معادلة بكالوريوس التعليم الصناعي بكلية الهندسة من امريكا "ارجو التثبيت"

[*specialist*]

السلام عليكم ورحمة الله وبركاته
انا خريج كلية التعليم الصناعي قسم التبريد والتكييف وسافرت منذ عام الى الولايات المتجدة الامريكية واكتشفت هناك انى ممكت اقدم شهادتى لجهة هناك اسمها
Internatonal Academic Credential Evaluation
وهما يعملوا معادلة لشهادتى بالشهادات الامريكية وبالفعل قدمت لهم الاوراق المطلوبة وكانت نتيجة المعادلة كالتالي
U.S Equivalency summary:
Bachelor's degree in industrial engineering technology from an accredited institution
اى بكالوريوس تكنولوجيا هندسة صاعية من مؤسسة معتمدة

الاوراق المطلوبة هي:
شهادات ما بعد الثانوية مترجمة للغة الانجليزية ومعتمدة يعنى لو حصلت على معهد قبل الكلية ارفق شهادته.
بيان مواد مترجم ومعتمد.
رسوم المعادلة تقريبا 200 دولار

يستغرق استصدار الشهادة قرابة الشهرين "لو مستعجل المصاريف بتزيد"

ملاحظات:
1-يتم معادلة درجاتك بالمعيار الامريكي GPA "Grade Point Average " وبالتالي يحق لك التقدم لاستكمال دراستك بالولايات المتحدة الامريكية فى حالة حصولك على منحة مناسبة واستوفائك لباقى الشروط والحمد لله كان متوسط درجاتي 3.7 من 4.

اي استفسار انا فى الخدمة

[محمود الفرنساوي]

تم التثبيت
وجاري التاكد من التفاصيل

[sokar_1982]

السلام عليكم ورحمة الله وبركاتة
بس إزاي نراسلهم علشان نعادل الشهاده
في السفارات الأمريكية يعني ولا إيه
ولا لازم نروح أمريكا
يا ريت تفاصيل أكثر وجزاكم الله كل خير

[elamir.net]

تليفونك مغلق يا ريت تفتحه علشان نقدر نستعلم منك افضل

[aliwahpa]

السلام عليكم ورحمة الله
هل المعادلة دي بها لينا الحق في الحصول على كارنية النقابة
وفعلا إحنا عايزين تفاصيل عن المعادلة دي وكيفية التقدم لها
وجزاك الله كل الخير.

[*specialist*]

السلام عليكم ورحمة الله وبركاتة
بس إزاي نراسلهم علشان نعادل الشهاده
في السفارات الأمريكية يعني ولا إيه
ولا لازم نروح أمريكا
يا ريت تفاصيل أكثر وجزاكم الله كل خير
ممكن تراسلهم عن طريق الموقع التالي:
www.wes.org (http://www.wes.org)

[*specialist*]

تليفونك مغلق يا ريت تفتحه علشان نقدر نستعلم منك افضل
انا اسف تليفونى كان خلص شحن بالامس :crying:

اليوم تليفونى متاح ان شاء الله

[*specialist*]

السلام عليكم ورحمة الله
هل المعادلة دي بها لينا الحق في الحصول على كارنية النقابة
وفعلا إحنا عايزين تفاصيل عن المعادلة دي وكيفية التقدم لها
وجزاك الله كل الخير.


اولا انا مش معايا كانيه نقابة لانى عارف ان فى مصر الامور معقدة مش هيوافقوا يطلعوا لى الكارنيه بعكس الولايات المتحدة اللى الامور بتم فيها بمنتهى السهوله. خاصة ان ورق المعادلة مش بيكون مختوم وفى مصر بيقدسوا الختم , لكن هناك كان فيه ناس بتمضي لى اوراق بالقلم الرصاص والورق بيمر عادى !!!!{}{}{}

ثانيا انا حصلت على المعادلة بغرض عند عودتى للولايات المتحدة ان شاء الله اقدر اشتغل بمؤهلى بدل ما اشتغل اي حاجة او اضطر ادرس من جديد. كمان ممكن اعمل ماجستير هناك بعد اجتيازي لبعض المتطلبات الاضافية.


ثالثا انا شهادتى اتعادلت ببكالوريوس تكنولوجيا الهندسة الصناعية لكن انا مضمنش ان كل اللى هيقدم هيعادل بنفس الكلية لان لى زميلين اخرين خريجي تعليم صناعي قسم كهرياء وقسم تبريد عملوا نفس الموضوع وشهادتهم اتعادلت بكليات اخرى.على ما اتذكر Bachelor of science

رابعا يفضل ترجمة وارفاق جميع شهاداتك الى حصلت عليها بعد الثانوية يعني لو اخدت معهد قبل الكلية ارفق شهادته.

خامسا مش لازم تسافر علشان تعمل المعادلة ولكن ممكن تستخدم موقعهم وانا بصدد عمل معادلة لصديق فى الايام القادمة بعد ما يترجم شهاداته.

سادسا الدفع بيكون عن طريق الفيزا كارد التكاليف 160$ للمعادلة + 60 $ للشحن لعنوانك.

سابعا ليس هناك اى علاقة للسفارة بالموضوع ولكن يمكنك مراسلة الموقع مباشرة

www.wes.org (http://www.wes.org)

wes اختصار لـ world education services

[sokar_1982]

السلام عليكم ورحمة الله وبركاتة
أولا أنا بشكرك جدا على التفاصيل ديه
ثانيا أنا معايا الشهادات مترجمة ومختومة من وزارة التعليم العالي والخارجية كمان
بس أنا طالب منك طلب إني هنزل الشهادات وأنت تشوف الترجمة نفس اللي عندك ولا لأ
ويبقى جزاك الله كل خير

[*specialist*]

السلام عليكم ورحمة الله وبركاتة
أولا أنا بشكرك جدا على التفاصيل ديه
ثانيا أنا معايا الشهادات مترجمة ومختومة من وزارة التعليم العالي والخارجية كمان
بس أنا طالب منك طلب إني هنزل الشهادات وأنت تشوف الترجمة نفس اللي عندك ولا لأ
ويبقى جزاك الله كل خير
بكل سرور

[engluxor]

انا عند حل عاوز حد ينقشنى مشكلة التعليم الصناعى انا محمود من الاقصر

[vendetta]

بالنسبه للاخ المتخصص اللى راح امريكا ربنا يوسع عليك

انما محتاجين شوية تفاصيل عن الموضوع ومراحله ونتائجه معاك وايه مردود النتائج دى فى مصر وإن شاء االله ربنا يسهل لينا جميعا

[sokar_1982]

السلام عليكم ورحمة الله وبركاتة
ديه صور الشهادات المترجمة اللي معايا أرجو من الأخ الكريم مراجعة هذه الترجمة
وهي موثقة من الخارجية أنا كنت تبريد وتكييف برده




وديه الشهادة نفسها


http://img339.imageshack.us/img339/161/scan0033.jpg



وديه صورة بيان التقديرات





http://img29.imageshack.us/img29/4995/scan0034.jpg

[salmaelmasrey]

ربنا يوفقكم بجد

[حسام السعيد هيبه]

ياجماعة الخير 1_ هل الكليه بتترجم الاوراق المطلوبه كلها انجليزى وبالتالى تصدق عليها وتختمها ثانيا_ان لم يعترف بالكلام دة فى مصر هل ممكن حتى يعترف بيه فى دول الخليج وازاى الاخ اللى عمل الحكايه دى بيقول انه قدر يعادل طب ازاى زميلة لم يعادل شهادتة ايضا وخصوصا انه نفس القسم تبريد وتكييف ارجو الرد لانى خارج مصر ولا استطيع الاتصال بالكليه للاستفسارعن ترجمة الشهادات

[sokar_1982]

السلام عليكم ورحمة الله وبركاتة






أولا الخطوات مش أنا اللي قمت بيها لأني أنا مقيم بالخارج
بس هي إنك بتروح مكتب كلية الآداب جامعة حلوان أو الجامعة اللي أنت متخرج منها
أو أي مكتب ترجمة معتمد بس يفضل لو أنت متخرج والكلية تبع الجامعة تروح كلية الآداب قسم الترجمة
وأطبع نسخمة من الشهادة نفسها اللي أنا حاطتها علشان تسهل عليك بالنسبة لبيان التقديرات هتختلف المواد شوية حسب التخصص
المهم بعد ما بتخلص الترجمة ديه لازم مراجعة هندسية للمواد يعني دكتور أو مهندس معتمدد هو اللي يراجعها
وبعد كده توثقها من الجامعة بعد المراجة أو من وزارة التعليم العالي حسب ما أنت متخرج





ولا تنسونا من دعائكم

[MEDO22]

لو سمحت ممكن تكتب رقم تليفونك .......او اى حد ممكن يكون عرفة ياريت يكتبة

[powereg2000]

[ياريت لو سمحت حضرتك ممكن ترفع نسخة من الشهادة بتاعتك اللى وثقتها فى امريكا عشان نقدر نشوفها ونعرف مضمونها وهل فعلا نقدر ندافع بيها عن نفسنا فى سوق العمل جزاك الله كل خير

[محمود الفرنساوي]

ايه الفايده انك يبقي معاك شهادات كتيير وغير معترف بيك من النقابه

طبعا لا السفاره ولا المركز الثقافي الامريكي بيعترف بالكلام ده

ولا تقدر تسجل في النقابه ولا حتي تعتمد الشهادات من المجلش الاعلي للجامعات المصريه

[م/اجمد عادل]

ياريت تحديد موعد للتجمع والتوجه إلى المجلس الأعلى للجامعات لطلبة وخريجوا التعليم الصناعى والله العظيم البلد ما ينفعيشه فيه اللى كده ونعمل مظاهرة وتجمهر أمام المجلس الأعلى للجامعات ومطالبنا بدارسة السنة التكاميلية فى كلية الهندسة بإذن الله هتتحقق وشكرا