تصويت بخصوص وضع الجامعة .... شارك برأيك

[UNIQUE]

السلام عليكم ورحمة الله وبركاته
انا زميلكم بالفرقة الاعدادية
وعاوز اعرف رأيكم بخصوص وضع الكلية ووضح جامعة قناة السويس فرع السويس عموماً بالنسبة لبعدها عن الأحداث اللى بتحصل حولينا فى كل العالم يعني انها مش فى قلب الاحداث زي بعض الجامعات زى جامعة القاهرة واسكندرية ............
التصويت على رايك من حيث ان هذا الوضع :
1- مفيد : بمعنى انه بيساعد على التركيز فى الدراسة وبس
2- مش كويس : بيمنعنا من المشاركة فى بعض النشاطات ( ندوات - مظاهرات - ........ )
3- مالوش تأثير

يا ريت كل واحد يشارك برأيه وبلاش السلبية

[royal.ahmed]

السلام عليكم ورحمة الله وبركاته :musician:الكلية محتاجة كتير يعني لا زماا يكون فيها بائع جرائد قريب مش نمشيلوة نصف كيلو علشان جيبدة بجنية لازماا السيبر الي عمولوة في المدينة يشتغل وميكونش صورةوخلاص وبكدة نكون قربنا من العالم ومنكنش معزولين عنة زي حلنا الهباب دة والسلام ختامموفق بإذن الله ... لك مني أجمل تحية .

[MOHAMED EL_BARKY]

من المفروض أن يكون هناك صالة عرض فى المدينة لنتعرف على ما حولنا من تغيرات ونعرف أخبار العالم ...... أنا معرفتش اللى حصل لبوش إلا بعد ما روحت من المدينة وكمان أحداث غزة

[ahmed abdo]

كل اللى تقال حلو بس انتوا نسين اننا هنعيش فى الصحراء بعد كده ولا انتوا مش ناوين على حفر:laughing at:

[yaso]

- مش كويس : بيمنعنا من المشاركة فى بعض النشاطات ( ندوات - مظاهرات - ........ )


شكرا على عرضك للموضوع وفعلا الواحد هناك مش بيحس بالدنيا خالص (مفيش جرايد ولا نت ولا تلفزيون) واخبار الدنيا بتيجي المدينه بعد ما تكون المواضيع خلصت.

[elshebly]

يا رجالة يا محترمين اتكلموا فى الحاجات الاساسية الميه اللى بتتقطع بالاسبوع وحتى لمل تكون موجودة بتبقى عامه زى الصبون

وعالعموم المدينة احسن من اى حاجة على الاقل بيكون فى تعاون لو اى حاجة نزلت او حاجة

[ahmed abdo]

يا رجالة يا محترمين اتكلموا فى الحاجات الاساسية الميه اللى بتتقطع بالاسبوع وحتى لمل تكون موجودة بتبقى عامه زى الصبون

وعالعموم المدينة احسن من اى حاجة على الاقل بيكون فى تعاون لو اى حاجة نزلت او حاجة
شوفتوا كلام الناس العاقلين:laughing at:

[SleeplessHeart]

عيب عليكم يا جماعة
بقى دا جزاة السويس انها موفرالنا جو مش متوفر في الجمهورية كلها ولا في العالم كمان
جو كله تراب وعفار ومية مقطوعة ومعيز وكلاب وغربان وحمير
لألألألألألألألألألألألألألألألألألألألألألألألأ
مش انتوا شباب بترول الصامد
وعجبي!!!!!!!!!!!!

[ahmed abdo]

عيب عليكم يا جماعة
بقى دا جزاة السويس انها موفرالنا جو مش متوفر في الجمهورية كلها ولا في العالم كمان
جو كله تراب وعفار ومية مقطوعة ومعيز وكلاب وغربان وحمير
لألألألألألألألألألألألألألألألألألألألألألألألأ
مش انتوا شباب بترول الصامد
وعجبي!!!!!!!!!!!!

يا سلام يا شحاته يا كبير يا مثلنا الاعلى فى الصمود:laughing at:

[ahmedsuez]

يا جماعة احنا لازم نراعى ان الجامعة لسةتحت الانشاء ولسة فيها حاجات كتير ماتعملتش

[MOHAMED EL_BARKY]

عندك حق يا أحمد

[SleeplessHeart]

اكيد يا ahmedsuez
انت تعرف ان كلام ان الجامعة تحت الانشاء بقاله قد ايه؟؟
اسأل وراجع نفسك لما تعرف الاجابة
ع فكرة الجامعة مهملة من التعليم العالي بطريقة غريبة زي ماتكون السويس دي مش حتة من مصر
هههههههههههههههههههه

[ahmedsuez]

صحيح ان الجامعة بقالها فترة تحت الانشاء لكن دة شئ طبيعى فى مصر لان تجهيز جامعة بمعاملة ومدراجتهايحتاج لميزانية كبيرة جدا ومتنساش ياعم ان المدينة عندكم بتفتح من اول اسبوع يعنى مبتسناش شهر زى جامعة القاهرة+_)(*&

[CRISTIANO RONALDO]

اهلا بيك يا اخ حسينى معانا ومنور
انا احمد تانية حفر معاك
والله الكلية بتاعتنا دى لها مميزات وعيوب
فى صحرا هدوء وروقان بال وتركيز فى المذاكرة
ومن الناحية التانية ابسط النشاطات والمشاركات ضايعة تقريبا
بس حتى مبنى بيينوا فيه من 3 سنين
حاجة اخر ملل
بس هنعمل ادى الله وادى حكمته
هنقضى دراستنا وادينا مبنقعدش تقريبا خالص
والبيت بيهون الموضوع شوية
بس يا ريت حد يدينا افكار تشجعنا على المشاركة بس نلاقى حاجة كويسة تجمعنا
وموفقين كلنا

[ahmed abdo]

انتوا بسبوا المدينه اللى انتوا فيها ونسين انكم هتروحوا (احد ) السنه الجايه:crying:

[UNIQUE]

اشكركم كلكم على المشاركة بالرأي
والواضح ان معظم الناس مش عاجبهم وضع الجامعة
بل ان في بعضهم اظهر مشاكل تانية ( زى الميه اللى بتتكون من 75% كلور و10% شوائب والباقي ميه ) واللى تستغربله اكتر ان وزارة التعليم العالى ساكته خالص على رأي اللى بيقول كأن السويس مش حته من مصر وكأن الجامعة بتاعتنا خصوصا الفرع بتاع السويس اخر تمام وفل الفل ومفيش مشاكل والحياة وردي
انا نفسي اعرف الناس دي بتفكر ازاى زي ما يكون احنا مش بني ادمين خالص
ميه بتقطع بالاسبوع ومفيش ميه كل يوم بعد الساعة واحدة صباحا
والكهرباء اللى احيانا بتقطع اينعم مش كتير لكن معنى انها تقطع يوم ولا اتنين ان في مشاكل فيها هما مش عارفين يتغلبوا عليها وبالتالي ممكن تقطع فى وقت امتحانات يبقى العمل ايه ساعتها ؟؟!!
ده غير الاكل اللى وصفه بانه اكل يبقى كدب وزور اينعم الواحد اعتاد عليه لكن مش عارفين كتره ممكن يسبب ايه ولا ايه ..... واديهم بيجربوا فينا !!!!
ولكم منى اجمل تحية وتقدير
وربنا يسترها معانا ومعاكم
:crying:

[رجل المستحيل]

بالنسبة لكليتنا الموقرة لما تعرف ان كلية الثروة السمكية هتفتح السنة الجاية ومبنى كليتنا ايل للسقوط يبقى انتا اكيد في بترول وتعدين السويس

[Silent Hell]

عيب عليكم يا جماعة
بقى دا جزاة السويس انها موفرالنا جو مش متوفر في الجمهورية كلها ولا في العالم كمان
جو كله تراب وعفار ومية مقطوعة ومعيز وكلاب وغربان وحمير
لألألألألألألألألألألألألألألألألألألألألألألألأ
مش انتوا شباب بترول الصامد
وعجبي!!!!!!!!!!!!

ههههههههههههههه
جامد يا هندسة
انا اختار التصويت رقم 2
انا بجد مش طايق الكلية و المدينة و السويس كلها كفاية ان كليتنا مقسومة نصفين و بناخد محاضرات في مدرج مش بتاعنا و مدينة مقرفة 8 في اوضة و مية مقطوعة و مدينة نفسها مليانة تلوث و قرف و ده بيسببلي مشاكل كتيرة لعيني لأني عندي رمد ربيعي
يا ريت الكلية تبقى في جامعة اسكندرية او في جامعة القاهرة عشان نذاكر و نعيش في نفس الوقت ههههههههههه

[catch my mind]

من المفروض أن يكون هناك صالة عرض فى المدينة لنتعرف على ما حولنا من تغيرات ونعرف أخبار العالم ...... أنا معرفتش اللى حصل لبوش إلا بعد ما روحت من المدينة وكمان أحداث غزة


صالة عرض إيه يابني , هو إحنا في سيما

[catch my mind]

يا جماعة احنا لازم نراعى ان الجامعة لسةتحت الانشاء ولسة فيها حاجات كتير ماتعملتش

كلية معمولة سنة 1961 و جامعة معمولة سنة 1976 و تقوللي تحت الإنشاء..........يا راجل حرام عليك. هما كانوا فين من زمان لسه فاكرين دلوقتي في 2009 إنهم يعملوا مجمع و يعملوا كلية هندسة البترول و ياريتهم يعملوها في فخامة هندسة اسكندرية - اللي شبه المتحف - لكن عاملينها شبه مدرسة عزيز المصري اللي كنت فيها في الإعدادية.........حرام والله.

[Ahmed Omran]

بصراحة الكلية دى واخدة صيت اكتر من اللازم وانا ف رأيى اكيد الجو بيمنعك من انك تشارك لان النشاطان اللى ف الجامعات المحترمة بتساعد ف تكوين شخصية الفرد انما احنا ...............
حسبى الله ونعم الوكيل

[Silent Hell]

بصراحة الكلية دى واخدة صيت اكتر من اللازم وانا ف رأيى اكيد الجو بيمنعك من انك تشارك لان النشاطان اللى ف الجامعات المحترمة بتساعد ف تكوين شخصية الفرد انما احنا ...............
حسبى الله ونعم الوكيل
لا لا صيت ايه يا عم ؟ كليتنا من احسن الكليات اللي ليها صيت في الجمهورية كلها
انا بفتخر بيها في كل مكان بس بفتخر بشهادتها بس و ده يكفيني
اما الكلية نفسها بكل عيوبها لا تقلل اي شئ من قيمة الشهادة اللي هناخدها و الل تعتبر احسن الشهادات الجامعية في مصر و ديه حاجة انا بفتخر بيها جدا

[catch my mind]

بصراحة الكلية دى واخدة صيت اكتر من اللازم وانا ف رأيى اكيد الجو بيمنعك من انك تشارك لان النشاطان اللى ف الجامعات المحترمة بتساعد ف تكوين شخصية الفرد انما احنا ...............
حسبى الله ونعم الوكيل


أنا بنختلف معاك شوية يا باشمهندس , لأن كليتنا أحسن كلية ليها مستقبل وظيفي في مصر و تستاهل الصيت اللي واخداه , و لكن من ناحية المباني و النشاطات هي فعلا صدمة.

[ahmed abdo]

يا جماعه لا تنسوا ان الرزق بيدى الله

[Silent Hell]

أنا بنختلف معاك شوية يا باشمهندس , لأن كليتنا أحسن كلية ليها مستقبل وظيفي في مصر و تستاهل الصيت اللي واخداه , و لكن من ناحية المباني و النشاطات هي فعلا صدمة.
فعلا و انا بقول ان الكلية نفسها لا تقلل اي شئ في الشهادة و المستقبل الوظيفي ان شاء الله
صيت الكلية بشهادتها مش بمبانيها
يعني انا ما كنتش اتمنى ابقى في كلية فايف ستارز بس شهادتها اي كلام
كل اللي مضايقنا بس تعبنا في الوصول للكلية ديه ازاي ينتهي بكلية بالتجهيزات ديه كلية لسة بيبنوها ضمن جامعة قناة السويس الجديدة و حتى تصميمها زي المدارس الاعدادي
ربنا يهديهم

[mr.deeb]

أنا شايف انه مفيد جدا جدا جدا

خاصة في المذاكرة

و ده موضوع مهم جدا في الوقت ده بالذات

يعني ممكن تتابعوا باقي الموضوعات من النت
و كمان لما ترجعوا للبيت

[UNIQUE]

رأيي ان الكلية فيها سلبيات كتيرة جداً بداية من العزلة وسوء المكان الى المدينة ومبنى المعمل اللى ممكن يقع علينا فى اى وقت ( وربنا يسترها معانا )
لكن مع ذلك فى ناس كتير بتحسدنا عليها (طبعاً لانهم ماجربوش ههههه)
لكن الواحد يحمد ربنا على اللى هو فيه (وعسى ان تكرهوا شيئاً ويجعل الله فيه خيراً كثيراً)