استفتاء : ايه رأيك في المنتدى ده ؟

[mr.deeb]

السلام عليكووو

:crying: :crying:

مش عارف أقول لكم إيه
أنا أًصلا مليش في كتابة المواضيع
و كنت بدخل على المنتديات التانية بغرض الاستفاده
و عشان أبقى صريح
بردوووو دخلت هنا بغرض الاستفادة
و لما لقيت الحالة بالوضع ده
سكت شوية
سكت شويتين
يس خلاص مش قادر ... حراااااااااااااااااام
:crying::crying:

يعني أنا فاكر نفسي داخل منتدى جامعة
و بعدين لقيت نفسي في حوارات كبيرة
يمكن فاهمها و يمكن مش فاهمها

كانت العملية في أول الأمر تعليمية
مش لاقي مواضيع تعليمية
طيب بلاش ... يبقى على الأقل حوارات علمية و أسئلة و أجوبة
و الدكاترة يدخلوا و يتواصلوا معانا بس يدخلوا بس لهدف الاطلاع على وضعهم في الكلية و رأي الطلبة فيهم !!!!!!!!!
:crying: :crying:

يعني علم على الأقل
بقيت أدخل و مش لاقي حاجة ((علمية)) بمعنى الكلمة
اللي منزل برنامج و اللي منزل كتاب ((طبعا يشكروووا))
بس كده هو ده حدنا

يا جماعة بصوا على المنتديات التعليمة الصح
كل الناس خذوا الموضوع ترفيهي
أو مجال لطرح الآراء و التخبيط في الكلية ((و هم حاليا متبندين))

أنا مش بقول إني في صف حد

بس بقول إن لكل حاجة مكانها
يعني ده منتدى فرع جامعة قناة السويس
مش منتدى عام أو منتدى دردشة و اختراع مواضيع لهدف التسلية

:crying: :crying:
ده ((( منتدى فرع جامعة قناة السويس )))
يعني منتدى تعليمي و خاصة في القسم ده
مواضيعه كلها لازم تبقى علمية
و خليكو من الكلام في الدكاترة على الفاضي و المليان
أو على الأقل حطوا قسم للآراء عامة أو في الدكاترة خاصة

بس اللي يهمني إن القسم ده يبقى تعليمي و بس ؟؟

عشان كده حبيت أطرح الموضوع ده عليكواا على شكل استفتاء
و يا ريت كل واحد يقول لي رأيه و بصراحة

هل ده منتدى فرع جامعة قناة السويس و لا لأ ؟؟؟
هل المواضيع اللي فيه (( وخاصة القسم ده )) تعليمية ؟؟؟
هل النقاش فيه نقاش علمي ؟؟
ــــــــــــــــــــــــــــــــــــــــــــــــــ ــ
و أطالب مديرالمنتدى بإنشاء :
قسم لتواصل الطلاب و تعارفهم على بعضهم البعض
(( و أكيد في القسم ده مفيش حظر للإيميلات أو أرقام الموبيلات أو العناوين ))
قسم لطرح الآراء في الدكاترة
قسم تواصل الطلاب مع الدكاترة و يكون لكل دكتور صفحته الخاصة
و كمان قسم دردشة للي عنده كلمتين ومش قادر خلاص يحطهم في القسم ده
ــــــــــــــــــــــــــــــــــــــــــــــــــ ـ
بدل ما الطلاب يدخلوا للدردشة و الدكاترة للإطلاع عليها

يدخل الطلاب لمناقشة الدكاترة و طرح الأسئلة عشان المحاضرة تآخذ وقتها بالكامل و نستفيد منها

و يدخلوا الدكاترة لإجابة الطلاب و إنزال المحاضرات أولا بأول

بدلا من اللك و العج دول النهار و على الفاضي

و انا آسف لأني بنتقد حاجة انا بعملها
يعني انا لحد دلوقتي حطتش مواضيع علمية لأني مش فاضي خالص
بس إن شاء الله ناوي أركب نت في البيت و
إن شاء الله أنزل حاجات علمية جدا جدا
:crying: :crying:

منتظر آرائكم

Mr.DEEB

[catch my mind]

يابني , كبر ال g ‎و روق ال d

[mr.deeb]

هو ده اللي احنا فالحين فيه

عاوز اسمع رأي المشرفين

و أشكرك على تواصلك

Mr.DEEB

[احمد حمدي]

يخرب عقلك يا راجل علي فكرة كل اللي انت عنده ده موجود في المنتدي فعلا

[mr.deeb]

طيب

ممكن تدلني على القسم اللي فيه الكلام ده

و أكون لك من الشاكرين

Mr.DEEB

[احمد حمدي]

قسم التعارف والاعضا الجدد هتلاقيه تحت القسم العام

[AbdoHolmez]

أكيد طبعا كلامك لا جدال عليه واللى يكابر فى الموضوع ده يبقي غلطان
بس الاول عايز اوضح نقطه بسيطه قبل ما ابدأ النقاش ان الناس اللى اتحظروا مكنش عشان المواضيع ولكن لأسباب اخري سيقوم المدير انيماتور بتوضيحها لاحقا

نيجي بقي للكلام اللى زي الفل اللى انت قلته
للأسف بنعانى من حاجتين بيمنعوا الكلام ده
الأاولى ان معظم طلبة الكلية عندنا سلبيين واظن كتير متفقين معايا فى كده
يعني هتلاقي نص الطلبة داخلين المنتدي يقولولك هى الدراسة ورانا ورانا ... يا عم احنا داخلين نرفه عن نفسنا
والنص التانى هتلاقيه داخل يحمل الحاجات اللى انت حاططها ويطلع يجرى من غير ما يقولك كلمة شكر حتى
وكلامى واضح انا بقول المعظم مش الكل

النقطة التانية بقي بخصوص الدكاترة واحنا المفروض بدأنا فى الموضوع ده وان شاء الله هنحاول نستضيف الدكاترة هنا فى المنتدي فى قسم منتدي الضيوف بس الدراسة زي ما انت شايف لسه بادئة بقالها اسبوع فمالحقناش نعمل حاجة لسه
فاصبر علينا اتلاسوبع الجاى وهنبدأ باذن الله نستضيف الدكاترة لو وافقوا
واظن لو موافقوش يبقي احنا عملنا اللى علينا وعدانا العيب وزياده

وشكرا على تفاعلك مع المنتدي وياريت كل الناس تبقي زيك

وبخصوص التعارف اظن قسم التعارف يفي بالغرض

[احمد حمدي]

شكرا يا هولمز علي التوضيح ويا رب تقدروا تقنعوا الدكاترة فعلا

[AbdoHolmez]

عموما يا رجالة اعدادى لو جاهزين تقنعوا دكتور انه يكون موجود معانا فى يوم مثلا لمدة ساعتين
اهلا وسهلا

[catch my mind]

موضوعك جميل يا ديب و أنا موافقك في مشاركة الدكاترة في المنتدى . و مشاركتي الأولى كتبتها من غير ما نقرأ الموضوع لأن الموضوع طويل أوي , ف ياريت تحاول تختصر شوية في مواضيعك

[CRISTIANO RONALDO]

فعلا موضوع جميل
ويا ريت يتنفذ لارجاء صفة التعليمية للمنتدى

[احمد حمدي]

يا رب فعلا الفكرة حلوة ولو اتنفذت تبقي احلي
وحشتنا يا رونالدو

[catch my mind]

ان شاء الله تتنفذ و نقدر نتواصل بجد مع الدكاترة

[mr.deeb]

أشكركوا جدا جدا على التفاعل
و شكرا للدعم الفني على التوضيح

عموما خذ وقتك لأني قدامي مدة على ما أركب النت في البيت و سعتها ناوي أعمل شوية شغل تماااااااام

و آسف على الإطالة

بس انا كنت عاوز أعرف اول ما الموضوع يتم ان شاء الله

Mr.DEEB

Mr.DEEB

[mr.deeb]

معليش أنا ملاحظ ان الموضوع قلب شات

بالرغم من إني عامل الموضوع اساسا عشان مش عاوز شات

و ازي رونالدو و واحشني و حاجات غريبة كده

Mr.DEEB

[catch my mind]

يا ديب الموضوع ما قلبش شات ولا حاجة , متحبكهاش زيادة عن اللزوم

[UNIQUE]

يا ريت بس ما نكسلش
ونقعد نقول ونعيد لغاية الترم ما يخلص
وكأنك يا أبو زيد ما غزيت

[Silent Hell]

في انتظار استضافة الدكاترة في المنتدى عشان يسمعوا اراءنا بكل صراحة

[mr.deeb]

في انتظار و على أحر من الجمر

و على فكرة انا مش محبكها شويتين و لا حاجة

الموضوع بجد بيقلب معاكووو شاااااااااات

Mr.DEEB

[mr.engineer]

اعتقد ان المنتدي يحتاج الي مزيد من الفعاليه و الموضوعات التي تخدم الدراسه

[catch my mind]

عندك حق يا إنجينير

[wahd ady]

أنا معاك يا ديب فى موضوع الدكاترة لكن برضو الموضوع كويس

[mr.deeb]

بردووووو قالبنها شاااااااااااااااات

شكلكوا عاوزين عبدووو عشان يسكتكوا

Mr.DEEB

[catch my mind]

عبدو مين اللي كان بيسكتنا , إذا كان عبدو بيسكتت ف دي مشكلتك ....... اتكلم على أدك

[A7MAD GAD]

هاهاها
احمد عبده دا حبيبى
بس دا يسكت واحد زيك مش انا ولا غيرى واخد بالك
بس هى غلطة الخبيرى من الأول انه خلاك تاخد عليه
للأسف يا سيادة العضو المحترم فى ناس لازم تديها الوش الخشب من الأول عشان ما تتجرأش وتقول كلام غير مسئول وارجو انك ما تدخلش احمد عبده فى اي مهاترات عشان هو مش موجود على المنتدى الفترة دى خد بالك انت بتتكلم إزاى
مع كامل إعتذارى لإدارة المنتدى عشان ردى جامد شوية

[catch my mind]

بردووووو قالبنها شاااااااااااااااات

شكلكوا عاوزين عبدووو عشان يسكتكوا

mr.deeb


إذا كان عبده بيحذفلك ايميلك ف دي مشكلتك لأن قوانين المنتدى ب تمنع عرض الايميل

[catch my mind]

بردووووو قالبنها شاااااااااااااااات

شكلكوا عاوزين عبدووو عشان يسكتكوا

mr.deeb


إذا كان عبده بيحذفلك ايميلك ف دي مشكلتك لأن قوانين المنتدى تمنع عرض الايميل , و طبعا لأن انتا عضو جديد ما قرأتش القوانين. ياريت ترجع تقرأ موضوع ( انتا عضو جديد ......... طب اسمع ) و تنفذ اللي موجود فيه ... و لو أنا مسكت اشراف و نزلت ايميلك ح نحذفهولك

[mr.deeb]

ياااااااااااااااااااااااااه يا بووووووووووووووووي

في ايه يا جدعان - مالكوا قالبين عليا كده ليه

انا كنت بهزر

و موضوع الشات ده انا رديت لك عليه في موضوع (( الانتخابات ))

Mr.DEEB

[Silent Hell]

على فكرة يا ديب تقريبا كل موضوعات القسم ده علمية و بقية الاقسام كل منها متخصص في مجاله
و فعلا فيه منتدى التعارف و الاعضاء الجدد

[احمد حمدي]

ياجماعةحرام عليكم ارحموا المنتدي انتواممكن تقولوا كل ده في رسايل خاصةمش كده يعني مينفعش نخرج عن اطار الموضوع
معلش يا كاتش ويا ديب ويا جاد بس كان لازم اقول كده

[A7MAD GAD]

يا معلم انت تقول اللى انت عاوزه وكلامك صح
بس كان لازم نرد فى الموضوع عشان اللى اتكتب علينا دا انا مقبلوش عليا ولا على غيرى وزى الناس ماشافت الكلام ال......... اللى كاتبه باشمهندس ديب تشوف ردنا عليه
لإن الكلام دا عيب قوى يتقال عشان احنا مش ......... عشان يحصل كده
ولا إيه ؟!!

[mr.deeb]

No comment

Mr.DEEB

[mr.deeb]

أرجو إغلاق الموضوع

عشان ما نزعلش من بعض

خاصة بعد الرد اللي كتبه جاد

Mr.DEEB

[tornado]

تم غلق الموضوع بناءا عن رغبه صاحبه