فكاهة التعليم الصناعي

[darsh_123_123]

ظهرت في حياه طالب التعلييم الصناعي هذه الفكاهة وهي عندما ذهب احد الطلاب الي شركه لاخذ موافقه بالتدريب الصيفي الذي تعده الكليه وعندما اخذ من الكليه جواب التكليف للشركه كان اول سؤال من السيد المسؤل بهذه الشركه ماهي كليه التعليم الصناعي انا لم اندهش كثيرا من هذا السؤال لان الكثير لا يعلم عن الكليه شيا ولكن كانت الصاعقه من السؤال الثاني وهو ماهي الدرجه التي تاخذها من هذه الكليه هل بكالوريوس صنايع ام دبلوم صنايع وهنا كانت الصاعقه فسكت فسكت لحظه ثم ضحكت كثيرا
وهذا منقول من لسان هذا الطالب لكم ولكم ان تحمكوا المطلوب منكم تضحكون مثله ام:crying::crying::crying::crying::crying::crying: كثيرا علي المسقبل المنتظر

[vendetta]

بسم الله الرحمن الرحيم

لو بجد عاوزها ماتبقاش فكاهه وتبئى امل لحد انه يدخل الكليه دى خلونا نتجمع / ونعمل حاجه

ويلا نعمل حاجه

[الفردوس الاعلى]

السلام عليكم ورحمه الله وبركاته

ههههههههههه والله كويس اكتشفت اخيراً ان كليتى بقى ليها حاجة عنها

انا بضحك لانى من كتر ما هافرقع :musician: من كلية التعليم الصناعى بقول يارتنى ما دخلتها اصلا :crying:


اصل انا خريجة 2004 ومن المغتربين كمان :crying: ولما روحت اشتغل مدرسة ثانوى قالولى فى ادارة التعليم الفنى انتى فاتك ميعاد التعاقد مع انى كنت فى اول شهر 9 ما علينا المهم قال تعالى كمان سنة بس اسالى كل شهر فى تغييرات ولا لا

وبساطة خالص بعد سنة استغالتها فى قرص كمبيوتر الموظف قالى (احنا وقفنا التعاقد مع خريجين الكلية دى)

والمضحك اكتر ان فى خريجين جدد راحوا يسالوا السنة دى قالولهم احنا لسة بنتعاقد مع خريجيين 2002

واللى يضحك اكتر بقى :laughing at: :laughing at: انى شغالة مدرسة تربية فنية بتعاقد ادارى بقالى 4 سنين ومش بيعترفوا بيه ولا سمعوا عن كليتى دى حاجة خالص وبيتعاملوا معايا كانى دبلوم



ولما روحت اقدم فى شركة الموظف قالى انتى راسبة ولا مجبتيش مجموع ايه الكلية دى دة معهد ولا دبلوم ولا ايه بالضبط


دى فكاهة بسيطة عن مواقفى مع الكلية اتمنى مكنش عقدتكم منها بس بجد اللى بيحصل لنا كتير

حسبى الله ونعم الوكيل

[MAM99]

يادرش ديه اصبحت حقيقة مش خيال وربنا يستر علينا كلنا

[م.ايهاب]

ليه التشائم ده ...الناس المحبطين دى جربوا كام مره يحصلوا فرصة عمل وكام مره حاولوا مره أتنين عشره ....يا جماعه عمر أسم الكليه ولا وجهة نظر متخلفيين زى اللى أنتو قابلتوهم هو اللى هيعملولكوا مستقبل ولا حتى الأحباط اللى أنتو نسجتوا حولين رقابيكم ده هو الحل .........أنما هو ببساطه الأجتهاد والبحث عن تحقيق الذات . أنا مثلآ خريج 98-99 وحاولت فى مصر وأول ما أشتغلت أشتغلت بمصنع ألمنيوم ب 300 جنيه وأنا مهندس ومكنتش بأنظر لأى دخل مادى ولا بأنتظره كان كل حلمى أنى أعرف هما اللى مرتبتهم كبيره كبيره ليه أيه اللى يعرفوه وأنا لاء وزودت خبرتى وبحثتت عن فرصة سفر وسافرت وتتدرجت من مهندس لكبير مهندسين ومن 5 شهور أصبحت مدير مشروع قيمته أكثر من عشرين مليون ولسه بأحلم وهأفضل أحلم لحد ما أطول السما بأيدايا أنتم عارفين يا جماعه مرتبى كام دلوقتى .....مرتبى أصبح 14000جنيه وأمتيازات كتيره. شوية تفاؤل أرجوكم أشتغلوا وأتعلموا لحد ما تتمكنوا من من المعرفه والعلم وبعدها هتتحقق كل أمالكم.. م.ايهاب

[vendetta]

هاهاهاهااها انت داخل تواسينا ولا تغيظنا ولا عاوزنا نحسدك يعنى ؟؟
اولا اللهم لا حسد وثانيا ربنا يزيدك ويباركلك ويزيدك من نعيمه خلقا ومالا وصحه وايمانا ..... المهم انك كده شكلك انسان متفائل وبصراحه كلام كتير من كلامك صح انا هاقولك على موقف صغير حصل معايا شخصيا يثبت كفاءتنا العلميه وه اقل تقدير


بص ياسيدى انا سيارات وجرارات حلوان وبحب الميكانيكا جداااا وكنت صنايع 5 سنين برده سيارات وجرارات المهم كنت مره قابلت مهندس ميكانيكا باور اكبر منى ب 6 سنين المهم قعدت اكلمه شويه كده فى الميكانيكا وكده لحد ماراح منى راح سالنى هو بئى وقالى بعد ماحس ان معلوماته قليله جداااااااا قالى انت تدربت فى انهى توكيل قلتله ولا توكيل ولا اى حته وهو اصلا كان بيكلمنى وفاكرنى فى هندسه وكانت صدمه ليه وانتصار ليا انا لما قلتله انا مش فى هندسه اصلا انا فى تعليم صناعى قالى اه تربيه تعليم صناعى يعنى .... قلتله لالالالالالالالا دى كليه لوحدها اسمها تعليم صناعى واحنا بنتكلم عن الميكانيكا قعدت اكلمه فى الطيران والياته وكده برده راح منى مع انه مهندس ميكانيكا باور يعنى بيدرس اجزاء كتيره على الاقل التربينات المهم قالى على مكان اخخد فيه تديب عملى فى الطيران ورحت وبالعافيه عقبال مادخلت وبعد كده قعدت مع مهندسين طيران اصلا هندسة القاهره ومستويات كمان واتكلمت معاهم بس كان كل اللى يسالنى انت ايه؟؟؟ اقله باور حلوان مع انى تعليم صناعى سيارات وجرارات بس امنيا غلط انى اكون هناك المهم دخلت وخدت الفرقه وجبت نتيجتها طلعت ايه ؟؟؟؟؟ تقدير امتياز !!! ايوه خدت فرقه فى الطيران وجبت فيها امتياز وانا اصلا سيارات وجرارات وتعليم صناعى مش هندسه والوحيد فى كليتى مش ى دفعتى اصلا اللى عرف ياخد الفرقه دى اوعوا حد فيكم فى تعليم صناعى بفتكر نفسه قليل علميا ابداااااااااااااااااااااااااااااااا
احنا خدنا كل الاساسيات زى ماهندسه بتاخد وانت بتنمى قدراتك برى ومصادر المعلومات اكترها واهمها الانترنت بدل مانشيت ننمى معارفنا وده مش مجرد كلام ده حقيه واديها حصلت


انا خكيت لكم يمكن حد يفكر ويجرب انه ينمى مصادر معارفه وساعتها الناس اللى برى سواء اصحاب شركات او مهندسين او غيرهم هايقولوا لا بتوع تعليم صناعى عيال جامده ومعلوماتهم قويه ولا غلط الكلالالالالالام ؟؟؟؟

[م.ايهاب]

أبدآ مش غلط الكلام وأنا ما قولتيش على تفاصيل شغلى علشان الحسد ولا كمان علشان أغيظكم بس قولته للناس اللى ثقتها فى نفسها قليله والتوتر من أسم البكالوريوس مخليها متردده وخايفه.... أنا بأتمنا نركز فى شغلنا ونكافح لحد ما نثبت أننا مقدرين للمسؤاليه وأنا ناوى بعد سنتين أنزل مصر وأعمل مصنع كبير وهأكون فخور بالأعتماد على خريجين أكفاء من الكليه بس هأختار الواثق من نفسه ومن كفائته . تحياتى للجميع

[vendetta]

انا بهزر معاك ياأيهاب والله وفاهم قصدك كويس اوعى تكون انت اللى فهمتنى غلط