فرصه لطلبة كلية التعليم الصناعــــــــــــــــــــــى

[vendetta]

بسم الله الرحمن الرحيم

ياجماعه انا تعليم صناعى وخدت تدريب فى شركات وكورسات عملى لكن برى فى السوق فى مشكله بتواجهنا جميعا وهى كارنيه النقابه المشكله ان كلياتنا لاتتبع نقابة ومش هاتتبع ولكن فى ناس فى السويس هايرفعوا قضيه ولازم كلنا نقف معاهم !!!!



ملحوظه مهمه جدا الطلبة فى معهد بنها العالى 5 سنين اعتصموا ومارضيوش يتحركوا ولا يتنازلوا الا لما معهدهم يتحول لكلية والموضوع وصل للصحافه وهى دى العصايه السحريه بالمناسبه لكن تعرفوا ايه اللى حصل ................ حصل كالاتى




1- انضم معهد بنها وهندسه شبرا الزقازيق وانشئت جامعه بنها
2- انضم معهد العالى للطاقه باسوان لجامعه جنوب الوادى بعد ماكان تابع لوزاره التعليم العالى
3- انضمت تعليم صناعى القاهره اللى كانت تبع وزاره التعليم العالى لجامعة حلوان بعد ماكانت هاتروح لعين شمس

عشان يريحوا دماغهم

الموضوع مش مستحيل ولكن ده حقنا لو اتمسكنا بيه وفضلنا مصريين عليه هناخده على الاقل فى هناك رجاله وقفت وخدوا حقهم بالادب والقانون فى بئى فى تعليم صناعى رجاله زى دول وهو ده اللى لازم يحصل

ياريت الناس تقول نعم او لا

[محمود الفرنساوي]

بص يا باشمهندس
الموضوع ده كبييير جدا
بس خلاصته
انا خريج الكليه دفعه 2007
المشكله ان انا مسجلتش في نقابه
سالت في نقابه المهندسين قالوا تمنح عضويه النقابه لخريجي كليات الهندسه والمؤهلات الموازيه بشرط دراسه 5 سنوات
وطبعا احنا اربع سنوات

نزلت علي المجلس الاعلي للجامعات المصريه في 89 ش احمد عرابي المهندسين القاهرة
المهم سالت عن شروط معادله درجه البكالوريوس
قالوا
ان لازم يكون تخصصك متوفر في الكليه اللي راح تعادل فيها درجه البكالوريوس
قلت جميل
قال تاني شيء موافقه رئيس القسم وعميد الكليه ورئيس الجامعه

مكدبتش خبر
نزلت علي كليه الهندسه في اسكندريه
قالوا ان لازم المجلس الاعلي للجامعات يبعت نشرة فيها الموافقه علي معادله درجه البكالوريوس
وتكون خاصه بطلبه التعليم الصناعي
لان معادله درجه البكالوريوس في كلية الهندسه في اسكندريه لازم تكون من معاهد او كليات خمس سنين
وده طبعا مخالف للشروط
ده بالاضافه
ان لو عايز تعادل درجه البكالوريوس
لازم يصدر قرار من رئاسه الوزرا
وما ينفعش اي حد يقدم طلب
لازم الطلب يتقدم من خلال مساره القانوني
نزلت تاني للمجلس الاعلي للجامعات المصريه
قال لي الكلام ده صحيح
بس في حل

انك تعادل درجه البكالوريوس مع المعاهد الخاصه المساويه لكليه الهندسه
ومنها تقدر تطلع كارنيه نقابه مهندسين

المشكله تنحصر في الاتي
اولا قمت بمراسله معاهد خاصه
اغلبيتها ما ردوش
لكن في معهد واحد رد
وكان الرد لازم يكون عدد الطلبه اكتر من 500
فا احنا مستنين نجمع العدد ونقدم السنه اللي جاية

[vendetta]

الحمد لله رب العالمين
مدام الموضوع مش مستحيل خلاص نمشى فيه لانه يستحق والظاهر انك مركز جدا فى المنتدى ومهتم جدا بالموضوع لان الموضوع ده يادوبك من نص ساعه وثانيا انت شكلك سالت كتير بس ممكن يختلف الموضوع من جامعه لاخرى وربنا يكرمنا ان شاء الله ونتجمع ونعمله وصدقنى مش 500 بس اللى ممكن يتجمعوا ممكن 5000 واكتر من كده بكتييييييير كمان ولو على العدد ممكن نجمع الناس ونعمل مدام مش مستحيل يبئى فى امل ان شاء الله

[vendetta]

اسم المعهد ده ايه ؟؟؟؟؟؟؟؟؟؟؟؟؟؟؟؟ وشروطه واقسامه لو امكــــــــــــــــــــــن ؟؟

[محمود الفرنساوي]

اقسامه قسمين اتنين
العمارة والكهرباء

[محمود الفرنساوي]

انا راح ابعت لك اسم المعهد وارقام تليفوناته
النهارده
لانه مش معايا دلوقتي

[محمود الفرنساوي]

ده اسم المعهد
أكاديمية وادى العلوم
المعهد العالى للعلوم الإدارية والمالية ونظم المعلومات

وده ايميل بتاعهم ممكن تراسلوهم

sciencevalleyacademy@gmail.com


ودي ارقام الهاتف المحمول ليهم

0106640174
0161678944

اما العنوان بتاعهم مش معايا دلوقتي بس هو في العبور

[فرج فتحى محمد]

ما شاء الله عليك
عموما انا خريج تعليم صناعى دفعة 2000
واتمنى انى اشرك معاكم لانى وجهتنى مشكلة الكرنيه فى كل شغلى
عموما ده رقم موبيلى واتمنى اول متكونو جهازين بس ترنولى او تبعتولى رساله على الايميل

[محمود الفرنساوي]

عنوان المعهد علشان الناس اللي بتسالني

العبور - خلف جيرو لاند - جمعية احمد عرابي - باب 7 - طريق 8 شمال

تليفون ارضي

24778461 - 26213778 - 26213788

الموبايل

0106640174 - 0161678944

وربنا يوفق عباده

[رجب عبد العال]

شكرا ليك يا فرنساوى على مجهودك وان شاء اللة ربنا هيكون معانا علشان احنا منطالب بجزء صغير من حقنا

[mag2003]

اولا انا احيكو علي المجهود الجميل ده
انا خريج تعليم صناعي 2003 واعمل مهندس تكييف بشركه بالسعوديه
ونفس المشكله هنا مهندس لكن بدون اعتراف من دولتي
اتمني لكم التوفيق
وانا معاكو لكن معرفش اذاي ممكن اتواصل معاكو
واذاي اعرف اخر الاخبار وان العدد اكتمل ولا لسه
ياريت يكون فيه واحد نقدر نتابع معاه بالموبايل او الايميل
وشاكر مجهودكو مره ثانيه

[vendetta]

ارسل رساله خاصه بس للفرنساوى او Vendetta

[ميدو السيد]

السلام عليكم ورحمة الله وبركاته

موضوعك اخي الغالي الحبيب رائع جدا ونحن خريجي كليات التربية (( بكالوريوس التعليم الفني والتربية _ التعليم الصناعي _ الشعبة المعمارية) جامعة حلوان نعاني من نفس المشكلة وخصوصا خريجي الكليه والذين لم يعملوا ولم يعينوا حتي الان للعلم اخي الغالي كانت جميع دراستنا بكلية الهندسه المطرية جامعة حلوان وكليه الفنون الجميلة ايضا جامعة حلوان ودرسنا نفس مواد طلاب الهندسة ونحن الان نعاني من مشكلة كارنيه الهندسه لاننا نحن الان ليس لنا نقابه لاننا غير مقيدون بنقابه المعلمين لان الغالبية الكبري لم يعينوا فليس لهم الحق في قيدهم ضمن النقابه

سؤالي لك اخي الغالي الحبيب

هل يمكن لنا ان نعادل درجة البكالوريوس وننضم معكم وفي هذه الحالة نكون اكثر من 500 بل اكثر بكثير

الرجاء اخي الغالي سرعة التاكد والرد علينا لاننا الى الان لا نستطيع ان نعمل الا بالكارنيه وكثير من زملائنا سافروا ويعملون مهندسين بالخارج ولكن من غير كارنيه وشكرا

[محمد حمودة محمد زين الدين]

السلام عليكم ورحمة الله وبركاتة انا اطلعت علي المنتدي الجميل اللي انتو عاملينة وبصراحة احنا محتاجينة جدا ان حاليا مساعد مهندس تكييف بالكويت وحاولت كتير اني انضم للنقابة هنا لكن للاسف مأدرتش ومتتصوروش دي تعباني جدا في شغلي انا خريج تعليم صناعي القاهرة شعبة تبريد وتكييف دفعة 2003 وحاولت اني اسافر الاردن عشان اكمل هناك لكن ظروف شغلي ماسمحتش انا معاكم في كل اللي هتعملوة ودة رقمي في الكويت وربنا يكرمنا ونكون رجالة ونكمل المشوار وناخد ابسط حقوقنا اللهم اميين

[rawan_200699]

السلام عليكم الاخوة العزاء انا خريج كلية التربية صناعات معمارية حلوان سنة 2000
واعمل مساعد مهندس بالسعودية اليكم الاتى
1- تم إجراء مكالمة تليفونية مع عميد المعهد المذكور(ا.د / اسامة )

وتبين انة لازم نرسل صور من شهادات التخرج على المعهدلانة سوف يرسلها الى بولنة والجامعة هناك تحدد عدد المقرارات الازمة للمساوة بالهندسة وسوف نقوم بتكملة هذة المقرارات فى المعهدوالفاكس هو 24778461ثم 121 عناية ا.د/ اسامة
الاخ ميدو السيد
نحن تربية عمارة من ضمن الموضوع
اميلى
اذا احد وصل الى جديد نتمانى ان يرسل لى رسالة
وشكر

[rawan_200699]

العدد المطلوب كثير لازم نجمع اكثر عدد من خريج كليات التعليم الصناعى (تربية صناعى او تعليم صناعى)وشكر

[محمد حمودة محمد زين الدين]

محمد حمودة محمد زين الدين;36107]السلام عليكم ورحمة الله وبركاتة انا اطلعت علي المنتدي الجميل اللي انتو عاملينة وبصراحة احنا محتاجينة جدا ان حاليا مساعد مهندس تكييف بالكويت وحاولت كتير اني انضم للنقابة هنا لكن للاسف مأدرتش ومتتصوروش دي تعباني جدا في شغلي انا خريج تعليم صناعي القاهرة شعبة تبريد وتكييف دفعة 2003 وحاولت اني اسافر الاردن عشان اكمل هناك لكن ظروف شغلي ماسمحتش انا معاكم في كل اللي هتعملوة ودة رقمي في الكويت 0096565131078 وربنا يكرمنا ونكون رجالة ونكمل المشوار وناخد ابسط حقوقنا اللهم اميين
السلام عليكم ورحمة الله وبركاتة ياجماعة احنا اكثر من 500 بكتير وزملائي في الدفعة والدفعة اللي قبلي واللي بعدي احنا كتير قوي بس عرفونا نعمل اية ياريت تردو علينا احنا مستعدين من العام القادم إن شاء الله عرفونا اية الخطوات اللي المفروض نعملها من دلوقتي وجزاكم الله عنا خيرآ[/COLOR]

[vendetta]

الظاهر أن فى فى تعليم صناعى رجاله ورجاله تمام !!!!!!


الله ينــــــــــــور الناس ابتدت تتحرك أهه ولسى وأن شاء الله نحقق هدفنا وناخد حقنا

[ميدو السيد]

اكيد فيه رجاله ورجاله يالا يا جماعه عايزين حقوقنا بس ياريت اللي يوصل لشئ يعرفنا اول باول

[محمود الفرنساوي]

الف شكر لكل التعاون ده
وبكده احنا نقدر نبدا الدراسه من السنه اللي جايه ربنا يوفقنا كلنا

[ميدو السيد]

الغالين السلام عليكم ورحمة الله

يا جماعه عايز اعرف وصلنا لحد فين


يعني المعهد قال ايه واخر الاخبار ايه

[ميدو السيد]

يعني يا جماعه مفيش جديد خالص
حد وصله جديد من المعهد

[vendetta]

الفرنساوى رايح يقابل العميد بعد العيد ان شاء الله
بس فى بلوه

ايه مصير التخصصات اللى مش فى الاكاديميه دى ؟ */

لكن الموضوع من اوله لاخره فى أيد ربنا فكلنا نقول يااااااااااااااااااااااااااااااااارب وان شاء الله فى حل

[ميدو السيد]

اخي الغالي محمد الفرنساوي انا بحثت علي النت عن اسم المعهد ووجدت ان المعهد ليس به شعبه هندسيه

كله نظم اداريه فقط يا جماعه انتم فين فين الاخ محمد اللي مش عايز يرد علي الكلام اللي انا بكتبه يا اخوه لو كنتم عايزين الموضوع جد لازم يكون هناك تواصل مش عارف اتواصل مع احد فيكم عمال ابعت في رسائل علي الخاص للاخ محمد الفرنساوي ولكن هو عامل خاصيه عدم تلقي الرسائل من الاعضاء وكمان ارسلت للاخ vendetta (http://www.scusuez.org/vb/member.php?u=2076) وللاسف بردو مردش علي رسالتي يا اخوه انتم وخدين الموضوع بجد ولا كلام وبس ان كان كدا يا اخوه نعرف بس وشكرا لكم

[عاشق الاحزان]

على فكره انا بدرس فى اكاديميه وادى العلوم دى لو حد عايز اى استفسار يكلمنى على الموبايل
يبعتلى رساله على الخاص
وعلى فكره هو فيه لوم اداريه مثل نظم ومعلومات ومحاسبه وعلوم مصرفيه وفى كمان قسم الهندسه

[محمود الفرنساوي]

المعهد في قسم خاص بالهندسه
وبيقبل شعبتين العمارة والكهرباء
وان شاء الله راح اقابل العميد الاسبوع المقبل
وان شاء الله راح اقول لكم ملخص اللقاء ايه
انا بقبل الرسائل الخاصه من الاعضاء ابعت الرساله علي vendetta (http://163.121.146.100/vb/member.php?u=2076)

او محمود الفرنساوي (http://163.121.146.100/vb/member.php?u=970)

[عاشق الاحزان]

انا والله روحت المعهد يوم 23/12 علشان اقول لدكتور اسامه على الموضوع دا بس والله هو مكنش موجود فأن شاء الله اول اما اروح واعرف اى حاجه هبلغكم
تحياتى للجميع وان شاء الله ربنا معاكم

[محمود الفرنساوي]

ياريت نعمل تنسيق مع بعض لان الناس كده ممكن تزهق

[ميدو السيد]

هي الناس يا غالي لسه هتزهق

علي فكرة ناس كتير بدءت تصرف نظر نظرا لعدم الجديه

وعلي فكرة ناس بدات ترضي خلاص باللي هي فيها

وناس بدات تدور علي طريق اخر

مشكور يا غالي

[rawan_200699]

الحمدلله والصلاة والسلام على رسول الله وعلى آله وصحبه أجمعين
نأمل من الاخوه ان يفيدونا هل فى حل او انتم وصلتم فين
وربنا يوفقك الجميع
شـكــ وبارك الله فيك ـــرا لك ... لك مني أجمل تحية .

[mohamed gr]

رجاء افادتى بما قد تم الوصول اليه انا اريد ان اعرف انتم لما بتساله فى المعاهد الخاصة بتساله بناء على ايه علشان انا كمان عايز اسأل و يريد الاخ الذى قال انه ذاهب لمقابلة عميد المعهد يترك لى رسالة بها رقم موبيلة لانى اريد الذهاب معه
او يتصل بيا و انا اذهب معاه
رقمى

[ميدو السيد]

في مكالمة تليفونيه للاستاذ الدكتور // اسامه عميد المعهد

تفضل سيادته وقال الاتي /

وكلامي خاص بكليه تربية عمارة قال لابد من توافر بيان بالمواد الهندسيه التي درست خلال الاربع سنوات ولابد ان يتضمن البيايان محتوي كل ماده اي ما درس في كل ماده والحمد لله نحن في الطريق في احضار هذا البيان من جامعه حلوان ونحن الان نناشد كل الاخوه الغاليين ان يسرعوا وان يحضروا بيان المواد من الجامعه الخاصه بهم اي من كان في تربيه المنصورة يسرع بهذا البيان وعلي فكره هو سهل جدا في احضاره عن طريق رئاسه الجامعه لانه مقرر وموجود في مناهج الكليه ونحن من ناحيتنا ((جامعه حلوان )) بصدد احضاره لان المحتوي موجود علي النت مطلوب من كل اخ تخرج من جامعه اخري احضار هذا البيان بمحتوي الدراسه ومحتوي المواد وعلي فكره لابد ان يتم الكلام دا في اسرع وقت لان رئيس الجامعه البولنديه التي سوف تعتمد شهادتنا ومعادلتها ببكالوريوس الهندسه سيكون موجود في اجتماع بالمعهد الشهر القادم ودي اخر فرصه لنا وشكرا

[محمود الفرنساوي]

انا مجهز بيان المواد ومسافر للمقابله العميد ورقم موبايلي ممكن تحصل عليه من مدير المنتدي الاستاذ الانيماتور
وانا متواجد بصفه مستمرة

[hamada net]

السلام عليكم ورحمة الله وبركاته
أخوكم محمد
كلية تعليم صناعي القاهرة قسم ميكانيكا سيارات خريج مايو2005
الموضوع جميل جدا جدا جدا
لي سؤال التخصصات المختلفة عن قسم عمارةليها نفس المشوار
وربنا يوفقنا جميعا.......

[mazen 22]

يا محمود يافرنساوى طمن الناس وطمنى وقول انت عملت ايه وهتعمل ايه لسه احنا مستنينك على احر من الجمر وربنا يجعلك سبب فى رسم ابتسامه وادخال السعاده والبهجه على الاف من الطلبه واهاليهم ويجعلنا معاك اللهم امين وانت عارف انى مستعد لاى مشاركه وربنا معانا

[عاشق الاحزان]

يا جماعه انا جايبلكم بشرة خير انا كلمت العميد النهارده بس هو زعلان منكم لان مفيش غير واحد بس هو اللى قدمه الورق هو عاوز اكبر كم من الطلبه علشان يبدأ فى الاجراءات القانونيه
وان شاء الله بخير
يالا شدوا حيلكم وابدؤا بتقديم الورق علشان ترتاحوا
وربنا معاكم


والله لو بقينا ايد واحده لترجع بلادنا مره واحده احنا الاقوى بشهادة الزمان لو مهما كان سلاحهم هيفضل سلاحنا الايمان
نحن فداك يا غزه

[عاشق الاحزان]

على فكره رئيس الجامعه البولانديه من المقرر ان يأتى الى الاكاديميه عندنا فى 15/3/2009 وهذا ما قاله لنا عميد الاكاديميه دكتور اسامه فى بداية العام الدراسى الحالى بس ارجوكم تسرعوا فى احضار الاوراق المطلوبه وانا تحت امركم فى اى حاجه واعذرونى لو كنت مقصر شويه بس والله الشغل والامتحانات وخدين كل وقتى وادعولى بالنجاح ارجوكم لانى فعلا محتاج دعوتكم

والله لو بقينا ايد واحده لترجع بلادنا مره واحده احنا الاقوى بشهادة الزمان لو مهما كان سلاحهم هيفضل سلاحنا الايمان
نحن فداك يا غزه

[محمود الفرنساوي]

شكرا يا محمود علي الكلام اللي انت قلته

[محمود الفرنساوي]

والله باذن الله راح اكون في المعهد يوم الثلاثاء القادم
انتظروا ملخص اللقاء
واي حد عايز يجي معايا يتفضل يراسلني ويتفق معايا او يسيب لي رقمه

[محمود الفرنساوي]

في مكالمة تليفونيه للاستاذ الدكتور // اسامه عميد المعهد

تفضل سيادته وقال الاتي /

وكلامي خاص بكليه تربية عمارة قال لابد من توافر بيان بالمواد الهندسيه التي درست خلال الاربع سنوات ولابد ان يتضمن البيايان محتوي كل ماده اي ما درس في كل ماده والحمد لله نحن في الطريق في احضار هذا البيان من جامعه حلوان ونحن الان نناشد كل الاخوه الغاليين ان يسرعوا وان يحضروا بيان المواد من الجامعه الخاصه بهم اي من كان في تربيه المنصورة يسرع بهذا البيان وعلي فكره هو سهل جدا في احضاره عن طريق رئاسه الجامعه لانه مقرر وموجود في مناهج الكليه ونحن من ناحيتنا ((جامعه حلوان )) بصدد احضاره لان المحتوي موجود علي النت مطلوب من كل اخ تخرج من جامعه اخري احضار هذا البيان بمحتوي الدراسه ومحتوي المواد وعلي فكره لابد ان يتم الكلام دا في اسرع وقت لان رئيس الجامعه البولنديه التي سوف تعتمد شهادتنا ومعادلتها ببكالوريوس الهندسه سيكون موجود في اجتماع بالمعهد الشهر القادم ودي اخر فرصه لنا وشكرا



اول مرة احس ان في ناس بتتحرك معانا

[mohamed gr]

شكرا ليك يا محمود
انا محمد راشد خريج تعليم صناعى 2006 كهرباء
و ياريت تكلمنى علشان انا فعلا عايز اروح معاك و انا كلمت المعهد يوم 6-1-2009
و ردو عليا سيب رقم تلفونك و احنا هنرد عليك الاسبوع القادم على اخر الاخبار
كلمنى على الرقم ده و انا هنسق معاك علشان نروح المعهد سوا
بس ياريت بجد علشان عايز استفسر عن المطلوب منى بالضبط علشان احضرو ليهم
رقمى
و ياريت تكتب فى المنتدى طمن التخصصات غير العمارة موقفها ايه
و شكرا جزيلك لك

[محمود الفرنساوي]

العفو يا محمد
ان شاء الله نتلاقي
بالنسبه للتخصصات التانيه انا مش راح انساها واكيد راح الاقي ليها حل سواء في المعهد ده او معاهد تانيه
اما بالنسبه للنقاط الاساسيه اللي راح اتكلم فيها
هي
ايام الدراسه تكون يوم او اتنين اسبوعيا ( علشان الناس المغتربه واللي عندها شغل )
فترة الدراسه بعد الساعه 4 عصرا ( علشان الناس اللي بتشتغل )
وفي بعض النقاط الاخري ...........

[محمود الفرنساوي]

راسلوني عن طريق الايميل والرسايل الخاصه

[ميدو السيد]

ابشرو ابشرو

كل خريجي تربية عمارة قريب اوي انتظروا مني خبر

ان شاء الله سوف يفرحكم جميعا

[محمود الفرنساوي]

راسلوني عن طريق الرسايل الخاصه

[محمود الفرنساوي]

تم مقابله السيد الاستاذ الدكتور اسامه
عميد اكاديميه وادي العلوم
وباذن الله ساكتب لكم ملخص اللقاء

[rawan_200699]

السلام عليكم ورحمة الله وبركاته
أمل الاخوه الإفادة بخصوص مقابلة العميد هل فى أمل ان شاء الله

[محمود الفرنساوي]

السلام عليكم ورحمه الله وبركاته


الحمد لله تم مقابله الاستاذ الدكتور / اسامه
عميد اكاديميه وادي العلوم


المقابله كانت لمده ساعه ونص في الاكاديميه

ملخص اللقاء

اتكلمنا مع العميد د / اسامه وقال لنا ا نه ماشي في جهتين

الجهة الاولي

انه راح المجلس الاعلي للجامعات وطلب مقابله الوزير / هاني هلال وما كنش موجود وقتها
فهو اتكلم مع مدير مكتب الوزير
و شرح له اللي حصل واننا عايزين نعادل درجه البكالوريوس رد عليه وقال له بلاش تاخد قرار من د / هاني هلال لانه مهندس وراح يرفض لان كده راح يملا البلد مهندسين
المهم نصحه انه يتوجه للجنه القطاع الهندسي
ودي لجنه يا جماعه بتختص بالكليات والمعاهد اللي بتدرس مواد هندسيه
بس المشكله ان اللجنه دي مش بتتحرك غير بقرار من جهات رسمية

فقال انه من الافضل انه يخاطب لجنه الجامعات الخاصه واللي بدورها راح تقدم طلب بتشكيل لجنه من القطاع الهندسي يشوفوا المواد اللي احنا درسناها
اذا كانت بنسبه 65 في المائه هندسيه ان شاء الله يصدر قرار بالموافقه علي معادله درجه البكالوريوس

(المشكله مش مشكله معادله درجه بكالوريوس
لكن المشكله ان احنا ممكن نروح نعادل درجه البكالوريوس بس ما نسجلش في النقابه فا سياده العميد بيعمل بكل جهده انه يمشي قانوني وان اللي يعادل يسجل في النقابه )

وطبعا علشان قرار زى ده يطلع لازم ياخد صولات وجولات
بس انا عايز اقول لكم اطمنوا من الناحيه دي ان شاء الله خير لان لو حد مننا راح يقدم طلب ولو جمعنا الخريجين كلهم محدش راح يهتم بيه لانه غير مدعم بجهة رسميه
لكن الموقف دلوقتي موقف بين جهات مسئوله في البلد
بس في طلب

علشان يتم مخاطبه اللجنه الخاصه بقوانين الجامعات والمعاهد الخاصه


لازم يتوفر مننا الاتي

1- اسمائكم وايميلاتكم ورقم التليفونات والتخصص والجامعه وطبعا اسم الكليه ( تعليم صناعي السويس او القاهرة او بني سويف او اي كليه تربيه بيها تخصص صناعي )

2- المحتوى العلمي للمقررات
ده هو انك تروح الجامعه تقدم طلب بالحصول علي المحتوى العلمي للمقرر وده انا لقيته صعب جدااا لان مفيش لائحه بتقول ايه اللي جوة كل ماده
اللائحه بتقول عدد ساعات دراستها وعدد التمارين والسكاشن لكن ما فيهاش اي محتوى للماده
بس لقيت لها حل
هو انك تكتب اسم الماده واسم الدكتور اللي درسها لك
وانك تكتب الفهرس ( انا بتكلم عن الفصول للماده وكل فصل بيحتوي علي ايه )
وبعد كده راح تعتمده من الدكتور نفسه ومن وكيل الكليه لشئون التعليم والطلاب ومن عميد الكليه
بكده انت جبت المحتوي العلمي طبعا ده راح تكرره مع المواد كلها الهندسيه طبعا
الجهة الثانيه

تاني جهة بيراسلها دلوقتي سياده العميد
وهي جامعه في بولندا
مش فاكر اسمها صراحه
الموضوع ان الجامعه دي اعتمدت خريجي الجامعات التطبيقيه في الكويت انهم يدرسوا سنه هناك وبموجب الاتفاق ده الناس اعترفوا بيهم مهندسين فهو عايز يطبق النظام ده في مصر

نوضح بطريقه تانيه

مصر موقعه اتفاقيه تبادل ثقافي بين مصر وبولندا بيسمح الاتفاق ده بتبادل الطلبه لتبادل الدراسه
المهم هو قام بمخاطبه الجامعه دي قبل كده وموقع معاهم اتفاق ان طلبه الجامعه يجوا مصر في الاكاديميه عنده يدرسوا العمارة الاسلاميه والفرعونيه والقبطيه
وطبعا رئيس الجامعه دي جاي مصر يوم 24 / 2 علشان يتاكد من توفر الامكانيات المتفقين عليها طبعا للاتفاقيه بين الجامعه البولنديه وبين الاكاديميه

وطبعا سياده العميد راح يكلمه علي اننا ندرس في الاكاديمه في مصر 6 شهور وحوالي 4 شهور في بولندا ( وممكن تكون الدراسه في الاكاديميه في مصر باشراف بولندي )
نرجع بعدها مصر ( ده لو سافرنا ) معانا بكالوريوس هندسه من بولندا
نروح المجلس الاعلي للجامعات نعتمد الشهاده الجديدة ونسجل بموجبها في النقابه
المطلوب مننا الاتي
اولا الحضور للمعهد في يوم 24 او 25 وده راح يتم التنسيق عنه والاعلان
تاني شيء
راح نستخدم المحتوى العلمي وطبعا البيانات بتاعتكم اللي راح تبعتوها

انا بخاطب الاعضاء والضيوف ( الزوار للموقع بدون تسجيل )
ابعت لي
الاسم
التليفون
العنوان او الا يميل الكتروني
التخصص
الكليه
الجامعه
راح تبعت لي البيانات دي علي ايميلي انا
(egyalexazmy@hotmail.com)


و انا راح اجهز كشف باسمائكم وابعته بتاريخ يوم 24 يناير يعني بعد 10 ايام من النهارده
اي حد عايز يستفسر عن شيء عن طريق الرسايل الخاصه

بكده انا خلصت
لكن في النهايه يبقي مني كلمه

انا لو حسيت بنسبه 1 في المائه ان الموضوع ده مش راح يمشي او اي كلام كنت قلت لكم من الاول
الموضوع ده في امل
والامل بيزيد كل ساعه خلوا املكم في ربنا كبيييييييييير
وان شاء الله محدش راح يندم انه وثق فيا او انه ضيع وقته بقراءه الموضوع

رجاء اخير
ياريت سرعه ارسال البيانات علي الايميل
وسرعه اعتماد المحتوي العلمي
والف شكر ليكم

[محمود الفرنساوي]

بالنسبه للتخصصات التانيه
انا اتكلمت مع العميد انه في حاله اعتماد اي من الجهتين بالموافقه ينشيء قسم خاص ب ميكانيا ويكون بيحتوي علي شعب ميكانيا سيارات - تبريد وتكييف - وتشغيل وتشكيل معادن - قسم انتاج

بالنسبه للمصاريف
لسه لم تحدد علشان اللي بيسالوني
هو قال مش راح يحدد التكلفه اد ايه غير لما يحصل علي الموافقات
والله الموفق

[mazen 22]

انا كنت مع محمود فى القاء مع العميد وفعلا انا حاسس ان المقابله مسجله لانه حكى كل حاجه بالتفصيل ولكن رجاء سرعه ارسال البيانات لأرفاقه بالطلب والاوراق المقدمه والله ولى التوفيق

[محمود الفرنساوي]

الحمد لله
اللي كان في الاجتماع

mahmoud abbas alruby (http://www.scusuez.org/vb/member.php?u=1932) محمود عباس الروبي



mohamed gr (http://www.scusuez.org/vb/member.php?u=2432) محمد جمال راشد

[محمود الفرنساوي]

اه ياريت اللي يقدر يجيب محتوى العلمي يقول لان واحد بيمثل دفعه كامله ولائحه بالكامل
انا باذن الله راح اجيب لدفعه كهرباء تعليم صناعي السويس

[محمود الفرنساوي]

انا عايز اعرف الصمت ده اخرته ايه
لحد دلوقتي اللي جمعته وصل 70 واحد
يا تري الناس ساكته ليه
انا قلت انا مسئول عن دفعه كهربا لائحه قديمه كليه تعليم صناعي السويس
لكن ان واحد يتصل بيا يقول لي ياريت اجيب له محتوى علمي في بني سويف ده يبقي استهبال معلش
انتم عايزين ايه تناموا في البيت وفي الاخر تاخد التورته علي الجاهز ولا اجي اقول لك ياريت تيجي تسجل معايا
ده صعب
ياريت الناس تتحرك
انا عايز اعرف الناس راح تتحرك ولا اعتبر اللي راح يقدم هي دفعه كهربا السويس
انا ما بطلبش المستحيل انا مبقولش سيب شغلك خد اجازة يومين واتحرك فيهم انا استقلت من شغلي علشان افضي نفسي ولاغيت كورساتي وتفرغت لكم
سافرت اكتر 350 كيلو اخلص واسال واشوف ايه الحل وبفكر لكم في الموضوع ده طول الوقت
مشينا مسافه اكتر من 25 كيلو علشان مفيش عربيه توصلنا وبرضه عندي استعداد امشي 100 كيلو بس الناس تتحرك
لكن ترموا كله علي دماغي انا مش فاضي ومعنديش استعداد اتنرفز واتحمل ضغوط زياده
كفايه اللي انا فيه
ياريت الناس تحس بالمسئوليه وتتحرك اكتر من كده يا نوفر التعب احسن اللي تشوفوه مفيش وقت
والناس اللي كلمتني من الكويت والسعوديه والامارات
فين الرسايل بتاعتكم
فين بتوع قطر هو كلام وبس ولا ايه
اتحركوا شويه ابعتوا الرسايل بتاعتكم

[ميدو السيد]

الاخ الغالي الحبيب الفرنساوي هدئ من عصبيتك الله يبارك فيك
الحمد لله احنا كمان شغالين في الموضوع والحمد لله تعالي بالنسبه للتربية عمارة علي وشك الانتهاء لقد اعددنا كل محتويات المواد الهندسيه من كليه التربية قسم العمارة ولم يتبقي لنا الا ثلاث مواد فقط بنخلص في محتواهم والحمد لله والعمليه مش صعبه في ايجاد المحتوي لقد وثقنا ورقنا من ادارة الجامعه وبمعاونه مجموعة من الدكاترة المتحمسين للموضوع وان شاء الله خلال ثلاث ايام سوف نذهب الي هندسة المطريه للانتهاء من هذا المحتوي يعني احنا انجزنا فيما يقرب من 90 % من المطلوب كما ارسلنا للدكتور اسامة مجموعه من اسماء وارقام تليفونات مجموعه كبيرة من خريجي تربيه عمارة (( حلوان واسيوط والمنصورة والاسكندرية والزقازيق )) ولكل من يريد ان يجهز محتوي المواد عليه يقدم طلب ومحتوي كل ماده يتكلف تقريبا 10 جنيهات يعني كل خريجي تربية عمارة ان شاء الله خير انا وزملائي الذين يتجاوز عددهم 300 شخص حتي الان وهناك الكثير والكثر يتخطو ا 500 زميل لن نتوانا لحظه لم نستريح لحظه وعلي فكرة تقريبا انا بعمل تليفون للدكتور اسامه كل يومين للتعرف علي اخر الاخبار
وهو علي فكرة طلب من قسم العمارة اي عدد من الاسماء الان مبدئيا من اجل الطلب للجنه الهندسيه ان شاء الله خير

[mazen 22]

يامحمود اهدا انا عارف انك تعبت والله بس ربنا يكون فى عونك وان شاء الله خير بس نداء لكل الناس الى بتقراء الموضوع محدش يعتمد على حد كل واحد يعتبر نفسه ان هوا لوحده ويعمل كانه بيعمل ليه هوا وبعدين يوم اجازه فعلا مش مشكله وربنا يوفقنا ويوفقك انا جمعت مجموعه لا باس بها من الناس يا محمود واحنا مع بعض

[أحمد محسن]

الاسم : أحمد محسن ابراهيم

التخصص: تكنولوجيا الأنشاءات المدنية
الكليه :التعليم الصناعــــــــــــــــــــــى بنى سويف

[أحمد محسن]

الاسم : أحمد محسن ابراهيم

التخصص: تكنولوجيا الأنشاءات المدنية
الكليه :التعليم الصناعــــــــــــــــــــــى بنى سويف

[rawan_200699]

السلام عليكم ورحمة الله وبركاته
الاخ محمود الفرنساوى جزاك الله خير ولاداعى للزعل
ادعو بس ربنا يوفق العميد مع وزارة التعليم
شـكــ وبارك الله فيك ـــرا لك ... لك مني أجمل تحية .

[mohamed gr]

السلام عليكم و رحمة الله و بركاته
محمود متزعلش انا اتحرك فعلا و معايا دلوقتى 23 واحد من كهرباء تعليم صناعى حلوان
و هبعتلك بيانتهم على ايمللاتك بس ليسا فى ناس تانى بسجلها اول ما اجمع شويا حلوين تانى هبعتلك على طول و بالنسبة للبيان روح الكلية و منعونى من الدخول علشان فى امتحانات و مفيش شئون طلبة خالص شغاله دلوقتى
و قالولى هيشتغلو من يوم 12 - 2-2009 و ان شاء الله هحاول اعمل البيان الخاص بالمواد مجرد ما يجى اليوم ده
و اتصلت بعميد المعهد قولته تعليك صناعى حلوان مش هقدر اجيب بيان المواد الا بعد يوم 12-2-2009 و رد عليا قالى مش مشكلة اهم حاجة قبل يوم 24 -2-2009 علشان مقابلة رئيس الجامعة البولندياو ان شاء الله مش هقف الا لما الموضوع يتم ان شاء الله و احتمال اروح يوم السبت الجاى انا و اكتر من 10 زمايلى الى المعهدو ربنا الموفق
و رجاء لا تزعج نفسك بالاشخاص الغير جادين هما الخسرنين فى الاخر

و اخيرا سلامى لكل الجادين فى التحرك

[محمد حمودة محمد زين الدين]

السلام عليكم ورحمة الله وبركاتة جزاك الله خير الجزاء يابشمهندس محمود علي المجهود اللي انت بتعملة وإن شاء الله يكون في ميزان حسناتك إن شاء الله انا راجع من الكويت يوم 25 يناير علشان اكون معاكو ودة تيلفوني في الكويت 0096565131078 ولو في اي جديد ياريت تبلغنا ودة اميلي hamoda_19822@yahoo وربنا يوفقنا

[rawan_200699]

شـكــ وبارك الله فيك ـــرا لك ... لك مني أجمل تحية .
لأ خ احمد محسن انتة بداية الموضوع جزاك الله خير

[محمود الفرنساوي]

شكرا ليكم
اسال الله العظيم التيسير والتوفيق

[ابن القيم]

ربنا معاكم...

بس أنا عندي اقتراح...ممكن تراسلوا الجرايد فإنها لو وجدت جدية ما تنادون به فستتحرك....

وده موضوع سهل جدا....مجرد إيميل واحد لجريدة معروفة والكل يبعتلها ....فسنجد الموضوع سينشط بإذن الله...

وجربوا وهتلاقوا نتيجة كبيرة....أنا عايزكم تخلوها قضية في الرأي العام....

وأنا هحاول أجيبلكم رقم تليفونات برنامج البيت بيتك....وأنا حاسس اللي هما هيستجيبوا ان شاء الله....

[محمود الفرنساوي]

انا عندي ايميل محمود سعد وعندي ايميل عمرو اديب ( القاهرة اليوم )
بس انا مستني اشوف الاعداد اللي معايا ونتيجه لقاء عميد الاكاديميه مع لجنه القطاع الهندسي

[ابن القيم]

انا عندي ايميل محمود سعد وعندي ايميل عمرو اديب ( القاهرة اليوم )
بس انا مستني اشوف الاعداد اللي معايا ونتيجه لقاء عميد الاكاديميه مع لجنه القطاع الهندسي

كويس جدا.....

ربنا يوفقكم

[محمود الفرنساوي]

ما تقلقش والله اخلي قضيتي مع الحكومه اشهر من قضيه نواب القروض

[ابن القيم]

ما تقلقش والله اخلي قضيتي مع الحكومه اشهر من قضيه نواب القروض

أنا كان ليا واحد صحبي..كان عنده مشاكل في الشغل.....فراح هو وزمايلوه اشتكوا لبرنامج البيت بيتك...وفعلا جابوهم...واتكلموا

وتم أخذ الاجراءات اللازمة.......

فربنا ينصركم بإذن الله....

[rawan_200699]

رينا يوفق ان شاء الله
وربنا يجزيكم خير الجزاء

[AbdoHolmez]

لا تعليق بجد

[rawan_200699]

الحمدلله والصلاة والسلام على رسول الله وعلى آله وصحبه أجمعين
ياشباب دى الرزاق ونصيب احنا مش مسئولين على احد بس الوضوع اننانغيرمن نظرة المجتمع لينا
ونحصل على فرص تليق بكميات المواد التى درسناها
وربنا يوفق الجميع:musician:

[midooo]

شـكــ وبارك الله فيك ـــرا لك ... لك مني أجمل تحية . كيف حالك إن شاء الله دائما بخير ؟ :crying:

[محمود الفرنساوي]

العفو يا ميدو

الحمد لله العدد اللي جمعناه حوالي 180 واحد من تعليم صناعي السويس

نشوف باقي الجامعات والتخصصات المفروض انها توصل لي بكرة
علي اي حال
العدد ده لوحده كويس
وان شاء الله راح ابعت الاسماء يوم 24 يناير ( يوم السبت القادم )
اي حد عايز يبعت اسمه يتفضل
وان شاء الله راح اقول لكم علي ميعاد تجمعنا وتواجدنا في الاكاديميه ان شاء الله
شكرا لكل واحد شارك معايا وبعت لي اسمه
و ان مقدرتش اشكره عن طريق الايميل فانا بشكره عن طريق المنتدي هنا

[محمد حمودة محمد زين الدين]

السلام عليكم ورحمة الله وبركاته اخباركم اية ياشباب والله وحشتونا ان شاء الله بنعود الي ارض الوطن غدا اة لو عرفتم لكم نحن مشتاقون الي الوطن ندعو الله ان يحفظة وان ينصر الاسلام في كل مكان

[rawan_200699]

الحمدلله والصلاة والسلام على رسول الله وعلى آله وصحبه أجمعين
ربتا يوفقك الجميع ان شاء الله

[محمود الفرنساوي]

تم بحمد الله الانتهاء من اعداد القائمه التي تحوي اسماء الخريجين
و ارسالها الي العميد
تاني شيء
كان المفروض ان انا اتواجد في السويس لانهاء المحتوى العلمي
بس نظرا لعدم اكتماله ونظرا لظروف الامتحانات
تم تاجيل السفر الي اول التيرم التاني باذن الله
بكون في السويس لمده يومين او تلاته بعتمد خلالها المحتوى العلمي
بعد كده برجع للاكاديمه والترتيب مع العميد للقاء رئيس الجامعه البولنديه
بعدها برجع للاسكندريه وبستعد للسفر في يوم 24 او 25 فبراير المقبل باذن الله

[sokar_1982]

السلام عليكم ورحمة الله وبركاتة
أنا أحمد سكر خريج 2003
وشغال في كلية الهندسة والبترول بجامعة الكويت قسم الهندسة الميكانيكية شغال فني مختبر يعني تقريبا درجة مساعد مهندس بس بيختلف المسمى من الكويتي للأجنبي
وبجد فرحان وإن شاء الله راح أسأل هيئة التعليم التطبيقي عن الجامعة البولندية
لكن هيبقى فيها صعوبة شوية بالنسبة لي لأن مينفعش أدرس وأنا شغال ومفيش بعثات دراسية للأجانب
بس ربنا يقدم اللي فيه الخير
وبالتوفيق لكل الخريجين الأمة الإسلامية
وجزاكم الله كل خير

[ابن القيم]

نستضيف الآن في منتدي الضيوف

أحد خريجي تعليم صناعي

لمناقشة حقوقهم

من هنا

http://scusuez.org/vb/showthread.php?p=40908#post40908

[بكالرويوس مظلوم]

طب انا عاوز اخش معاكو
موبيلى اهو رن عليه بس وانا هكلمك
ياجماعه احنا بنتعامل معامله سيئه جدا على شان شهادتهنا لازم نعمل وقفه بجد اتمنى من الله التوفيق

[بكالرويوس مظلوم]

اتمنى الاضافه معاكم
احمد حسنين على الله بغدادى
سنه التخرج 2004
شعبه تبريد وتكييف
كليه تعليم صناعى حلوان

ياريت ترد عليه

[محمود الفرنساوي]

اوك يا احمد ما تقلقش

[م.ايهاب]

الأخوه الأفاضل ....أتشرف بأنضمامى لكم وفى البدايه أحب أن أتقدم بتحيه خاصه لزملائنا خريجى كلية التعليم الصناعى....حيث أننا واحد منكم أتخرجت من الكليه عام 1998-1999 من بنى سويف من بعداها أعلنت وزارة التربيه والتعليم عن مسابقه لتعيين مدرسين وتقدمت للمسابقه وبالفعل أتعينت مدرس بمدرسة بنها الصناعيه مدرس للمواد النظريه على الدرجه الثالثه الفنيه وبعد مرور عام واحد فقد لم أقتنع بالعمل بالتدريس وبدأت محاولة البحث عن فرصة سفر وبالفعل سافرت للسعوديه عام 2000 وبدأت أشعر بذاتى وكيانى حيث عملت مهندس لمدة عام ومن بعدها كبير مهندسين لمدة ستة سنوات حتى انتقلت لوظيفة مدير مشروع من حوالى 5 اشهر فقد وطوال الفتره التى عملت بها هنا أنال أقتناع ورضا الجميع وتم أعتمادى لجميع الوظائف التى عملت بها من قبل الوزارات التى تعمل بها الشركه التى اعمل بها .....لدى شهادات خبره وشكر كثيره واتمنا لكم التوفيق والسداد...م.ايهاب أحمد

[MAM99]

كلنا معاكم يا شباب ووراكم

[احمد ابراهيم طه سالم خميس]

وعليكم السلام ورحمة الله وبركاته موفق بإذن الله ... لك مني أجمل تحية .

[kiko2]

السلام عليكم ورحمة الله وبركاته

والله احنا كلنا معاكم ووراكم مادام فى مصلحة

[محمود الفرنساوي]

بني سويف جهزوا المحتوى العلمي خلاص
باقي السويس ربنا يسهل مع بدايه التيرم التاني
ولسه حلوان

[القلب الصغير]

السلام عليكم ورحمه الله وبركاته



انا احمد فكري خريج تعليم صناعي بني سويف قسم عماره وانا معكم في كل حاجه ويمكنني ان اجلب لكم اكثر من خمسين شخص للوقوف معنا في هذه القضيه وهذا رقم تليفوني

[rawan_200699]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كلية التربية جامعة حلوان سلمو المحتوى العلمى الى الاستاذ الدكتور عميد المعهد
ربنا يوفق ان شاء الله

[ميدو السيد]

بالفعل تم تسليم محتوي المنهج والمواد الخاص بكليه التربية قسم العمارة جامعة حلوان الي السيد الدكتور عميد المعهد الدكتور اسامة وفي اتصال هاتفي معه بالامس اكد الدكتور علي ان خريجي كليه تربية عمارة جامعه المنصورة لم يقدموا محتواهم العلمي حتي الان وكان الدكتور مضايق جدا من خريجي كليه التربية جامعه المنصورة قسم العمارة لانهم لم يحضروا المحتوي حتي الان وقال لي بالنص اذا كنتم عايزين نقدم الورق الي اللجنه الهندسية ((لكليه التعليم الصناعي وكليه التربية جامعه حلوان)) فقط فان مش ممانع بس علي كدا خريجي باقي الكليات تربية عمارة مش هيكونوا ضمن البرنامج الخاص بمعادلة الشهادة علشان كدا يا ريت باقي الكليات تلحق تجيب المحتوي باسرع ما يمكن وشكرا

[vendetta]

انا متابع لموضوع اول باول بس عاوز رد من الفرنساوى والحمد لله انا مبسووووووووط جدااااااااااااااا لان فى حركه والحمد لله ومدام فى حركه يبقى فى تقدم يعنى ان شاء الله فى نتيجه ونتيجه كويسه ومبشره ويلا نشد حيلنا اكتر وربنا معانا.............

[خالد حمادى]

يجماعة انا خريج دفعة 2007 تعليم صناعى جامعة حلوان قسم السيارات وعايزابقى معاكم انا و40 فرد على الاقل بس انا اتصلت بالفرنساوى ومردش عليا تقريبا كان مشغول ياريت حد يكلمنى ويقولى ايه اخر التطورات ان تليفونى

[BOOODY GHOST]

شكرا ليك فرينش مان علي مجهوداتك بس لو واحد بيدرس قسم ميكانيكا هيدرس حاجه تانيه عادي ولا وات وهيجي يخش الكليه علشان المعادله هيبقي علي انهي قسم وسانكس علي مجهوداتكم يارجاله التعليم

[محمود الفرنساوي]

بالنسبه للزميل الفاضل خالد

ان شاء الله مجرد ما يتم الموافقه عميد الاكاديميه وعد بانشاء قسم خاص للميكانيكا والسيارات

ايضا بالنسبه لزميلي الفاضل بودا
طبعا راح تكمل في نفس تخصصك

[MAM90]

يا مسهل الحال يارب
واحنا نكره نكون معاكم
وانا معايا ناس موافقه تشتغل معاكم

[vendetta]

Vendetta

برده سيارات وجرارات حلوان

[خالد حمادى]

اه شوفت يا Vendetta برده سيارات وجرارات وشكرا لاهتمامكم انت والفرنساوى وياريت يا Vendetta تتصل بيا انا رقمى انت اوالفرنساوى

[محمود الفرنساوي]

السلام عليكم ورحمة الله وبركاته


اللقاء مع رئيس الجامعة البولنديه تم تاجيله ليوم 1/3

اول شهر مارس القادم


هذا للعلم وشكرا

[خالد حمادى]

انشاء الله خير يجماعة وبأذن الله هتم على خير

[محمود الفرنساوي]

يارب خير تفاؤلوا خيرا

[محمد حمودة محمد زين الدين]

السلام عليكم ورحمة الله وبركاتة اخباركو اية ياشباب ياتري اخبار لقاء 24 فبراير اية ياريت حد ياطمنا اية الاخبار يابشمهندس محمود يافرنساوي

[محمود الفرنساوي]

اول مارس

رئيس الجامعه البولنديه جاي مصر اول مارس

[vendetta]

والله العظيم ياجماعه اول ماكتبت الموصوع ده ماكنت متوقع انه يوصل لكده وبالطريقه دى انما اللى اقدر اقوله وعن يقين انى كنت متاكد اننا وبامر الله وصعنا الاكاديمى هايتغير وهايكون احسن وانا كنت متاكد من كده مليون فى الميه تعرفوا ليه ؟؟ لسبب واحد واصح وعظيم جدا هو انى واثق فى ربنا وثقه لانهائيه ان ربنا هايكرمنا وهانكون احسن

وادينا الحمد لله ربنا بيكرمنا اهه وفاصل مجرد خطوات والباقى علينا احنا بئى والتوفيق من عند الله

وبالنسبه للفرنساوى انا عاوز اروح معاك لـ د/اسامه ممكن ولا ايه ؟ مع انى هاكون تعبان وعاوز انام ساعتها

[vendetta]

اه نسيت اقولك حاجه يامحمود الناس هنا كلها وانا واحد منهم بقينا مستنين انت هاتدخل تقول ايه

وكمان حاجه بينى وبينك انت اللى كنت طالبه منك انت كبرت دماغك فيه وهاتزعلنى منك كده يامحمود

[خالد حمادى]

اللقاء تأجل الى يوم 1 مارس

[خالد حمادى]

يا vendetta هل جيبت المحتوى العلمى

[ميدو السيد]

يا جماعة ان شاء الله خير كبير

بس الرجاء من خريجي كلية التربية ((عمارة المنصورة )) سرعة تسليم المحتوي للعميد

الرجاء الرجاء

[rawan_200699]

بسم الله الرحمن الرحيم
السلام عليكم
ياشباب اية الاخبار جزاك الله كل خير على الافادة .

[خالد حمادى]

يا vendetta منفضلى ليه كده

[محمود الفرنساوي]

مش منفض هو مشغول كتييييييييييييييييييير

[tepha]

السلام عليكم ورحمة الله وبركاته
يا جماعه انا مصطفى امين دفعة 2008 وانا معاكم ان شاء الله وياريت يا محمود فرنساوى تبعتلى تليفونك على الخاص او ايميلك

[MAM90]

يا جماعه ايه اخر الاخبار

[vendetta]

والله مامنفص ولا حاجه وكمان الفرنساوى قالك الحقيقه ونفسيا كمان فى مشاكل كده المهم انى معاكم والله واوعى تفتكر ان Vendetta بيكبر دماغه ولاحاجه بس اعذرنى ياخالد .........

انما انا عاوز اعرف انت بتسألنى انا تحديدا ليه ؟

[خالد حمادى]

عشان انت سيارات وجرارات زيي وكنت بؤلك انت دفعة كام وهل جيبت المحتوى العلمى

[sokar_1982]

السلام عليكم ورحمة الله وبركاتة
يا ريت يا شباب تكتبوا الأخبار أول بأول
وإحنا في إنتظار الأخبار ديه
ومعلش يا شباب تتعبوا شوية وتسألوا هل ممكن الدراسة تبقى أنتساب يعني
نروح الإمتحانات بس عشان ظروفنا الخاصة
لأن فيه ناس وأنا واحد منهم خارج مصر وبالنسبة لي أجازاتي فالصيف بس
فصعب إن الواحد يروح الأكاديمية ويسأل
وجزاكم الله كل خير عنا ؟؟؟؟؟

[خالد حمادى]

ياعم اتساب والا انتظام بس ربنا يسهل والمشوار يتم على خير

[محمدعلي]

بسم الله الرحمن الرحيم
السلام عليكم ورحمة الله
انا من تعليم صناعي جامعة بني سويف الفرقه الرابعه
قسم الكترونيات ..فيه ناس كتير هنا معايا نفسهم يكملوا في هندسه
وبعدد كبير ..ايه اخر الاخبار علشان ابلغهم.
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
جزاك الله كل خير على الافادة .

[محمود الفرنساوي]

رئيس الجامعه البولنديه في مصر لمده اسبوع يتم خلالها مناقشه موضوعات كتيييييييييييير بينه وبين رئيس الاكاديميه د / اسامه وطبعا علي رئسها الموضوع بتاعنا
ياريت الناس تخفف الاتصال بدكتور اسامه لانه مش عارف يركز في كتابه الطلب بتاعنا

[خالد حمادى]

يارب اكرمنا

[vendetta]

مع انى عارف ان اسمك الفرنساوى بس كان المفروص يبئ اسمك المنقذ المهم انا مبسوط جدا وفعلا انا سيارات وجرارات وبجد ظروفى صعبه جدا المهم انى واحد من الناس اللى بتشكر الفرنساوى (المنقذ) جدااااااااااااا على سعيك ده وعاوز اقول : - ........

(ان لله فى الناس رجالا اختصهم بقصاء حوائج الناس وهم امنون يوم الفزع العظيم على منابر من نور )

ربنا يجعلك ويجعلنا منهم ويهدينا جميعا يارب

[محمود الفرنساوي]

مع انى عارف ان اسمك الفرنساوى بس كان المفروص يبئ اسمك المنقذ المهم انا مبسوط جدا وفعلا انا سيارات وجرارات وبجد ظروفى صعبه جدا المهم انى واحد من الناس اللى بتشكر الفرنساوى (المنقذ) جدااااااااااااا على سعيك ده وعاوز اقول : - ........

(ان لله فى الناس رجالا اختصهم بقصاء حوائج الناس وهم امنون يوم الفزع العظيم على منابر من نور )

ربنا يجعلك ويجعلنا منهم ويهدينا جميعا يارب


يارب يا حماده

[خالد حمادى]

ايه اخر التطورات يجماعة

[MAM90]

انا يا جماعه معايا ناااااااااااااس كتير جدا
يعنى حوالى 50 واحد منتظر الربط معاكم

[MAM90]

انا يا جماعه معايا ناااااااااااااس كتير جدا
يعنى حوالى 50 واحد منتظر الربط معاكم

[محمدحمزة قابيل]

بسم الله الرحمن الرحيم
السلام عليكم ورحمة الله وبركاته
كنت عاوز اعرف اية آخر الاخبار بالنسبة للزيارة اللى كانت مع الدكتور أسامة
وبقول( للفرنساوى )انت حبيبى با محمود و ربنا يقوي عزيمتك تجاة الموضوع دة
وبالنسبة لمحتوى المادة العلمية انا لغاية دلوقتى مفيش حد فى الكلية راضى يطلعهولى (أو بمعنى ادق مش أدرين يطلعوة) علشان مفيش خطة واضحة للمحتوى العلمى الهندسى
وأرجوا من كل أصدقائنا وزمايلنا اللى إحنا أختصناهم بالموضوع دة ( الفرنساوى ) أو بالتحديد إعتمدنا عليهم وهما الواجهة الخاصة بنا مع الدكتور أسامة عميد المعهد إنهم يحاولوا يعرفونة أول بأول و جزاك الله كل خير
أخوكم
محمد حمزة

[خالد حمادى]

ايه اخر الاخبار

[ايمن ابو النجا]

:crying:ياباشا المعهد 4 سنوات وارقام التليفو نات مش صحيحه والمعهد يعادل كليات التجاره ارجو الافاده والرد السريع ولكم الشكر

[vendetta]

يانهـــــــــــــــار اسود انت بتتكلم جد يابوالنجا ولا ايه ؟؟

الحق يامحمـــــــــــــــــــــــــــــــــــــــــود

يالهـــــــــــــــــــــــــــــــــــــــووووووو وى

[خالد حمادى]

ليه بس كده انت دمرتنا كلنا يا محمود

[ميدو السيد]

:crying:ياباشا المعهد 4 سنوات وارقام التليفو نات مش صحيحه والمعهد يعادل كليات التجاره ارجو الافاده والرد السريع ولكم الشكر



مين اللي قال لحضرتك هذا الكلام اولا ارقام المعهد انا جبتها من دليل التليفونات ثانيا انا كلمت الدكتور شخصيا وعرفت انه المعهد فيها قسم خاص بالهندسة 5 سنوات وعرفت منه انه بيسعي لنا في عملية معادلة البكالوريوس الخاص بنا بدرجة بكالوريوس الهندسه وهو يعلم ان دراستنا 4 سنوات في كلياتنا يا اخي قبل ما تتكلم كلام ملوش لزمه لو سمحت ابقى اتاكد وعايزك تتعب كدا زينا وتذهب بنفسك لمدينه العبور وتتاكد من عميد المعهد ثم ان في ناس كتير بتكتب في الموضوع وتتكلم لكن للاسف مفيش حد يكلف نفسه ويتعب زينا ويجري زينا ويجيب محتوي ويطلع عينه زينا الرجاء من الجميع الكل يسعى في شتى الطرق اللي يعرف طريقه يساعدنا بيها اهلا وسهلا بيه واللي ميعرفش يتعب ويعرق زينا يبقي بلاش يكتب وبلاش يتعب نفسه ويتفجر علي الموضوع والردود بس ولما الموضوع يمشي يبقى يشترك معانا علي الجاهز والله الواحد مش عارف يقول ايه من الردود السلبيه يا جماعه ما حك جلد مثل ظفرك كل واحد مسئول عن نفسه وكل واحد لازم يتعب وكل واحد لازم يعرف ان الناس اللي بتتعب دي وراها شغل ومصالح بتتعطل

[ميدو السيد]

ان شاء الله الي كل الناس اللي مشتركة في الموضوع لابد من تجهيز الجديد عن الموضوع وانا بقترح ان نجتمع جميعا ان شاء الله يوم الجمعة القادم الساعة الرابعة علي المنتدي لمناقشة اخر اخبار الموضوع ونحدد مصير موضوعنا وان شاء الله حتي نضع نهاية لاي تكهن وانا في انتظار ردكم من يوفق علي الاجتماع يوم الجمعة ان شاء الله هنا علي الموضوع وبعد ذلك يمكن ان نجتمع علي الاسكاي بي بعمل اجتماع لنا جميعا انا في انتظار اقتراحكتم يا غاليين لان بصراحة الموضوع بوخ اوي وطول اوي واصبح مجال لكل شخص يفتي فيه

[محمدحمزة قابيل]

السلام عليكم ورحمة الله وبركاته
ياجماعة............
أكيد فية خطأ فى الموضوع
ومحمود مش الإنسان اللى يعمل كدة أو حتى يفكر فى كدة .................أنا أعرفة شخصيا................
لكن إن شاء الله أكيد فية سوء تفاهم وربنا هيكرمنا إن شاء الله

أخوكم/
محمد حمزة

[خالد حمادى]

يجماعة الله يكرمكم محدش يلعب بأعصلبنا كفاية اللى احنا فيه وياريت اللى يضع رد يكون متأكد من معلومته

[ميدو السيد]

ان شاء الله الي كل الناس اللي مشتركة في الموضوع لابد من تجهيز الجديد عن الموضوع وانا بقترح ان نجتمع جميعا ان شاء الله يوم الجمعة القادم الساعة الرابعة علي المنتدي لمناقشة اخر اخبار الموضوع ونحدد مصير موضوعنا وان شاء الله حتي نضع نهاية لاي تكهن وانا في انتظار ردكم من يوفق علي الاجتماع يوم الجمعة ان شاء الله هنا علي الموضوع وبعد ذلك يمكن ان نجتمع علي الاسكاي بي بعمل اجتماع لنا جميعا انا في انتظار اقتراحكتم يا غاليين لان بصراحة الموضوع بوخ اوي وطول اوي واصبح مجال لكل شخص يفتي فيه

برضوا الناس كلها في وادي واحنا في وادي تاني برضوا اللي بيدخل الموضوع ليه كلمة محدده وبينسي عدم الترابط او الفكر الكلي مش عارف انا اقترحت اقتراح والناس دخلت بعد مني ولا فيه رد ولا فيه بس تصدقوا بالله انا فعلا غلطان غلط كبير اوي

[خالد حمادى]

انا موافق يمان متزعلش معدنا يوم الجمعة زى متفقنا

[mohamed gr]

خالينا نشوف الاول عميد المعهد هيقول ايعه
و بعد كده نجتمع و نتناقش و نشوف هنعمل ايه
لكن لغاية دلوقتى مفيش كلام غير لما نعرف العميد هيعمل ايه
و ربنا يوفقنا جميعا
و لو العميد موفقش
هيكون طريقا على البيت بيتك او قناه المحور
نحاول نوصل ليهم و نعرض المشكلة
بس الكلام ده بعد ما نشوف العميد هيوصل لايه
و ربنا يوفقنا جميعا ان شاء الله

[محمود الفرنساوي]

الف مبروك


الف مليون مبروك لكل خريجي نعليم صناعي


وافق رئيس الجامعه البولنديه و الشروط الاسبوع القادم

[محمود الفرنساوي]

:crying:ياباشا المعهد 4 سنوات وارقام التليفو نات مش صحيحه والمعهد يعادل كليات التجاره ارجو الافاده والرد السريع ولكم الشكر


انت بتستهبل بجد

[AbdoHolmez]

الف مبروك


الف مليون مبروك لكل خريجي نعليم صناعي


وافق رئيس الجامعه البولنديه و الشروط الاسبوع القادم

مبروك يا فرنساوى
وهو ده الشغل بجد

[محمود الفرنساوي]

الله يبارك فيك يا عبد الرحمن

[mazen 22]

اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااه
اااااااااااااااااااااااااااااااااااااااااااااااااا اااااااالف
مبررررررررررررررررررررررررروك لينااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ا
كلنااااااااااااااااااااااااااااااااا
عوده للمزكره من جديد:medicine:

[محمود الفرنساوي]

الله يبارك فيك

[mohamed gr]

شكرا ليك كتير يا محمود
بجد انا عاجز عن الشكر و ان شاء الله الشروط تكون فى متناول الجميع
و الف مبروك للجميع
محمد راشد

[خالد حمادى]

الله اكبر الحمد لله الف شكر يامحمود وربنا يكرمك ويكرمنا ويامسهل خلاص بنقر ب الحمد لله

[مصطفى محمود العاصى]

السلام عليكم ورحمه الله وبركاته
انا مشترك جديد فى المنتدى وانا خريج دفعه 2005 الكترونيات وياريت اى زميل يرسلى اى اخبار جديده على الاميل واكون شاكر جدا ليكم والله ولى التوفيق

[ميدو السيد]

يا جماعه في اتصال هاتفي مع السيد عميد المعهد اليوم اكد ان رئيس جامعة بولندا لسه موفقش
بس هو بيقول ان شاء الله فيه امل كبير انه يوافق وقال بالحرف الواحد اطمنوا خير باذن الله بس طلب ان الناس تصبر عليه شويه ومحدش يتصل بيه اليومين دول علشان يعرف يخلص الموضوع بس هو قال ان شاء الله هتسمعوا خبر كويس جدا عن قريب دا والله اللي قاله بالنصي ومش عايزين بلبله يا جماعه اصبروا شويه وان شاء الله هيكون فيه اخبار جديده ورائعه كمان


الاتصال اليوم 11 /3 /2009

[محمود الفرنساوي]

يا جماعه في اتصال هاتفي مع السيد عميد المعهد اليوم اكد ان رئيس جامعة بولندا لسه موفقش
بس هو بيقول ان شاء الله فيه امل كبير انه يوافق وقال بالحرف الواحد اطمنوا خير باذن الله بس طلب ان الناس تصبر عليه شويه ومحدش يتصل بيه اليومين دول علشان يعرف يخلص الموضوع بس هو قال ان شاء الله هتسمعوا خبر كويس جدا عن قريب دا والله اللي قاله بالنصي ومش عايزين بلبله يا جماعه اصبروا شويه وان شاء الله هيكون فيه اخبار جديده ورائعه كمان


الاتصال اليوم 11 /3 /2009


وانا برد وبقول لك انه وافق بس لسه ما بعتش الشروط في فرق بين الجملتين

[mero_ta]

ربنا يكرمك يا محمود وياااااارب تعبك ده يكون فى ميزان حسناتك

[محمود الفرنساوي]

ربنا يكرمك يا محمود وياااااارب تعبك ده يكون فى ميزان حسناتك

يارب يا مروان وشكرا جدااا ليك

[MAM90]

حد يرد علينا هى المعادلة لكل الاقسام ولا لاقسام معينه

[ميدو السيد]

وانا برد وبقول لك انه وافق بس لسه ما بعتش الشروط في فرق بين الجملتين
يا اخي الغالي هو كلامي واضح وانا مش بكذبك انا سالته هل الراجل وافق ولا لا قال بالحرف لسه بس ان شاء الله خير يعني هو هيوافق مثلا والعميد مش هيبلغنا وعلي الموم انا كنت قلت لحضرتك امبارح في رسالة اني هكلم العميد تمام وانا بالفعل كلمته وهو قال اللي انا قلته سابقا ويا رب يا سيدي يوافق ويتحقق الحلم هو احنا هنكره يا غالي دا احنا مستنين الحلم دا من النهارده قبل بكره وشكرا

[MAM90]

يارب يوافق احنا نكره يعنى

[محمود الفرنساوي]

للمرة الالف بقول
رئيس الجامعه البولنديه وافق ده شيء عظيم جدااا ونقطه كويسه في صالحنا
لكن الشروط لسه ما وصلتش وعلي كلام دكتور اسامه ان الشروط الاسبوع اللي جاي
لكن انا بقول لكم ان الشروط مش قبل شهر او شهر ونص من دلوقني
لو قبل كده يبقي شيء كويس

انا دايما بحب امشي كل خطوة وادرسها كويس قبل ما امشي ليها علشان امشي علي ارض ثابته لكن السرعه والاندفاع ده مش من طبعي

تاني نقطه علشان الاسئله الكتتتير ما بعد الدراسه
بصوا يا شباب احنا سواء درسنا في مصر او في بولندا او في المريخ حتي
انت بعد ما تخلص الدراسه
بنروح المجلس الاعلي للجامعات
في هناك قسم لاعتماد الشهادات الاجنبيه ومتقسم حسب التخصصات و...
بتروح تقدم اصل و صورة البكالوريوس الجديد طبعا
وبتكتب طلب له دمغات ورسوم وبنقول فيه انك عادلت درجه البكالوريوس مع الجامعه الفلانيه بالسنه الفلانيه بتقدير كذا
هما بيعملوا اتصالاتهم مع الجامعه وبيردوا عليكم بعد شهرين او تلاته
لو طلع كلامك صح وده اكيد طبعا بيوثق الشهاده يعتمدها يعني
بعدها بتروح النقابه اللي تابع لها واللي هي المهندسين ساعتها تقدر تسجل
الكلام ده ياخد يوم او شهر او حتي سنه شيء ما يخصنيش
اللي بيمشي عليكم بيمشي عليا
الدنيا اتخلقت في 6 ايام مش في ثانيه اصبروا كده وياريت الناس تعقل وياريت ما يجيش اي حد اهبل يكتب كلام مالوش لازمه

يعني محدش يدخل يكتب ان الموضوع ده مش حقيقي مفيش حاجه اسمها مش حقيقي يعني لو ده اشتغاله او اي كلام اهبل من الاول ما كنش اخد كل الردود دي وما كنش حد سال واتاكد
واظن ان فيكم ناس سالت كتيييير وراحوا الاكاديميه واتاكدوا بكده
يبقي ياريت الناس تحترم نفسها
اخر شيء
رقم موبايلي اهو للمرة الالف بكتبه
ياريت
اللي يتصل بيا يكون قبل الساعه 10 بالليل مش يتصل بيا او يديني ميسد الساعه اتنين ونص الفجر
وشكرا جدااا ليكم

[mam2]

حد سمع عن الكليه البولنديه ممكن العنوان

[vendetta]

شد حيلك يامحمود ده احنا لسى فى اول المشوار
وفات الصعب وجاى الاصعب بس ان شاء الله احنا اده وشوف Vendetta يقدر يعمل ايه وقولى عليه وانا انفذه ياسطى محمــــــــــــــــــود هاهاهاهاها
يابش مهندس محمـــــــــــــــــــــــــود يامتبنى مشكلتنا يارب يوفقك ويوفقنا يارب وماتقلقش المشاكل اللى ممكن تيجى من ورا الموضوع ده نبئى نقسمها انا وانت انت شويه وانا شويه وكل يهون فى سبيل مستقبلنا يامحمود

[meem]

هاااااااااااااااااااانت احنا كنا فين

[خالد حمادى]

ايه يجماعة اخر التطورات

[ميدو السيد]

لم يحدث جديد اتصلت بالعميد امس واخبرني انه ينتظر الرد من الجامعة البولندية حتي الان بصراحة الواحد بدء يزهق

[محمود الفرنساوي]

ما تزهقش يا ميدو لان اللي حصل هما اخدوا محتوى علمي وبيدرسوه لسه بيشوفوا المواد اللي ناقصه وكده
اصبر لعله خير

[vendetta]

فات الصعب واللى جاى اصعب بس
اللى يصبر ينوووووووووووووووووووووووووووووووووووووووووووووووو وووووول

[aliwahpa]

يارب الموضوع ده يمشي وربنا ييسرلنا كل خير
انا خريج التعليم الصناعي بني سويف قسم تكنولوجيا الألكترونيات 2006 وان جاهز لأى مساعده وانا معايا بيان بالمواد اللي درسناها في الأربع سنين معتمد من العميد وانا آسف لتأخري بمعرفة الموضوع بس انا جاهز لأى شيء وانا اعمل بالعاشر

[ahgabl2008]

بسم الله الرحمن الرحيم السلام عليكم ورحمة الله وبركاته تحية طيبة وبعد
أخوكم احمد ابوجبل
خريج تعليم صناعى القاهرة
شعبة تكنولوجيا الكهرباء
دفعة 2003

ارجو اخبارى بالجديد وانا مستعد لعمل الازم
الموضوع بتاع الكرنيه منغص عليا حياتى
مشكورييييييييين اخوانى على عملكم الطيب
واتمنى ان اكون معاكم ومستعد لتحمل الافراح والاحزان والمسؤلية
على فكرة انا لس عارف بالموضوع بالصدفة

[eng_toty]

ياريت يامحمود يكون الموضع صادق وحقيقى احنا سمعنا كتير بس مفيش لسة حاجة اتحققت من الكلام دة كلة

[zozvd]

السلام عليكم ورحمة الله وبركاته
:medicine: اولاً :مهما الواحد شكر الأخ محمود وباقى الاخوه الى ساعدوه ميش هايجى واحد على مليون من التعب الى شفوه عاجز انا عن الشكر
:medicine: ثانياً : معلشى انا لسه قارى الموضوع دلوقتى وبالمناسبه اناخريخ 2005 كهرباء السويس
وياريت لو احتجدت اى مساعده تطلبها بجد انا ميش عارف اقدر اعمل ايه علشان ماكولشى التورته جاهزه ياريت ترد على يا فرنساوى
الاسم : عبدالعزيز رفعت عبدالعزيز

التخصص :صناعات كهربائيه
الكليه : التعليم الصناعى السويس
الجامعه : قناه السويس
دفعه : 2005
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
جزاك الله كل خير .

[vendetta]

اللى خربان بقاله سنين مش هايتصلح فى يوم وليله نهدى شويه ونركز ونشوف عمليا احنا محتاجين ايه وواقفين على ايه ونعمله بدل التنبيط بالكلام والحسره والاسف

[محمد حسنى مبارك]

سلام عليكم انا محمد خريج تعليم صناعى القاهره ومعاكوا ان شاء الله وبصراحه انا بشكر محمود الفرنساوى بصفه شخصيه لانى حاسس والله انه تعب كتير والله المستعان اخوكوا محمد

[eng_toty]

ربنا معاك يافرنساوى ويقدم اللى فية الخير ويسهل الموضوع دة بجد عشان احنا محتاجينة جدا جدا

[aw_el78]

السلام عليكم ورحمة الله وبركاته
ما شاء الله عليك
عموما انا خريج تعليم صناعى دفعة 1999
واتمنى انى اشترك معاكم لانى وجهتنى مشكلة الكرنيه فى كل شغلى
عموما ده رقم موبيلى واتمنى اول متكونو جهازين بس ترنولى او تبعتولى رساله على الايميل

[محمود الفرنساوي]

سلام عليكم انا محمد خريج تعليم صناعى القاهره ومعاكوا ان شاء الله وبصراحه انا بشكر محمود الفرنساوى بصفه شخصيه لانى حاسس والله انه تعب كتير والله المستعان اخوكوا محمد

الشكر لله

[rawan_200699]

بسم الله الرحمن الرحيم شـكــ وبارك الله فيك ـــرا لك ... لك مني أجمل تحية .

[محمود الفرنساوي]

انا بكرة في المركز الثقافي الروسي
وده لينك بيوضح الدول المسموح ليهم بمعادله درجه البكالوريوس والدراسه هناك
http://www.edurussia.ru/main.html

[sokar_1982]

السلام عليكم ورحمة الله وبركاتة
جزاك الله كل خير يا محمود
وإن شاء الله تعبك يجي بكل خير

[محمود الفرنساوي]

بسم الله الرحمن الرحيم
السلام عليكم ورحمه الله
النهارده انا كان عندي ميعاد مع مدام ايلينا في السفاره الروسيه
عرضت عليها المشكله بتاعتنا كلها
بصراحه هي استغربت ان في ناس بتدرس مواد هندسيه ومنتسجلش في النقابه
وقالت لي في روسيا لو درست مواد هندسيه بتسجل في النقابه ولكل مطلق الحريه تشتغل في التدريس او المصانع .... الخ
المهم
ياريت تركزوا معايا كويس وتفهموا الكلام ده
احب اوضح لكم نقطه قبل ما اقول لكم ملخص اللقاء
انت لو درست في اي جامعه اوروبيه او في روسيا بيكون ليها ميزة كويسه جدااا
هو ان شهادتك بتكون معتمده في اوروبا كلها يعني تقدر تسافر اي بلد في اوروبا تشتغل مهندس
مش عايز اقول لكم ان المهندس هناك والدكتور بيكون مرتبه كاااام
بس اللي اقدر اقوله بتكون حياته افضل بكتييير من هنا
وعايز اقول لكم ان روسيا فيها جامعاااااااااات كتير يعني تقدر تستوعب كل الخريجين
وخصوصا لما قلت لها ان العدد بتاعتنا ممكن يوصل ل 3000 شخص
قالت ده كتير قلت لها وزعيهم في روسيا مش راح يكون له اي اثر
قالت لو ناس محترمه ومحتاجه العلم او الشهاده علشان خاطر النقابه احنا موافقين نساعدكم جداااا علشان تكونوا في حياه افضل
نرجع لتفاصيل اللقاء
هي سمعت كل تفاصيل المشكله من اولها وفهمتها كويس
وقالت لي الحل الافضل قصادنا هو الاتي
اول شيء بتاخد تدريب في روسيا لمده سنه برسوم مخفضه ودي اسمها سنه تمهيدي
بتتعلم فيها الروسي هنا وبيعلموك روسي - عربي
يعني الكلمه بالروسي ومعناها بالعربي
في خلال الفترة دي بتقدم ورق الكليه وطلب معادله درجه البكالوريوس وده بدون فلوس خالص
بتقدم الطلب وبيشوفوا المواد اللي ناقصاك وطبعا انت دارس في مصر اربع سنين معترف بيهم هناك رسمي وخصوصا اننا خارجين من جامعات حكوميه مصريه
بعد كده بيحدد لك الكورسات اللي ناقصاك بتدرسها هناك في الجامعه في مده سنه ولو طلعوا كتييير ممكن تدرس علي سنتين زى ما تفضل وحسب لوائح كل جامعه هناك
تاني شيء
المصاريف شامله الاقامه والدراسه
بمعني انت لو راح تدفع 1000 يورو فا الالف دول شاملين الدراسه والاقامه و التامين الصحي

نرجع تاني للمصاريف
روسيا فيها جامعات كتييييير جدا كل جامعه لها لوائح ومصاريف تختلف عن اي جامعه تانيه
يعني كل واحد وامكانياته الماديه بمعني انت تقدر تدرس بدايه من 1000 يورو لحد 4000 يورو في السنه وده لتخصص الطيران للي عايز طبعا
جامعه موسكو 2500 يورو وده ممكن يرخص برضه وخصوصا ان افضل جامعه في روسيا كلها هي موسكو
دلوقتي انا بتكلم عن تخصص الكهربا
انا خريج قسم كهربا وعايز اعادل الشهاده علشان اقدر ادخل النقابه
طبعا من حق اي واحد يدرس اي تخصص هو عايز يدرسه يعني هناك في روسيا في جامعه الطاقه وعلومها ودي الافضل طبعا بتمكنك من دراسه الطاقه وانواعها وفيها تخصصات التخصصات
في جامعات تانيه خاصه بالهندسه بس وفيها اقسام الكهربا والميكانيكا والعماره وخلافه
يعني انت قسم ميكانيكا سيارات وعايز تدرس من حقك تقدم وتدرس التخصص اللي يريحك
يعني لو عايز تغير وتدرس طيران او تدرس حتي بترول من حقك
نرجع ونقول ايه المطلوب منك
مطلوب منك تجيب صورة من الباسبور بتاعك يكون صالح السفر للدول الاوروبيه
تاني شيء 4 صور شخصيه بتسلمهم في هنا و 6 بيكونوا معاك هناك في روسيا
تالت شيء مطلوب منك مبلغ 200 يورو وده للتعاقد مع الجامعه علي انك تدرس هناك وتاخد بكالورويس هندسه يسمح لك بالتسجيل في النقابه
رابع شيء بعد ما تيجي الموافقه من الجامعه هناك علي قبولك في الدراسه فيها
بتدفع رسوم السنه التمهيديه وهي بتكون رسوم رمزيه مش رقم كبير
بتدفعه من هنا وده افضل لك
بعدها بتاخد فيزا دراسه في روسيا و تسافر تدرس هناك
الدراسه بتبدا في شهر سبتمبر وتنتهي في شهر يونيه
وهي عباره عن ترمين الترم الاول بيبدا من يوم 1/9 وحتي 25 يناير وده بيكون اخر يوم لك في الامتحانات بتاعه التيرم
تاني تيرم بيكون من يوم 9 فبراير وحتي 30 يونيه وده اخر ميعاد للامتحانات
بترجع مصر او بتقيم في روسيا اللي تفضله زى ما تحب

بقول تاني الدراسه باللغه الروسيه ولما سالتها ما ينفعش بالانجليزي ردت وقالت ان المناهج في مصر بالانجليزي وبيشرحوا بالعربي
في روسيا لو المنهج انجليزي راح يشرحوا بالروسي وده راح يكون صعب انكم تفهموا وممكن تسقطوا وتدخل ساعتها علي التمهيد من تاني وبكده انت راح تخسر فلوس وراح تخسر وقت
نوضح شيء للناس
يا جماعه بعد ما تدرس هناك بتاخد شهادتين
اولي بكالوريوس هندسه ومن حقك تعمل ماجيستر ودكتوراه هناك في اي وقت وتكلفتها مش غاليه
وطبعا من حقك من دلوقتي تاخد الماجيستير هناك علي طول بس انا رفضت لان ما بني علي باطل فهو باطل يعني لو اخدت الدكتوراة من روسيا وانت مش مسجل في نقابه مهندسين كانك ما درست و لا يعترفوا بيك
فالافضل امشوا خطوة خطوة
تاني شهاده
بتاخد شهاده مترجم روسي معتمد
ودي بيكون لها مميزات كتيييير انك تحضر ندوات في المركز الثقافي وخلافه وفي النفس الوقت لو عايز تشتغل جزء اضافي في السياحه او مترجم للفنادق للافواج الروسيه من حقك ومعترف بيك ده لو بتحب انك تشتغل اضافي

اللي فيكم محتاج يقدم
يتفضل يروح المركز الثقافي الروسي وانا بفضل اللي في الاسكندريه لان الست هناك فاهمه المشكله واستوعبتها وكل اللي قالته دي كارثه لما كليه حكوميه بتدرس مواد هندسيه ومش معترف بخريجيها ولا بيشتغلوا بالشهاده بتاعتهم
وقالت ان من حقك تختار اذا كنت تشتغل مدرس او مهندس بعد تسجيلك في النقابه
ووعدت بانها تساعد اي عدد يتقدم لها
فهي ممكن تساعدنا
مواعيد مدام ايلينا
يوم الاثنين من الساعه 11 الي الساعه 2 ظهرا
ويوم الثلاثاء من الساعه 2 ظهرا حتي الساعه 6 مساء
ويوم الاربعاء من الساعه 11 الي الساعه 2 ظهرا
يعني لو عايز تقدم ورقك دلوقتي اتفضل
بتقبل اي دفعه وبتقبل اي تقدير
وطبعا اي تخصص

انا كده اديت رسالتي
واي حد فيكم عايز يبدا دراسه هو وامكانياته يتفضل فورا
والله ولي التوفيق
اتمني لكل واحد يدعوا لي بالخير
وعلي فكرة الموضوع بجد وحقكم مش راح يضيع
علي فكرة انت ممكن تختار الجامعه علي حسب فلوسك

لا يضيع حق وراه مطالب



ده اخر كلام
والله ولي التوفيق

http://www.scusuez.org/vb/showthread.php?t=16439

[ayyyman]

السلام عليكم ورحمة الله وبركاته
يا جماعة فى معهد هندسى عالى وعريق ومعترف بية فى العاشر من رمضان وهو المعهد التكنولوجى العالى بالعاشر من رمضان وله فرع ب6 اكتوبر وفرع ادارى بالقاهرة ومعترف نقابيا من اول يوم تم انشائة
والدراسة فية سهلة وبنظام الساعات المعتمدة
وممكن يقبلكم بعد عمل معادلة لمعرفة انتم مادرستوش اية علشان تدرسوة
ودة معهد خاص بمصروفات ومش محتاج عدد كل اللى مطلوب منك بيان بمحتوى ما تم دراستة بالكلية ومعتمد من الكلية او الجامعة وبعد كدة المعهد هيقولك هتدرس فية اد اية سنة ولا اية
وعنوان المعهد
المعهد التكنولوجى العالى بمدينة العاشر من رمضان
بجوار مجمع الصناعات الصغيرة
فاكس : 363496(015)
الاقسام الهندسية:364168-364170-364193-369498-363497(015)
ولة فرع بمساكن الشيراتون بالقاهرة وتليفونة: 22677356-22685482/02

[aliwahpa]

السلام عليكم ورحمة الله
طيب يا أخي هل أنت واثق من التكملة في المعهد ده
أنا خريج كلية التعليم الصناعي جامعة بني سويف
إن كان كده أن معي محتوى المواد اللي درستها وهو يحتوي على الكورس كامل اللي درسناه في الكلية والمحتوى ده غير الخطة الدراسية ومختوم من الجامعة ومكتوب عليه نسخة طبق الأصل وأنا لسه جايبه يوم الأربعاء الفائت .

[ayyyman]

[]السلام عليكم ورحمة الله وبركاته
يا جماعة فى معهد هندسى عالى وعريق ومعترف بية فى العاشر من رمضان وهو المعهد التكنولوجى العالى بالعاشر من رمضان وله فرع ب6 اكتوبر وفرع ادارى بالقاهرة ومعترف نقابيا من اول يوم تم انشائة
والدراسة فية سهلة وبنظام الساعات المعتمدة
وممكن يقبلكم بعد عمل معادلة لمعرفة انتم مادرستوش اية علشان تدرسوة
ودة معهد خاص بمصروفات ومش محتاج عدد كل اللى مطلوب منك بيان بمحتوى ما تم دراستة بالكلية ومعتمد من الكلية او الجامعة وبعد كدة المعهد هيقولك هتدرس فية اد اية سنة ولا اية
وعنوان المعهد
المعهد التكنولوجى العالى بمدينة العاشر من رمضان
بجوار مجمع الصناعات الصغيرة
فاكس : 363496(015)
الاقسام الهندسية:364168-364170-364193-369498-363497(015)
ولة فرع بمساكن الشيراتون بالقاهرة وتليفونة: 22677356-22685482/02[/font][/size][/b][/b]

[ayyyman]

انا يا جماعة واثق من الموضوع دة وبعدين انت خسران اية جرب وهتدعيلى
اسألكم الدعاء
وانشر الموضوع بردة فى كلية التعليم الصناعى فرع حلوان لان كرس الدراسة هناك مطابق لهندسة حلوان ومعظم دكاترة المعهد من هندسة حلوان ولو اتعمل معادلة لحلوان هيبقى زيها زى بنى سويف هيبقى كل التعليم الصناعى

[حسام السعيد هيبه]

الحمدلله والصلاة والسلام على رسول الله وعلى آله وصحبه أجمعين موفق بإذن الله ... لك مني أجمل تحية .

[حسام السعيد هيبه]

لو الكلام دة صحيح تبقى فرصة عظيمة وخاصة انك متاكد ان المعهد دة معتمد نقابيا وياريت لو فية أى حد اخد خطوة تعرفونا عمل اية ويزودنا بالتفاصيل

[حسام السعيد هيبه]

ازيك يامحمود احنا منتظرينك تكتب اخر الاخبار (حسام من الامارات)

[ayyyman]

وعلى فكرةاعرف واحد كان خريج معهد ولما خلص خد السيليبص (محتوى ماتم دراستة بالمعهد) مختوم ومعتمد
وذهب بة الى ادارة المعهد وتم عمل معادلة لة ودرس بالمعهد ثلاث تيرمات يعنى سنة لان الدراسة فى هذا المعهد فى السنة الواحدة مقسمة الى ثلاث ترمات وهو الحمد لله مسجل نقابيا وسمعة شهادة المعهد قوية جدا وفى المصانع يفضلونها عن كليات الهندسة الحكومية
الله الموفق واسألكم الدعاء لان الدال على الخير كفاعلة

جهزو محتوى ما تم دراستة واذهبو الى المعهد وان شاء الله سوف يكون خيرا

[rawan_200699]

بسم الله الرحمن الرحيم
السلام عليكم ورحمة الله وبركاته الاخوة الافاضل يرية من يعرف شيئ يفيدنا
شـكــ وبارك الله فيك ـــرا لك ... لك مني أجمل تحية .

[محمد حسنى مبارك]

سلام عليكم اخباركم ايه
اي يا حوده ايه اخر الاخبار؟؟؟؟؟؟؟؟؟

[ayyyman]

بشرى لخريجى كلية التعليم الصناعى بمصر
________________________________________
هام وعاجل لطلبة كلية التعليم الصناعى حامعة حلوان للحصول على كارنية نقابة المهندسين
السلام عليكم ورحمة الله وبركاته

يا جماعة فى معهد هندسى عالى وعريق ومعترف بية فى العاشر من رمضان وهو المعهد التكنولوجى العالى بالعاشر من رمضان وله فرع ب6 اكتوبر وفرع ادارى بالقاهرة ومعترف نقابيا من اول يوم تم انشائة
والدراسة فية سهلة وبنظام الساعات المعتمدة
وممكن يقبلكم بعد عمل معادلة لمعرفة انتم مادرستوش اية علشان تدرسوة
ودة معهد خاص بمصروفات ومش محتاج عدد كل اللى مطلوب منك بيان بمحتوى ما تم دراستة بالكلية ومعتمد من الكلية او الجامعة وبعد كدة المعهد هيقولك هتدرس فية اد اية سنة ولا اية
وعنوان المعهد
المعهد التكنولوجى العالى بمدينة العاشر من رمضان
بجوار مجمع الصناعات الصغيرة
فاكس : 363496(015)
الاقسام الهندسية:364168-364170-364193-369498-363497(015)
ولة فرع بمساكن الشيراتون بالقاهرة وتليفونة: 22677356-22685482/02


وعلى فكرة معظم الدكاترة هناك من جامعة حلوان بة جميع التخصصات والله الموفق واسألكم الدعاء ونشر الخبر حتى يستفيد منه اكبر قدر من المهندسين


وعلى فكرةاعرف واحد كان خريج معهد ولما خلص خد السيليبص (محتوى ماتم دراستة بالمعهد) مختوم ومعتمد
وذهب بة الى ادارة المعهد وتم عمل معادلة لة ودرس بالمعهد ثلاث تيرمات يعنى سنة لان الدراسة فى هذا المعهد فى السنة الواحدة مقسمة الى ثلاث ترمات وهو الحمد لله مسجل نقابيا وسمعة شهادة المعهد قوية جدا وفى المصانع يفضلونها عن كليات الهندسة الحكومية
الله الموفق واسألكم الدعاء لان الدال على الخير كفاعلة

جهزو محتوى ما تم دراستة واذهبو الى المعهد وان شاء الله سوف يكون خيرا
يا جماعة دة معهد عريق ومعترف بيه وبمصروفات ولو حد منكم عايز اى استفسار او يقدم فية
علشان اعرف كام واحد موافق على التكملة والحصول على بكالوريوس هندسة
والله الموفق

[vendetta]

ياعم عارف لو كان فى اسنا والفرع بتاعه فى كوم امبو والله المكان مش مهم المهم ان فعلا المعاهد دى تتشجع وتقبلنا لان حاسس ان ممكن المعاهد دى يحصلهم مشاكل بسببنا ويخافوا ينتشلونا من الارف ده

[eng_m_mostafa]

بسم الله الرحمن الرحيم
السلام عليكم ورحمة الله وبركاته
انا خريخ دفعة 2007 جامعة حلوان قسم كهرباء
وبشتغل حاليا مهندس كهرباء واجهزة بشركة اسكندرية للصيانة البترولية (بترومنت)
حقيقي ياجماعة الموضوع مش صعب بالعكس الموضوع سهل جدا لكن هناك مجرد مسميات (كارنيه النقابة) ومن هنا تبدا المشكلة
انا و الحمد لله متفوق جدا فى شغلى ولكن مشكلتى الوحيدة فى الكارنيه النقابى
ارجوكم ياجماعة ياريت نبدا فى مشوار عشان يبقى معانا سلاح فى ايدينا
انا معاكم فى اى حاجة

[محمود الفرنساوي]

ربنا يسهل ويييسر الحال

[soudy]

اولا السلام عليكم ورحمه الله وبركاته
انا خريج نعليم صناعي القاهره قسم كهرباء دفعه 2005
وياريت لو وصلتو لاي حل انا معاكم ولكم جزيل الشكر

[hamada_mody2007]

انا خريج تعليم صناعى بردة سالت كتير على السنة الخامسة الى هى سنة معادلة الهندسة بس لاسف جامعات خاصة كتير ميعرفوش عنها اى حاجة ياريت ياجماعة لوفى حل لينا كلنا حتى لو هنجمع دفعة ونخدها تعرفونى

[م/اجمد عادل]

بصراحة وبدون أى مقدمات تكملة مافيش أنتوا فنين وهتفضلوا فنيين sorry الحق مازعليش ,,,وأنا فى قمة الأسف ,, ده إيميلى لو فيه جديد

[حسام السعيد هيبه]

انتو خلاص اتعقدتو ولا ايه معلهش ربنا كبير.....لكن كما قال الشاعر صبرنا الى أن مل من صبرنا الصبر وقلنا غدا أو بعده ينجلى الأمر فكان هذا الغد عمر ولو مد حبله فقد ينطوى فى جوف هذا الغد الدهر وقلنا عسى أن يدرك الحق أهله فصرخت لا من عسى ولا طعمها مرررررررررر..... بس لازم يكون فيه أمل لأنه لو انعدم الامل ستنتهى الحياه واصبرو شويه لما نشوف محمود اكيد ان شاء الله عندة أخبار كويسه.

[م/اجمد عادل]

على فكرة أنا عمرى ما كنت متشائم علشان التشائم من الشيطان لكن الصورة العامة توحى بعدم إنجاز المهمة لنا وهى المساواة بكلية الهندسة,, ياريت اللى يعرف أى حد مقديم على التعليم الصناعى يشرحله الوضع وكل عيوبه وأخطاءه وينصحه بعدم دخول الكلية المقرفة دى رجاء,,,ياريت ماحديش يزعل منى...

[محمود الفرنساوي]

اسبوع من دلوقتي واقابل دكتور اسامه للمرة الاخيره

[م/اجمد عادل]

شكرا على متابعة الموضوع يامحمود أصل أحنا والله فاض بينا,, ويارب يكون عند الكتور أسامه جديد ,,يارب

[م/اجمد عادل]

شكرا على متابعة الموضوع يامحمود أصل أحنا والله فاض بينا,, ويارب يكون عند الدكتور أسامه جديد ,,يارب
Im So Sorry

[محمود الفرنساوي]

dont be sorry

[taha123]

ربنا معاكو

[النور]

يارب تعملوا حاجة مش كلام وخلاص:crying:

[Karim Elsayed]

الرسالة للزميل (النور) انت ما تستناش احنا بنعمل ايه احنا بنتكلم وبس اعمل حاجة معانا ما تتفرجش انت عايز الموضوع على الجاهز

[lamwr تعليم صناعى]

السلام عليكم
جزاك الله خيرا اخى
اخوكم فى الله محارب معكم على نفس الضفة

ومعاكم معاكم
برجاء الرد عند اكنمال العدد

[lamwr تعليم صناعى]

انا معى فوق 1000 طالب لكن نهم طلاب كلية الرتبية شعبة التعليم الصناعى جامعة المنوفية
فهل لهم الاحقية ام لا
برجاء الرد
اخوكم
lamwr

[WAEL ALSHAFEY]

كلنا فى الهوا سوا
ياعم سكر خليك سكر مش يبقى انت والزمن علينا
وخلى الكلام ده ميجيش منك اهنا عرفين بصرف النظر انتم درستم ايه واحنا درسنا ايه المهم هدفنا واحد ولازم نقف مع بعض انا خريج تربيه شعبه تعليم صناعى عمارة دفعة 2003 والى الان عمال أخبط فى الحياه العملية من مشرف لمكتب فنى لرسام اتوكاد لمساعد مهندس انت بتقول نقابة وانت عارف كويس ان عشان اخد نقابة المعلمين لازم اكون ممارس المهنه وانت عارف اننا فى كوكب تانى مفيش فايدة ومفيش تعيين لما ربنا ادانا أمل بمعادلة تقول انتم احق بدل منتمسك بالامل وتسيب الحياه تأخد مجراها والتوفيق للجميع .
وكل سنة وانت طيب ورمضان كريم أخوك وائل الشافعى:tired:

[Mohamed Gameel]

ياريت على الاقل ابقى اسمك عملت حاجة

[فري ستايل]

أهم حاجه يا جماعه التكلفه كاااام ؟ لو كانت ...... هينه هتلاقوا الدنيا كلها معاكو؟؟ وأنا هجمعلكو العدد بس أكدولنا وطمنونا......
fery style $$$

[عمر عادل احمد]

بسم الله الرحمن الرحيم

يا جماعه حد دخل المعهد ده والا لسه كلام

على فكره انا لسه فى الفرقه الثلاثه

[محمود الفرنساوي]

محدش دخل المعهد
القرار طالع للجامعات الخاصه
اقرا الموضوع ده
http://www.scusuez.org/vb/showthread.php?t=16656

[محمود الفرنساوي]

أهم حاجه يا جماعه التكلفه كاااام ؟ لو كانت ...... هينه هتلاقوا الدنيا كلها معاكو؟؟ وأنا هجمعلكو العدد بس أكدولنا وطمنونا......
fery style $$$


وانت ما بتتحركش ليه
لحد امتي راح تفضل معتمد علي غيرك

[ahmed fahme]

بسم الله الرحمن الرحيم انا اسمي احمد خريج تعليم صناعي بني سويف انا قابلت الدكتور اسامه وقالي ان في قرار صدر اننا نكمل فعلا ولكن تم اصدار قرار اخر بيلغي بيه القرار ده وهوه نفسه مش عارف يعمل ايه

[ahmed fahme]

بسم الله الرحمن الرحيم انا اسمي احمد خريج تعليم صناعي بني سويف انا قابلت الدكتور اسامه وقالي ان في قرار صدر اننا نكمل فعلا ولكن تم اصدار قرار اخر بيلغي القرار ده وهوه نفسه مش عارف يعمل ايه

[ahmed fahme]

ياريت ياجماعه نساعد الدكتور اسامه هوه نفسه مش لاقي حل وانا بعد ماكان كلي امل اني اكمل وقلت ان خلاص مشكلتي اتحلت لقيت ان الموضوع اتعقد تاني ورجعنا لنقطة البدايه من جديد

[وائل برجل]

اخواني طلبه تعليم صناعي انا اخوكم وائل برجل مقيم بالمملكه العربيه السعوديه
الرجاء ابلاغي باي جديد يتم التوصل اليه في موضوع معادله الكليه بالهندسه علي تلفون00966552850511 مجرد مس كول وانا حتصل واستودعكم الله

[vendetta]

اسامه منتظر القرار

منتظر يعنى سلبى زى ناس كتير اوى هنا

بيتحرك يعنى ايجابى وللاسف مافيش كتير اوى هنا ناس زى دى