قداما الخرجين

[خالد محمد السيد محمد]

ييا اخوة انا كنت طالب من احدى طلاب هذا القسم وكنت متفوق والحمد الله وتخرجت بتقدير عام جيد جدا بنسبة تراكمية 4 سنين ( 78.02 ) عام 2006 وترتيبى 10على الكلية و 3 على التخصص الانشاءات وكنت الدفعة متفوقة واول على التخصص فى دفعتى ابراهيم عجوة و على فكرة ان الكلية مستقبله رائع فى التعينات فى الشركات الهندسية وخصوصا قسم الانشاءات
وهدية من اخوكم القديم اسم منتدى علية كل الكتب الهندسية فى مجال التخصص دون الرجوع الى مكتبة الكلية العقيمة منتدى يدعا منتدى المهندس فيها كل البرامج والمراجع التى تخص القسم
والحمد الله شغال فى شركة مقاولات كبيرة بمرتب مهندسين ومتعين على درجة مهندس
وياريت راسالونى

[هيثم]

متشكرين جدا محمد انا هيثم محمد من الاسكندرية انا فى الفرقة الرابعة فى الكلية قسم الانشاءات المدنية ومتشكر على كلامك ربنا يوفقنا كلنا هيثم محمد الاسكندرية

[elsaidy]

موفق بإذن الله ... لك مني أجمل تحية .
يارب يجعلك دائما من المتفوقين ان شاء الله انا احب التفاؤل ولكن بحذر نرجوا من الله العلى القدير ان يرزق اخواننا العمل الصالح

ولكم هديه منى لكم مدونه تهتم بالتعليم الصناعى ومشاكله ومشاكل اخرى كثيره نرجوا من الله التفاعل وكذلك التوفيق

[ayman_mero]

مشكور اخوانى على رفع معنويات الواحد
بعد ما كان بسمعه على الكليه
وربنا معاكوا ومعانا فى الامتحانات ادعوالنا
ايمن الفرقه الثانيه تبريد

[نجم مدنى]

على فكرة احنا شباب جمدين جدا ومن تعاملى مع زملائى المهندسين وخرجيى هندسة معندهمش السنس الهندسى الى احنا مرينا بيه خصوصا اننا خريجى دبلوم المدارس الصناعية ثم دبلوم فوق متوسط من المعاهد الصناعية ( مساحة - الصحافة - المطرية ......الخ) ثم البكالوريوس هههههههههههههههه يعنى التخصص فى دمائنا

[نيول]

السلام عليكم ورحمة الله السلام على كل المنتدى وبلأخص دفعة 2006من جميع التخصصات اخوكم وليد جلال خريج2006 قسم الصناعات الكهربية واحب اسلم على ابراهيم عجوة وجرجس ومحدش يجيلوا احباط من الكلية فرصها حاليا افضل بكتيييييييييييييييييييييييييييييييييييييييير وشكراااااااااااااااااااااااااااااااااااااااااااااا ااا

[girgisfox]

اجمل تحيه لاحسن ناس
شباب كلية التعليم الصناعى
احب اسلم على كل دفعة 2006 وخالد ووليد اخبارك ايه :musician:

[محمد حمودة محمد زين الدين]

السلام عليكم ورحمة الله وبركاتة
انا و الحمد لله بشتغل مراقب عام للصيانة بالكويت والحمد لله وصلت بمجهودي وكفائتي للمركز دة لدرجة اني والحمد لله رأي بيأخذ بية اكتر من مهندسين القسم سواء كان اعمال انشائية او صيانة لدرجة انة طلب مني نائب المدير العام ودة مصري لكن لة اسمة في الكويت شخصية عظيمة عملا وخلقا اني اجيب كارنية النقابة بأي شكل لان ساعتها هكون المهندس الاول في الشركة
علشان كدة عاوز اقول لكم انة مهما وصلنا في العمل من درجات الكفاءة من غير النقابة هنكون ضائعين
ومن اجل ذلك لابد ان نبذل كل ما بوسعنا عسي الله ان يصلح حالنا ويوفقنا لما نسعي من اجلة وصدقزني هتفرك كتير كتير قوي
محمد زين الدين
خريج 2003
قسم تبريد وتكيف

[حسام السعيد هيبه]

ازيك يامحمد ياحمزة انا حسام هيبة بكلمك من الامارات وبنشكرك على روحك العالية وربنا يوفقك كل خريجى التعليم الصناعى

[قطوف الايمان]

السلام عليكم ورحمة الله وبركاته
انا ايضا" يا اخ خالدمحمد خريجه كليه التعليم الصناعى جامعه قناه السويس دفعه 2006 قسم كهرباء بتقدير جيد وربنا الحمد لله كرمنى ورزقنى بشغل فى احدى شركات مياه الشرب والصرف الصحى واعمل كمهندسه مشرفه على الاعمال الكهربيه والميكانيكيه فى تنفيذ واعاده تاهيل محطات مياه الشرب والصرف الصحى ولكن تم تسكينى فى شئون العاملين ببكالوريوس التربيه فى التعليم الفنى الصناعى تحت مسمى التنميه الاجتماعيه وهو قسم يضم المؤهلات الغير متعارف عليها وده طبعا" بعد ذل وعذاب مع شئون العاملين واصرارهم على تعيينى بالدبلوم لعدم اعترافهم بالكليه ولكنى اصريت واصرارى هو الى نجح فى الاخر والحمد لله وحده لا شريك له* شكرا" له ملىء السموات والارض
ان الحمد لله اثبت وجودى فى العمل وكل رؤسائى بيشيدو بشغلى الممتاز ومرتبى هو نفس مرتب خريج هندسه ولكنى دايما قلقانه هو طبعا" الرزق بايد ربنا وحده ولكنى مش عارفه احس بثقه لدرجه انى بتهاون فى حقى كتيير:sad:
ان سمعت ان فى سنه تكميليه ممكن ناخدها ونعادل هندسه يا ريت لو تفدنى فى الموضوع ده(رجاءا" حد يرد عليه)
وعلى فكره ان فاكره كويس الزميل جرجس اديب دفعه 2006 وانا بحترمه قوى حتى كان شغال فى كروت الافراح والكروت الشخصيه ايام الكليه صح ولا لاه
وعليكم السلام ورحمة الله وبركاته