وماذا بعد امتحان الفيزياء

[ahmed abdo]

طبعا كلنا شعرنا باليأس بعد امتحان الفيزياء الذى اطاح بمعظم امالنا فى الحصول على تقدير عالى ولكن علينا ان نتوقع هذا بعد ما حدث فى الثانوية ولا نلوم الا انفسنا وعلينا ان نتماسك ونذاكر التاريخ لانه 30درجة وربنا يوفقك الجميع

[احمد حمدي]

يا بشمهندس احمد الحالة بقت مش تمام لكن اللي بجد لازم نقوله ان في ناس حلت الامتحان كويس ومعندهاش اي مشكلة وده يخلينا نفكر في ان العيب ممكن يبقي عندنا احنا ومش عارف لية حاسس ان الدنيا ضلمت فجأة وزي ما اكون اتخنقت من الكلية ومن كل حاجة فيها
معلش طولت في الرد وشكرا

[A7MAD GAD]

يا باشمهندزييييييييييييييييييين بصوا لنص الكباية المليان احنا اتشال من علينا حمل تقيل ثم ان اللى جاوبوا كويس فى الامتحان قليلين والامتحان كان تقيل فعلا بس الحمد لله قدر الله وما شاء فعل
و الامتحان عليك وعلى اغلب الدفعة على العموم ان شاء الله نعوضها فى الامتحانات الجاية وربنا يستر

[دينا فرج محمد]

السلام عليكم ورحمة الله وبركاته ألف مبروك
أولا ننظر للموضوع من الناحية المشرقة ان احنا خلاص ارتحنا من هم الفيزياء
اما موضوع الامتحان انه صعب فالعيب مننا احنا مش من حد تانى
لكن ده ميمنعش ان امتحان دكتور عبدالمنعم كان جامد لاول مرة من سنين
اتمنى لكم التوفيق فى باقى الامتحانات:crying:

[ahmedsuez]

يا جماعة الحمد لله على كل شئ ومدام احنا عملنا اللى علينا يبقى محدش يدايق لان التوفيق من عند الله واحنا ياجماعة شوفنا اكتر من كدة فى الثانوية العامة ولكن الحمد ربنا وفقنا

[حسام سعيد]

العيب فينا احنا ... بس برده امتحان دكتور شمعة محصلش من سنين ___ كل مرة كان بيكرر اسئلة السنة دى لا , ليه ؟ متعرفش !!!!!!!!!!!!

[ابن القيم]

ان شاء الله تنجحوا وتجيبوا تقديرات في باقي المواد

ولكن عندي نصيحة:

1-مادة الفيزياء من المواد التي ممكن التلاعب بها في أسئلة الامتحان يعني الدكتور قادر يجيب امتحان من الكتاب بس صعب جدا وبيعتمد علي الفهم العميق للمادة...وهتلاقو كده برضو في مادة هتخدوها في تانية اسمها سيرمودايناميك

2-مش معني الدكتور بيجيب نفس الامتحان في كل سنة أنه هيعمل كده في السنة دي....وكمان انتوا لو رجعتو تاريخ الدكتور شمعة هتلاقي أنه بيجيب امتحانات مختلفة في كل سنة...وخصوصا امتحانات في أواخر التسعينات إلي 2002....

3-لا تفكروا تيجيبو تقدير في الفيزياء لأنها ليست مادة تقديرات....حتي لا تصيبو باليأس...

4-مادة الفيزياء لها طريقة في مذاكرتها وفهمها تختلف عن كثير من المواد الأخري....

5-وأخيرا فإن جو الكلية وموادها وامتحانتها ودكاترتها تختلف تماما عن جو الثانوية طبعا...فشدو حيلكم

[ahmed abdo]

شكرا يا بشمهندس بكرى على النصائح الغالية دى وانا ادعوك انت وكل الاعضاء الكبار بان تفيدونا بآراكم وخبرتكم كل فترة وياريت يكون لطلبة اعدادي جزء من اهتامتكم وخبرتكم لاننا في بداية الطريق

[احمد حمدي]

انا موافق علي ان الراي اللي بيقول ان احنا خلاص ارتحنا من هم الفيزياء ولكن موقتا لان احنا عندنا فيزياء التيرم التاني كمان والتيرمين مع بعض بيعملوا 300 درجة يعني اعلي من الرسم الهندسي وزيها زي الرياضه لكن برضه احنا لازم ننسي علي الاقل في الوقت ده ونفكر في اللي جاي
شكرا

[MEDA]

يا جماعه الي ذاكر وتعب ما يخفش ولازم نخلي ايمانا بربنا كبير لان الله لا يضيع اجر من احسن عملاونركز في القادم افضل

[بنت مصريه]

السلام عليكم ورحمة الله وبركاته
بأمانه يا جماعه احنا لازم نلوم نفسنا مش نلوم الدكاتره
الامتحان كان صعب؟
لي
انا هتكلم عن نفسي مبدأيا
انا ما حلتش كويس في الامتحان لاني ما ذاكرتش كويس والامتحان مش صعب ولا معقد زي ما انتوا بتحكزا هوا بس عايز حد متابع من اول السنه وحاضر كل المحاضرات تقريبا لان كل تساؤل بيطرحوا دكتور شمعه في المحاضره لقيتوا في ورقة الامتحان والمسائل كلها افكار مكرره من ثرواي
يعني من الاخر احنا بندور على اي شماعه نعلق عليها حالة الركود اللي كان اغلبنا فيها من اول السنه وما فقناش غير ابل االامتحان بفتره بسيطه
المهم ان البكاء على اللبن المسكوب مش هيفيد بشيء ولكن احنا المفروض نتعلم من اخطأنا نحاول ما نقعش فيها تاني مش نضيع وقتنا في الندم على اوقت الضائع
شدوا حيلكم في باقي الامتحانات وصححوا كل اخطاء الترم الاول الترم التاني ان شاء الله
وبالتوفيق للجميع
شـكــ وبارك الله فيك ـــرا لك ... لك مني أجمل تحية .

[حسام سعيد]

:Applause:

[ahmed abdo]

على اعتقادى ان الدكاتره فعلا مش لهم ذنب واحنا السبب

[SleeplessHeart]

والله يا جماعة الى حصل ده يرجعلكوا
اكيد الدكاترة مش مصتقدصينكوا يعني
وكمان فيه كلام عن انكوا سرقتوا السليدات بتاعت دكتور فريد ونزلتوها الرحاب فعشان كدة هو اكيد جاب منها كم مش قليل
ركزوا في الى جاي احسلكوا والى فات مات

[ahmed abdo]

عندك حق يا سليب

[A7MAD GAD]

Bs ya gama3a elshakwa fi emti7an el physics
men emti7an doktor sham3a
mesh doktor farid
cause emti7an elheat kan ma32oal mesh sa3b w mesh sahl

[احمد حمدي]

تمام يا جاد هو ده اللي انا بتكلم عنه ان امتحان د/شمعة كان جديد عن كل مرة
لكن برضه راي بنت مصرية مظبوط وانا كتبته قبل كد وبرضه مصر عليه
شكررررا

[SleeplessHeart]

يا جماعة الدكتور شمعة معروف انه بيجيب جزئيتين تلاتة في الاكمل والاختياري ومسألة فيها فكرة
السنة الى فاتت جاب مسألة فيها فكرة صغيرة وناس كتير طلعت تشتكي وتقول ان الامتحان صعب ومش صعب
ركزوا شوية مع الدكاترة في الفيزيا الترم التاني هو عموما االفيزيا الترم التاني اسهل من الاولاني بس محتاجه تركيز شوية مع الدكاترة

[كريم الباشا]

انا مع شحاته
الترم تانى اسهل بكتير ف الفيزيا
وكمان الفيزيا اسهل حاجة تجيب فيها تقدير
وميهمكوش ان شاء الله تتعوض