كارثة كلية تعليم صناعي

[ابن القيم]

السلام عليكم ورحمة الله


إذا كانت كلية التعليم الصناعى هدفها تخريج المدرسين فماذا هدف كلية التربيه شعبه التعليم الصناعى المختصه بتخريج معلمين التعليم الفنى ؟

ولماذا يحصل خريجي كلية تعليم صناعي على بكالوريوس تكنولوجيا وليس بكالوريوس تربيه ؟

ولماذا لا يتبع خريجوها نقابة المعلمين أو نقابة المهندسين؟

واذا كان الهدف هو مدرسين مرتفعين الكفاءه نظريا وعمليا فلماذا تم انشاء كلية بأكملها ولم تتم عمل توسعات تفى بالحاجه فى شعبة التعليم الصناعى بكليات التربيه ؟



وبعد أن يتخرج طالب كلية تعليم صناعي من كليته يجد ......

أنهم لا يتبعوا لأى نقابة ولا حتي نقابة التطبيقين ( لانها خاصه بالمعاهد والدبلومات)

ولا يمنحوا عضويه نقابة المهندسين لان دراستهم 4 سنوات والنقابة تشترط 5 سنوات ومحظور عليهم الانضمام لاى نقابه اخرى...

ولا من حقهم دراسه سنه إضافية او تكميلية لمعادله البكالوريوس الى الآن

وعندما يذهبون لسوق العمل يعاملون كخريجي الدبلومات الفنية

فهل يعقل معاملة خريج جامعى بتخصص هندسى كفنى في الشركات؟؟

وتتحجج الشركات لعدم وجود كارنيه النقابة الممنوعين هم من الحصول عليه أصلا ...والذى يثبت دراستهم لمواد هندسيه

لما هذا الظلم ؟!!!




فامتدادا لأهداف المنتدي.....

ورعاية لمصالح طلاب جامعة قناة السويس....

قررت إدارة منتديات جامعة قناة السويس....

عمل مقابلة خاصة...لحوار صريح جدا....

لبحث موضوع

(كارثة كلية تعليم صناعي)




وسنستضيف بإذن الله أحد خريجين الكلية....

ليكلمنا عن المشاكل التي يواجهها هو وزملائه الآن....



وهو العضو المتميز في المنتدي

محمود الفرنساوي

أحد خريجي كلية تعليم الصناعي بجامعة قناة السويس

[ابن القيم]

أهلا بك محمود في أول موضوع لمنتدي اللقاءات والضيوف....

نستسمحك أن نلقي عليك بعض الأسئلة بخصوص هذه الكارثة التعليمية...

أولا نريد منك باختصار ...

تعريف بكلية تعليم صناعي واقسامها ومواد دراستها وأماكن تواجدها في مصر.....

[ابن القيم]

نحن في انتظارك يا محمود

إما أن تدخل في الحوار

وإما أن تقدم اعتذار إلي الأعضاء المنتظرين منك الحضور

وربنا يوفقك أنت والآخرين في خريجي كلية تعليم صناعي

وأنا عارف كم أنت مشغول هذه الأيام بسبب هذه الكارثة

فنرجو منك الرد

بكري

[mazen 22]

اول كليه تعليم صناعى عملوها سنة 89
وفى كليه تعليم صناعى السويس وعلى لسان دكتور فهيم نائب رئيس الجامعه ايام ما كان بيدرس لينا لما كان عميد الكليه قال ان احنا بندرس 80% مواد هندسيه و 20% مواد تربيه بس مش عارف ايه لزمتها لما محدش يعرف عننا حاجه وكليه تعليم صناعى السويس مش عارف كانت مكان حديقه حيوان واخلوها وعملوها كليه وال ايه مش عارف المهم ان هيا فى تقدم وتطوير مستمر والدراسه فيها باللغه الانجليزيه دونا عن باقى كليات التعليم الصناعى ودى كليه بيتم فيها عمل مشروع تخرج يعنى تميل اكثر للناحيه الهندسيه ( وبصراحه نفسى فى مسؤال يتناقش معانا )................................. علشان نتكلم معاه

[محمود الفرنساوي]

السلام عليكم ورحمه الله وبركاته

الاول انا بشكر اخويا بكري علي اهتمامه بالموضوع وطرحه للمشكلة " كلية التعليم الصناعي"

ثانيا انا بعتذر عن التاخير وده لان انا مشغول باعداد المحتوى العلمي للكلية
والخاص بموضوع فرصة لخريجي كلية التعليم الصناعي (http://www.scusuez.org/vb/showthread.php?t=11753)

وقبل ما ابدا معاكم بعرض المشكلة احب اوضح ان انا من خريجي الكلية وكنت قد التحقت بالكلية مرورا بالمعهد الفني بعد الثانوية العامة المصرية

الاول نتكلم عن نظام القبول بالكليه

الكلية بتقبل الحاصلين علي الثانوية الصناعية نظام خمس سنوات ونظام ثلاث سنوات وبتقبل الحاصلين علي المعاهد الفنية ( معهد فني مده الدراسة به سنتان بعد الثانوية العامة او الصناعية ) او ما يعادلها

نظام الدراسة بالكلية

قبل ان اتحدث عن نظام الدراسة بالكلية فانا احب اوضح نقطة ان في الكلية لائحتين
لائحة قديمة واخري جديدة

اولا اللائحة القديمة

تنص اللائحة القديمة علي ان الطالب الحاصل علي الثانوية نظام خمس سنوات ( او معهد فني بعد الثانوية ) يحق له الالتحاق في الكلية علي الصف الثاني في نفس تخصصه

وان الطالب الحاصل علي الثانوية نظام ثلاث سنوات ان يلتحق بالكلية في الصف الاول
كانت هذه اللائحة سارية حتي عام 2004 / 2005

الي ان قام السيد الاستاذ الدكتور / فهيم احمد خليفة بتعديل اللائحه كلية التعليم الصناعي في عام 2005 /2006

اللائحة الجديدة او الحديثة

رفض د / فهيم فكرة ان الطالب يدخل علي الصف الثاني و عمل جاهدا ان يكون القبول بالكلية من الصف الاول وذلك لتحسين كفاءة الخريجين من الكلية
وتنص اللائحه علي ان الطلبة الحاصلين علي الثانوية نظام خمس سنوات ( او معهد فني بعد الثانوية ) ان يلتحق من الصف الاول للكليه وان يلتحق الطلبة الحاصلين علي الثانوية نظام ثلاث سنوات في الكليه من الصف الاول ويتم عمل معادلة للطلبه الثانوي ثلاث سنوات
وتم تعميم اللائحة علي كل كليات التعليم الصناعي في عام 2006 / 2007

نرجع لنقطة الدراسة

انا بتكلم هنا عن كلية تعليم صناعي السويس
اولا اللائحة القديمة
الدراسة بها نسبة 65 % مواد هندسية وبنسبة 25 % مواد تربوية وبنسبة 10 % مواد ثقافية كا اللغة الانجليزية و الحاسب الالي....

وتمنح الكلية بكالوريوس التربية في التعليم الفني
وهي الكلية الوحيده في كليات التعليم الصناعي التي كانت تمنح بكالوريوس تربية
في حين ان كليات التعليم الصناعي الاخري بالقاهرة وبني سويف تمنح بكالوريوس تكنولوجيا .......( قسم ) مثل تكنولوجيا كهرباء او تكنولوجيا سيارات .. الخ

ثانيا اللائحة الجديدة
بعد التعديلات التي قام بها السيد الاستاذ الدكتور / فهيم احمد خليفة
قرر تعديل لائحة مواد الدراسة بالكلية وهي ان تكون علي النحو التالي
80% مواد هندسية و 15 % مواد تربوية و 5 % مواد ثقافية

وان تمنح الكلية بكالوريوس التعليم الصناعي تخصص .....

المشكله التي يواجها خريجي كلية التعليم الصناعي تنحصر في الاتي

اولا لا يعمل في التدريس لانه ليس من خريجي كليات التربيه
ثانيا اذا اراد خريج الكلية ان يعمل في القطاع الحكومي فانه يعمل علي الدرجة الرابعة

المعروف ان الدرجة الرابعة تختص بالحاصلين علي المؤهلات فوق المتوسطة
وان الدرجه الثالثة تختص بالحاصلين علي البكالوريوس او الليسانس

لكن المشكلة الفعلية ان خريج الكلية لا يعمل علي الدرجة الثالثة ولكنه يعمل علي الدرجه الرابعة

واللهم اني استثني من ذلك قطاع التلفزيون فهناك الدرجة الثالثة هندسة مساعدة وتمنح لخريجي الكلية
واستثني من ذلك ايضا قطاع النقل البحري بشركتيه
( الشركة المصرية لاصلاح وبناء السفن )
( الترسانة البحرية )
تقبل الحاصلين علي بكالوريوس تعليم صناعي للعمل في الشركة علي الدرجة الثالثه هندسة مساعدة

واذا اراد خريج الكلية ان يعمل في اي شركة اخري قطاع عام بالدرجة الثالثة فانه مطالب باحضار عضوية نقاب المهندسين

المشكله الرئيسية ان هناك شركات لا تعترف نهائيا بالكليه ونذكر منها شركة الكهرباء والطاقة
وقطاع البترول

المشكلة الثالثة
ان خريجي الكلية لا يستطيع ان يسجل في اي نقابة
فهم محرمون من نقابة المعلمين لانها لا تمنح الا للعاملين بالتدريس وهو مرفوض اصلا
ثانيا نقابة المهندسين وهو حاصل علي بكالوريوس اربع سنوات لا يحق له التسجيل بالنقابة
يبقي امامه نقابة التطبيقين وهي نقابة تختص بالحاصلين علي المؤهلات المتوسطة وليست العليا
اذا اراد التسجيل فانه يقوم بالتسجيل بشهادة المعهد وليس بشهادة الكلية
وللعلم لا يجوز له الجمع بين نقابتين

وهنا ناتي الي طرح عدة اسئله

هل شركات النقل البحري والتلفزيون تكتفي لاستيعاب الخريجين والعمل بها علي درجته الوظيفية........ سؤال يطرح نفسه

هل كانت مدة دراسة اربع سنوات بالكلية هي مدة ترفيهية حتي لا يعتد ولا تعترف بخريجي الكلية في القطاع العام والخاص .... سؤال يطرح نفسه

هل اربع سنوات بالكلية وخمس سنوات بالثانويه ( 9 سنوات ) مدة لا تكفي لضم الخريج لنقابة تحمي حقوقه وتعترف بادني حق له في الحياة .... سؤال يطرح نفسه

هل ستستمر معاناة خريجي الكلية وخصوصا انها تقبل هذا العام الحاصلين علي الثانوية العامة من مكتب التنسيق مباشرة بمجموع 79 % ..... سؤال يطرح نفسه

انني قمت بعرض صورة مصغرة جدا لما يلاقيه

خريجي الكلية وسط تجاهل وصمت الكثير

واذا كان المسئول يدري ويتجاهل فتلك مصيبة

واذا كان لا يدري فتلك اعظم

وفي الختام لا نملك الا ان نقول حسبنا الله ونعم الوكيل

[شريف ابراهيم السيد متولي]

اخي محمود السلام عليكم ورحمة الله وبركاته / انا شريف الفرقه الرابعه تعليم صناعي بني سويف/ ارجو انك تكتب اخر التطورات اللي وصلتلها /وياااااارب يكون خير / لان فعلا احنا بامس الحاجه للسنه دي / وانشاء الله مهما كان العدد اللي يطلبوه احنا نقدر نجمعه / ولو عايز الدفعه اللي هتتخرج السنه دي من تعليم صناعي بني سويف انا ممكن اجيبها كلها لان كل الناس فعلا املهم كبير انهم ياخدو السنه دي / وربنا يكلل مجهودك بالخير يا بشمهندس محمود ......................))

[شريف ابراهيم السيد متولي]

بالنسبه بقي للكارثه اللي احنا فيها فهي فعلا كارثه بكل المقاييس هي كارثه تخلينا نتحصر علي نفسنا وتخلي عندنا عزيمه اكتر اننا ناخد السنه الخامسه دي باي طريق

[vendetta]

بسم الله الرحمن الرحيم

اولا شكر لادارة الموقع وللاعضاء على الاهتمام بالمواضيع دى
ثانيا برده عاوز اشكرك يافرنساوى وده برده اقل من حقك
ثالثا بئى ده عتاب يعنى الاداره وكمان الفرنساوى انتوا كتبتوا الموضوع ده ونسيتوا مين اللى كتبه

وكمان احب اقولكم ان المواضيع دى وغيرها كمان اتكتب بوجهة نظر ماحدش بص للموضوع ده من ناحيتها ابدااااااااااااااااااااااااااااااااااااااااا قبل كده ولا انا غلطان واللى عاوز يتاكد يدور على مواضيع كتبها Vendetta وهو يعرف ابعاد المشكله كلها مهما كان معرفته بالموضوع

كمان احب اوضحلكم حاجه صغيره ان فى مشاكل فى الكليه اثناء الدراسه
وكمان فى مشاكل بسبب الكليه بعد الدراسه

اثناء الدراسه ودى بتختلف من جامعه لاخرى وكله عارفها من ابرزها

ان الكليه دى مشتركه هى و كلية الهندسه فى نفس النقطه دى وهى انه بيدخلها واحد جاى من معهد سنتيتن بعد الثانوى العام وبرده يدخلها واحد جاى من دبلوم فنى 3 سنوات ويدخلها برده واحد جاى من صنايع 5 سنين وده بيكون اكثرهم تميزاااااااااا فى التخصص وطبعا تلاقى جوا الدفعه الواحده 3 شرائح تعليميه مختلفه ودى بتكون اولا على الطالب نفسه ثانيا على المحاضر سواء دكتور او معيد لانه بيجهد جدا وبينعكس ده على الطلبه لاحقا

والادهى من ذلك ان ممكن الطالب يكون فى تخصص معين لمده 5 سنين ويدخل تخصص تانى لان بالصدفه التنسيق وداه كليه مافيهاش تخصصه فيرمى دراسه 3 او 5 سنين فى تخصص معين وراء ظهره

نقطه اخرى مهمه ان فى جامعة حلوان بيتم تدريس 8 مواد تربويه فقط لاغير وبيلاحظ رسوب الطلبه او مجاميع منخفضه فى هذه المواد مما يعنى عدم استفادة المعظم منهم من هذه المواد رغم وجودها فى لائحه الكليه وباقى 56 ماده منهم عدة مواد ثقافيه و ويتبقى القدر الاكبر من المواد الهندسيه من نفس الاساتذه الجامعيين المحاضرين فى نفس التخصصات فى كليات الهندسه علاوه على ذلك عمل مشاريع التخرج الهندسيه والتى يتخطاها الغالبيه العظمى باعلى تقديرات مما يعنى تغلب الفكر الهندسى على عقول هولاء الطلبه

بعد التخرج ترفض معظم شركات القطاع الحكومى كما سلف ذكرها بقبول هولاء الخريجين الا واشترط كارنيه النقابه وكلنا عارفين ابعاد الموضوع ده

كمان فى حاجه فى لائحة الكليه انهم بيقولوا انهم كانوا عاوزين يعملوا مدرسين نظرى وعملى لتشغيلهم فى المدارس الفنيه مع ان ده غلط جدااااااااااا

مافيش حاجه اسمها مدرس للمواد النظريه والعمليه لان الكلام ده من العته والاستخفاف فى حاجه اسمها مهندس يشرح ويوضح الشق النظرى والعملى لان الصح انه يقوم مهندس بشرح الشق النظرى والعملى على اساس علمى للطلبه زى مابيحصل فى الكليات بس هم منين وازاى يجبروا خريجى كليات الهندسه على العمل فى المدارس الفنيه كمدرسين؟؟؟؟؟؟؟؟؟
انما هم حبوا يخصصوا ناس لتادية الوظيفه بالمدارس رغما عنهم والباقى انتم تعرفونه

كمان فى ميزه فى خريج التعليم الصناعى عن خريج الهندسه وهى الدراسه المستفيضه للتخصص الواحد وذلك يحسب للتعليم الفنى وضد النظام الجامعى لانه المفروض ان بعد الدراسه بالثانوى للتخصص يت تكملة الدراسه الجامعيه الا انه بعض مايدرس فى المدارس الفنيه المتقدمه يتساوى مع مايدرسه الطلبه فى السنه النهائيه او التى تسبقها فى كليات الهندسه والامثله كثيره لا حصر لها

ولكن ذلك كله لايعرفه اصحاب الشركات او المديرين

وبصراحه لو مكانهم وانا ماعرفش حاجه عن التعليم لو جالى واحد بتاع تعليم صناعى هاقوله يعنى ايه تعليم صناعى ؟؟ عارفين ليه ؟؟؟

التعليم الثانوى فى مصر يعنى ثانويه عامه
التعليم الفنى فى مصر يعنى العيال الفاشلين دراسيا بالرغم من انه قبول المدارس الفنيه المتقدمه اكبر بكتيييييييييير من قبول ثانوى عام
اسم الكليه مرتبط ارتباط وثيق بالمفهوم ده لدى الناس ((((((تعليم صناعى )))))))) كلمه متدنيه جدااااااااا فى نظر بعض الناس

بس بصراحه بردوا ليها فوائد حد فكر ايه ؟؟؟

طلبه كتير بتحاول وبتعمل كده فعلا تاخد كورسات او تنمى مهاراتها فقط عشان يتبصلهم بنظره اخرى
بعض الطلبة فى الكليات دى مستوى معارفهم وقدراتهم اضعاف نظائرهم فى هندسه من نفس التخصصصات

واخيرا وعذرا للاطاله يفرق خريج كليه عن كليه وجامعه عن جامعه بمدى معلوماته ومهاراته


وعليه فانه علينا الان السعى كل السعى لتغيير هذه النظره والارتقاء بمستوى قدرات الخريجين ومهاراتهم وتنمية مداركهم ومعارفهم لتحقيق هذا الهدف

[kenana]

السلام عليكم ورحمة الله وبركاته :اولا اشكر اداره الموقع علي الموضيع المقدمه والاهتمام بالمشاكل المطروحه ثانيا انا خريجه كليه التعليم الصناعي بالقاهرة دفعه 2003واعمل منذ التخرج بالتعاقد في احد المدارس الصناعيه كمدرس عملي فقط :فهل من حقي عمل كارنيه نقابه ؟نقابه اه بالظبط المطلوب عمل الكارنيه منها ؟ من فضلك اخي محمود ارجو الرد ومعرفه المزيد عن الموضوع . شـكــ وبارك الله فيك ـــرا لك ... لك مني أجمل تحية .

[ابن القيم]

السلام عليكم

إخواني خريجي تعليم صناعي

الموضوع ده بلغ عدد مشاهدات أكثر مما هو متوقع ولكن الردود قليلة جدا

ولكن هل معني ذلك أننا وأنكم أخطأنا الطريق ...لا

الطريق طويل طويل

والعبرة بالنهايات وليس بالبدايات...ومن كانت بدايته محرقة كانت نهايته مشرقة


أشكركم أيها الأبطال....فالبطل هو من ولد من رحم الظلم وبمخاض الألم...

أنتم رجال الغد....علي الرغم من أنكم الآن ضحايا الظلم....


فتحت صوت القذائف يخرج الرجال....والجنة تحت ظلال السيوف....

هنيئا لكم كفاحكم...وأنا أبشركم بالنصر....فالنصر لا يأتي إلا عن طريق العبور علي جسر التعب...وأنت جاهدتم وتعبتم....


ومن يتهيب صعود الجبال
يعش أبد الدهر بين الحفر



انتهي الموضوع

إدارة المنتدي

[ابن القيم]

السلام عليكم ورحمه الله وبركاته

النهارده بس اقدر اقول لكم كلكم


مبروك والف مبروك

وافق رئبس الجامعه البولنديه

علي اننا نعادل درجه البكالوريوس

وبعدها تقدر تتعتمد الشهاده من

المجلس الاعلي للجامعات

وتسجل في النفابة

باذن الله

الف مبروك لكل واحد تعب معانا

النهارده بس الحلم اصبح حقيقة




ألف مبروك لكل شباب تعليم صناعي طلبة وخريجين

وربنا يوفقك الجميع

وجزاك الله خير يا محمود علي مجهودك الرائع

وجعله الله في ميزان حسناتك

[ahgabl2008]

السلام عليكم
اطلب تفصيل عن الانضمام اليكم
ولكم جزيل الشكر

[ahmedsharaf_ac]

السلام عليكم ورحمت الله وبركاته
اولا ؛ اريد ان اشكر اخوانى واخواتى على المعلومات الجميله المعروضه حاليا بس فى نقطه يا شباب انا سألت عميد كليه و استاز دكتور فى الكليه كليه التعليم الصناعى جامعه قناة السويس
قال الكلام ده جميل بس فى حاجه لو طرحت هاتوفر علينا كتير هيا لو الموضوع بتعنا اتناقش فى مجلس الشعب والمجلس ادى قرار اما بضم سنه زائده لجميع الخريجين او الحصول على كرنيه نقابه المهندسين يبقى احنا تعدينى مرحله كبيره جدا جدا جدا فأنا خريج كليه التعليم الصناعى جامعه قناة السويس دفعه 2007 والحمد لله بعمل مهندس فى شركه حديد وصلب وماسك رئيس قسم فيها وبطاقتى مكتوب فيها مهندس بس انا برجو اخوانى لو فى حد يعرف يوصل الموضوع بتعنا لاى عضو مجلس شعب ويناقشه يبقى جزاه الله خيرا .
بس فى نقطه ثانيه هى احنا الى بنرفع من شأن الكليه واحنا برده الى بنزلها لاسفل عن طريق العمل فى الشركات فى سوق العمل اما بضعف خريجى التعليم الصناعى فى تخصصه او عدم كفائته فى العمل ودة بيرجع الى نقص خبره .
يبقى انا اخد بعض الدورات الى تخلينى متفوق فى تخصصى واتحدى اى مهندس اخر نفس التخصص .... شكرا يا اخوانى طولت عاليكم وربنا يعنا جميعا

[ابن القيم]

يرفع للتذكير

[سندباد الشرق]

أنا إشتركت مخصوص عشان معجبنيش كلللللللللللللللللل الكلام ده
معلش قبل ما تتكلموا على كلية التعليم الصناعى وحقكم و.....إلخ.
نشوف قبلها بشوية إزاى إتخرجتوا من مدارس التعليم الفنى؟
وكلامى واقع لامساه بنفسى .
من إستهتار وغش وكوووووووووووووووووووسة بكل معنى الكلمة.
وأبسط كلمة إحنا طلعنا بمجهودنا.
وفيكوا ناس أصلاً مبتعرفش تكتب.
ودليل على كدة كتير منكم بالغش بيجيب مجموع تكملة جامعية وقد تصل لهندسة بس مش بيدخولوها. ليه؟
عشان مبيعرفوش حاجة ومبيعرفوش يمشوا فالكليات.
يبقى إزاى عايزين تتساووا بإللى بيذاكر ويطلع عينه؟؟؟؟؟؟؟؟؟؟؟؟؟[/i][/font]


واضح فعلا مين هنا اللى اتعلم تعليم عالى / فمعنى الحقيقى للتعليم العالى انك تعرف تكلم الناس بطريقة محترمة / تقدر كل منهم سواء كان اعلى منك او اقل ..

ادخل فى الموضوع بقى

ممكن تكون فى نسبة بتجيب مجموع وتكمل وهم لايستحقوا ودول مش بيقدروا يكملوا فى الكلية

وبردو فى الثانوية العامة فى ناس بتجيب مجموع وهى لاتستحق

كلامك سطحى وعنصرى يا استاذ

ثانيا انتا بتقول انك كنت فى ثانوى فنى ؟ وجبت مجموع دخلك تربية وان تعليم صناعى اقل

احب ابشرك بمعلومة قديمة !! وهى ان التربية من 2004 مش بتاخد من التعليم الفنى الثانوى واصبحت بتاخد من المعاهد

والكلام ده اطبق فى السنة بتاعتى لانى كنت من الاوائل " الحمد لله " وساعتها فرحت انها اتقفلت لانى مكنتش بحب تربية او انى اشتغل مدرس

زى مافى ناس مش بتعرف تكتب فى ناس معاها لغات وفى ناس متميزة " نقطة غريبة اوى منك"

تصنيفك عنصرى يااستاذ وطريقتك فى الكلام تدل على شخصيتك

واتمنى انك لو عايز تتكلم تتكلم بأسلوب راقى يدل على "تعليمك" !!

[سندباد الشرق]

بشكرك يا ابن القيم على اهتمامك وعلى التوبيك الجميل

المشكلة مشكلة عقول للاسف مفيش تفكير من المسئولين وده فى شتى المجالات " طبعا اللى تابع لقاء دكتور زويل على دريم هيعرف حجم المشكلة "

انا مش هقول اكتر من اللى الشباب قالوه

لكن مادام دى كلية غير معترف بيها سواء من المجتمع او من الدولة " طب ليه نزلوها فى تنسيق الثانوية العامة وبالفعل فى طلاب من الثانوية العامة دخلوها السنة دى من غير مايعرفوا المشكلة بتاعتها " يعنى هما بيوسعوا قاعدة الهدم والتقليل من عزيمة الالاف الشباب ؟؟

ملحوظة اخيرة الكلية خدت من الثانوية العامة على حاجة وتمانين شرط يكون علم رياضة فقط " الكلام ده على حلوان "

اخيرا وليس اخرا ياريت اللى يناقش حط نفسه بدلنا "يعنى دخلت كلية والناس بتعاملك على انك كأنك معاك مؤهل متوسط وليس لك اى حقوق

شكرا ليكم وتقبلوا سلامى

[محمد صبرى]

سلامى لكل اخوانى وزملائى فى الكلية بصراحة انا حزين جدا جدا جدا على الشباب اللى مش اد كلمتة وانا اتصدمت من اللى حصل انا لسة جاى من الكلية فى يومى هذا يوم 11\11 وملقتش اى حد اى حد واقف عشان الاعتصام وملئتش اى حد من الناس اللى بيتقول الاعتصام ومستقبلنا بالله عليكم حرام كدا انا والله العظيم لغيت شغللى وجيت من الاسكندرية وبعد دة كل لة ملقيش حد للاعتصام ولا فى حتى اعتصام العملية مش رغى بس عيب اوووووى على الرجالة اللى بيتقول اعتصام ومحدش راح حرام كدة والله دة مستقبلكم وحقكم وانا زيكم لو مكنتش اخاف علية محدش حيجبهوللى وربنا عالم اد اية انا تعبت انهاردة عشان اروح الكلية بيجد بيجد بيجد حرام عليكم