حصاد الترم من هو افضل دكتور؟علل لاجابتك

[alonecar]

بمناسبة انتهاء الترم الاول حبيت اعمل استفتاء عن افضل دكتور

علُم و

فهُم و

احترم طلابه
واتوقع منافسة شرسة بين دكتورين لا ثالث لهما
بس محبيتش اعمل استفتاء عن الاسوأ حتى لانتفهم غلط:balltick:

[ahmed abdo]

على اعتقادى اننا لسه داخلين على الامتحانات ومنقدرش نقول من هواحسن دكتور

[كريم الباشا]

انا اقدر اقولك من دلوقتى

دكتور سيد عوض بلا منافس
وصدقنى بلا منافس السنة اللى انتوا فيها وكمان السنة الجاية

[ahmed abdo]

انا مش موفقك تماما يا كريم لان ايضا د\حمدى& ود\فريد ايضا يستحقوا التقدير وخصوصا د\فريد الذى يتعرض لانتقادات حادة بدون سبب

[حسام سعيد]

هرد عليك بعد الامتحانات وظهور النتيجة لما نشوف مين بيظلم ومين بيراعى ربنا

[A7MAD GAD]

طبعا من غير تفكير دكتور سيد عوض على الاقل الكل بلا استثناء بيفهم منه وبيعدل بين الطلبة و بيدى فرص تانية للناس عشان تثبت نفسها
دا طبعا مع الاحترام والتقدير لدكتور فريد ودكتور حمدى وكل الدكاترة اللى بيبذلوا معانا مجهود كبير عشان نفهمهم وبيعملوا زى دكتور سيد وساعات بنفهم وساعات لأ ممكن دا يكون عشان منهج الميكانيكا كله من ثانوية عامة......؟!!!
مش عارف بس فعلا ومن غير نفاق اكيد كل الدكاترة كلهم عاوزين يوصلولنا المعلومة بس احنا ساعات مش بنقدر نفهمهم لعدم تركيز مننا او ممكن نكون مش عاملين اللى علينا وبرضه ممكن الدكاترة يكونوا مش قادرين ينزلوا لمستوى تفكيرنا.....

[كريم الباشا]

على فكرة عمرك ما هتلاقى اجماع على دكتور زى الدكتور سيد عوض
ده ميقللش من شان الدكاترة الباقيين بردو
ودكتور فريد عقلية متميزة بالفعل

[eng.zidan]

الدكاتره بالترتيب د/سيد عوض
ثم د/فريد حنا ود/ حمدي القاضي بالتساوي
وربنا يستر
zid@n

[رجل المستحيل]

الدكاترة كلهم ممتازين وبيشتغلوا بضمير وبصراحة انا اتاثرت جدا لما سقفنا للدكتور فريد حنا ودكتور سيد عوض في اخر محاضرة كان منظر روعة

[MOHAMED EL_BARKY]

طبعا فى المقدمة الدكتور سيد عوض ويعادله الدكتور المحترم الذى عان من الأنتقادات الكثير الدكتورفريد حنا ثم الدكتور محمد نجيب اللى دمه زى السكروثم الدكتور حمدى القاضى وفى النهاية كل الدكاترة كويسين و يمكن يكون العيب فينا لأن أحنا ممكن منكنشى فهمين هم عاوزين يوصلوا لينا أيه ومفيش دكتور بيكره طالب وكلهم بيتمنوا لينا النجاح والتفوق كأننا أبنائهم

[بنت مصريه]

السلام عليكم ورحمة الله وبركاته
بصراخه يا جماعه اكتر دكتور بحب محاضرتوا بجد لاني بحس اني قدام عقليه فذه ومنهج ممتع هوا دكتور فريد حنا
بجد راجل ذوق جدا ومحترم
دكتور سيد عوض اكتر انسان شفتوا عندوا ضمير ومخلص في شغلوا طول حياتي
ودكتور محمد نجيب طيب جدا وبحس انوا متميز لانوا من الناس المصريين المحافظين اوي على عاداتهم وتقاليدهم
دكتور حمدي كمان ربنا يخليهولنا يارب
وربنا معانا كلنا ويوفقنا

[احمد حمدي]

ايه الرد الدبلوماسي ده علي فكرة الدكاترة مش هيزعلوا لو قلتي مين احسن واحد لكن انا شايف ان ارائك في الدكاترة تمام لكن انا شايف ان الدكتور سيد عوض هو اكتر واحد بفهم منه ويا رب يكرمه ويكرمنا في امتحان حبيبنا كلنا الدكتور عادل
شكرررررررررا

[DROGBA2008]

دكتور حمدى دكتور محترم جدا .ثم ياتى بعده دكتور عبد المنعم شمعة لانة راجل جد جداا .ثم دكتور محمد نجيب .ثم د/فريد...لكن تظل الصدارة للقدير الدكتور سيد عوض منفردا بها........:scared::scared:

[ahmed abdo]

لسه د/سيد ما شرح حاجة جامدة نحكم علية من خلالها

[mamohemo]

من وجهة نظرى انا المتواضعة انه الدكتور سيد عوض بكل تاكيد لانه بصراحة اكتر واحد بيساعد فى الكليه دى طبعا بعد كده ممكن اقول الدكتور حنا بتصوراته وتخيلاته

[GHoSTY_Gooo]

دكتووور سيد عوض فى المقدمة بلا منازع

بعده يجى دكتور عبد المنعم شمعة ثم حمدى القاضى ثم دكتور فريد حنا

[WANTED]

الكلام اللى انت بتقوله دا اكبر دليل على كلامنا بأن الدكتور سيد هو التوب
عشان انت ما فيش حاجة مش فاهمها إسأل بقى زمايلك اللى فى رابعه كان بيديهم دكتور فريد نفس المنهج و كان اللى يجيب جيد يخش حفر انت بتتكلم فى ايه ؟!!
مع كامل احترامى لدكتور فريد حنا اللى فعلا انا بتشرف انه بيدينى فى الكلية بس الواقع ان مستوى شرحه اعلى من مستوى تفكير ناس كتير(والراجل مقصرش ) بيبذل كل مجهوده عشان نفهم لكن ما باليد حيلة

[mohamed samir 7]

matwadinash fi dahya wa7'allina maktomeen:crying:

[A7MAD GAD]

اعتقد يا جماعة انا شايف اكتساح لدكتور سيد ولا إيه

[احمد حمدي]

انا موافق علي كل الاراء اللي بتختار دكتور سيد عوض للمقدمة لكن انا عن نفسي بحب الدكتور عادل نسيم كمان جدا يعني بحس انه صديق للطلبة في الكلية

[kiko22]

ربنا معاكم ومعانا

[WANTED]

مع إحترامى لدكتور عادل
بس اعجابك بكونه صديق الطلبة دا لإنه بيدى تقديرات كويسة
يعنى كدا انت نسيت المهمه الأساسية اللى انت جيت عشانها الكلية وهى التعليم الصح مش التقدير وبس
ولا إنتا ايه رأيك؟
انا مش عاوز دكتور يبهدلنى فى التقدير بس انا طماع شوية عايز دكتور يدينى المادة العلمية صح ويدينى حقى فى التقدير لا اكتر ولا اقل!!!

[catch my mind]

بصراحة كل الدكاترة في الكلية كويسين أوي لكن يا جماعة أنا شايف إن إنتوا عاطفيين أوي في اختياركم دكتور سيد.أنا عن نفسي بنحب دكتور سيد أوي و هو فعلا شخصية محترمة جدا,لكن أنا شايف إن إنتوا لسه عايشين في الثانوية العامة عايزين تقرأوا الملخصات و تحلوا الإمتحانات السابقة و أسئلة الكتاب و تدخل تجيب الدرجة النهائية و دة طبعا من غير ما حد يقرأ المادة العلمية )الشرح يعني( و أنا متأكد إن معظمكم مش بيقرأ الشرح و دة طبعا شئ غلط لأن إنتا في كلية مش في ثانوية يعني لازم تقرأ المادة العلمية لتحصل على الإستيعاب الكامل و لازم تقرأ و تفهم و تستنبط و تستنتج بنفسك , و بالطريقة دي تتضح الفروق في القدرات بين الطلبة.عشان كدة أنا شايف إن أفضل دكتور في الكلية هو دكتور عبد المنعم شمعة ثم يتقاسم المركز الثاني كل من دكتور عبد الغني و دكتور فريد حنا.
و أنا ليا ملحوظة على الدكتور عادل نسيم,رغم إن أنا بنحب الدكتور اللي تصحيحه مش تقيل إلا إن طريقة الدكتور عادل بغير قصد خليتنا نكسل شوية عن مذاكرة الرياضة.

[SeCReT]

انا تقريبا شايف احسن دكتور في الكلية هوا الاستاذ الدكتور المهندس \ حسنين أبو الليل

صدقوني احسن دكتور يخاف على مصلحة الطالب ويخليك تتعلم بجد العلم اللي يفيدك في مجال شغلك مش بس بيعلمك نظري ده كمان بيعلمك ازاي تطلع مهندس ناجح في حياتك العملية ... وبجد ياجماعه حاولو تستفيدو من الدكتور ده لانو فعلا علامة

[zidan]

بصراحه وبعد الامتحانات والترم ما خلص انا شايف عن نفسي يعني ان دكتور فريد حنا هو افضل دكتور السنادي
لانه(اتسرقت الslides من وراه ومارضاش يضر الكل بذنب فردي&جاب امتحانين في الترمين من اجمل ما يكون مقارنه بالباقي&وبصراحه دماغ عاليه وتفكيره عاااااااااااااااااااااالي)
مع تحياتي
zid@n

[gagokaka]

طبعا وبدون شك هو الجهبز الدكتور المحترم \ السيد عوض وده بالتاكيد لا يقلل من المجهود الذى بزيه الاخرون ولكن هناك تميز
وبرده الدكتور اللى زى العسل وده زى السكر طبعا هو الدكتور محمد نجيب
ولا ارى فى اي من الباقيين اى تميز كلهم واحد مش شايف حد يستاهل الكلام عنه

[Ahmed Omran]

طبعا دكتور سيد عوض انا لحد دلوقتى ما لقيتش دكتور مثله التزام ف مواعيد احترام الطالب شرح كويس فا انا بصراحة ما لقيتش ف اولى دكتور يعادله وبالتالى ها يفضل هو افضل دكتور

[Mr.DEEB]

د/فريد حنا و د/عبدالمنعم شمعة يتميزان بالفهم العميق للمادة
د/عبدالغني (لا تعليق)
د/حمدي (لا تعليقين)
د/لطفي (منوفي زيي مقدرش أقول عليه حاجة) سموها تعصب ههههههههه
د/عادل نسيم دكتور فوق عيني و راسي
د/سيد عوض محدش يقدر عليه حاجة و صعب تفوت ليه محاضرة
د/محمد نجيب تحس فيه روح مصر الوطنية اللي خايفه على شبابها و أولادها
د/عطية متفاءل جدا و شايف الحياة كلها بمبا×بمبا
د/هاني الجوهري كنت متضايق جدا منه بس بجد أثبت لي ان دكتور دماغ خاصة بعد امتحانه الفاينال
و مش فاكر حد تاني


Mr.DEEB

[frenzy55]

د\ سيد عوض , د محمد نجيب , د\حمدي القاضي من غير ترتيب

[جمال عبد الناصر]

يا جماعة الدكاترة حلوين بس المشكلة فينا لاننا احنا اللى ازعجناهم ما عدا دكتور واحد ...............

[fadybox]

هو فيه ايه يا جماعة معقولة دى الصراحة؟ ولا دبلوماسية؟ ولا يمكن شوية نفاق؟ ولا ممكن تكونوا فاكرين انكوا لما تشكروا فى حد هيسجل اسمك وقدامه الامتياز؟
طب ليه الكلام ده ما بيتقالش وانتو قاعدين مع بعضكوا بعيد عن المنتدى وانتوا طبعا عارفينى زى ما انا عارفكم واحد واحد وعارف مين بكاش ومين منافق ومين ........
خليكوا كدة لان انتوا ما تنفعوش غير كدة

[fadybox]

بصراحة فى الترم الاول كنت موقن ان مادة الفيزياء هى التى حازت احترام الجميع بلا منافس وهذا باعتبار الميكانيكا جزءا منها فنجد الدكتور حنا يمثل حرية ابداء الراى والمناقشة والتخيل والمساعدة على الابداع
ونجد دكتور شمعة يمثل صقل المعلومات والتفانى فى العمل واحترام المواعيد ولكن لم اكن لاتحقق من مدى لحكم على الدكتور سيد عوض نظرا لاقتراب كورس الاستاتيكا مم تناولناه فى الثانوية العامية
ولكن بحلول الترم الثانى وما جرى من ضيق الوقت اضاف لنا دكتور شمعة مفهوما جديدا ثم شاركة فيه دكتور حنا وهو مراعاة ظروف الطلاب والاحساس بهم وانتوا فاهمينى كويس وبذلك انفردا بالقمة
وده طبعا على عكس ناس صممت تشرح ان حتى لو قد ايه فى محاضرة وفى الاخر ارجع الغى واحنا اللى بنشيل