ازاى نطور كليتنا..... شارك معانا

[halawa]

السلاااااام عليكم ورحمة اللة وبركاتة

دا موضوع جديد انا عملتة عشان كل واحد يكتب
عاوز يشوف الكلية بتاعتنا تكون ازاااااااااى
الاقتراحات البسيطة اللى ممكن ننفذها ونعدل حاجات كتيير مش حلوة فى الكلية
اية رايكم
لو اى حد عندة اقتراح ممكن يعرضة علينا


اسلام حلاوة (اولى بترول)

[ghanem]

عاى فكره دا احسن موضوع اتعمل وفعلا موضوع هادف
انا ليه شوية اقتراحات
اولها:النتيجه بتاعت اعدادى تظهر فيها كل التقديرات مش مادتين فقط
ثانيها : الاهتمام بالقاعات وتظليلها وتبقىمزودة ب(datashw and proctor)
احمد غانم (اعدادى)

[الملاك الباكى]

فعلا لازم نزبط كليتنا
الاهتمام بالقاعات
وجود المعيدين
الاهتمام الافضل بالسكاشن
وشكرا يا اسلام ع الموضوع الجااااااامد ده
الملاك الباكى _(اعدادى)

[halawa]

ربنا يسهل ويحصل
وبالنسبة للمعيدين كليتنا دة عايزة واحد يدور على الميعيد ما يستناش المعيد هوة يعنى اية
تلاقى فى الرياضة مثلا ما فيش الا معيد واحد م / محمد داغر ماسك الفرقة الاولى والاعدادى ولو فى اى فرق تانية بتاخد رياضة كان هيمسكها
يعنى بالتقريب المفروض انة بيدرس ل36 سكشن تقريبا يبقى كل واحد المفروض يعرف ان فى شكشن رياضة يحضر علطول بصرف النظر دة لسكاشن مين؟

[halawa]

انا عارف ان الامتحان بيجى حفظ لكن انا حبيت انى ادى مثال بس وان كان لازم يبقى فى فرق بين اللى بيحضر واللى ما بيحضرش لان فى فرق ان واحد بيذاكر وهوة فاهم وواحد تانى بيذاكر ويحفظ اسال مجرب
انا جايب امتياز رياضة فى اعدادى

[omarah]

ايواااااااااااا يا عم حلاوة

المشكلة مش بس علشان مفيش اقتراحات

المشكلة في مين اللي هينفذ الاقتراحات دي يا ريس .

ده دكتور عبد المنعم شمعه لما كان وكيل الكلية كان نفسه يحط شفاطات هواء في المدرجات علشان العدد بيبقى كتير وبيبقى الجو حر خاصة في الصيف ومعرفش يبقى مين اللي هيعرف ينفذ الاقتراحات دي ...

رتقبل تحياتي يا حبي

[halawa]

عادى ان عارف ان دى كلية صعب الواحد يعمل فيها حاجة بس ادينا بندردش ونحسس نفسنا ان احنا فى كلية زى الناس ولعل وعسى حد من المسئولين يكون متابع المنتدى ويقرا الكلام دة وينفذ اى حاجة على فكرة انا لما اتكلمت مع رئيس الجامعة انا فهمت منة انة ما يعرفش اى حاجة مفكر ان الكلية والمدينة ياااااااااااااة على الجمال والروعة

[الملاك الباكى]

فعلاااااااااااااااااااا عندك حق ................. المسئولين مفكرين الكليه مفيش بعد كده
وادينا بندردش يمكن يحصل حاجه

[halawa]

كويس واللة فى ناس متفقين معايا فى الراى كل واحد عايز يسال عن اى حاجة بخصوص اعدادى على سبيل الدردشة ويكون معانا فى الكلية احنا ممكن نرد علية لو كنا نقدر نساعدة

[الملاك الباكى]

شكرااااااااا يااسلام ع مساعدتك والسنه طويله اكيد هنحتاجلك

[ahmed elsha3er]

بص يا حلاوة يا اخويا بدل ما نقعد ونقول الكلية فيها عيوب كتيرة نبص على عيوبنا الاول كل واحد داخل بيفكر ف الفلوس بس
مفيش حد بيفكر ازاى يطور من نفسه ومن عمله عمري ما حسيت انه حد عايز يبقى متميزفي مجاله

[Abd El-Rahman]

بلا وجع دماغ الكليه هتفضل زى ما هى على العكس كل سنه بتطين أكتر من السنه اللى قبليها لأن مافيش أهتمام بأى حاجه وبعدين موضوع القسم المميز ده - يتهيألى - هيطينها أكتر لأن كل الأهتمام أصبح موجه ناحيته وبالتالى سيقل الأهتمام على باقى الأقسام من ناحية المسؤلين وكذلك من ناحية أعضاء التدريس وأظن أن هذا أصبح واضحا ولا يحتاج إلى نقاش

على العموم أى حد محتاج أى حاجه فى السنه اللى هوا فيها يقول , وأنا إن شاء الله قدر المستطاع سوف أحاول أن أساعده خلينا نخلص من هذه الكليه الــ........ (بلاش غلط أحسن) على خير والله المستعان

[halawa]

وانت فى سنة كاااااااااام بقى

[crazyman125]

بص يا حلاوه بصراحه كده انا مش بستلطفك (اه بجد والله)
بس تستحق اني احيك على روحك العاليه دي واضم صوتي لصوتك واقول ان كليتنا لازم بجد تساوي حتى اسمها مش كلام وبس
شكرا بجد ليك وتقبل سلامي واعتذاري المؤقت
هههههههههههههههههههههههههههههههههههههههه

[magabery]

مفيش فايدة

[wa7id_of_elnas]

موضوع جامد ياحلاوة بس للاسف كله كلام ع الورق وغير قابل للتنفيذ
مثلا من اهم الحاجات المطلوبة
اولا يضموا الكليتين فى مكان واحد مش واحده حاطينها فى اول السويس والتانية بره السويس فى المعمل
تانى حاجة ينظمو جدول المحاضرات والسكاشن ويثبتوه طول السنة مش كل يوم التانى نلاقى الجدول اتغير وكمان يراعو الطلبة اللى بتسافر وكمان يحددو مكان المحاضرات والسكاشن مش نقعد نلف وندور ومحدش عارف المحاضرة فين حتى الدكتور؟؟؟؟؟؟؟؟؟؟؟؟؟؟؟؟؟
تالت حاجة يحاول يشغلو الكلية شوية يخلو فيها حبة حركة مثلا رحلات او يفعلو دور اتحاد الطلبة او يعملو مسابقات او كورسات ودورات انا بصراحة مش حاسس انى فى كلية خالص
رابع حاجه ينضفو الكلية حبة مثلا يخلو فى كل القاعات داتا شو ومرواح ولنض لاننا فى محاضرات بنكوش شايفين فيها الدكتور وفيه محاضرات بنفطس فيها من الحر وكمان يسلمو الكارنيهات فى مواعيدها فى اول السنة
خامس حاجة مفروض بقى يراعوالطلبة اللى جايين من اخر الدنيا ويمشو بقى الدكاترة اللى مفروض تمشى لان مخنا اتخرب من اللى بيحصل هه ........اكيد انتو عارفين اقصد مين
اما بقى و اتكلمت ع المدينة فكلامى مش هيخلص فاسكت احس لانى خلاص هنفجر منها ....... وبس كده عشان الرقابة متحذفش حاجة

المهم ان كل ده مش هيحصل وده اللى انا عارفه كويس بس اهى فضفضة والسلام

[dede]

على فكرة والله بجد الكلية فيها تحسن عن الاول
وان شاء الله كلامنا ييجي بفايدة
انا معاك في موضوع الكارنيهات والجدول ولمعيدين وحاجات كتيرة اوي لازم تتظبط في الكلية ده
لكن مش معاك ابدا في موضوع مراعاة اللي جايين من السفر ده " سوري بجد "
مفيش كليه بتراعي المغتربين في الجدول قد الكلية ده
في هندسة القاهرة السبت اجازة وبقيت الاسبوع شغل ولو في امتحانات ميد ترم او فاينل بيشتغلو طول الاسبوع حتى الجمعة
وفي هندسة اسكندرية وحاليا رغم ان معظم الجامعات خدو السبت اجازة لكن هم بيدرسو السبت عادي جدا ومفيش بديل
فبجد النقطة ده بجد مش محتاجة حد يتكلم فيها لان هي الحمد لله كويسة
ويارب مكنش ضايقت حد بكلامي ده

[bebo]

يا جماعة الكلية دلوقتي احسن من الاول الحمد لله فين لما كنا في اعدادي ونروح شوية تجارة ونيجي تاني كليتنا وكانو بيكتبوا بالطباشير كمان
ع فكرة انا في 3

[Ahmedfarag]

هل دخول قسم البترول عاوز واسطة ولا إيه بالظبط ياهندسة؟؟؟؟؟؟؟؟

[AbdoHolmez]

الموضوع رائع بجد وتم تثبيته فى المنتدى العام لهندسة بترول وتعدين

[ENG/ MOUTAZ]

انا عن نفسي اتمني قبل اي حاجه من القاعات والكلام ده. ان الدكتور يعاملك باحترام كمهندس مش انك واحد عايز منه درجه فعشان كده بيذلك وكمان كل دكتور يراعي ربنا في منهجه ووضعه وتعليمه للامتحان لان احنا المشكله فينا اننا اتعودنا ان الدكتور سلطه مطلقه لا تقبل النقاش او الشكوي.بدليل لو حد رفع شكوي ضد دكتور هيشيل علي الاقل مادته مده تتراوح من 2 الي 3 سنين.