اخر كلام بخصوص معادله درجه البكالوريوس

[محمود الفرنساوي]

بسم الله الرحمن الرحيم
السلام عليكم ورحمه الله
النهارده انا كان عندي ميعاد مع مدام ايلينا في السفاره الروسيه
عرضت عليها المشكله بتاعتنا كلها
بصراحه هي استغربت ان في ناس بتدرس مواد هندسيه ومنتسجلش في النقابه
وقالت لي في روسيا لو درست مواد هندسيه بتسجل في النقابه ولكل مطلق الحريه تشتغل في التدريس او المصانع .... الخ
المهم
ياريت تركزوا معايا كويس وتفهموا الكلام ده
احب اوضح لكم نقطه قبل ما اقول لكم ملخص اللقاء
انت لو درست في اي جامعه اوروبيه او في روسيا بيكون ليها ميزة كويسه جدااا
هو ان شهادتك بتكون معتمده في اوروبا كلها يعني تقدر تسافر اي بلد في اوروبا تشتغل مهندس
مش عايز اقول لكم ان المهندس هناك والدكتور بيكون مرتبه كاااام
بس اللي اقدر اقوله بتكون حياته افضل بكتييير من هنا
وعايز اقول لكم ان روسيا فيها جامعاااااااااات كتير يعني تقدر تستوعب كل الخريجين
وخصوصا لما قلت لها ان العدد بتاعتنا ممكن يوصل ل 3000 شخص
قالت ده كتير قلت لها وزعيهم في روسيا مش راح يكون له اي اثر
قالت لو ناس محترمه ومحتاجه العلم او الشهاده علشان خاطر النقابه احنا موافقين نساعدكم جداااا علشان تكونوا في حياه افضل
نرجع لتفاصيل اللقاء
هي سمعت كل تفاصيل المشكله من اولها وفهمتها كويس
وقالت لي الحل الافضل قصادنا هو الاتي
اول شيء بتاخد تدريب في روسيا لمده سنه برسوم مخفضه ودي اسمها سنه تمهيدي
بتتعلم فيها الروسي هنا وبيعلموك روسي - عربي
يعني الكلمه بالروسي ومعناها بالعربي
في خلال الفترة دي بتقدم ورق الكليه وطلب معادله درجه البكالوريوس وده بدون فلوس خالص
بتقدم الطلب وبيشوفوا المواد اللي ناقصاك وطبعا انت دارس في مصر اربع سنين معترف بيهم هناك رسمي وخصوصا اننا خارجين من جامعات حكوميه مصريه
بعد كده بيحدد لك الكورسات اللي ناقصاك بتدرسها هناك في الجامعه في مده سنه ولو طلعوا كتييير ممكن تدرس علي سنتين زى ما تفضل وحسب لوائح كل جامعه هناك
تاني شيء
المصاريف شامله الاقامه والدراسه
بمعني انت لو راح تدفع 1000 يورو فا الالف دول شاملين الدراسه والاقامه و التامين الصحي

نرجع تاني للمصاريف
روسيا فيها جامعات كتييييير جدا كل جامعه لها لوائح ومصاريف تختلف عن اي جامعه تانيه
يعني كل واحد وامكانياته الماديه بمعني انت تقدر تدرس بدايه من 1000 يورو لحد 4000 يورو في السنه وده لتخصص الطيران للي عايز طبعا
جامعه موسكو 2500 يورو وده ممكن يرخص برضه وخصوصا ان افضل جامعه في روسيا كلها هي موسكو
دلوقتي انا بتكلم عن تخصص الكهربا
انا خريج قسم كهربا وعايز اعادل الشهاده علشان اقدر ادخل النقابه
طبعا من حق اي واحد يدرس اي تخصص هو عايز يدرسه يعني هناك في روسيا في جامعه الطاقه وعلومها ودي الافضل طبعا بتمكنك من دراسه الطاقه وانواعها وفيها تخصصات التخصصات
في جامعات تانيه خاصه بالهندسه بس وفيها اقسام الكهربا والميكانيكا والعماره وخلافه
يعني انت قسم ميكانيكا سيارات وعايز تدرس من حقك تقدم وتدرس التخصص اللي يريحك
يعني لو عايز تغير وتدرس طيران او تدرس حتي بترول من حقك
نرجع ونقول ايه المطلوب منك
مطلوب منك تجيب صورة من الباسبور بتاعك يكون صالح السفر للدول الاوروبيه
تاني شيء 4 صور شخصيه بتسلمهم في هنا و 6 بيكونوا معاك هناك في روسيا
تالت شيء مطلوب منك مبلغ 200 يورو وده للتعاقد مع الجامعه علي انك تدرس هناك وتاخد بكالورويس هندسه يسمح لك بالتسجيل في النقابه
رابع شيء بعد ما تيجي الموافقه من الجامعه هناك علي قبولك في الدراسه فيها
بتدفع رسوم السنه التمهيديه وهي بتكون رسوم رمزيه مش رقم كبير
بتدفعه من هنا وده افضل لك
بعدها بتاخد فيزا دراسه في روسيا و تسافر تدرس هناك
الدراسه بتبدا في شهر سبتمبر وتنتهي في شهر يونيه
وهي عباره عن ترمين الترم الاول بيبدا من يوم 1/9 وحتي 25 يناير وده بيكون اخر يوم لك في الامتحانات بتاعه التيرم
تاني تيرم بيكون من يوم 9 فبراير وحتي 30 يونيه وده اخر ميعاد للامتحانات
بترجع مصر او بتقيم في روسيا اللي تفضله زى ما تحب

بقول تاني الدراسه باللغه الروسيه ولما سالتها ما ينفعش بالانجليزي ردت وقالت ان المناهج في مصر بالانجليزي وبيشرحوا بالعربي
في روسيا لو المنهج انجليزي راح يشرحوا بالروسي وده راح يكون صعب انكم تفهموا وممكن تسقطوا وتدخل ساعتها علي التمهيد من تاني وبكده انت راح تخسر فلوس وراح تخسر وقت
نوضح شيء للناس
يا جماعه بعد ما تدرس هناك بتاخد شهادتين
اولي بكالوريوس هندسه ومن حقك تعمل ماجيستر ودكتوراه هناك في اي وقت وتكلفتها مش غاليه
وطبعا من حقك من دلوقتي تاخد الماجيستير هناك علي طول بس انا رفضت لان ما بني علي باطل فهو باطل يعني لو اخدت الدكتوراة من روسيا وانت مش مسجل في نقابه مهندسين كانك ما درست و لا يعترفوا بيك
فالافضل امشوا خطوة خطوة
تاني شهاده
بتاخد شهاده مترجم روسي معتمد
ودي بيكون لها مميزات كتيييير انك تحضر ندوات في المركز الثقافي وخلافه وفي النفس الوقت لو عايز تشتغل جزء اضافي في السياحه او مترجم للفنادق للافواج الروسيه من حقك ومعترف بيك ده لو بتحب انك تشتغل اضافي

اللي فيكم محتاج يقدم
يتفضل يروح المركز الثقافي الروسي وانا بفضل اللي في الاسكندريه لان المدام هناك فاهمه المشكله واستوعبتها وكل اللي قالته دي كارثه لما كليه حكوميه بتدرس مواد هندسيه ومش معترف بخريجيها ولا بيشتغلوا بالشهاده بتاعتهم
وقالت ان من حقك تختار اذا كنت تشتغل مدرس او مهندس بعد تسجيلك في النقابه
ووعدت بانها تساعد اي عدد يتقدم لها
فهي ممكن تساعدنا
مواعيد مدام ايلينا
يوم الاثنين من الساعه 11 الي الساعه 2 ظهرا
ويوم الثلاثاء من الساعه 2 ظهرا حتي الساعه 6 مساء
ويوم الاربعاء من الساعه 11 الي الساعه 2 ظهرا
يعني لو عايز تقدم ورقك دلوقتي اتفضل
بتقبل اي دفعه وبتقبل اي تقدير
وطبعا اي تخصص

انا كده اديت رسالتي
واي حد فيكم عايز يبدا دراسه هو وامكانياته يتفضل فورا
والله ولي التوفيق
اتمني لكل واحد يدعوا لي بالخير
وعلي فكرة الموضوع بجد وحقكم مش راح يضيع
علي فكرة انت ممكن تختار الجامعه علي حسب فلوسك

لا يضيع حق وراه مطالب

[محمود الفرنساوي]

العنوان
الاسكندريه شارع البطالسه متفرع من شارع فؤاد
شرقي

[محمود الفرنساوي]

الجامعات اللي ممكن ندرس فيها وتكلفتها بسيطه
1400 يورو نيجي نوفجار
وجامعه تامبوفا 1600 يورو 7 ساعات من موسكو
حاجه زى السويس واسكندريه
هههههههههههه
ربنا يسهل ويوفق عباده

[mr.mk]

جزاك الله خيرا

يا محمود

و ربنا يوفقك و يوفقنا و يوفق الجميع

[محمود الفرنساوي]

يارب يا محمد
وجزاك مثله

[محمود الفرنساوي]

اه نسيت اقول لكم
اي شهادات معاك حطها
زى شهاده الثانويه العامه او ما يعادلها
وشهاده المعهد وشهاده الكليه
كل ماله علاقه بدرستك من اول الثانويه وحتي الكليه

[محمد حمودة محمد زين الدين]

السلام عليكم ورحمة الله وبركاتة
جزاك الله خيرا يا بشمهندس محمود
دلوقتي انا موجود في الكويت هل من الممكن اني اخلص من السفارة الروسية هنا ولا ماينفعش
الحاجة الثانية
في بعض زملائنا ظروفهم المادية حاليا مش سامحة خصوصا انهم دلوقتي متزوجين وعندهم مسؤلية بيت واسرة فهل من الممكن انهم ينتظرو للعام القادم ولا ماينفعش
نرجو الافادة يا بشمهندس ولك جزيل الشكر
اللهم اجعل عملة في ميزان حسناتة

[محمود الفرنساوي]

بص
بالنسبه ليك
ممكن من السفاره عندك مفيش مشاكل
وبالنسبه لاصحابك ممكن يعملوها في اي وقت
لا يشترط سنه التخرج او التقدير

[ayyyman]

بشرى لخريجى كلية التعليم الصناعى بمصر
________________________________________
هام وعاجل لطلبة كلية التعليم الصناعى حامعة حلوان للحصول على كارنية نقابة المهندسين
السلام عليكم ورحمة الله وبركاته

يا جماعة فى معهد هندسى عالى وعريق ومعترف بية فى العاشر من رمضان وهو المعهد التكنولوجى العالى بالعاشر من رمضان وله فرع ب6 اكتوبر وفرع ادارى بالقاهرة ومعترف نقابيا من اول يوم تم انشائة
والدراسة فية سهلة وبنظام الساعات المعتمدة
وممكن يقبلكم بعد عمل معادلة لمعرفة انتم مادرستوش اية علشان تدرسوة
ودة معهد خاص بمصروفات ومش محتاج عدد كل اللى مطلوب منك بيان بمحتوى ما تم دراستة بالكلية ومعتمد من الكلية او الجامعة وبعد كدة المعهد هيقولك هتدرس فية اد اية سنة ولا اية
وعنوان المعهد
المعهد التكنولوجى العالى بمدينة العاشر من رمضان
بجوار مجمع الصناعات الصغيرة
فاكس : 363496(015)
الاقسام الهندسية:364168-364170-364193-369498-363497(015)
ولة فرع بمساكن الشيراتون بالقاهرة وتليفونة: 22677356-22685482/02


وعلى فكرة معظم الدكاترة هناك من جامعة حلوان بة جميع التخصصات والله الموفق واسألكم الدعاء ونشر الخبر حتى يستفيد منه اكبر قدر من المهندسين

[ayyyman]

بشرى لخريجى كلية التعليم الصناعى بمصر
________________________________________
هام وعاجل لطلبة كلية التعليم الصناعى حامعة حلوان للحصول على كارنية نقابة المهندسين
السلام عليكم ورحمة الله وبركاته

يا جماعة فى معهد هندسى عالى وعريق ومعترف بية فى العاشر من رمضان وهو المعهد التكنولوجى العالى بالعاشر من رمضان وله فرع ب6 اكتوبر وفرع ادارى بالقاهرة ومعترف نقابيا من اول يوم تم انشائة
والدراسة فية سهلة وبنظام الساعات المعتمدة
وممكن يقبلكم بعد عمل معادلة لمعرفة انتم مادرستوش اية علشان تدرسوة
ودة معهد خاص بمصروفات ومش محتاج عدد كل اللى مطلوب منك بيان بمحتوى ما تم دراستة بالكلية ومعتمد من الكلية او الجامعة وبعد كدة المعهد هيقولك هتدرس فية اد اية سنة ولا اية
وعنوان المعهد
المعهد التكنولوجى العالى بمدينة العاشر من رمضان
بجوار مجمع الصناعات الصغيرة
فاكس : 363496(015)
الاقسام الهندسية:364168-364170-364193-369498-363497(015)
ولة فرع بمساكن الشيراتون بالقاهرة وتليفونة: 22677356-22685482/02


وعلى فكرة معظم الدكاترة هناك من جامعة حلوان بة جميع التخصصات والله الموفق واسألكم الدعاء ونشر الخبر حتى يستفيد منه اكبر قدر من المهندسين

[ayyyman]

وعلى فكرةاعرف واحد كان خريج معهد ولما خلص خد السيليبص (محتوى ماتم دراستة بالمعهد) مختوم ومعتمد
وذهب بة الى ادارة المعهد وتم عمل معادلة لة ودرس بالمعهد ثلاث تيرمات يعنى سنة لان الدراسة فى هذا المعهد فى السنة الواحدة مقسمة الى ثلاث ترمات وهو الحمد لله مسجل نقابيا وسمعة شهادة المعهد قوية جدا وفى المصانع يفضلونها عن كليات الهندسة الحكومية
الله الموفق واسألكم الدعاء لان الدال على الخير كفاعلة

جهزو محتوى ما تم دراستة واذهبو الى المعهد وان شاء الله سوف يكون خيرا

[محمد جمال عبد الحميد]

ممكن المعادله فى الجامعه الروسيا فى مصر

[vendetta]

طيب واشمعنى حلوان هل فى بالنسبه للجامعات التانيه ؟

[حسام السعيد هيبه]

كلامك دة أكيد يا أيمن فية ناس بتقول ان المعهد مش موافق يا ريت بعد أذنك تتأكد وتسال ادارة المعهد معلهش انا خارج مصر ومش عارف أوصل لهم يا ريت تقوم بالمهمة دى وتطمنا بتفاصيل أكتر وأكيدة

[حسام السعيد هيبه]

هو المعهد بيوافق على خريجى جامعة حلوان بس واشمعنى يار يت توضيح يا أيمن

[محمود الفرنساوي]

وعلى فكرةاعرف واحد كان خريج معهد ولما خلص خد السيليبص (محتوى ماتم دراستة بالمعهد) مختوم ومعتمد
وذهب بة الى ادارة المعهد وتم عمل معادلة لة ودرس بالمعهد ثلاث تيرمات يعنى سنة لان الدراسة فى هذا المعهد فى السنة الواحدة مقسمة الى ثلاث ترمات وهو الحمد لله مسجل نقابيا وسمعة شهادة المعهد قوية جدا وفى المصانع يفضلونها عن كليات الهندسة الحكومية
الله الموفق واسألكم الدعاء لان الدال على الخير كفاعلة

جهزو محتوى ما تم دراستة واذهبو الى المعهد وان شاء الله سوف يكون خيرا



الكــــلام ده كـــذب

اولا الكلام ده غيرصحيح لسببين
الاول ما ينفعش اي معهد يعادل لك درجه بكالوريوسك من غير ما ياخد قرار من الوزاره والا ممكن يتلغي ترخيصه لان استغله في غير ما رخص له
ثانيا النقابه ما بتوافقش الا لما يكون عندها نشره من المجلس الاعلي للجامعات
وطبعا الكلام ده ما حصلش
لان القرار بتاع المجلس الاعلي للجامعات لسه ما اتطبقش في مصر
راح يتطبق مع السنه اللي جايه
ولو الكلام ده حقيقي كانت اكاديميه وادي العلوم بدات تعادل لنا
ياريت بلاش اشاعات
وبلاش كلام فاضي مالوش اي لازمه
اللي عايز يعمل دعايه لمعهد ما يالفش كلام كدب
ياريت الكلام يكون موثوق فيه

قال شهاده المعهد مطلوبه اكتر من شهاده كليات الهندسه

الفيل مش مركون علي باب المنتدي

[محمدحمزة قابيل]

الفيل مش مركون علي باب المنتدي







ههههههههههههههههههههههه

والله انت عسل يامحمود

فعلا الناس مش شرط تقول كلام مش حقيقى علشان تطمن الناس

عاوزين نمشى خطوة خطوة بس على يقين

كملنا يافرنساوى بس بدون متزعل نفسك بجد احنا محتاجينك وربنا يوفقك

أخوك /

محمد حمزة

[حسام السعيد هيبه]

منتظرينك يا محمود ترد علينا عملت اية مع الدكتور أسامه وربنا ييسر لك كل عسير

[محمود الفرنساوي]

يارب يا حسام
ربنا ييسر الحال

[محمد حسنى مبارك]

اللهم لا سهل الا ما جعلته سهلا وانت تجعل الحزن ان شئت سهلا

[vendetta]

طيب يامحمود لو حوار ان المعهد مايقدرش طب ازاى الراجل اللى اسمه اسامه هايقدر يخلينا نعادل ؟

طب وهل هو هايقدر اصلا ؟

وانا عارف وانت عارف ان فى اللى واقفلنا زى الشوكه بالعرض فى الزور

فهمنى والنبى يامحمود
الله يكرمك

اه بالنسبه للفيل الاولاد بيلعبوا معاه ماتقلقش يعنى لو لقيته موقع مواضيع ولا دايس على مشاركات ولا حاجه

[محمود الفرنساوي]

هههههههههههههههههههه
القرار للجامعات با حماده
اصبر وراح اقابلك الكام يوم اللي جاي

[منى2010]

السلام عليكم
انا ياجامعة خريجة تعليم صناعى القاهرة عام 2004
المهم السنة دى نويت اقدم على الدرسات العليا اتصلت اليوم بالكلية عندكم في السويس وردوا عليا باب التقديم اتقفل من اخر ستة
معقولة؟؟؟؟؟؟؟؟؟؟؟؟؟؟؟؟؟؟؟؟ظ ازاى والكل عارف ان ميعاد الدرسات العليا في اغسطس حاجة زى كدة يعنى السنة دى ضاعت عليا حد يقدر من الى في السويس يفيدنى اعمل اية؟؟؟؟؟؟؟؟؟؟؟؟؟ظظظ
ولكم جزيل الشكر

[leader]

انا شايف لكل طالب من التعليم الصناعى .........بدل ما يتعلم من الاول جديد ..... بيدا يعمل ماجستير فى الكلية وكده هيوصل لدرجة الهندسة بسهولة ويسر وكمان هيثبت نفسه وتفوقه على طلاب الهندسة لو هو عايز كده

[leader]

ممكن تروحى للدكتور رمضان السعودى او الدكتور وليد رئيس الدراسات العليا ... او العيمد محمود سيد احمد وهو ان شاء الله المشكلة هتتحل .... بس يارب ما تكونيش قسم كهرباء اصل قسم كهرباء عندنا فى صعب شوية فى النظام بتاعه ..... واتمنى ليكى التوفيق وانك تدخلى الماجستير ان شاء الله

[محمود الفرنساوي]

انا شايف لكل طالب من التعليم الصناعى .........بدل ما يتعلم من الاول جديد ..... بيدا يعمل ماجستير فى الكلية وكده هيوصل لدرجة الهندسة بسهولة ويسر وكمان هيثبت نفسه وتفوقه على طلاب الهندسة لو هو عايز كده


خدعوك فقالوا
مش معني انك تعمل ماجيستير يبقي تدخل نقابه المهندسين
النقابه بتعترف بالاصل وهو المؤهل والبكالوريوس الجامعي
وطبعا البكالوريوس لا يسر عدو ولا حبيب
حتي لو معاك دكتوراه متقدرش تدخل النقابه
الكلام ده مش للاحباط بس للتوعيه
وربنا يوفق عباده

[leader]

يا بدل الهوسة دى كلها والموضوعات المفرقعة دى ....

تخلى الطلاب يتحدوا على حاجة مفيدة ليهم وللكلية ...... عمر الكلام ده ما هيحصل بالاخص فى مصر المحروسة .... الا كل حاجة فيها بالكوسة .

من الافضل ان الطلاب تتحد وببدا نشر اخبار الكلية فى جيمع المحافظات .... ونحاول نعمل نقابة خاصة بينا............ بدل ما نفقد هويتنا من غير لزمة ..

انا دلوقتى خريج كلية التعليم الصناعى ..... عايز ابقى خريج كلية الهندسة
طب ليه .... علشان المجتمع المصرى والثقافة العامة فى مصر بتقدر خريج الهندسة.

طب انا ليه ما يبقاش ليا نقبتى زى خريج الهندسة .... ولا ابقى مهندس بالعافية وخلاص.

ودلوقتى الفرصة اتحققت بشكل كبير ....... فى دلوقتى ماجستير للكلية التعليم الصناعى ونقدر من خلاله نحقق المستحيل.

ومن فضلك ارتجع لموضوعى الماجستير هو البداية

مع تحباتى

[حسام السعيد هيبه]

طيب لما نحصل على الماجستير هنشتغل .. طبعا صعب جدا لكن احنا عايزين نكمل هندسه لأنها مطلوبه فى مجالات العمل كتير وتفتح لنا أبواب كتير ممكن من خلالها نساير الحياة اللى احنا عيشينها لكن هاخد الماجستر وأقعد فى البيت ....وشكرا

[محمود الفرنساوي]

طيب لما نحصل على الماجستير هنشتغل .. طبعا صعب جدا لكن احنا عايزين نكمل هندسه لأنها مطلوبه فى مجالات العمل كتير وتفتح لنا أبواب كتير ممكن من خلالها نساير الحياة اللى احنا عيشينها لكن هاخد الماجستر وأقعد فى البيت ....وشكرا

ده كلام الناس العاقله واللي بتفكر صح

[منى2010]

ممكن تروحى للدكتور رمضان السعودى او الدكتور وليد رئيس الدراسات العليا ... او العيمد محمود سيد احمد وهو ان شاء الله المشكلة هتتحل .... بس يارب ما تكونيش قسم كهرباء اصل قسم كهرباء عندنا فى صعب شوية فى النظام بتاعه ..... واتمنى ليكى التوفيق وانك تدخلى الماجستير ان شاء الله

تسلم على ردك بس انا صعب انزل السويس لان المسافة بعيدة جدا وكمان مش هايريحونى :crying:

[ENg -khaled]

السلام عليكم يا مهندسين مصر القادمين انا اخوكم خالد عبد العال طالب بكلية التعليم الصناعى جامعة حلوان بعد التحية والشكر للمهندس محمد الفرنساوى كل الى انت ذكرتة حلم لكل طالب فى الكلية انا عاوز اساعد معاكم فى ايجاد حل وتساهيل فى المعادلة ان شاء الله انا عمى عضو مجلس الشعب لاكن كنت عاوز اكلمك علاشان افهم كل حاجة دة رقم الشخصى يارت تكلمى علاشان نساعد بعض على فكرة انا فى الفرقة الرابعة ميكانيكة انتاج ياريت تكلمنى الرقم-*0121356478*

[فري ستايل]

السلام عليكم ورحمة الله وبركاته

يعني بالعقل كده ....في حد هيسافر روسيا انتو بتتكلموا ازاااااااااي؟؟؟؟ اهدوا كده على الارض شويه وبطلوا كلام انتو مش قده .... فكروا ازاي هندخل الجامعات والمعاهد اللي هنا الأول.... أنا مش عارف انتوا بتفكروا ازااااااي ........!!!!!
اصحوا بقى........!!!!!!!

fery style $$$$

[محمود الفرنساوي]

السلام عليكم ورحمة الله وبركاته


يعني بالعقل كده ....في حد هيسافر روسيا انتو بتتكلموا ازاااااااااي؟؟؟؟ اهدوا كده على الارض شويه وبطلوا كلام انتو مش قده .... فكروا ازاي هندخل الجامعات والمعاهد اللي هنا الأول.... أنا مش عارف انتوا بتفكروا ازااااااي ........!!!!!
اصحوا بقى........!!!!!!!




اولا بغض النظر عن مستوي تفكيرك

في ناس قدمت ورقها في المركز الثقافي وسافروا
وفي ناس مسافره العام الدراسي القادم ان شاء الله
انت مش قادر تسافر دي ظروفك ومشكلتك حاول تحلها
لكن ما تعممش المشكله علي الناس كلها
نصيحه مني
حاول تحسن من مستواك

[angel heart]

لو ممكن بس استفسار بسيط يا باشمهندس محمود
هل ممكن لو انا معايا كورس اللغة الروسية من وزارة الخارجية المصرية مثلا
ده ممكن يخليني اختصر السنة التمهيدية دي ؟؟

[محمود الفرنساوي]

اه طبعا ممكن تختصر السنه التمهيدي
وخصوصا انك بتدرس في التمهيدي اللغه الروسيه
والفيزيا والرياضيه والرسم الهندسي و i t
قدم ورقك واسال الله العظيم التوفيق لك ولكل المسلمين

[angel heart]

طب بعد ازنك يا استاذ محمود معلش استحمل اخوك شوية
انا عمري ما سافرت قبل كدة ومعلش كنت عايز اعرف شوية حاجات
الباسبور مثلا عشان يطلع ممكن يتكلف كام
وتذكرة الطيران وانا رايح و وانا جي
والاقامة هناك ايه ظروفها

[vendetta]

الباسبور تقريبا ب110 او حاجه كده بتطلعه من القسم بس مش اى قسم بيطلع اسال عندكم الناس اللى راحت الحج او العمره وهم يقولولك انهى قسم انت تابع له وبتاخده بعد 3 ايام تقريبا وبتوديلهم شوية اوراق كده هاتعرفها هناك بس المشكله انك هايتكتب فى الباسبور اللى مكتوب فى البطاقه بالظبط
وغير كده ربنا هايسهلها والموضع سهل جدا

[angel heart]

طب وبالنسبة لتذاكر الطيران وانا رايح و وانا جي

والاقامة هناك ايه ظروفها

[sokar_1982]

السلام عليكم ورحمة الله وبركاتة
زمن الرحلة لمطار موسكو 4.15 ساعة وده مباشر مش ترانزيت
سعر التذكرة ( 2way ) يعني رايح جاي 1772 جنيه مصري
وده أنا حاطط تواريخ إفتراضية يعني مثلا حاطط تاريخ 1/12/2009 ده ذهاب والعوه 13/7/2010
وده سعر كويس جدا جدا وده على مصر للطيران بس أكيد بتختلف شوية من ميعاد للتاني على حسب موسم السفر
ومن شركة إلى شركة ومباشر أو ترانزيت
أما بالنسبة للإقامة فأنا لا أعلم عنها شيء هناك والمفروض حد من الذين سافروا إلى هناك يكون على تواصل بنا في المنتدى لكي يحثنا عن العيشة هناك
والبنسبة للغربة والكلام ده فأخذنا على وضع الغربة أهم شيء ظروف المعيشة هناك ليس أكثر
والله أعلى وأعلم
والله ولي التوفيق

[vendetta]

والله العظيم والله العظيم والله العظيم انا بفكر فعلا فى السفر ومعايا ناس ومش لوحدى
وفعلا فعلا عاوزين نسافر بجد ونقضى السنتين هناك لاننا عمرنا ماهانقدر نقعد سنه كامله فى مصر متفرغين لدراسة اللغه الروسيه الاحسن اننا نحتك بيها دراسه ومعايشه هناك وبالنسبه لحتة الاقامه دى ممكن الراعى الرسمى (لفرنساوى ) وبدون سخريه يقولنا عنها المتاح عن الموضوع ده

واخيرا وليس اخرا ياريت مانسمعش كلام واحد قاعد فى حضن الـ...... ونربط نفسنا بكلام سخيف يخسر ومايكسبش

[angel heart]

يا عم هو حد طايل ياخد بكالوريوس هندسة من بلد زي روسيا

هو احنا كنا لاقيين

[ahmed man]

على فكرة يامحمود المكان اللى رحته دة اسمه المركز الثقافى الروسى

انا رحت المكان ده ايام ثانوى وعارفة كويس جدا اقولك على حاجة ممكن تعتبرها اماره انى زرت المكان اللوحة اللى فوق السلم اللى فى المركز ده انا متصور تحتها والصور هتلاقيها فى مدرسه السلام الثانويه الصناعيه فى محرم بيه

وعالعموم انت تشكر اوى لانك شايل هم شباب التعليم الصناعى لحد دلوقتى

[sokar_1982]

السلام عليكم ورحمة الله وبركاتة
الناس اللي بتتكلم لسة في الكلية
ولسة قدامكم الحياه وردي يعني جاتلكم عالجاهز زي ما بيقولوا
لا إشتغلتوا فنيين طلع عنيهم زي ناس كتير ولا تعبتم لسة زي ما ناس كتييييييير تعبت
وبعدين الفضل لله ثم محمود الفرنساوي في حكاية التكملة في روسيا أو أي جامعه خاصة تانية
وبعدين أنا قولت وجهت نظري وقولت بردة إني برجح الدراسة في روسيا أكثر من مصر
وقلت كمان إني مش بكسر مقاديف حد
وزي ما نحترم وجهة نظرنا المفروض نحترم وجهة نظر الآخرين
والحياة علمتنا وبالذات الغربة إن يكون فيه شوية صبر مفيش حاجة بتيجي بسرعة
يبقى لازم قبل ما تروح وتتغرب تعرف أنت ماشي إزاي أو مخطط لحياتك في الغربة ديه إزاي
صحيح ناس كتير مجربة الغربة ديه بس أوروبا تفرق عن أي دولة إسلامية عربية
لأن معظم اللي سافروا برة وإشتغلو إشتغلوا في دول إسلامية عربية
وأنا بقول على اللي سافر برة مصر مش غربة الكلية
وآسف للإطالة

[محمود الفرنساوي]

بالنسبه لكل تفاصيل السفر والحياه في روسيا انتظروا مني قريبا تفاصيل كل شيء

[محمود الفرنساوي]

طب بعد ازنك يا استاذ محمود معلش استحمل اخوك شوية
انا عمري ما سافرت قبل كدة ومعلش كنت عايز اعرف شوية حاجات
الباسبور مثلا عشان يطلع ممكن يتكلف كام
وتذكرة الطيران وانا رايح و وانا جي
والاقامة هناك ايه ظروفها


اولا
الباسبور ب 65 جنيه شامل دول العالم
بتقدم ورقك في الجوازات
بيكون صورة البطاقه رقم قومي بشرط ما يكونش انتهي تجديدها
وورق الجيش الختم البيضاوي
وصور شخصيه خلفيه بيضا
وبتسلتم الباسبور بعد يومين بحد اقصي

بالنسبه لتذكره الطيران بتختلف من شركه لاخري
يعني في مصر للطيران حوالي 2000 جنيه
ممكن تتابع الاسعار من الموقع نفسه لمصر للطيران او اقرب شركه سياحه
علي فكره الاسعار بتتغير كل فترة

بالنسبه للاقامه
اولا انت بتدفع مصاريف الاقامه
يعني مصاريف الجامعه شامله الاقامه والتامين الصحي
باقي مصروفات الحياه قريبا جدااا

[محمود الفرنساوي]

والله العظيم والله العظيم والله العظيم انا بفكر فعلا فى السفر ومعايا ناس ومش لوحدى
وفعلا فعلا عاوزين نسافر بجد ونقضى السنتين هناك لاننا عمرنا ماهانقدر نقعد سنه كامله فى مصر متفرغين لدراسة اللغه الروسيه الاحسن اننا نحتك بيها دراسه ومعايشه هناك وبالنسبه لحتة الاقامه دى ممكن الراعى الرسمى (لفرنساوى ) وبدون سخريه يقولنا عنها المتاح عن الموضوع ده

واخيرا وليس اخرا ياريت مانسمعش كلام واحد قاعد فى حضن الـ...... ونربط نفسنا بكلام سخيف يخسر ومايكسبش


معاك حق

[محمود الفرنساوي]

يا عم هو حد طايل ياخد بكالوريوس هندسة من بلد زي روسيا

بكره تطول ان شاء الله

[محمود الفرنساوي]

على فكرة يامحمود المكان اللى رحته دة اسمه المركز الثقافى الروسى

انا رحت المكان ده ايام ثانوى وعارفة كويس جدا اقولك على حاجة ممكن تعتبرها اماره انى زرت المكان اللوحة اللى فوق السلم اللى فى المركز ده انا متصور تحتها والصور هتلاقيها فى مدرسه السلام الثانويه الصناعيه فى محرم بيه

وعالعموم انت تشكر اوى لانك شايل هم شباب التعليم الصناعى لحد دلوقتى

تمام يا احمد
وشكرا لك ربنا يوفقك

[محمود الفرنساوي]

السلام عليكم ورحمة الله وبركاتة
الناس اللي بتتكلم لسة في الكلية
ولسة قدامكم الحياه وردي يعني جاتلكم عالجاهز زي ما بيقولوا
لا إشتغلتوا فنيين طلع عنيهم زي ناس كتير ولا تعبتم لسة زي ما ناس كتييييييير تعبت
وبعدين الفضل لله ثم محمود الفرنساوي في حكاية التكملة في روسيا أو أي جامعه خاصة تانية
وبعدين أنا قولت وجهت نظري وقولت بردة إني برجح الدراسة في روسيا أكثر من مصر
وقلت كمان إني مش بكسر مقاديف حد
وزي ما نحترم وجهة نظرنا المفروض نحترم وجهة نظر الآخرين
والحياة علمتنا وبالذات الغربة إن يكون فيه شوية صبر مفيش حاجة بتيجي بسرعة
يبقى لازم قبل ما تروح وتتغرب تعرف أنت ماشي إزاي أو مخطط لحياتك في الغربة ديه إزاي
صحيح ناس كتير مجربة الغربة ديه بس أوروبا تفرق عن أي دولة إسلامية عربية
لأن معظم اللي سافروا برة وإشتغلو إشتغلوا في دول إسلامية عربية
وأنا بقول على اللي سافر برة مصر مش غربة الكلية
وآسف للإطالة




سكر حبيب قلبي
كل التفاصيل راح اكتبها لك
وانقل تفاصيل ناس عايشه هناك
قريبا جدااا والله
واطمن

[angel heart]

استاذ محمزد الفرنساوي احنا مستنيين حضرتك ومستنيين معلومات عن الحياة في روسيا زي ما وعدتنا
وانا حاولت ادور عالنت عن معلومان عن الحياة في روسيا لكن مالقتش معلومات وافية
احنا عايزين نعرف الحياة في روسيا لما نروح نعمل المعادلة هناك بداية من تجهيز الورق من مصر وايه اللي بدفعه انا وايه اللي بيكون من ضمن المصاريف اللي بدفعها ولما بنرجع مصر هنا هناخد كارنيه نقابة ولا هايطلعولنا بحاجة جديدة

[محمود الفرنساوي]

استاذ محمزد الفرنساوي احنا مستنيين حضرتك ومستنيين معلومات عن الحياة في روسيا زي ما وعدتنا

وانا زي ما وعدت وفيت

وانا حاولت ادور عالنت عن معلومان عن الحياة في روسيا لكن مالقتش معلومات وافية
مدورتش كويس هههههههههههه
احنا عايزين نعرف الحياة في روسيا لما نروح نعمل المعادلة هناك بداية من تجهيز الورق من مصر وايه اللي بدفعه انا وايه اللي بيكون من ضمن المصاريف اللي بدفعها ولما بنرجع مصر هنا هناخد كارنيه نقابة ولا هايطلعولنا بحاجة جديدة

كل التفاصيل واكتر اضغط هنا (http://www.scusuez.org/vb/showthread.php?t=21327)

[angel heart]

معلش يا استاذ محمود الموقع ده مليان توهان
والكلام اللي فيه عن اللي هايسافر ويدرس دراسة عادي مش المعادلة بتاعتنا
ياريت تفيدنا بحاجات عن معادلتنا احنا
حضرتك قولت انك هتروح المركز الثقافي الروسي وهتقولنا عملت ايه و عرفت ايه

[vendetta]

انا مش عارف لو كنت مكانك كنت ممكن اعمل ايه او اتصرف ازاى

بس بصراحه انت كده بقيت حاجه مهمه جدا لاى حد عاوز يحسن مستواه او بمعنى اصح يسافر روسيا

معلهش يامحمود كلنا متعشمين فى ربنا عزوجل ثم فيك فان شا الله ربنا يقدرك وتساعدنا ومستنين التفاصيل اللى وعدتنا بيها بما فيها مصاريف ومواعيد تقديم والمصاريف الاجباريه والاختياريه وكل حاجه الله يخليك

ومنتظرين الافاده يامحمووووووووووووووود

[محمود الفرنساوي]

قريب ان شاء الله احدد الميعاد
لسه ماقابلتهاش والله

[I.Am.Legend]

ده مجهو كبير جدا و رائع بس
انت خلاص مفيش امل في مصر
ولا الجامعات اللي هنا . . . . . . .

[محمود الفرنساوي]

ده مجهو كبير جدا و رائع بس
انت خلاص مفيش امل في مصر
ولا الجامعات اللي هنا . . . . . . .

والله اللي راح تدفعه هنا
ممكن دفع اقل منه وفي شهاده احسن ويكفي انها معتمده دولي
ده بالاضافه انك راح تتعلم صح

[حسام السعيد هيبه]

ازيك يامحمود يارب تكون بخير والله يامحمود انت عندك حق بش المشكلة ان فية ناس كتير خايفة من ان الدراسة بالروسى وانك لازم تاخد سنة تتعلم فيها اللغة ولو مانجحتش فيها هتعيدها تانى وكدة وفية ناس تانية بتخاف من الغربة وفى النهاية كل واحد بيختار طريقة عموما انت كتر خيرك انك بتفتح طريق للى عاوز يمشى فية وربنا يوفقنا جميعا ....

[محمد احمد عبد الفتاح]

اذا كان بلدنا مش عايزه تقف معانا يبقى الغرب ها يسعدونا
واذا كان احنا خريجى كليه حكوميه مصريه ومش معترف بينا
امال لما نسافر ونرجع بالسلامه ومعانا الشهاده
هل تدرى ما الرد
احنا لازم ندور على السنه التكمليه داخل مصر
وجحا اولا بلحم طوره

[محمودعصام]

:smile (429):اخوانى الكرام مالكمش دعوة باى كلام وخد على لسانى واقسم بالله العظيم هذا حصل ولا جامعه روسيه ولا اى شئ الموضوع ينقسم لثلاث مراحل المرحله الاولى تتعلق بهندسه حلوان واتشكلت لجنه والحمد لله وافقت المرحله الثانيه ادارة الجامعه بحلوان وهى لجنه على راسها رئيس الجامعه الموضوع ماشى انشاء الله وزى الفل وهما هيجتمعوا ويبتوا فى الموضوع يوم اخر يوم ثلاثاء من الشهر الجارى وفيه امل كبير انهم يوافقوا المرحله الثالثه وهى الوزارة يعنى خلصنا مرحله وديه الاهم وبعد كدة مرحلتين وهما ابسط مرحلتين وربنا يكرمنا 0110823079 وده تليفونى وانا متابع واللى يقولك كلام غير كلامى يبقى كداب اللهم قد بلغت اللهم فاشهد بس انا سالت احد المسئولين وهم اعضاء اللجنه الثانيه وبشرنى بان الموضوع خير وخير كبير جدا

[محمودعصام]

اخر كلام جديد وحياه ربنا الكريم 11/5/2010



http://www.scusuez.org/vb/images/smilestotta/smile%20(429).gifاخوانى الكرام مالكمش دعوة باى كلام وخد على لسانى واقسم بالله العظيم هذا حصل ولا جامعه روسيه ولا اى شئ الموضوع ينقسم لثلاث مراحل المرحله الاولى تتعلق بهندسه حلوان واتشكلت لجنه والحمد لله وافقت المرحله الثانيه ادارة الجامعه بحلوان وهى لجنه على راسها رئيس الجامعه الموضوع ماشى انشاء الله وزى الفل وهما هيجتمعوا ويبتوا فى الموضوع يوم اخر يوم ثلاثاء من الشهر الجارى وفيه امل كبير انهم يوافقوا المرحله الثالثه وهى الوزارة يعنى خلصنا مرحله وديه الاهم وبعد كدة مرحلتين وهما ابسط مرحلتين وربنا يكرمنا 0110823079 وده تليفونى وانا متابع واللى يقولك كلام غير كلامى يبقى كداب اللهم قد بلغت اللهم فاشهد بس انا سالت احد المسئولين وهم اعضاء اللجنه الثانيه وبشرنى بان الموضوع خير وخير كبير جدا

[محمودعصام]

اخر كلام جديد وحياه ربناالكريم 11/5/2010



http://www.scusuez.org/vb/images/smilestotta/smile%20(429).gifاخوانى الكرام مالكمش دعوة باى كلام وخد على لسانى واقسم بالله العظيم هذا حصل ولا جامعه روسيه ولا اى شئ الموضوع ينقسم لثلاث مراحل المرحله الاولى تتعلق بهندسه حلوان واتشكلت لجنه والحمد لله وافقت المرحله الثانيه ادارة الجامعه بحلوان وهى لجنه على راسها رئيس الجامعه الموضوع ماشى انشاء الله وزى الفل وهما هيجتمعوا ويبتوا فى الموضوع يوم اخر يوم ثلاثاء من الشهر الجارى وفيه امل كبير انهم يوافقوا المرحله الثالثه وهى الوزارة يعنى خلصنا مرحله وديه الاهم وبعد كدة مرحلتين وهما ابسط مرحلتين وربنا يكرمنا................وده تليفونى وانا متابع اللهم قد بلغت اللهم فاشهد بس انا سالت احد المسئولين وهم اعضاء اللجنه الثانيه وبشرنى بان الموضوع خير وخير كبير جدا

[مهندس مدنى بجد]

كارنيه النقابة ده مش لمن هب ودب واخد عربى وحساب ودين وطالع يقول انا مهندس اركنوا على جنب وسيبوا الهندسة لناسها

[مهندس مدنى بجد]

عشمان حنا يخش الجنة

[aliwahpa]

وإن شاء الله هنكمل زى ماتعبنا في حل مشكاتنا وهنحصل على مرادنا وده مش بعيد عن ربنا وده هدف جميل إحنا عايشين عليه وده اللي المفروض الإنسان الناضج والعاقل واللي بيضور على مصلحة نفسه وعلى ترقية نفسه إنه يسعى لهدفه مش يكون هدفه الحد من طموحات وسعى الآخرين.

[مهندس مدنى بجد]

بضور بالضاد هههههههههههههههههههه بيدور وعايزين تبقوا مهندسين هههههههههههههههههههههههههههههههه

[angel heart]

عرفت انك هايف وكلامك مش موضوعي
بجد والله اللي قال عليك زي الجزائريين ماظلمكش

[مهندس مدنى بجد]

I'm soo sorry for all and please i were hurry up in my speech

[مهندس مدنى بجد]

سلاااااااااااااااااااااااااااااااااااااااام

[eng_els3idy]

مهندس مدنى بجد ...

تحياتى ليك من خريج كلية التعليم الصناعى جامعة قناة السويس .. مش هدخل نفسى معاك فى مهاترات ليس لها حول ولا قوة لأن انا متأكد انك حد من اتنين يا اما عاطل وده مسببلك عقدة نفسية .. يا اما مريض نفسى وده برده السبب فى نفس العقدة النفسية على العموم ربنا يهديك ويصلحلك حالك ..

الرسول عليه الصلاة والسلام ( تبسمك فى وجهك اخيك صدقة ) اى ان تشع الأمل فى وجهة اخوك تكتب لك عند الله صدقة
ةيا عم بلاش تبتسم بس سيبنا فى حالنا وروح دورلك على شغلانه ترضى طموحك احسن من اللعب اللى انت بتلعبه ده .. ولينا رب اسمه الكريم

[aliwahpa]

I'm soo sorry for all and please i were hurry up in my speech

أسف غير مقبول

[ahmed6477]

I'm soo sorry for all and please i were hurry up in my speech

ملحوظة.....

were مابتجيش مع I بتيجى مع we انما بتيجى was مع I

[bakry]

محدش عارف حاجه عن اخبار المعادله انا شايف محدش بيتكلم عنها هيه ماتت ولا ايه

[bakry]

يا رجاله هوه مفيش حد بيروح يسال ولا ايه عوزين اى اخبار ولا الموضوع مات على كده

[خريج دفعة 2000]

إخواني الأعزاء
السلام عليكم ورحمة الله وبركاته
أخوكم / خريج دفعة 2000 من تعليم صناعي القاهرة وتخصصي تكنولوجيا سيارات , وتقديري جيد جدا مع مرتبة الشرف و الثالث على القسم و الثالث عشر على الكلية .
سعدت أيما سعادة بحوار شباب طامح لمستقبل أفضل , ويعاني مثل ما عانينا ولم يستسلم كما إستسلمنا .
والشكر موصول للأخ محمود الفرنساوي على جهده و نسأل الله ان يجعله في ميزان حسناته .

أحببت ان أشارككم الحوار موضحا لبعض الأمور من أخ لكم أكبر سنا ً و اكثر خبرة , و لف الدنيا أكثر منكم وتعرض للكثير .

1- بخصوص الدراسة في روسيا , للأسف روسيا أصبحت سمعتها سيئة جدا في مجال الدراسة الجامعية و الدراسات العليا , وذلك بسبب ظاهرة بيع الشهادات المنتشرة هناك , خاصة للأخوة العرب الخليجين , و للعلم في كثير من وزارة التعليم العالي بالعالم العربي أصبحت لا تعترف بشهادات خريجي الجامعات الروسية , للسبب المذكور أعلاه كما أخبرتكم .
2- لو أي حد عاو ز يتأكد من كلامي يتفضل يروح نقابة المهندسين او الأفضل ليس نقابة المهندسي فليست ذات صلة بالموضوع , إذهب لوزارة التعليم العالي و أسألهم عن أسم الجامعات الروسية المعترف بشهادتها بمصر , عشان تكون مسافر وانت مطمئن .
3- لمن لديه مقدرة مالية ليدفع في سنتين مثلا لكل سنة 5 ألآف يورو , أنا بفضل له أن يدرس في بلد أرقى من روسيا وتكون الدراسة بالإنجليزية عشان يستفيد من كل الجوانب , و انا الحقيقة كنت هاخوض غمار تكملة الدراسة بالخارج و بحثت كثيرا بهذا الموضوع و لقيت ماليزيا هي افضل دولة تدرس فيها للأسباب الآتية :
أ - ماليزيا دولة إسلامية (يعني مش هتخاف على دينك ومش هتحس بالغربة فيها)
ب - ماليزيا دولة متقدمة صناعيا ً و ده نتيجة للتقدم في التعليم جدا .
ج - بها تخصصات كثيرة حلوة وبها جامعات واخدة ترتيب على مستوى أرقى الجامعات العالمية
د- مصاريف الدراسة السنوية في بعض الجامعات للتخصصات الهندسية في حدود 8 ألآف جنيه يعني 1000 يورو يا جماعة ودي نقطة مهمة جدا , صحيح فيه جامعات اخرى الدراسة فيها بتصل السنة إلى 25 ألف جنيه , لكن مش كل الجامعات كدة .

وفي النهاية هتتعلم كويس و ترجع وتضع شهادتك في عين اي حد , ونقطة مهمة يا شباب الفرصة ال بتوفرها الجامعات الروسية , بتوفرها كل جامعات الدنيا , بمعنى ان برة ناس متفتحة جدا في الحكاية دي , انت انسان درست تخصص معين بيقيموا ما درسته ويخبروك انك لازم تاخد مجموعة كورسات تكميلية عشان تكون مساوي لشهادتنا وبالتالي تحصل عليها , ودي مشكلة الجامعات المصرية و ال أعتقد ان لو الجامعات الخاصة محترمة و كمان المعاهد الخاصة العليا محترمة , يبقى لازم تعمل ده كمان .
لكن للأسف انا ما عنديش خلفية عن الوضع بمصر في الفترة دي لأني بشتغل برة , و الحمد لله ليا تقديري على مستوى المهندسين زملائي خريجي هندسة , لكن الشهادة لله أنا بحس ان الكلية كان بها قصور شديد اوي وكان نفسي اتعلم احسن من كدة , وهو ده ال بحاول اعمله لنفسي وبنفسي .
هذه نصيحة لجيمع الأخوة الأعزاء وأي إستفسار بخصوص أي نقطة بكلامي انا حاضر ويا ريت يكون عبر الإيميل , لأني مش دائما هستطيع التواجد هنا بالمنتدى .