يلا بينا نتعلم - يلا بينا نتجمع

[mr.deeb]

السلام عليكم ورحمة الله وبركاته

ازيكوا يا شباب اتمنى تكونوا بخير

بصراحة سمعت كلام ان القسم ده اقلهم نشاطا

حبيت ارفع شعار (( يلا بينا نتعلم - يلا بينا نتجمع ))

عاوزين القسم ده يبقى شغال على ودنه
كل يوم مواضيع

المحاضرات تنزل يوميا صوت و كتابة

خلوا موضوع الصوت ده عليا

و كمان السكاشن ان شاء الله ربنا يقدرني و أعرف أنزلها

بس عاوز أحس ان الشعور متبادل يعني مش شغال في الهوا

(( يلا بينا نتعلم - يلا بينا نتجمع ))

مستني ردودكم

Mr.DEEB

[SleeplessHeart]

شكرا يا ديب على التشجيع الجميل ده
ياريت الناس تشتغل شوية
انا حسيت ان القسم بدأ يصحى شوية

[mr.deeb]

اتمنى ان القسم ده صاحي جدا جدا جدا

و يا ريت الكل يشارك

ده احنا دفعة واحدة

إذا كنا مش هنساعد بعض مين هيساعدنا ؟؟

حط إيديكوا في ايد بعض

هيحصل ايه
كلنا هننجح و كلنا بردووو هنجيب تقديراتا ان شاء الله

[silence]

هو ده الصح و اللي لازم كلنا نعمله

[mr.engineer]

مجهود جميل منك يا ديب ويا ريت كل الناس تبدأ تشارك باللي تقدر عليه

[catch my mind]

قول الكلام دة لنفسك يا إنجينير , انتا فين من زمان يا معلم

[بنت مصريه]

تمام يا ديب ....هوا دا الكلام الصح
ان شاء الله نقدر نتخلي القسم دا مهم ومفيد مش مهمش

وشكرا على مجهوداتك المتجدده والمستمره
موفق بإذن الله ... لك مني أجمل تحية .

[CRISTIANO RONALDO]

انا معجب بنشاطك يا ديب
وان شاء الله يطلع للنور ويبقى قسم جامد بمشاركاتكوا وارائكوا وموضوعاتكم الجميلة
وانا عن نفسى بما انى اكبر منكم سنا هحاول على قد مقدر اساعد حد لو عايز ورق او مساعدة
واتمنلكم التوفيق فى الترم التانى وشدوا حيلكم بقا

[catch my mind]

المهم ما تحرمناش من مشاركاتك القيمة في قسم إعدادي يا كريستيانو

[beckham7]

أرجو غلق قسم أعدادى
وشكرا

[catch my mind]

ليه بس يا بيكهام , متنساش إن أنا في القسم دة

[CRISTIANO RONALDO]

بيكى بيهزر يا كاتش هو لازم يرش على اى حد
انته لسه هتعرفه
ههههههههههههه

[catch my mind]

عادي يا كريستيانو , ان شاء الله منتدى إعدادي يكون انشط من المنتدى الترفيهي بس الناس بتوع اعدادي يشتغلوا شوية

[احمد حمدي]

حلو اوي الموضوع ده وديب شكله ناوي يظبط القسم بجد
شكرا يا ديب

[احمد حمدي]

يا جماعة بيكهام ده عسل وربنا
والله المنتدي من غيره ملوش طعم
ولا من غيري طبعا:laughing at::laughing at:

[catch my mind]

و لا تزكوا أنفسكم

[mr.deeb]

مش بقول لك يا عم catch my mind

إنك إنت اللي قالب المواضيع شاااااااااااااااااااااااااات

ربنا يهديك

Mr.DEEB

[mr.engineer]

فكره رائعه وياريت الكل يشارك

[catch my mind]

أنا يا ديب !!!!....... الله يسامحك

[A7MAD GAD]

ايه دا انتو بتشيتو من غيرى ____
(^_~)

[mr.deeb]

إيه ده

(( و كمان بتشيتوا من غيري ))

على فكرة أنا مش مسمي الموضوع دردشة أو شاااااااااااااااااااات أو اتعرف أو صاحب ... الخ

أنا مسمي الموضوع ((يلا بينا نتعلم - يلا بينا نتجمع ))

و لما تحب تشارك يا عم جاد اعرف إنت بتكتب في أي قسم
مش بتزود عدد السحاتيت بتعتك و خلاص

Mr.DEEB

[catch my mind]

جاد كان داخل يهذر , و هو مش قاصده حاجة , و كمان يا عم ديب انتا فيه ايه , هو انتا نازل ترخم علينا ....... و قبل كدة بردو عشان أحمد حمدي قال " وحشتنا يا رونالدو " في جزء من من مشاركته و محدش رد عليها , قلت أنتو قلبتو المواضيع شات ....... ياريت نقدك يكون موضوعي .. و جاد مش محتاج يزود سحاتيته لأن أنا ح نجيب له 2 مليون سحتوت قريب و لو جاد عاوز سحاتيت أنا ح نتبرع له من المليون بتاعي

[A7MAD GAD]

عم جاد !!!
إنت جى تفك فلوس ولا إيه
إسمى أحمد جاد يا باشمهندس
اما بخصوص باقى الكلام اللى انت كاتبه ف أنا مش هقولك غير نورت الشات بتاعنا قصدى موضوعك:laughing at:
واعتقد ان كاتش فهمك ان احنا بنهزر مش اكتر بس واضح ان المعلومات بتوصلك بصعوبه
ربنا يهديك على نفسك

[mr.deeb]

عشان تبقى عارف يا م/ أحمد جاد

انا مش بقول كلمة عم أو شيخ إلا للناس اللي بآخذ عليهم
و ده من عشمي فيك مش أكتر

صحيح أنا لسه متعرفتش عليك
بس مش عاوز أحط لك صورة في دماغي
زي ما عملت مع محمد الخبيري و بعدين طلعت الصورة اللي كنت حططها بايزة خالص
و مختلفة تماما عن الواقع

و خليك حلو بقى

Mr.DEEB

[frenzy55]

شكرا علي الموضوع و انا فعلا شايف اليومين دول نشاط كبييير من mr.deeb ومن sweefe واحمد حمدي

[mr.deeb]

بتوصلك بصعوبة ؟؟؟؟؟؟؟؟؟؟؟؟؟؟

همشيهالك
بس يا ريت تحاسب على كلامك المرة الجاية

و خلاص انا ما عدتش شايل منك

بس حاسب في كلامك

Mr.DEEB

[chelsea]

بس دا صعب اوى

[catch my mind]

اللي فات مات يا جماعة و بلاش نرجع نتكلم فيه تاني