش عارف هصبر لحد امتى

[SleeplessHeart]

هههههههههههههههههه..........والله ياكريم انا شاكك ان mankind لسة ماراحش السويس ولا شافها لحد
دلوقتي....يا اما هو مش ف كليتنا.........عشان كدة بيقول كلام اول مرة اسمعه من حد ههههههههههههههههههه..........عموما هو حاجة من اتنين يا اما من سكان السويس الى طالعين بالبلد دي سابع سما...يا اما هو مش ف كليتنا....

[mankind]

ماشي يا عم شحاته لما أشوفك

[mankind]

وبالنسبة لكريم أنا لسه شايفه من يومين

[SleeplessHeart]

ههههههههههههههه......طيب قولى انت مين طيب عشان اعمل حسابي......ههههههههههههههههههه.....

[mankind]

ههههههههههههههههه
فكر شوية

[the unexpected]

ya 3am mankind el kolya de aslan kanet taba3 gam3eeeeeeeeeeethelwan we kanet ma3had ba3d keda 3ashan te2a kolya wadooooha el suez we yarethom ma wadooooooooooooooooooooooooha

hasbya allah wa ne3m el wakeeeel

[Ahmed Omran]

هى الفكرة ان الكلية بتاخد اكبر مجموع ف الجمهورية فالواحد وهو جاى بيبقى فاكر انه جاى اكاديمية السويس ومع ذلك ف شئ عامل داخلى بيخليك تفضل فيها

[ray2a]

يا جماعة
يمكن الظروف نفسها000000 يمكن
يمكن عشان الدراسة صعبة0000000 يمكن
يمكن عشان اللي بيعملوه الدكاترة فينا0000000 يمكن
يمكن عشان السويس نفسها00000000 يمكني
يمكن عشان النظام هناك ملخبط0000000 يمكن
يمكن لو كنا في مكان تاني غير السويس كنا نقول نفس الكلام او لا00000 الله اعلم


في النهاية

الحمد لله ع اللي احنا فيه مقدر ومكتوب لينا

[taha123]

انا عن نفسى اللى مش عاجبنى فى الكلية كلها على بعضها من حيث نظام الدراسة فيها و أيضا اللى احنا بنعانيه فى المدينه الجامعيه وايضا ذى ما الاخ كريم الباشا بيقول انها فى السويس بس اللى مصبرنى ومصبركو عليها ان شاء الله شغلها بعد التخرج على فكره انا مش قصدى اعيب فى اساتذه بس كل مكان فيه الحلو وفيه الوحش

[eng_abotaha]

لا هناك مدينة جامعة الازهر جميله جدا والطلاب متعونيين ومتحابين جدا فيها

[عصام الانجليزى]

اولا انا مش هندسه بترول انا تعليم صناعى السويس
بس بقالى3سنين فى الجامعه مع التعليم الصناعى والتربيه والبترول
لس بقول مش انتوا بس الى مش مرتحين احنا كمان مش مرتحين بس احنا لينا اسباب مقنعه
لكن انتوا كده بتتبتروا على النعمه
وممكن كده تزول من وشكم
وبصراحه كده الجامعه على قد انها صغيره شويه
لكن حلوتها انك تقدر تتعرف على كل الى فيها
واحلى حاجه الصحبه الحلوه
وبالنسبه للدكاتره مفيش جامعه بيعرف طلبتها انهم يتنقشوا مع الدكاتره فيها زى جامعه قناه السويس فرع السويس بالرغم من انى شبه اكره السويس وهتلاقوا لامى ده فى مدونتى
www.lookkoko.blogspot.com (http://www.lookkoko.blogspot.com)
اتمنى اشوف رئيكم فى الجامعه وفى السويس

[lionarab]

أنننا مش راضيين بالوضع وفي نفس الوقت ساكتين ان نفس الظروف موجوده في كل الكليات التانية

[GHoSTY_Gooo]

يا جماعه هى الحاجه الوحيده اللى مخليا كل الطلبه دوول مستحملين الكليه وصعوبتها وقرفها والعيشه المنيله دى هى ان مستقبلها جامد والفلوس اللى هياخدها الواحد كتير يمكن انا اكون داخلها برضو علشان انا بحب الرياضه جامد زى كلو بس السبب الرئيسى ان الواحد هيستريح بعدين مش زى خريج هندسه القاهره ولا حاجه

شكرا على الموضوع يا مازن

[ahmed abdo]

يا جماعه مش لازم نبص للكليه من ناحيه الماده فقط لان ده ممكن يكون جشع :laughing at:

[zidan]

قالوا ايه اللي رماك علي المر.رد وقال اللي امر منه
لا تعلييييييييييييييق
zid@n

[tare2]

يا جماعة الحياة كفاح واحنا كلنا كان قدامنا كليات كتييرة احنا اللى اخترناها بنفسنا كتيير مننا اختارها عشان الفلوس وشوية اختاروها عشان عايزين يبقوا مهندسين بترول بغض النظر عن الفلوس انا عن نفسى اختارتها عشان السببين ومش شايف مشكلة اننا نتعب شوية فى حياتنا مفيهاش حاجة مفيش حاجة سهلة

[eng_abotaha]

لا والله مدينة الازهر جميله

[ahmed abdo]

ممكن بس مدينه السلام:crying: