المساعد الشخصي الرقمي

مشاهدة النسخة كاملة : نظرة واحد لسة داخل الكلية


tare2
25 - 09 - 08, 11:27 PM
انا يا جماعة اسمى طارق فى الفرقة لسه داخل الفرقة الاعدادية السنة دى
اتمنى يبقى ليا اصحاب كتيير فى الكلية...وعايز اتكلم عن انطباعى عن الكلية
أولا...المدينة الجامعية "السلام" مش وحشة وواضح ان فيه حاجات كتيير فيها جديدة زى السراير والمراوح والدهان والبلاط....بس المنظر من بره وحش خالص كله حفر وقرف وفيه مبانى كتيير بتتبنى عرفت انها مبانى التعليم الصناعى والتربية والعلوم واعدادى البترول.
اول يوم دراسة نزلت المقر الرئيسى فى المعمل ونقلت جدول المحاضرات اما جدول السكاشن لسه بعد العيد ...
وبعدين رحت مبنى اعدادى حضرت محاضرة كيمياء ومحاضرة رسم هندسى وبعدين سافرت لسبب وهو انى كل ما اقابل حد من الدفعات القديمة يقولى روح وتعالى بعد العيد وفعلا كان فيه ناس كتيير فى المدينة الجامعية بعد المحضرات مسافرة وماشية بشنط سفر فسافرت....
بصراحة انا بفكر احول هندسة القاهرة وعايز ارائكم
انا اما رحت الكلية بصراحة الكلية شكلها مدرسة ابتدائى مش كلية مفيش منها غير واحدة فى مصر
قلت لنفسى انت ايه اللى يرميك فى بلد بعيدة 5 سنين ..بلد مفيهاش حياة ..مفيهاش خروج ولا تقضيه....دا انت لو كنت دخلت هندسة القاهرة كنت هتقضيها جامد جدا كفاية انك هتلف القاهرة كلها بعد الكلية وهتقضيها خروج وكافيهات ...
قلت لنفسى لأ هندسة البترول مستقبلها احسن من القاهرة ودا اللى بيخلى مصر كلها عايزة تدخلها.......لكن سألت واحد فى بكالريوس تكرير ..قالى انا سامع ان مفيش شغل غير بواسطة
احترت اكتر وادينى بفكر وربنا يسهل
كريم الباشا
25 - 09 - 08, 11:38 PM
من كلامك واضح انك عاوز تقضيها و خلاص
ولو على التقضية ف انت ممكن تقضيها ف السويس
السويس مش مجرد شوية الرملة والصحرا اللى انت شوفتهم دول
انت ممكن تنزل السويس نفسها او بورتوفيق والكورنيش الجديد وهناك مطاعم وكافيهات وكل اللى نفسك فيه ..............كده تبقى انت قضيتها
اما بالنسبة للكلية انا معاك انها قديمة شوية بس اهم بيبنوا مبانى جديدة وهتتنقل قريب ان شاء الله .........
أما بالنسبة لحكاية الشغل دى كن متيقنا انها أرزاق والرزق بيد الله وحده سبحانه وتعالى
لو مكتوبلك تخلص وتقعد فى بيتكم هتقعد حتى لو كنت خريج جامعه امريكية مش هندسة القاهرة
خلى عندك يقين ان نصيبك هتشوفه هتشوفه
و الكلية مستقبلها كويس فعلا بس اجتهد انت وهات تقدير كويس
theshadow
26 - 09 - 08, 12:10 AM
عندك حق يا كريم
مش عارف اقول حاجة بعد اللى قلته
zara
26 - 09 - 08, 12:39 AM
انت تقريبا بتفكر بنفس تفكيري لما كنت داخله اعدادي ...أنا دلوقتي فأولى
بالضبط لأني برضه من القاهرة ..وكمان من مدينة نصر..والمشكله عندي كانت ان صحابي كلهم دخلوا عين شمس والقاهره واخواتي الكبار واللي أعرفهم كنت بروحلهم الجامعه (المجمع)بتاع آداب وتجاره عين شمس
يعني شفت الحياه دي والحياه دي وأكبد فبالك برضه ان أيام الجامعه دي أيام مش هتتعوض لو مافرحتش فيها
بس صدقني انت برضه هتعيش حياتك في السويس بس بطريقه تانيه مش هكدب عليك وأقوللك انها هتبقى زي القاهره أكيد لأ
بس بجد السويس دي هتخليك حد تاني خالص وهتتعرف على ناس عمرك مكنت تتخيل أنك تتعرف عليهم...حياة تانيه
هتعيشك حياه تانيه عمرك ماعشتها وهتحس بعديها انك عشت حاجات مفيش حد من صحابك التانيين عاشها وهتحس انك متميز وأكبر من سنك كتير وكمان ممكن برضه تعيش حياتك في الأجازات _الأجازه طويييله ونفسي أرجع الدراسه تاني_ وأحلى حاجه فكليتنا انها زيطه كمان يعني سنتها الدراسيه أقصر من سنة هندسه تانيه والتميز فيها أسهل من عين شمس والقاهره وفي الأخر على حد علمي (طبعا الأرزاق بايد ربنا)ان شاء الله هتشتغل كويس
هيييييييييييه.....
أفتكر مفيش صداع بعد كده ..معلش انت اللي رجعتني للأيام الخوالي
وربنا يوفقك ويهديك حسن الإختيار
SleeplessHeart
26 - 09 - 08, 02:03 AM
يعني كريم وزارا ماخلو فعلا للواحد حاجة يقولها...الكلية حلوة ومستقبلها مشرق...دانت كفاية ان الشمس فوق راسك طول اليوم...يعني قضيها..دول 5 سنين بس..وربنا يوفقك
tare2
26 - 09 - 08, 06:20 PM
من كلامك واضح انك عاوز تقضيها و خلاص
ولو على التقضية ف انت ممكن تقضيها ف السويس
السويس مش مجرد شوية الرملة والصحرا اللى انت شوفتهم دول
انت ممكن تنزل السويس نفسها او بورتوفيق والكورنيش الجديد وهناك مطاعم وكافيهات وكل اللى نفسك فيه ..............كده تبقى انت قضيتها
اما بالنسبة للكلية انا معاك انها قديمة شوية بس اهم بيبنوا مبانى جديدة وهتتنقل قريب ان شاء الله .........
أما بالنسبة لحكاية الشغل دى كن متيقنا انها أرزاق والرزق بيد الله وحده سبحانه وتعالى
لو مكتوبلك تخلص وتقعد فى بيتكم هتقعد حتى لو كنت خريج جامعه امريكية مش هندسة القاهرة
خلى عندك يقين ان نصيبك هتشوفه هتشوفه
و الكلية مستقبلها كويس فعلا بس اجتهد انت وهات تقدير كويس

شكرا على ردك ونصايحك ...
بس أنا مش عاوز اقضيها وخلاص زى ما انت بتقول انا عايز اعمل توازن.يعنى اذاكر وفى نفس الوقت اعيش سنى ....واكيد الارزاق دى بتاعت ربنا
tare2
26 - 09 - 08, 06:24 PM
انت تقريبا بتفكر بنفس تفكيري لما كنت داخله اعدادي ...أنا دلوقتي فأولى
بالضبط لأني برضه من القاهرة ..وكمان من مدينة نصر..والمشكله عندي كانت ان صحابي كلهم دخلوا عين شمس والقاهره واخواتي الكبار واللي أعرفهم كنت بروحلهم الجامعه (المجمع)بتاع آداب وتجاره عين شمس
يعني شفت الحياه دي والحياه دي وأكبد فبالك برضه ان أيام الجامعه دي أيام مش هتتعوض لو مافرحتش فيها
بس صدقني انت برضه هتعيش حياتك في السويس بس بطريقه تانيه مش هكدب عليك وأقوللك انها هتبقى زي القاهره أكيد لأ
بس بجد السويس دي هتخليك حد تاني خالص وهتتعرف على ناس عمرك مكنت تتخيل أنك تتعرف عليهم...حياة تانيه
هتعيشك حياه تانيه عمرك ماعشتها وهتحس بعديها انك عشت حاجات مفيش حد من صحابك التانيين عاشها وهتحس انك متميز وأكبر من سنك كتير وكمان ممكن برضه تعيش حياتك في الأجازات _الأجازه طويييله ونفسي أرجع الدراسه تاني_ وأحلى حاجه فكليتنا انها زيطه كمان يعني سنتها الدراسيه أقصر من سنة هندسه تانيه والتميز فيها أسهل من عين شمس والقاهره وفي الأخر على حد علمي (طبعا الأرزاق بايد ربنا)ان شاء الله هتشتغل كويس
هيييييييييييه.....
أفتكر مفيش صداع بعد كده ..معلش انت اللي رجعتني للأيام الخوالي
وربنا يوفقك ويهديك حسن الإختيار

شكرا على ردك..
انتى قولتى حاجات كتيير انا قعلا بفكر فيه زى ان ايام الجامعة دى مش بتتعوض...
وايه حكاية سنتها الدراسية اصغر دى يعنى ..أصغر بكام اسبوع ....
zara
26 - 09 - 08, 06:40 PM
مش حكاية كام أسبوع يعني مثلا
احنا دلوقت فين ..في البيت
كليات هندسة عين شمس شغاله من أول يوم دراسه..
احنا هنبدأ دراسه الأسبوع اللي بعد العيد
ومشهنروح كمان الأسبوع بتاع 6أكتوبر
قيس على كده بقى بقية السنه
Iso Man
27 - 09 - 08, 12:39 AM
اولا بحب اهنيك يا طارق باشا على الكليه الجميله
فعلا كليه جميله متستغربش .....
انا حاليا اعيش اجمل ايام حياتي ... متسالنيش ازاي!
مش مهم شكل الكليه ... لا خاااااالص .... المهم حاجتين
اولاهما طبعا الناس اللي جواها واللي هما زي العسل والله
والله كلهم زي العسل دون استثناء لفرد واحد في الكليه والله مهما كان
وعاملين احلى جو في الكليه ... وتجربة الغربه والشحططه دي
بتغمرني بنشوه رااااائعه وغاية في الجمال ... مع انها محبطه في بعض الاحيان
ثانيا بقا ان انت لما تتسال هتقول انا في هندسة بترول !
واعتقد هذه وحدها تكفي .......
معلش انا اتبهدلت بهدلة الترم الاول ... ومعظم الطلبه كده
ان لم يكن كلهم ... بس الحمد لله خدت على الوضع الترم التاني
وكله بقا تمام ... استحمل في الاول وبعدين كله هيبقا تمام
وعلى فكره نصيحه واحده مفيش غيرها
ذاكر على قد ما تقدر عشان تجيب مجموع وتخش اعى قسم
لتكتمل فرحتك وتزول مرارة الغربه والصعوبات ... الخ

تقبل خااااااالص امنياتي بالنجاح والتوفيق
tare2
09 - 10 - 08, 07:05 PM
[QUOTE=zara;31156]مش حكاية كام أسبوع يعني مثلا
احنا دلوقت فين ..في البيت
كليات هندسة عين شمس شغاله من أول يوم دراسه..
احنا هنبدأ دراسه الأسبوع اللي بعد العيد
ومشهنروح كمان الأسبوع بتاع 6أكتوبر
قيس على كده بقى بقية السنه[/QUOT
عندك حق ..وشكرا ليكى مرة تانية
tare2
09 - 10 - 08, 07:07 PM
اولا بحب اهنيك يا طارق باشا على الكليه الجميله
فعلا كليه جميله متستغربش .....
انا حاليا اعيش اجمل ايام حياتي ... متسالنيش ازاي!
مش مهم شكل الكليه ... لا خاااااالص .... المهم حاجتين
اولاهما طبعا الناس اللي جواها واللي هما زي العسل والله
والله كلهم زي العسل دون استثناء لفرد واحد في الكليه والله مهما كان
وعاملين احلى جو في الكليه ... وتجربة الغربه والشحططه دي
بتغمرني بنشوه رااااائعه وغاية في الجمال ... مع انها محبطه في بعض الاحيان
ثانيا بقا ان انت لما تتسال هتقول انا في هندسة بترول !
واعتقد هذه وحدها تكفي .......
معلش انا اتبهدلت بهدلة الترم الاول ... ومعظم الطلبه كده
ان لم يكن كلهم ... بس الحمد لله خدت على الوضع الترم التاني
وكله بقا تمام ... استحمل في الاول وبعدين كله هيبقا تمام
وعلى فكره نصيحه واحده مفيش غيرها
ذاكر على قد ما تقدر عشان تجيب مجموع وتخش اعى قسم
لتكتمل فرحتك وتزول مرارة الغربه والصعوبات ... الخ

تقبل خااااااالص امنياتي بالنجاح والتوفيق

شكلك دحيح جامد أوى ...شكرا اوى على نصايحك الجامدة...مع انى مش مهتم ان حد يقولى انت فى ايه اقوله انى فى بترول لأنى مش بحب المنظرة خالص ...وربنا يسهل واقدر اتأقلم عشان اقدر ادخل حفر
abdlrahman90
09 - 10 - 08, 07:18 PM
ههههههههههههههههههه يعنى الراجل عايز يقدملك نصيحة تقوله شكلك دحيح جامد اوى ..........ماشى يا عم بس على فكرة ايزو من الناس القليلة اللى بتحب تساعد الناس بجد اسالنى انا ياما صورت منه محاضرات واحتجتله فى حاجات كتير
tare2
10 - 10 - 08, 04:48 PM
ههههههههههههههههههه يعنى الراجل عايز يقدملك نصيحة تقوله شكلك دحيح جامد اوى ..........ماشى يا عم بس على فكرة ايزو من الناس القليلة اللى بتحب تساعد الناس بجد اسالنى انا ياما صورت منه محاضرات واحتجتله فى حاجات كتير

ايه يا باشمهندس هيا دحيح دى شتيمة ولا إيه دى مدح ولا يمكن انت فاهما غلط ...طب ياريت اكون نصه حتى وربنا يسهل