مبروووك.... ولكن مع الاسف !!!!

[vendetta]

بسم الله الرحمن الرحيم
الف الف الف مبروك للمنتدى على الشكل الجامد ده اللى انا رغم انى سيارات وجرارات حلوان بس متحمسله بشراسه وعلى الرغم من فرحتى بالمنتدى والتطور فى المظهر والذى سوف يتبعه تطور فى الجوهر لكن أسمحولى اطرح الموضوع ده للنقاش وابداء الاراء بصراااااااااااااااحه


كلية التعليم الصناعى
يتم الالتحاق بهذه الكليه بعد ( دراسه 5 سنوات ثانوى) او (3سنوات ثانوى +2معهد)
هدفها المعلن تخريج مدرسين نظرى وعملى للمدارس الفنيه


هدفها الحقيقى ....تخريج مهندسين مؤهلين وعلى مستوى عال من المهاره ومتخصصين لتدريب العماله ...............والسبب


أن لما حبوا يعملوا تنمية ونهضه فى الصناعه لقوا ان مافيش صناعه من غير عماله مدربه فحبوا يدربوا العماله ازاى من غير مهندسين ؟ لقوا ان مافيش مهندسين عاوزه تشارك فى التنميه لان بصراحه انهى مهندس هايرضى يشتغل مدرس فى مدرسه مهما كان وطنى!! ؟ راحو عاملين كلية أسمها ـــــــــــــــــــــ كليه التعليم الصناعى ــــــــــــــــــــــــ
يدرس فيها المتفوقين من التعليم الفنى دراسه هندسيه( لـ4 سنوات) بعد 5 سنوات ثانوى او معاهد فوق متوسطه من نفس الدكاتره المحاضرين فى نفس التخصصات فى الكليات الاخرى ويحصلوا على تأهيل علمى هندسى بمستوى عالى جدا وليس لهم خيار اخر ونسيوا تماما وجود شعبة التعليم الصناعى بكلية التربيه المختصه بتخريج المدرسين للتعليم الفنى وده لانهم خايفين من مستوى خريجين الكليه هايثبتوا كفائتهم وهاينفسوا بمستوى عال طب ليه هذا الظلم وهل عشان قصور عندهم يتحمل خريجى الكلية كل هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


- ولا من حقهم الحصول على عضوية نقابة المهندسين لاشتراطها دراسة 5 سنوات
- ولا من حقهم دراسه سنه تكميليه
- ولا معادله للبكلوريوس للحصول على عضويه النقابة
- وتم تحاشى ذكر الاسم الهندسى فى المؤهل تماما


أضافة لذلك
محظور على خريجى كلية التعليم الصناعى الانضمام لاى نقابة تحفظ حقوقهم ( نقابة التطبقيين للمعاهد والدبلومات)!!!
- لايمنح خريجيها عضوية نقابة المهندسين رغم الدراسه الهندسيه الصريحه !!!
- وليس لخريجى هذه الكلية العملية نقابة كأى كلية عملية أخرى!!!


ويظهر هنا عدة تساؤلات هامه يجب التفكير بها منها :-


1- اذا كان هدف كلية التعليم الصناعى الحقيقى تخريج مدرسين للتعليم الفنى فماذا هدف شعبة التعليم الصناعى بكلية التربيه ؟
2- اذا كان هدف كلية التعليم الصناعى الحقيقى تخريج مدرسين للتعليم الفنى فلماذا يحصل خريجيها على بكالوريوس تكنولوجيا وليس بكالوريوس تربيه ؟
3- اذا كان هدف كلية التعليم الصناعى الحقيقى تخريج مدرسين للتعليم الفنى فلماذا يقومون بعمل مشاريع تخرج هندسيه ؟
4- اذا كان هدف كلية التعليم الصناعى الحقيقى تخريج مدرسين للتعليم الفنى فلماذا لايتبعون نقابة التربويين ؟
5- اذا كان هدف كلية التعليم الصناعى تخريج مدرسين للتعليم الفنى فلماذا لم يتم انشاء توسعات فى شعبة تعليم صناعى فى كليات التربيه ؟


وعند النزول لسوق العمل
يعامل خريج هذه الكلية كفنى ؟
هل يعقل معاملة خريج جامعى كفنى ؟
هل يعقل معاملة خريج جامعى بتخصص هندسى كفنى ؟؟



لماذا؟وأين الحل؟والى متى يظل هذا ؟؟؟؟


((((( نرجو التعقيب ان كان الامر مهم !!! )))))

[agamy]

بسم الله الرحمن الرحيم




الف الف الف مبروك للمنتدى على الشكل الجامد ده اللى انا رغم انى سيارات وجرارات حلوان بس متحمسله بشراسه وعلى الرغم من فرحتى بالمنتدى والتطور فى المظهر والذى سوف يتبعه تطور فى الجوهر لكن أسمحولى اطرح الموضوع ده للنقاش وابداء الاراء بصراااااااااااااااحه


مشكور اخي الغالي
الفضل يرجع الي ادارة المنتدي والي اخي الغالي عبده هلموز


انا فرحان انك نفسك تتكلم في الموضوع بصراحه
بس يا ريت ما نزعلش
للعلم اخي الغالي انا خريج 2006من تعليم صناعي السويس
وكنت صنايع 5سنوات
(علي فكره صنايع 5 سنين كهرباء تقدرها1.5*تقدير السنوي)
وكنت جايب تقدير يدخلني هندسه:surprised:
اه متسنغربش
ودخلت تعليم صناعي(بمزاجي)
وانا اعلم جيداً امكانيات الكليه
وكنت عضو اتحاد خلال 3سنوات تواجدي بالكليه
وكنت ماسك نادي علوم الفرع سنتين
ومسكت نادي علوم الجامعه سنه وقدمت مشاريع
في اسبوعي شباب الجامعات بالمنصوره (المصري والعربي)

انا قولت الكلام ده كله عشان تتأكد من انتمائي للكلي
مش للتفاخر والله عليم بالنوايا,,,,,,,,
بص يا سيدي احنا مش مهندسين
وعمرنا ما هنكون مهندسين
ومتزعلش مني لما اقول اني بتنرفز لما بسمع الموضوع ده
مش عيزين نعمل زي الغراب لما شاف الطاووس
وعجبته مشيته ولما حاول يقلده نسي مشيته هوه
فبقي يعرج
وللحديث بقيه,,,,,,
ابقوا معنا

[vendetta]

على فكره مش انت لوحدك انا بئى كنت فى هندسه وحولت منها لظروف معينه ولكن أحنا مهندسين مهضوم حقنا وكمان انا كنت زيك 5 سنين جلال فهمى صنايع المانى وطبعا دى غنيه عن التعريف لاى حد تعليم فنى فى مصر وكنت احسن واحد فى الانجليش فى المدرسه ولما دخلت الكلية برده كنت احسن واحد وكنت بترجم كتب التخصص والعيال زمايلى لما كنت هابطل عرضوا فلوس عشان اكمل ترجمه وعلى فكره انا جايب امتياز فى مشروع التخرج لانى انا اللى كتبته برده انجليش من الجلده للجلده مش منزله من النت واللى كان بيشرف على المشروع دكتور مهندس ملحق ثقافى فى سفارتنا فى كندا ده غير المامى باللغه الالمانيه تمام لحد كده ؟؟ وجهة نظرك انا مش هاعاقبك عليها ولكن من حقى انا كمان انى اوضح الاسباب وعلى فكره التخصص بتاعى مافيش غير 4 اماكن بس فى مصر هندسه المطريه وعين شمس والمنيا وتعليم صناعى حلوان يعنى مطلوبييييييين جداااااااا بس من حقنا على الدراسه اللى بناخدها واحب اوضح لحضرتك نقطه

وارجو انها ماتضايقش الناس فى تعليم صناعى السويس انتوا عندكم نص المواد نفسيه (سيكولوجى) يعنى لو عندكم 40 ماده فى 4 سنين عندكم تقريبا 18 او 20 عندنا فى حلوان 8 مواد سيكو فقط فى 4 سنين من مجموع المواد كلها احسب{4 (x) ـ14} اتمنى انى اكون وضحت وجهة النظر وياريت الناس فى تعليم صناعى السويس ماتزعلش لان لائحه الجامعه والكلية عندنا غير عندكم فلازم كلنا نطالب بكده
وشكرا على اهتمامك بالرد ومعلهش اننا نرفزنا اعصاب سعادتك !!

[agamy]

وجهة نظرك انا مش هاعاقبك عليها
هههههههههههههههههههههههههههههههههههههههه
روح يا شيخ الله يباركلك

وبالنسبه لللائحه بتاعت كل كليه اللي اتمني تكون قرأتها
ده جزء من ليحة كلتنا
بص كده معايا
http://img370.imageshack.us/img370/6271/29233968hj9.jpg
ودي بأه يا سيدي
اللائحه كامله
http://www.scusuez.org/vb/showthread.php?t=1557

[vendetta]

بسم الله الرحمن الرحيم
برده انت كده ما نفيتش الكلام ده انت بالعكس أكدته ولو قريت انت اللائحه دى هاتعرف برده بأنهم عاوزين يدربوا ويأهلوا عماله فنيه مدربه فى تخصصات الكلية اللى هى اساسا تخصصات هندسيه بزمتك حسب اللائحه بتاعتكم دى اللى هيقدموا مشوره وخبره فى مجالات التخصص الهندسيه مدرسين برده ياراجل التخصصات الهندسيه دى ومنها : -
(اليكترونات - كهرباء باقسامها - ميكانيكا انتاج - ميكانيكا سيارات وجرارات - عماره - وفى قسم عندكم فى السويس بيدى ميتالورجى تحت مسمى كده ) اللى هايدى فيها مشوره وخبره حسب اللائحه المعلنه مدرسين برده ؟؟؟؟؟ ياراجل انتوا بتفكروا ازاى ؟


احنا اضحك علينا وللاسف فى ناس مصدقه ومؤمنه بده ارجو اعمال العقل ومش اى كلام يتقال نمشى وراه احنا ناس جامعيين يعنى بنفكر!!!!!!! وياريت نتحرك عشان ناخد حقنا احنا مش طالبين المستحيل


ورغم ده كله برضه ماجاوبتش على الاسئله دى -
لما هم عاوزين مدرسين نظرى وعملى ليه ماوسعوش فى شعبة التعليم الصناعى بكلية التربيه ؟
وليه خريجيى الكلية دى مش تبع نقابة التربويين ؟ فكر كده ؟
وهو فى مدرسين أساسا ليهم مشاريع تخرج هندسية ؟

وليه خريجى الكلية دى مالهمش اى نقابة ينضموا ليها وليه خريجى الكلية دى مالهمش حق الحصول على مؤهل يحمل الاسم الهندسى الدال على دراستهم ؟
وليه ليس من حقهم دراسه تكميليه زى مامن حق حامل المؤهل الهندسى دراسه تكميليه تربويه ؟؟؟

شئت أم ابيت احنا مظلومين ومادمتمش معترف بكده ورافض استرداد الحق فهذا يرجع اليك ولكن ان شاء الله لما ناخد حقنا ماتبقاش تاخده وخليك مكتفى بالوضع الان !!!
وشكرا على اللائحه ياريت تقراها وتفهم اللى بين السطور وانت جامعى ومتميز وفكر كده !!!!!


وشكرا على اهتمامك بالرد

[عباد الله]

طيب انا خريجة تعليم صناعى بس مش عايزة اكون مدرس وكمان مفيش شغل دورت وملاقتش

[محمود صالح محمد]

يا جماعه ده حقيقى كل الكلام اللى بتقولوه لكن اللى شاطر ويصبر شويه فى سوق العمل هيلاقى تقدير واعجاب غير عادى
وكمان مستوى الخريجين فى السوق اصبح باين إلى حد ما وبدأت الكليه تتعرف
لكن مهم جدا موضوع النقابه وعلى فكره انا عرفت من دكتور كان فى الكليه انه احنا مش محتاجين اكتر من تجمع
عباره عن عدد مناسب من الخريجين ونشتغل على الموضوع ده بجد يا جماعه
انا شغال مصمم ديكور فى شركه وبحتك دايما بمهندسين زمايلى وباعرف انا احنا اتعلمنا كويس فعلا وعندنا ماده علميه كويسه جدا
والله الموفق (اخوكم محمود )[

[aliwahpa]

فعلا إحنا مظلوميين جدا وللأسف مفيش حد بيسمع أو بيرد على مطالبنا ولو كان الرد بيكون كأننا حتى مادخلناش تعليم من أساسه
يعني أزاى أحد المسئوليين بدون ذكر أسم يطلع في برنامج تلفزيوني مشهور ويقول أننا طلبة مانعرفش عن الحياة الجامعية وكأننا همج أو كأننا شيء مالوش حقوق
طيب لو أحنا كده دخلتونا أصلا كلية ليه
حسبى الله ونعم الوكليل
اللهم أصلح حالنا يا رب العالمين
أنا مش عارف أيه الحل اللي ممكن نقوم بيه بس لازم يكون في حل ومنتكلمش وخلاص لازم يكون في خطوات

[engluxor]

كيف حالك إن شاء الله دائما بخير ؟

بسم الله الرحمن الرحيم
الف الف الف مبروك للمنتدى على الشكل الجامد ده اللى انا رغم انى سيارات وجرارات حلوان بس متحمسله بشراسه وعلى الرغم من فرحتى بالمنتدى والتطور فى المظهر والذى سوف يتبعه تطور فى الجوهر لكن أسمحولى اطرح الموضوع ده للنقاش وابداء الاراء بصراااااااااااااااحه


كلية التعليم الصناعى
يتم الالتحاق بهذه الكليه بعد ( دراسه 5 سنوات ثانوى) او (3سنوات ثانوى +2معهد)
هدفها المعلن تخريج مدرسين نظرى وعملى للمدارس الفنيه


هدفها الحقيقى ....تخريج مهندسين مؤهلين وعلى مستوى عال من المهاره ومتخصصين لتدريب العماله ...............والسبب


أن لما حبوا يعملوا تنمية ونهضه فى الصناعه لقوا ان مافيش صناعه من غير عماله مدربه فحبوا يدربوا العماله ازاى من غير مهندسين ؟ لقوا ان مافيش مهندسين عاوزه تشارك فى التنميه لان بصراحه انهى مهندس هايرضى يشتغل مدرس فى مدرسه مهما كان وطنى!! ؟ راحو عاملين كلية أسمها ـــــــــــــــــــــ كليه التعليم الصناعى ــــــــــــــــــــــــ
يدرس فيها المتفوقين من التعليم الفنى دراسه هندسيه( لـ4 سنوات) بعد 5 سنوات ثانوى او معاهد فوق متوسطه من نفس الدكاتره المحاضرين فى نفس التخصصات فى الكليات الاخرى ويحصلوا على تأهيل علمى هندسى بمستوى عالى جدا وليس لهم خيار اخر ونسيوا تماما وجود شعبة التعليم الصناعى بكلية التربيه المختصه بتخريج المدرسين للتعليم الفنى وده لانهم خايفين من مستوى خريجين الكليه هايثبتوا كفائتهم وهاينفسوا بمستوى عال طب ليه هذا الظلم وهل عشان قصور عندهم يتحمل خريجى الكلية كل هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


- ولا من حقهم الحصول على عضوية نقابة المهندسين لاشتراطها دراسة 5 سنوات
- ولا من حقهم دراسه سنه تكميليه
- ولا معادله للبكلوريوس للحصول على عضويه النقابة
- وتم تحاشى ذكر الاسم الهندسى فى المؤهل تماما


أضافة لذلك
محظور على خريجى كلية التعليم الصناعى الانضمام لاى نقابة تحفظ حقوقهم ( نقابة التطبقيين للمعاهد والدبلومات)!!!
- لايمنح خريجيها عضوية نقابة المهندسين رغم الدراسه الهندسيه الصريحه !!!
- وليس لخريجى هذه الكلية العملية نقابة كأى كلية عملية أخرى!!!


ويظهر هنا عدة تساؤلات هامه يجب التفكير بها منها :-


1- اذا كان هدف كلية التعليم الصناعى الحقيقى تخريج مدرسين للتعليم الفنى فماذا هدف شعبة التعليم الصناعى بكلية التربيه ؟
2- اذا كان هدف كلية التعليم الصناعى الحقيقى تخريج مدرسين للتعليم الفنى فلماذا يحصل خريجيها على بكالوريوس تكنولوجيا وليس بكالوريوس تربيه ؟
3- اذا كان هدف كلية التعليم الصناعى الحقيقى تخريج مدرسين للتعليم الفنى فلماذا يقومون بعمل مشاريع تخرج هندسيه ؟
4- اذا كان هدف كلية التعليم الصناعى الحقيقى تخريج مدرسين للتعليم الفنى فلماذا لايتبعون نقابة التربويين ؟
5- اذا كان هدف كلية التعليم الصناعى تخريج مدرسين للتعليم الفنى فلماذا لم يتم انشاء توسعات فى شعبة تعليم صناعى فى كليات التربيه ؟


وعند النزول لسوق العمل
يعامل خريج هذه الكلية كفنى ؟
هل يعقل معاملة خريج جامعى كفنى ؟
هل يعقل معاملة خريج جامعى بتخصص هندسى كفنى ؟؟



لماذا؟وأين الحل؟والى متى يظل هذا ؟؟؟؟


((((( نرجو التعقيب ان كان الامر مهم !!! )))))

[ammar saad easa]

أحنا تعليم صناعى كفاية بقا متضحكوش علينا الناس
أفهموا الوضع
متقولش بنشتغل فنيين
لا بنشتغل مشرفبن فى المصانع ومش مهندس
أحنا مش هندسه
وده مش عيب

[ammar saad easa]

شوفو موضوع جديد ناقشوه
إحنا تعليم صناعى
ده واقع مش هيتغير

[ammar saad easa]

شوفو موضوع جديد ناقشوه
إحنا تعليم صناعى
ده واقع مش هيتغير
كفاية متخوفوش الناس
أنا واحد من الناس درست فى الكلية
متضحكش على نفسك
موادك مصغرة من هندسة متقلش نفس المواد
روح نام ومكتكدبش على نفسك وتظلم الناس

[vendetta]

أ,لا للتوضيح الكلام كان على خريجى جامعة حلوان بما حيث ان عدد المواد التربوى 8 مواد فقط

ثانيا مين قال ان المواد على مصغر او مكبر او كده معلهش هو الحديث هايكون عن شعبة السيارات والجرارات ونعطى امثله على سبيل التوضيح وليس الحصر

ماده مثل الدوائر الهيدروليكيه لاتدرس فى هندسة السيارات والجرارات
ماده مثل الاقتصاد الهندسى بيدرسها طلبة تعليم صناعى باسم تنظيم صناعى وتكاليف
ماده زى تقارير فنيه ومحطات خدمه بيدرسها طلبة تعليم صناعى باسم سلامه وصحه مهنيه
ماده زى الميتالورجى بيدرسها طلبة تعليم صناعى باسم تقنيات مواد وبيتم تدريس اختبارات المواد ايضا بعد ذلك
والامثله كتيره جدا جدا ولا يسعنا حصرها
واضف على ذلك الدراسه بالتعليم الثانوى قبل الجامعه بعد كل ده ونيجى نقول دراسه مصغره اعتقد كلام مش سليم
راجع مصادرك اولا وانشر رايك بعدها فلا تتحدث بدون علم فالصمت احسن !

[sokar_1982]

السلام عليكم ورحمة الله وبركاتة
أنا مع الأخ فينتدا في كلامة
أنا شغال في جامعة الكويت
وشايف المناهج بتاعتهم
مادة زي الكنترول أو إحنا كنا بندرسها بإسم تحكم آلي هو نفس المنهج
مادة زي الموائع وده على سبيل المثال
غير مواد التخصص بتاعتنا إحنا بندرسها بتوسع أكتر من بتوع الهندسة يعني مواد التبريد والتكييف
هما بيدرسوها مادة واحدة في ال5 سنين
إحنا بندرسها من ثانوي وبتوسع أكتر منهم

[حسام السعيد هيبه]

بالنسبه للاخ sokarانت بتشتغل ايه فى جامعه الكويت وما سألتش عن سنه تكميليه ليه فى اى جامعة بس يكون معترف بيها وتدرسها عندك وبعدين تيجى تعادلها فى مصر واهو بالمرة انت بتقول انك شغال فى الجامعه اذا كنت انا فى الامارات وسالت عن الموضوع دة ووصلت لريئس القسم المختص وقال لى ينفع واحضر الاوراق المطلوبه بس التكلفه عاليه جدا وبشكل عام التعليم وكل حاجه غاليه فى الامارات وعلى فكرة انا من المحله بردة ياسكر

[حسام السعيد هيبه]

الاخ sokarانت مجهز اوراقك وعايز تعادل من الولايات المتحده وبما انك شغال فى الكويت وفى الجامعه يعنى معلوماتك اكتر هل لما تعادل الكلام دة معترف بيه عندك ياريت التوضيح عشان لو فيه فرصه اقدر ابحث فى الموضوع دة هنا بالامارات ودة ايميلى لو تكلمنى hosam hibaa@yahoo.com

[abdoo21]

مع كامل إحترامى لجميع الأخــوة الزمـــلاء بهذا المنتدى الطيب

أن من يقول بأن طالب التعليم الصناعى مدرس فقد أخطأ , ومسألة عدم تساوى المواد التى ندرسها فى كليتنا وبين كلية الهندسة فهذا الأمر يحل بمعادلة الكلية بنظام دراسى إضافى حسب ما يقدره المتخصصون

وأرى أن من يدرس بكلية التعليم الصناعى ويهتم بدراسته جيدا سوف يكون أكفئ من مهندس فى مجال العمل
ويكفيه ما درسه فى تخصصه على مدى 3 +4 سنوات على الأقل أن لم يكون 3+2+3 سنوات

وأن من يرى أننا نكدب على أنفسنا ليس بجدير تكنولوجيا فى تخصصة ويخشى المواجهة فى سوق العمل
ويكتفى ويرضى بأنه فنى يتساوى بخريجى الدبلومات والمعاهد الفنية .. وهذا ليس تقليلاً من شأن هئولاء
لكن لكل مجتهد قدر , والهدف هو عدم بخس نفوسنا حقها لا أكثر ولا أقل

وبفضل الله وأنا خريج كلية التعليم الصناعى جامعة حلوان شعبة الإلكترونيات وقد إستفدُ الكثير من هذه الكلية
أسأل الله أن يبارك فيها , وأنا الأن أعمل مديراً لقسم نظم المعلومات بإحدى الشركات الكبرى
وكنت أثناء دراستى متفوقلاً بل كنت أشرح مواد تخصصية لزملائى بكلية الهندسة مثل :

Basic of electronics
Electronic circuits
DSP Digital Signal Processing
بالإضافة إلى الرسم الهندسى

وهذا ليس من باب الإفتخار لكن من باب إظهار كفاءة خريجوا هذه الكلية
والمطلوب منكم يا شباب التعليم الصناعى هو الإصرار على المطالبة بأحقية المعادلة
أو على الأقل الإنضمام لنقابة تليق بكم , لا نقول أننا مهندسون بإطلاق القول , لكن إن جاز التعبير
نقول أننا مهندسون بشروط معادلتنا وإتمام ما ينقصنا من الدراسة الهندسية
ولكن لا يمكن أن نكون فنيـــون على أى حال من الأحوال!!!

وإلا فلماذا كليات التربية قسم التعليم الصناعى ؟؟؟؟؟؟؟؟؟

أشكركم ومعذرة على الإطالـــــة

[Broken_Heart]

صدقو بالله حاسه انى عايشه ف كابوس كابوس انا جبته لنفسى يوم مافكرت احقق حلمى وادخل كليه من المجال الصناعى ودخلت والحلم اتحقق والحمد الله واذا بيا اصحى ع اكبر صدمه كارثه اسمها كليه تعليم صناعى اولا للتوضيحا انا كنت بدرس قسم بعشقه ((الكترونيات كمبيوتر)) واطريت احول علشان ادخل اللى فبلدى انا مش بعيب ف الكليه لا
لانها هيا فتحت مجال لناس كتيره تحقق حلم ليهم بس المشكله انك حاسس انك واقف ف مكانت بدرس مواد كتيره اوى ومواد معلش ماليش اى علاقه بيها بس لازم ادرسها
با اختصار شديد لو انتو يا شباب بتنادو بحقوا علشان يكون ليكوا نقابه او يتكتب ويتحدد ف الشهاده اذا انت كنت مهندس او مدرس احنا البنات نعمل ايه مجبورين انننا نقبل بالامر الواقع ونشتغل مدرسات وبس ؟؟؟ حتى دى مش موجوده وربنا يخلى الكوسه ..........
يعنى انا لو طموحى اكبر من كده اعمل ايه مافيش غير انى اقعد ف بيتنا بقى واقشر بصل واعيط ع سنين عمرى اللى ضاعت ودمتم .

سامحونى انى طولت عليكوا انا حاولت انقل صوره بنات كتيره اوى بيمروا بنفس اليأس ده
ومحدش يعصبنى ويقولى البنت اخرها البيت والكلام ده لاننا زيكم بالظبط من حقنا نحلم ونحقق احلمنا

[sokar_1982]

السلام عليكم ورحمة الله وبركاتة
هنا فيه مهندسات بتقيم في مواقع العمل البتروليه خارج منزلها بأكثر من أسبوع
وفي الصحراء شوفتو التقدم لحد فين والبنت بتقدر تعمل شغل الراجل بس لحدود معينة
رغم إنها إن الشغل إشراف مش شغل بالأيد بس فيه مسؤليات كتير أهمها الامن والسلامة
وبعض الشغل بتعمله بإيديها
بس فيه حاجة تانية برده إنهم مبيحبوش يدرسوا مواد تقيلة في الجامعة أنا مش بقول كلهم
لكن معظمهم يعني موادهم أوتو كاد معامل سنة تانية
إنما مواد زي الثرمو الموائع إنتقال حرارة بيبقة بعيد عنها شوية
وأنا بتكلم عن الللي هما مهندسات لسة إنما لما بيبقوا دكاترة وعددهم مش كتير يعني 1% أو 2%
بيدرسوا المواد ديه

[abdoo21]

بدرس مواد كتيره اوى ومواد معلش ماليش اى علاقه بيها بس لازم ادرسها
با اختصار شديد لو انتو يا شباب بتنادو بحقوا علشان يكون ليكوا نقابه او يتكتب ويتحدد ف الشهاده اذا انت كنت مهندس او مدرس احنا البنات نعمل ايه مجبورين اننا نقبل بالامر الواقع ونشتغل مدرسات وبس ؟؟؟ حتى دى مش موجوده وربنا يخلى الكوسه ..........
يعنى انا لو طموحى اكبر من كده اعمل ايه مافيش غير انى اقعد ف بيتنا بقى واقشر بصل واعيط
ع سنين عمرى اللى ضاعت ودمتم .

سامحونى انى طولت عليكوا انا حاولت انقل صوره بنات كتيره اوى بيمروا بنفس اليأس ده
ومحدش يعصبنى ويقولى البنت اخرها البيت والكلام ده لاننا زيكم بالظبط من حقنا نحلم ونحقق احلمنا


بالنسبة للمواد الكتير إللى بندرسها ويبدوا لنا إنها ملهاش لازمة فده لازم فى أى مرحلة جامعية لأن
المرحلة ديه هى المرحلة التأسيسية للواقع العملى , وصدقينى أنا كنت بقول زيك كده تمام
لحد لما إشتغلت لقيت إن أى معلومة بتنفع عمرها ما تضر

أما بالنسبة لموضوع الكوسة فانا من أشد المؤيدين للمقولة إللى بتقول
"لو نهر النيل كلة صلصة مش هايكفى الكوسة إللى فى البلد "
بس ده نصبنا هانعمل إيه

أنا معاكى تماماً فى إن فرصة العمل ضيقة جداً بالنسبة للبنات إللى من التعليم الصناعى
وتكاد تنحصر فى مجال التدريس .. إن وجد
لكن والله الكلية ديه ما تعملتش علشان تخرج مدرسين , يمكن فى البداية كانت عبارة عن سد عجز لكلية التربية أيام التكليف, لإجبار الخريجين إنهم يشتغلوا مدرسين
لكن بعد ما العدد زاد إترفع التكليف وصارت كلية التعليم الصناعى لهدفها الأساسى وهو
إنتاج جيل من التكنولوجيين المتخصصين فى الهندسة الصناعية فى شتى التخصصات
وهذه ليست أوهام , بدليل انه لاتوجد نقابة لهذه الكلية حتى الأن وكان من السهل ضم
خريجى كلية التعليم الصناعى لنقابة المعلمين !!!!!

وطلما أننا مدرسين فلا داعى أبدا من مشاريع التخرج وكذلك من ذكر
كلمة تكنولوجيا فى تخصص كذا ....

وفى النهاية أنصحكى بالإستعانة بالله والصبر وسوف تتحسن الأوضاع قريباً بإذن الله

[sokar_1982]

السلام عليكم ورحمة الله وبركاتة
زي ما بيقول الأخ عبده فعلا إن كل ماده درسناها بتنفع
يعني إحنا في تخصص التبريد والتكييف درسنا 2 كورس إلكترونيات
و كورس كهرباء وده نفعنا جدا في حياتنا العملية

[leader]

المشكلة فى مصر انا الناس بدور على القاب .........مبدورش على عمل جادى حتى لو كان بيعمل كناس فى الشارع ويقدم مهمته وعمله بحب واتقان........... انت مهندس وانا دكتور وده ضابط وده رئيس جمهورية وده وكيل نياية..........

ياناس دوروا على المضمون انت دلوقتى الكلية اتاحت ليك فرصة بالعمل فى مجال التكنولوجيا الصناعية فى مصانع فى شركات صناعية كبيرة................. وكمان اتاحت ليك الفرصة فى العمل فى المجال التربوى كمدرس او مدرب او معيد فى احدى المعاهد الفنية .

طيب عايزين ايه تانى ............ تكون فنى ولا مهندس وبتادى عملك على اكمل وجه ..... لو عندك يقين جواك ان الرزق هو بتاع ربنا سبحانة وتعالى وانك لم تتقن عملك و تراعى ربنا سبحانه وتعالى فيه وتنمى مهارات من تعلم ومعرفة اكيد هتكون احسن من احسن مهندس ...

هى الفكرة ايه ........... ان طلاب التعليم الصناعى ثقافته محدودة عايز يبقى مهندس وخلاص طيب ما العربجى بيقولوا يا مهندس والزبال كمان..........
ومعظم طلاب التعليم الصناعى ليس لدية ثقافة وضعفاء جدا فى اللغة الانجليزية وفى مجال الحاسب الالى وكمان الاسلوب المتبع مع المهندسين والدكاتراة سئ للغاية .....

دلوقتى فيه حاجة اسمهما ماجستير فى كلية التعليم الصناعى فى السويس او انت عندك المقدرة يا طالب التعليم الصناعى كمل واثبت نفسك يا ريس..........................................

ولا نسبتوا الدكتور عمر كان بيعمل ايه مع طلاب قسم الكهرباء والدكتور الدسوقى كان بيعمل ايه مع قسم التبريد والدكتور حمامة كان بيعمل ايه مع قسم العمارة والدكتور رمضان السعودى كمان بيعمل ايه مع قسم التشغيل والانتاج....

كفاية كلام بقى وبندا نعمل ونشتغل ........................

[abdoo21]

مع كامل إحترامى لأراء الأخـــوة الزملاء .. ومن باب الإيضاح
إن الهدف الأساسى من هذه الموضوعات لا يعنى مطلقاً مساواة كلية التعليم الصناعى بكلية الهندسة
أو البحث عن لقب مهندس , بل الهدف الأساسى هو إعادة النظر فى هيكلية كليات التعليم الصناعى على مستوى
الجمهورية , للوصول لشكل أفضل يتحدد فيه نقابة يتبع لها خريجى هذه الكليات وأيضا مسمى واضح للمؤهل
يتحدد عليه الكادر الوظيفي للخريجين , هذا هو الهدف

والكلية حين أتاحت الفرصة للعمل فى مجال التكنولوجيا الصناعية وذلك من خلال المناهج الهندسية التى تدرس , لم تكتمل هذه الفرصة بشكل سليم ...
هل يستطيع أحد أن يقول ماهى النقابة التى يتبعها خريجى هذه الكلية؟
أمر النقابة ليس أمر شكلى أو مجرد لقب نبحث عنه , بل هى مجموعة من الحقوق تقدم من خلال النقابات
لأعضائها , عن طريق القوانين التى تشرع لهذه النقابات من قبل الدولة
ولا يشعر بمدى أهمية النقابات غير الموظفين فى قطاعات الأعمال
هناك خدمات عديدة تقدم من خلال النقابات مثل حفظ الحقوق , خدمات تأمينية ومعاش إضافى , خدمات الرعاية الطبية, خدمات ترفيهية مثل النوادى وخلافه والعديد من الخدمات ,,,,

أن خريج كلية التربية ليست لديه أى مشكلات فهو يحمل مؤهل معروف لدى الجهات الحكومية
ويتبع نقابة المعلمين , وجميع حقوقه محفوظة من قبل جهات رسمية,,,

والسؤال هل هذا ينطبق على كلية التعليم الصناعى أم لا ؟؟؟؟؟
السعى وراء الحقوق ليس عيباً , بينما التواكل واليأس هو العيب بعينه !!!!
ليست المسألة إهداراً للأوقات أو البحث عن مطالب زائفة , أو تنحصر فى مسميات وشكليات إجتماعية كلا,,,,

وأنا أسأل الأخوة أصحاب رأى الدرسات التكميلية والماجستير التربوى !!
هل أنتم تبحثون عن لقب ومستوى إجتماعى ؟؟ أم أنتم تبحثون عن وظيفة ؟؟

إن كانت الإجابة عن لقب ومستوى إجتماعى فلا تلومون من يبحث عن المساواة بلقب مهندس فهو يسلك نفس طريقكم !!!!
وإن كنتم تبحثون عن وظيفة بالماجستير التربوى فليقل لى أحدكم ماذا سيعمل إن وجد عمل ؟؟؟

أختم بهذه المقولة

" ما خــــــاب عبدٌ سعى يوما لمطلبه ,,,, والله يعطى بقدر الجد والكـــــلل

أرجو أن يكون قد وصل إليكم الهدف الذى أرت أن أوضحه وعذراً على الإطـــــالة