قصة طالب شهادة معادلة في بترول السويس ( ممنوع الدخول لاصحاب القلوب الضعيفة )

[crazy mogrem]

::بسم الله الرحمن الرحيم

انا عارف ان في ناس ممكن تعترض على بعض من كلامي بس انا هحكي اللي حصل بامانة :BabyCry:

بداية انا عشت معظم حياتي برة مصر ( مش هقدر اقول عشان حبايبي كتير ) :ShaefNafsou:المهم طلعت النتيجة و كانت بعد الرفيع 95% قولت اكيد مش جيالي بترول بس قولت يلا اكتبها في التنسيق و خلاص و سبحان الله لقيت الجواب بترول و تعدين السويس و كانت اول صدمة ..

المهم اترددت بين فرحة الاهل و الاغراء باني هيجيلي واسطة اشتغل لما اتخرج فالبلد اللي جي منها و بين انها في السويس و بعيدة و صعبة و روحت بعد النتيجة اشوف ايه النظام باختصار بعد رحلة 4 ساعات وصل الباص الساعة 10 الصبح رحت شفت المعمل و رجعت في باص 11 :driving:طبعا مش هعيد و ازيد في الصدمة اللي عاشها كل طالب غيري
المهم رجعت بعدها باسبوع سالت عن المدينة قالولي 8 في اوضة وكل واحد ب 360 عشان جي من برة ( يعني شايل الفلوس في شكاير و جي :rich: ) قولت لا اخد سكن برة و وطبعا احلى ناس تتعامل معاهم السماسرة.0 واتنصب علي مرتين بس والحمد لله) .....
بدات بقى اقابل الطلبة اللي اتضح انهم كذا نوع ( اوائل الثناوية العامة و اوائل المعاهد و المعادلة واللي الامريكي اوائل برده:Catchcold: )يعني باختصار اوائل اوائل مش زي داخل الكلية عشان محدش من البلد اللي انا منها راضي يدخلها طبعا بعد ما شفت الطلبة فكرتي عن الحياة الجامعية الي كنت بشوفها في التلفزيون اتغيرت تماما و قلت خلاص الواحد يقضيها جيش ( السويس بلد نصها جامد جدا بس مش ده النص الي عايشين فيه )....
فكرت و قلت لا كله يهون قصاد المستقبل الباهر للكلية طبعا على ماستقريت انا وزمايلي كانت امتحانات الميد تيرم بدات و الدكاترة عادوها علشانا جزاهم الله خير و بعد لقيت الموضوع( حوار اني احاول اكون زي بتوع المدينة يعني ازاكر ساعتين يوميا لو حبيت يكون قدوتي في المذاكرة البواب بتاع المدينة) صعب عشان انا لعبي صراحة ومليش في المذاكرة فقلت احول مميز بقى بعد ما سمعت عنه وانه بيضم قسمين حفر و جولوجيا و الموضوع قشطة بقى و مش هضطر ادخل في منافسة مع عملاقة الكلية ..... البقية تاتي الجزء القادم لان مفيش داعي احرج نفسي لو محدش هيرد:confused:

[mas1990]

انا متشوق للجزء الثانى

[zara]

ايه ده انت معانا
اه بترول .....طيب هو فيه أصحاب قلوب ضعيفه فبترول
كمل ...كمل خلينا نشوف آخرتها.....
هههههه

[ahmed e]

قول قول قول حدش واخد منها حاجه...........هههه

[BIG SHOW]

يا سلاااااااااااااااام والله فكرتنا يا ابني باللي مضى
على فكرة يا رجاله الواد دا بيتكلم كلام زي الفل
وكلامه كله صح وحصل معايا بالظبط


دا حتى انا معاه في نفس الاوضه

[SleeplessHeart]

كمل كمل.....قلب علينا المواجع..

[بنت مصريه]

الله يسامحك ................
داا انا ما صدقت استوعبت الصدمه ،،،،،،
قلبت عليا المواجع يا كابتن
ضيف للمعاناه المحترمه دي معاناه زيها ومعاناه كمان اني بنت
يعني ربنا معايا ومعاك ومع كل المغتربين اللي عايشين معانا في الكابوس المتوحش دا

[Iso Man]

كمل يا باشا
طبعا انا شهاده معادلة
وعشت معاناه لا توصف
والظاهر كده عرفتك ....
بس ربنا مع الجميع في الخروج من المعناه

[crazy mogrem]

طبعا بعد النجاح الي تخطى جميع التوقعات(صراحة انا كنت متوقع اني الناس هتتريق علي و مش هيعبروني ) احب قبل مبدا احيي البرنس ايزو و الي جاين من عمان كلهم





نرجع بقى للموضوع.

في مبدا اتعلمناه من ساعة ماجينا الكلية و صراحة من غيره منقدرش نستمر وهو (مبدا لو ركزت هتتعب:hesitation:) لان بالنسبة لواحد عاش برة مصر خصوصا او عاش برة السويس عموما كل يوم هتشوف عجائب و غرائب لدرجة انك هتوصل لمرحلة البرود ان خلاص بقى مهما حصل مش هتندهش ولا هتتخض :nuts: يعني مثلا هديكوا دلوقتي مجموعة من الاسئلة الي كلنا سالناها معادلة و ثانوية عامة اول ما شفنا الكلية و ربنا يعني يوفقني وافتكر :

1- سؤال كل طالب : هي مش دي احسن كلية في مصر و كلية بترول كمان؟ امال مالها عاملة زي ما تكون معهد الصرف الصحي ؟

2- هو مين اللي اتبنى الاول : المعهد ولا الاهرامات؟

3-الساعة اللي وانت داخل الجامعة هتلاقيها (صرح عظيم يبلغ ارتفاعة 200سم بناه السوايسة القدماء و يتكون من شبه مكعب خشبي يعلوه هرم رباعي القاعدة و يستقر على كل وجه ساعة حائط ب 5 جنيه من غير بطاريات) يا ترى الساعة دي بتنور بليل؟

4-ليه معندناش مبنى مكتوب عليه بترول و تعدن السويس زي اي كلية في مصر ؟

5- هو الكلية في المعمل ولا في الجامعة؟

6- هو البنات اللي بيدخلوا الكلية هيشتغلوا ازاي؟ ولو اشتغلوا هيتجوزوا ازاي؟

7- هو ليه ابسط جملتين عند شؤون الطلبة : تعالى بكرة او يوم الحد بتاع اعدادي ؟

9- هو القرارات اللي بتتاخدها الكلية واللي بتخص الطلبة ليه الطلبة مبيعرفوهاش الا لما يكون وقت القرار خلص؟

10- هو ازاي يسكنوا احسن طلبة في مصر 8 في كل غرفة؟

11- هو مين اللي ردم المصرف اللي قدام الجامعة و ردموه ليه؟

دي شوية اسئلة عن الجامعة يجي بقى عن الحياة في السويس:

1- هو ليه السويس فيها غربان بس مفهاش عصافير؟


2- هي لما الفران بتاعت السويس قد القطط امال القطط مابتكالهاش ليه ؟ هو فين القطط اساسا؟

3- هو ليه ميكروباص السويس الوحيد اللي بيركب 18 ( 14 في الميكروباص و 4 متشعبطين )؟

4- هي السويس حصلت على براءة اختراع في موضوع انهم استغنوا عن شركان النضافة و سابوا البدو هم اللي ينضفوا الشوارع عن طريق قطعان الغنم؟

5- المدرسة الي مكتوب على سورها ( السويس جزء من مصر ) بتفيدنا بايه؟

6- ليه السوايسة انتماءهم للسويس اكبر بكتير من انتماءهم لمصر ( ده راي شخصي يتحمل الصواب و الخطا )؟


في اسئلة كتير بس مش فاكر حاليا المهم في كام حاجة كده برده هتلاحظوها في المعمل خصوصا يعني مثلا متسغربوش لو لقيتوا كلاب بترضع جو الكلية او كلاب بتاخد حمام شمس و بالنسبة لقطيع الخرفان والمعيز اللي بيجوا للملعب اللي جنب الكلية متقلقوش منهم اقلقوا بس لو جه ( اعزكم الله ) قطيع الحمير ساعتها ممكن تقلقوا بس وصراحة السويس بتتميز بالتنوع في الاحياء و في منهم طيور
شكلها جامد جدا هنلاقوها قدام الجامعة؟

طبعا بعد سنة الحاجات دي بقت عادية اما بعد مالسنة خلصت المفاجئات ظهرت بجد حتى بعد سنى ماكنتش اتوقعها






نكمل بقى الجزء الجي بعد الردود ( حلقت النهاردة مش جزء من القصة بس يعني شوية تسالي كده قبل ماندخل الجزء الجديد

[conan]

فعلا كل الكلام حقيقي 100 %
مع ان ان مقعدتش في السويس
لغاية دلوقتي الا يومين بس
ومش عارف هاخلص السنة دي ازاي
ولا على الأقل هخلص الشهر الاول ده ازاي

[the one]

انا نفسي اااااادخل الكليه دي

بس بعد الكلام ده كله
اعتقد اني هغير رااايي
ياريت تكمل علشان نعرف كل حاااااااجه عن الكليه

[smile 4 life]

ياااااااااااااااااااه*/ جيت عالجرح يابنى وفكرتنى بالذي مضى*/*/*/*/*/*/*/*/*/
والله معاك حق في الي بتقوله بس للاسف في كتير مش عارفين ده
مستنيين باقي الماساة الي بتتكرر مع اصحاب الشهاده المعادله
:Confined:

[ThE_InViSiBlE]

ههههههههههههههه

طبعا 98% من الكلام ده مظبوط و مفيش فيه اى غلط بس احب اقوللك ان انت دلوقتى فى نعمة عن اللى كانوا قبلك

و عموما الاعراض اللى انت شايفها دى مجرد اعراض ظاهرية و هتاخد وقتها و تروح مش مزمنة يعنى و هتتعود بمجرد انك تخلص من 3/4 السنة :d

و اسال مجرب

[~الســـراب~]

welmos7af elwad da esmo md7t:LKKJ w +_)(*& eshta ya z0mol gai mn el kwit

[crazy mogrem]

ايه يا جماعة فين الردود 13 من 150 بس ؟؟؟؟؟؟؟؟؟؟؟؟؟؟؟؟؟؟؟؟؟

[El-Matador]

yabny klamak kolo sa7
bas ana bythaya2ly enny 3rftak mn klamak da
w kaml ba2a ba2eet el 7kaya 3ashan at2ked mnak

[El-Matador]

el klam da enta 2aylholy bilnas w7na nazleen mel autobees ...........sa7?!!!!!

[crazy mogrem]

wallahi ya matador msh wa5ed baly .... enta btrkb el bus elle ray7 fen m3 el 3lm ene mrkbtsh otobesat el snady 5ales :d

[El-Matador]

la2 mahowa enta makontsh rakb el bus ma3aya bas wana nazl 2abltak w etkalmt ma3aya w 2oltly el klam da

[zidan]

كلامك صحيح وكلنا عشنا الواقع ده بس ربك يسترها
مستنيين باقي القصه

[crazy mogrem]

الجزء الثالث قريبا ان شاء الله بس عشان مشغولين بقى امتحانات و عيد و بتاع عالعموم كل سنة وانتم طيبين

[eng-mining]

ياضنايا يبني :patch_pleur1: