بالنسبة للتكملة بمعهد العاشر

[aliwahpa]

السلام عليكم ورحمة الله وبركاته

زملائي الأعزاء

سألت عن طريق صديق وأخ لي بالتكملة في معهد العاشر من رمضان وأرسلت معه كلا من الخطة الدراسية والمحتوى للمواد الدراسية والخاص بقسم الألكترونيات ولكن لم تكن هناك فرصة للتكملة بهذا المعهد ونصحني بالتقديم لأحدى الجامعات الخاصة
وهذا لإفادتكم
وشكرا
:shocked:

[محمود الفرنساوي]

انا قلت كده برضه
نشوف دكتور اسامه وربنا يسهل

ثانيا القرار بيسمح لاي معهد او جامعه خاصه
يعني مش لازم نتقيد بمكان واحد بس
في امل

[mazen 22]

باذن الله تعالى يا محمود هروح جامعه 6 اكتوبر وكذا جامعه كدا فى اكتوبر واخد نص قرار المجلس الاعلى للجامعات وهسالهم كدا بس الى خايف منه هوا الفلوس اصلهم غلين اوووووووووووووووووى:crying:

[حسام السعيد هيبه]

ربنا معاكم يا جماعة ويوفقكم للخير ويا ريت نجيب نشوف أكتر من جامعة عشان نشوف المميزات الخاصة لكل جامعة ونختار الأفضل طبعا وربنا معانا

[حسام السعيد هيبه]

خلو بالكو يا جماعة ان أهم شىء طبعا تكون الجامعة أو الكلية اللى هاننضم ليها معترف بيها من المجلس الاعلى للجامعات لأنى سمعت فى الفترة الاخيرة ان المجلس سحب الثقة من جامعة اكتوبر وذلك للاقبال الشديد عليها من الطلبة السعوديين والله أعلم /وربنا معاكم

[حسام السعيد هيبه]

ياريت يا جماعة تو ضيح لية ما فيش فرصة فى معهد العاشر

[aliwahpa]

ياريت يا جماعة تو ضيح لية ما فيش فرصة فى معهد العاشر

لما سأل شئون الطلبة كان الرد إن ده معهد مش جامعة ممكن التكملة تكون في الجامعة لكن مش عندنا

[aliwahpa]

باذن الله تعالى يا محمود هروح جامعه 6 اكتوبر وكذا جامعه كدا فى اكتوبر واخد نص قرار المجلس الاعلى للجامعات وهسالهم كدا بس الى خايف منه هوا الفلوس اصلهم غلين اوووووووووووووووووى:crying:

مهما كانت الفلوس هتكون أهون من السفر خارج البلاد بس هل أنت معاك نص القرار رسمي ولا من جريدة المصري اليوم

[محمد جمال عبد الحميد]

بسم الله الرحمن الرحيم
انا اتصلت بى المعهد وقلى انالدكتره هى هدحدد المعادله وانى لذم المتقدم يكون مافتش عامين على التخرج والله المستعان انا خريج 2005:crying:

[حسام السعيد هيبه]

يا جماعة يعنى المعهد موافق ولا مش موافق ياريت الكلام اللى بيتكتب يكون أكيد وفعلا لازم يكون مافتش على التخرج أكتر من سنتين دى تبقى مصيبة دى أنا يجينى جلطة ياريت التاكد من كدة دى تبقى مصيبة أنا خريج 2006 رجاء الا جابة الصحيحة وربنا يستر

[حسام السعيد هيبه]

يامحمد أنا اتصلت حالا بالمهندس محمود الفرنساوى وقالى ان ما فيش شرط التقيد بسنة التخرج وان الكلام دة مش صحيح وانتظرو يا جماعة رد محمود هو دلوقتى بيرتب الموضوع مع دكتور أسامة وهيرد علينا خلال أيام ان شاء اللة واللة المستعان وبلاش نستعجل فى الرد ياجماعة قبل مانتأكد من المعلومة

[حسام السعيد هيبه]

مافيش شرط التقيد بسنة التخرج الكلام دة مش صحيح

[محمود الفرنساوي]

يا جماعه اصلا مفيش حد فينا معاه نص القرار
لان لسه ما اعتمدش من رئاسه الوزراء
لسه
وبعدين القبول بالجامعات الخاصه
والمقصود بالجامعه الخاصه انها تحتوي علي اكتر من كليه
فالاكاديميه فيها تجاره وفيها هندسه
ممكن نشوف وربنا يسهل الحال
وبعدين بلاش فتاوي يا جماعه
القرار ما اشترطش الدفعه او التقدير

[vendetta]

يامسهل يارب
هانت اهى

[mazen 22]

ذى ما محمود الفرنساوى قال نصى القرار فعلا لسه لم يعتمد بعد وانا جبته من الجريده

[mazen 22]

مهما كانت الفلوس هتكون أهون من السفر خارج البلاد بس هل أنت معاك نص القرار رسمي ولا من جريدة المصري اليوم

يهياء ليا ان الدراسه بالخارج هتكون اهون من الدراسه فى جامعه خاصه فى مصر لان ليا واحد صحبى بيدرس هناك وبيقول ارقام خياااااااااااااليه بس نخليها لوقتها باذن الله بس المهم نعادل

[محمود الفرنساوي]

فعلا الدراسه في الخارج ممكن تكون ارخص
وافضل من ناحيه انها معتمده دوليا

[mazen 22]

فعلا الدراسه في الخارج ممكن تكون ارخص
وافضل من ناحيه انها معتمده دوليا
الفكره يا محمود اننا نفتح اكتر من باااااااااااب والله الموفق باذن الله

[khalio]

اخوكم الجديد khalio ممكن اعرف اية اخر الاخبار بالنسبة لموضوع المعادلة انا من خريجى كلية التربية قسم العمارة موفق بإذن الله ... لك مني أجمل تحية .

[sayed1]

الرجاء الافادة عن كل جديد فى هذا الموضع اول بأول يا محمود (الله المستعان)

[vendetta]

مش عارف اخرج بجمله مفيده او خبر اكيد

فيه ولا مافيش ؟؟
ينفع ولاماينفعش؟؟
هنلاقى مكان ولا مش هانلاقى ؟؟

[محمود الفرنساوي]

اصبروا شويه يا جماعه
ربنا ييسر الحال

[ayman_mero]

يا مسهل
:medicine:
انا لسه فى سنتين دراسه
ان شاء الله يكون فى حاجات كتير اتغيرت