جامعه فاروس فتحت باب التقديم والتسجيل

[محمود الفرنساوي]

بسم الله الرحمن الرحيم

السلام عليكم

جامعه فاروس فتحت باب التقديم لمعادله درجه البكالوريوس
بتدفع مبلغ 5100 جنيه وتسلم محتوي علمي
المبلغ 5000 ده لضمان جديه الدراسه منك
يعني ممكن يرجعوا لك لو مش راح تدرس
وال 100 جنيه رسوم اللجنه اللي راح تدرس المحتوي بتاعك
بعد 3 اسابيع بيردوا عليك ويقول لك باقي لك
دراسة اد ايه
التفاصيل كلها في الجامعه
الاسكندريه
سموحه - قنال المحموديه

[م/اجمد عادل]

لو الكلام ده بجد أنا أول واحد معك شكرا ليك يامحمود على الأداء الأكثر من رائع السلام عليكم ورحمة الله وبركاته :laughing at: :laughing at: :laughing at:

[محمود الفرنساوي]

الكلام حقيقي وتقدر تقدم ورقك من يوم السبت اللي جاي ان شاء الله

[tepha]

السلام عليكم ورحمة الله وبركاته
1000 مبروك يا محمود وجزاك الله كل خير عنا لكن هو مش يكفى محتوى علمى واحد عن كل خريجيين التعليم الصناعى

[محمود الفرنساوي]

كل قسم في كل كلية يكفي عنه محتوي واحد
لكن السويس مش زى القاهره والعكس

[powereg2000]

واللهى انا مش عارف اقوك ايه يامحمود ماشاء الله عندك طول بال فى مشكلتنا ومبتفقدش الامل وربنا يوفقك فعلا انت انسان محترم ويشرف التعليم الصناعى ان يكون فيها ناس عندها طموح زيك وربنا يوفقك ويوفقنا جميعا وتكون انت سبب بعد ربنا لحل المشكلة دى انشاء الله.

[elmohnds]

الاول انا احب اهنيك يا بشمهندس محمود علي مجهودك الجبار ده والله في حل اكبر مشكله وجهتنا في التعليم كله والله ولو حتى لاقدر الله الموضوع ده متمش انته بجد عملت احسن شيء ممكن نتوقعه من واحد محترم زيك علي فكره احنا هنا طلبة تعليم صناعي حلوان عرفينك كويس وليك سيط وسمعه كويسه عندنا في الكليه انا لسه في 3((اهه نصيبي بقه)) بس اوعى تفتكر انك ماشي في الموضوع لوحدك او كده لالالا احنا هنا مش سكتين في الكليه خربين الدنيا السنه الي فاتت واصحبانا في جماعة الاخوان المسلمين برده معانا مش سكتين عندنا في الكليه شغلين تجديد في الكليه كلها وبيعملوا مجمع تكنولوجي جامد اوي واسم الكليه هيتغير ويبق تابع للمجمع ده يعني بدأت الدنيا اهه تضحك وخبرك ده اجمل واجمل وان شاء الله صح بأزن الرحمن المهم انته كمل واحنا برده من نحيتنا شغلين ب مش لازم نظهر علي شان انته فاهم واخر الاخبار ان شاء الله من جوه الكليه هبقه اوصلهالك وبنا يوفقنا ويوفقق

اخوك محمود المهندس

[م/اجمد عادل]

فى البداية شكرا لمحمود لو حد جاب المحتوى الدارسى تعليم صناعى جامعة حلوان يارت يقول لينا علشان مش عارف أجيبه من الكلية شكرا جدا

[محمود الفرنساوي]

العفو يا جماعه
ممكن لو في محتوي واحد تصوره وتسلمه مع ورقك
ربنا يسهل
ولسه بتابع مع دكتور اسامه
علشان يكون في اكتر من جهة
والله الموفق

[حسام السعيد هيبه]

أولا الحمد والشكر لله ثم لك الف شكر يامحمود وربنا يبارك فيك والله الناس كانت فقدت الامل لكنى رديت عليهم وقلت ان شاء الله ياجماعة محمود هيجيب أخبار كويسة .ربنا يوفقنا جميعا ويكتر من أمثالك يا رب العالمين

[حسام السعيد هيبه]

عفوا يا محمود المبلغ دة اجمالى التكاليف ولا اية .......ولك ألف شكر واجمل تحية :musician:

[محمد حمودة محمد زين الدين]

السلام عليكم ورحمة الله وبركاتة جزاك الله كل خير يابشمهندس محمود علي مجهودك الجميل وربنا يجعلة في ميزان حسناتك إن شاء الله لكن يامحمود هل من الممكن اننا نلتحق بالجامعة واحنا في الخارج وننزل علي الامتحانات احنا مستعدين ننزل لو مش هينفع لان دة كان حلمنا من يوم ما اتخرجنا وانت كنت المصباح الجميل اللي نور لينا الطريق انار الله طريقك بالخير

[محمد حسنى مبارك]

سلام عليكم
اخبارك ايه يا حوده يا رب تكون تمام
بقول لك ايه هو المحتوى ( يعنى بيان الدرجات مثلا )
واذاى نجيبه
وجزاكم الله خيرا
سلام عليكم

[ayman_mero]

مشكور اخى على المجهود الجامد ده

[م/اجمد عادل]

ياريت لو حد فى أسكندارية يروح يتاكد من الكلام ده علشان مانيجيش من القاهرة على الفاضى وياريت يكتب التفاصيل شكرا

[Karim Elsayed]

بجد محمود عامل شغل جامد ويارب يسهل بس لو واحد معاه المحتوى اى كلية اى قسم يقدم بس نعرف المصاريف تقريبا كام ولو مناسبة نعرف جامعة فاروس احنا عددنا كام علشان تخفض المصاريف علينا واللى يقدم ويعرف المصاريف يكتب على المنتدى المصاريف كام علشان نبدأ نتحرك وربنا معانا جميعا

[Karim Elsayed]

انا من اسكندرية والكلام ده صحيح انا سألت السنة اللى فاتت بس لقيت المصاريف جامدة جدا وساعتها كنت لسة فى الكلية بس لما يكون فى طلبة كثير تتخفض المصاريف علينا

[م/اجمد عادل]

ياجماعة الخير حد يروح الجامعة ويعرف عدد سنوات الدارسة والمصاريف وأهم حاجه النقابة وبكالوريس هندسة

[محمود الفرنساوي]

بص يا احمد عادل
انا مستحيل اكتب كلمه علي الفاضي
او اكتب اشاعات
مش انا
وياريت لو بتشك في كلامي
ما تقرهوش خالص يكون افضل لك

[حسام السعيد هيبه]

والله يا أخ أحمد انت بتعمل احباط ليا أنا مش لمحمود بس لما انت مش مصدق محمود وبتشكك فى كلامة ماتعملش اشاعات على الفاضى وسيب الراجل ربنا يقويه كتر خيرة ربنا جعله سبب لينا يفتح لنا أبواب الخير ومش معقول يعنى كل حاجة هتيجى لك وانت قاعد مكانك اعمل حاجة واتصل حتى بالجامعة وانت مكانك واعرف التفاصيل مش معقول كدة يعنى ....ماتزعلش منى بس لازم على الاقل نشجع محمود وكتر ألف خيرة ويجعلة فى ميزان حسناته..وشكرا

[محمود الفرنساوي]

عفوا يا محمود المبلغ دة اجمالى التكاليف ولا اية .......ولك ألف شكر واجمل تحية :musician:

لا ده مش المبلغ الكلي
ده جزء بتدفعه بيترد لك لو انت مش راح تكمل
لو التكلفه عاليه او مده الدراسه طويله
وانت مش عاجبك بيترد لك المبلغ ده
لكن لو راح تكمل بيعتبروا المبلغ ده دفعه اولي من المبلغ الكلي

[محمود الفرنساوي]

ياريت لو حد فى أسكندارية يروح يتاكد من الكلام ده علشان مانيجيش من القاهرة على الفاضى وياريت يكتب التفاصيل شكرا

طيب انت علي سفر ساعتين ومره واحده مش عاجبك وبيتقول علي الفاضي
طيب انا اللي سافرت ولفيت اد ايه وكام مره انزل اقابل دكاتره وناس كتيير
ماقولتش كده ليه وكل مره ترجع تسالني ايه اخر الاخبار
مقلتش ليه روح قابل دكتور اسامه او غيره ما هو انت من القاهرة وجنبك خطوتين مش سفر علي الفاضي

بجد رد مستفز جدا

[مهندس قريب جدا]

أحب أرحب بكل اللى موجدين وعلى رأسهم المهندس محمود الفرنساوى ,,,فى البداية أنا أوجه اللوم على م/أحمد عادل وعلى محمود علشان لغة الحوار لازم ماتكونيشه كده ,,,محمود انت تعبت جدا من الموضوع وأحنا كلنا بنشكرك على تعبك واللى فى ايديه اى حاجه يقدمه لينا كلنا هقدمه بطيب خاطر علشان مصلحة لينى كلنا ماحديش يزعل منى أخوكم الجديد ,,,محمود انت اخ لينى شكرا.

[محمد حسنى مبارك]

سلام عليكم
مردتش عليا يا محمود
ايه المحتوى الدراسي واذاى نجيب المحتوى
نرجوا التوضيح
وكل سنه واللى فى المنتدى بخير

[محمود الفرنساوي]

سلام عليكم
مردتش عليا يا محمود
ايه المحتوى الدراسي واذاى نجيب المحتوى
نرجوا التوضيح
وكل سنه واللى فى المنتدى بخير

بص يا محمد
المحتوي بتجيبه عن طريق انك تكتب كل ماده انت درستها وبعد كده بتكتب ايه اللي جوا كل ماده من اسم الشابتر لكل نقطه جوا كل فصل من الكتاب
وبعد ما تكرر اكلام ده مع كل المواد الهندسيه طبعا
بتروح الكليه تعتمده من الدكتور ولو مش موجود يبقي وكيل الكليه لشئون التعليم والطلاب
وبعد كده العميد
بس

[محمد حسنى مبارك]

جزاكم الله خيرا وكل سنه وانت طيب وابقى رد عليا سلام
see u

[Q8Forever]

السلام عليكم ورحمةالله وبركاتة
أنا قمت بالسؤال على المصاريف
عن طريق استاذ دكتور في الهندسةالميكانيكية يعمل معي هنا وقام بالإتصال بدكتور يعمل في جامعة فاروس مصاريف السنةالواحدة تصل 30ألف جنيه مصري
والله المستعان

[حسام السعيد هيبه]

يا ماانت كريم يارب:crying:

[حسام السعيد هيبه]

ممكن يامحمود اللى مايقدرش يقدم السنه دى ممكن السنة الجاية ولا ممكن يحصل تغيير ويقولو القرار اتلغى ولا حاجة ياريت تطمنى يامحمود...وشكرا

[Karim Elsayed]

المصاريف 22 ألف تدفع 11 ألف كل ترم وليست 30 ألف ولكن احنا بنعادل وليست دراسة كاملة هنتحاسب على المواد التى لم ندرسها من قبل فقط

[حسام السعيد هيبه]

شكرا على ردك يا كريم وربنا يسهل ويقدرنا على المصاريف ويوفق الجميع يارب بس كنت عايز اطمن يعنى اللى مايقدرش السنه دى ممكن السنة الجاية...شكرا

[Karim Elsayed]

انا عايز افهمك حاجة يا حسام السعيد لو السنة دى عرفنا تقريا كام المصاريف السنة القادمة نتجمع وندخل كلنا ساعتها المصاريف هتتخفض مش المشكلة السنة دى ولا السنة اللى جاية المشكلة انها توافق على التخفيض

[محمود الفرنساوي]

زي ما كريم قال
المصاريف 11 الف كل تيرم
بس احنا راح نتحاسب علي نظام المواد او الساعات
يعني التكلفه مش كده او مش الرقم ده
المهم عايزين نعرف السعر كام

[Q8Forever]

السلام عليكم ورحمة الله وبركاتة
بس يا ترى هينفع نحضر الإمتحانات بس
لأن بصراحة كل واحد هنا في إيدية فرصة مش عايز يضيعها
يا ريت تردوا علينا
وجزاكم الله كل خير

[taha123]

ربنا ييسرلكو يا شباب

[م/اجمد عادل]

سيبه لله ياسكر الله المستعان ,,إن شاء الله أقل من كده بكتير ..

[محمدحمزة قابيل]

السلام عليكم ورحمة الله وبركاتة

بدايتا اهنى اخوية المهندس محمود عزمى وأهنية على مجهوداتة الرائعة نحو مستقبل افضل لخريجى التعليم الصناعى

ربنا يوفق كل مجتهد

أخوك

محمد حمزة

[aymon]

واحد يقول 32 الف وواحد يقول 22 الف وواحد يتتريق وواحد يكدب ايه يا جماعه في ايه انا حاسس اني دخلت متاهه يعني بدل مانقول للراجل كتر الف خيرك علي مجهودك نعمل كده
ايمن السويسي

[محمود الفرنساوي]

مش مهم كل اللي بتقوله ده يا سكر
المهم محتوي دلوقتي
ونعرف حسابهم كام ومدتهم اد ايه

[محمود الفرنساوي]

السلام عليكم ورحمة الله وبركاتة

بدايتا اهنى اخوية المهندس محمود عزمى وأهنية على مجهوداتة الرائعة نحو مستقبل افضل لخريجى التعليم الصناعى

ربنا يوفق كل مجتهد

أخوك

محمد حمزة

شكرا يا محمد

[محمود الفرنساوي]

واحد يقول 32 الف وواحد يقول 22 الف وواحد يتتريق وواحد يكدب ايه يا جماعه في ايه انا حاسس اني دخلت متاهه يعني بدل مانقول للراجل كتر الف خيرك علي مجهودك نعمل كده
ايمن السويسي



سيبك منهم يا ايمن
عادي انك تلاقي ناس بتهد اللي تعمله

[elmohnds]

يااااااااااه يامحمود لو عملتها ومشي الموضوع ده للاخر ان شاء الله يااه ده هنا كل الكلية من الطلبه الي متخرجوش لسه وزميلي واصحبنا في شباب الاخوان المسلمين والله مسكين الفرحه وكتمنها جوانا لغاية يااااارب ما الموضوع ده يتم للاخر ونشوف نصر ربنا لينا يارب علي يد شب رجوله اوي اوي زيك والله واحنا بنتحرك معاك بس انته الي سبقتنا كلنا والله ربنا يوفقق ياااااااارب وسيبك من اي حد يتكلم كلام عبيط زي الردود الي موجوده توكل علي الله وان شاء الله هتمشي علي ايدك بأزن الله ولازم نعمل كتاب عن قصة الكفاح مع سنة المعادله وهنسميه (((سنة المعادله vs محمود الفرنساوي )) ههههههههههههه:laughing at::laughing at: ربنا يوفقق ياصحبي انته وسكر وكل الناس الكويسه في المنتدى اخوك محمود المهندس

[محمود الفرنساوي]

شكرا يا محمود
جزاك الله خيرا

[Q8Forever]

مش مهم كل اللي بتقوله ده يا سكر
المهم محتوي دلوقتي
ونعرف حسابهم كام ومدتهم اد ايه


السلام عليكم ورحمة الله وبركاتة
أنا بقول اللي عرفته من دكتور شغال في جامعة فاروس نفسها
بس هو في قسم الهندسة الكميائية
وإن شاء الله فيه حاجة للمسافرين بالخارج ربنا يقدرني وأعملها
بس أدعولنا بالتوفيق

[محمود الفرنساوي]

ربنا ييسر الحال يا سكر

[WAEL ALSHAFEY]

والله وعملوها الرجاله
كان زمان نفسى أسمع الاخبار الحلوة دى
أنا خريجى تربية عمارة دفعة 2003 حلوان ومن ساعة التخرج وانا كنت بسعى فى لى بتعملوه دلوقتى ولكن يوميها وصلت لتكملة كلية الهندسة جامعة المنوفية ولكن للاسف التعليم من أول الاعدادى يعنى الدراسة خمس سنين وبتعامل زى الطالب المستجد
يوميها قدمت ورقى فى شئون التعليم والطلاب بشبين الكوم وكانت الرسوم 50 جنية رسوم تقديم حاولت أعمل معادلة وادرس المواد الي مدرستهاشى بالكلية ولكنهم رفضوا وقالوا الدراسة من الاعدادية ساعتها سحبت ورقمى من الكلية وحسيت بالظلم وكان ده فى سنة 2004 فسافرت السعودية و مش عارف لسه فيه تقديم بكلية الهندسة بشبين الكوم دلوقتى ولا لا
بس أنا بشكركم على المجهود الجبار ده وربنا يوفقكم وياريت أشارك معاكم وعلى فكره أنا بشكر الأخ محمود الفرنساوي على المجهود الجبار ده وربنا معاك على فكره أنا دلوقتى بالسعودية الاميل/
welshafey82@yahoo.com

[محمد حمودة محمد زين الدين]

بارك الله فيك يابشمهندس محمود وربنا يجزيك خير

[على عطيتو]

الحمدلله والصلاة والسلام على رسول الله وعلى آله وصحبه أجمعين

[على عطيتو]

الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية .
انا ملاحظ ان الكلام على القاهره والسويس فقط اين كليه تعليم صناعي بنى سويف
اخوكم على 0101275925 من القاهره

[Q8Forever]

السلام عليكم ورحمة الله وبركاتة
متقلقش يا علي اللي يصير عالقاهرة هيصير عالسويس هيصير على بني سويف وسوهاج كمان
والله المستعان

[micho]

ربنا يوفقك يا محمود وكان االة فى عونك معلش احنا متقلين عليك (اخوك ميشيل)

[سندباد الشرق]

السلام عليكم ورحمة الله وبركاته

اولا بشكر الباشمهندسين على نشاطهم وجهدهم للارتقاء بالكلية وخرجيها عموما

طبعا على رأسهم الباشمهندس محمود اللى عامل شغل جامد وربنا يوفقه سواء حققنا الهدف او لم يحقق بجد كفاية مجهوده وتعبه

-------------------


وانا على موقع مصراوى لقيت مصاريف الجامعات الخاصة ومنهم جامعة فاروس ومصاريف كلية الهندسة فيها 10000 جنيه وليس 22 الف


جامعة فاروس بالإسكندرية

أما جامعة فاروس بالإسكندرية - وهى من الجامعات الخاصة الحديثة - ففيما يلي مصروفات الدراسة بها:

الصيدلة 16 ألفا و500 جنيه.

طب الأسنان 10 آلاف جنيه.

الهندسة 10 آلاف جنيه.

إدارة الأعمال 8 آلاف و300 جنيه.

الحقوق 7 آلاف و500 جنيه بزيادة قدرها ألف جنيه عن مصروفات العام الماضى.

اللغات والترجمة 7 آلاف و500 جنيه بزيادة قدرها ألف جنيه عن مصروفات العام الماضى.

السياحة والفنادق 7 آلاف و500 جنيه بزيادة قدرها ألف جنيه عن مصروفات العام الماضى.

وتعطى جامعة فاروس تخفيضات للدارسين بكلية الهندسة وفقا للمجموع فيحصل الحاصلين على أعلى من 95% فى الثانوية العامة على تخفيض يصل إلى 5 آلاف جنيه والحاصلين على أعلى من 90% تخفيض يصل إلى 3500 جنيه والحاصلين على أعلى من 85% تخفيض يصل 2500 جنيه والحاصلين على أعلى من 80% على تخفيض قدره 1500 جنيه بالإضافة إلى 3 منح لأوائل الثانوية العامة من الإسكندرية ومنح خصم نسبة من المصروفات للطلاب المتفوقين داخل الجامعة

-----------------------------

شكرا ليكم وتقبلوا سلامى

[محمود الفرنساوي]

السلام عليكم ورحمة الله وبركاته

اولا بشكر الباشمهندسين على نشاطهم وجهدهم للارتقاء بالكلية وخرجيها عموما

طبعا على رأسهم الباشمهندس محمود اللى عامل شغل جامد وربنا يوفقه سواء حققنا الهدف او لم يحقق بجد كفاية مجهوده وتعبه

-------------------


وانا على موقع مصراوى لقيت مصاريف الجامعات الخاصة ومنهم جامعة فاروس ومصاريف كلية الهندسة فيها 10000 جنيه وليس 22 الف


جامعة فاروس بالإسكندرية

أما جامعة فاروس بالإسكندرية - وهى من الجامعات الخاصة الحديثة - ففيما يلي مصروفات الدراسة بها:

الصيدلة 16 ألفا و500 جنيه.

طب الأسنان 10 آلاف جنيه.

الهندسة 10 آلاف جنيه.

إدارة الأعمال 8 آلاف و300 جنيه.

الحقوق 7 آلاف و500 جنيه بزيادة قدرها ألف جنيه عن مصروفات العام الماضى.

اللغات والترجمة 7 آلاف و500 جنيه بزيادة قدرها ألف جنيه عن مصروفات العام الماضى.

السياحة والفنادق 7 آلاف و500 جنيه بزيادة قدرها ألف جنيه عن مصروفات العام الماضى.

وتعطى جامعة فاروس تخفيضات للدارسين بكلية الهندسة وفقا للمجموع فيحصل الحاصلين على أعلى من 95% فى الثانوية العامة على تخفيض يصل إلى 5 آلاف جنيه والحاصلين على أعلى من 90% تخفيض يصل إلى 3500 جنيه والحاصلين على أعلى من 85% تخفيض يصل 2500 جنيه والحاصلين على أعلى من 80% على تخفيض قدره 1500 جنيه بالإضافة إلى 3 منح لأوائل الثانوية العامة من الإسكندرية ومنح خصم نسبة من المصروفات للطلاب المتفوقين داخل الجامعة

-----------------------------

شكرا ليكم وتقبلوا سلامى



معلش الكلام ده غير فعال

نظام المالي في فاروس بالتيرم
يعني كل تيرم مصاريفه كذا
ولمعلوماتك
مصاريف الهندسه 11 الف جنيه في التيرم يعني 22 الف في السنه
الصيدله 35 الف جنيه في السنه

طب الاسنان 30 الف جنيه في السنه

دي معلومات من داخل الكليه ولي اقارب بتدرس طب الاسنان والصيدله في فاروس

[محمود الفرنساوي]

ربنا يوفقك يا محمود وكان االة فى عونك معلش احنا متقلين عليك (اخوك ميشيل)
ميرسي يا ميشيل
وشكرا علي مشاركتك دي
اخوك الفرنساوى

[سندباد الشرق]

بصراحة انا معرفش الكلام ده صح ولا بس لقيته على موقع مصراوى فقلت انقله ..

---------------------

طب حضرتك ان شاء الله احنا هندفع عادى بالسنة ولا بالمواد ولا لسة حضرتك هما ماقالوش هنتحاسب ازاى ..

---------------------

الف شكر ليك وتقبل سلامى

[ابو البرآء السكندري]

جزاك الله خيرا يامحمود اريد مقابلتك او مكالمتك طالب بالفرقة الثانية انشاء الله

[sameh sif]

م\محمودالفرنساوى ممكن رقم تليفونك الحالى

[محمود الفرنساوي]

جزاك الله خيرا يامحمود اريد مقابلتك او مكالمتك طالب بالفرقة الثانية انشاء الله
اكيد ان شاء الله تقابلني
قريب

[محمود الفرنساوي]

م\محمودالفرنساوى ممكن رقم تليفونك الحالى


تم ارساله

[tito_helal]

بسم الله الرحمن الرحيم

السلام عليكم ورحمة الله وبركاته ممكن يا محمود معلشى رقم تليفونك
أخوك يوسف خريج 2006 كهرباء حلوان

[ابو البرآء السكندري]

بسم الله الرحمن الرحيم
:good:ارجو المقابلة قبل العشر الاواخر من رمضان

[محمد جمال عبد الحميد]

بسم الله
اخى فى الله محمود
انا رحت الجامعه فى اسكندريه و ورد عليه وقواو انهم مش عندهم المعادله للتعليم الصناعى فرجو منك توضيح الامر ممكن نسال مين هناك ود ارقام ت اداره الجامعه 033877000\033877200 لو ممكن تقولى روح اسال مين فى الجامعه انا على استعداد انى اسافر فى الاسبوع مرتين وجزاك الله خيرا

[eng_m_mostafa]

جزاك الله كل خير

[eng.ahmed]

اسأل في مبني شؤن الطلبةالخاص بجامعة فاروس شباك 4 أخر شارع قنال المحمودية لو معرفتش اسأل في كلية الهندسة وكيل الكلية الدكتور ماجد نجيب هيقولك علي كل حاجة أنا نفسي روحت وسألت علي كل حاجة هناك

[محمد جمال عبد الحميد]

بسم الله الرحمن الرحيم شـكــ وبارك الله فيك ـــرا لك ... لك مني أجمل تحية .

[Mohamed Gameel]

شكراً على المجهود اللى بتعمله يامحمود
لكن عايز اعرف الدراسة نظامها ايه؟
ياريت حد يرد عليا

[eng.ahmed]

السلام عليكم
أنا رحت سألت في جامعة فاروس عن المعادلة قالو ان نظام الدراسة هيبقي 17 ساعة بحد افصي للمواد كلها في التيرم الواحد يعني 17 ساعة مقسمة علي عدد المواد في التيرم الواحد يعني مثلا يوم السبت عندك فيزياء 3 ساعات مثلا يوم الأحد عندك رياضة 2 ساعة وهكزا بحيث الدراسة لا تزيد عن 17 ساعة

[tito_helal]

بسم الله الرحمن الرحيم

معلشى اسأل سوأل بالنسبه لجامعة فاروس هما وافقوا على المعادله ولا ايه ؟؟؟
واذا وافقوا حيكون سنه ولا أكتر وحيبدأ من السنادى ولا ايه وبنفس الثمن ارجو الرد عليا اذا سمحتم شـكــ وبارك الله فيكم ـــرا لك ....

[angel heart]

اولا احب احييك يا باشمهندس محمود الفرنساوي علي مجهوداتك دي
وجزاك الله خيرا

وكنت عايز اعرف شوية حاجات كدة

انا في تعليم صناعي جامعة حلوان
قسم تكنولوجيا الالكترونيات

وكنت عايز اعرف هل جامعة فاروس فيها القسم ده ؟
وهل في مكان تاني بيقبل نعمل فيه المعادلة ؟
وهل ينفع في جامعة حكومية ؟
وايه المعاهد او الكليات اللي فيها القسم بتاعي ؟
وايه نظام مصاريف المعادلة في جامعة فاروس ؟
وهل في تقديم السنة دي ؟
الاوراق المطلوبة ايه ؟

معلش انا عارف اني تقلت عليك اووووووي

وكل سنة وحضرتك بخير والامة الاسلامية كلها بخير يا رب

[angel heart]

وكمان كنت عايز اعرف هتكون المعادلة سنة واحدة ولا سنتين ؟

[محمود الفرنساوي]

بسم الله
اخى فى الله محمود
انا رحت الجامعه فى اسكندريه و ورد عليه وقواو انهم مش عندهم المعادله للتعليم الصناعى فرجو منك توضيح الامر ممكن نسال مين هناك ود ارقام ت اداره الجامعه 033877000\033877200 لو ممكن تقولى روح اسال مين فى الجامعه انا على استعداد انى اسافر فى الاسبوع مرتين وجزاك الله خيرا



مش معقول اللي بتقوله ده
في ناس راحت سالت وقدمت ورقها
و انت لسه بتقول لي ما بيعملوش معادله
صباح الخير

:forget:

[محمود الفرنساوي]

السلام عليكم
أنا رحت سألت في جامعة فاروس عن المعادلة قالو ان نظام الدراسة هيبقي 17 ساعة بحد افصي للمواد كلها في التيرم الواحد يعني 17 ساعة مقسمة علي عدد المواد في التيرم الواحد يعني مثلا يوم السبت عندك فيزياء 3 ساعات مثلا يوم الأحد عندك رياضة 2 ساعة وهكزا بحيث الدراسة لا تزيد عن 17 ساعة



اللي اعرفه من خلال المحتويات اللي اتقدمت ان مده الدراسه سنتين
راح تدرس في كل تيرم 6 مواد
بتكلفه اجماليه حوالي 50 الف

[محمود الفرنساوي]

بسم الله الرحمن الرحيم

معلشى اسأل سوأل بالنسبه لجامعة فاروس هما وافقوا على المعادله ولا ايه ؟؟؟
واذا وافقوا حيكون سنه ولا أكتر وحيبدأ من السنادى ولا ايه وبنفس الثمن ارجو الرد عليا اذا سمحتم شـكــ وبارك الله فيكم ـــرا لك ....



وافقوا بس هات المحتوي العلمي بتاعك وسلمه في الجامعه
وراح تدفع في البدايه 12650 جنيه
اثنا عشر الف وستمائه جنيه مصري ده تمن التيرم الواحد
غير الرسوم الاداريه

[محمود الفرنساوي]

اولا احب احييك يا باشمهندس محمود الفرنساوي علي مجهوداتك دي
وجزاك الله خيرا
وجزاك عني خيرا

وكنت عايز اعرف شوية حاجات كدة

انا في تعليم صناعي جامعة حلوان
قسم تكنولوجيا الالكترونيات

وكنت عايز اعرف هل جامعة فاروس فيها القسم ده ؟
تقريبا ايوة
ممكن تتاكد من الجامعه نفسها
وهل في مكان تاني بيقبل نعمل فيه المعادلة ؟
لحد دلوقتي مفيش غير جامعه مصر التكنولوجيه ودي تقريبا مده دراستك فيها 5 تيرم
ده اللي سال عنها اخويا علي عطيتيو
وفي انك تسافر روسيا
وهل ينفع في جامعة حكومية ؟
لا ما ينفعش
وايه المعاهد او الكليات اللي فيها القسم بتاعي ؟
اولا ما ينفعش تعادل في معاهد
فانت ممكن تشوف الجامعات الخاصه
وايه نظام مصاريف المعادلة في جامعة فاروس ؟
بتدرس المواد اللي ناقصاك وده معتمد علي المحتوي العلمي
وهل في تقديم السنة دي ؟
ان شاء الله لو انت جاهز
الاوراق المطلوبة ايه ؟
شهاده التخرج وشهاده الجيش التاجيل او تاديه الخدمه العسكريه
والمحتوي العلمي وليس الائحه التعليميه

معلش انا عارف اني تقلت عليك اووووووي
لا ما تقلتش ولا حاجه

وكل سنة وحضرتك بخير والامة الاسلامية كلها بخير يا رب


ميرسي وكل سنه وانت طيب

[محمود الفرنساوي]

وكمان كنت عايز اعرف هتكون المعادلة سنة واحدة ولا سنتين ؟
ده علي حسب المحتوي اللي راح تسلمه
وغالبا مده الدراسه سنتين

[angel heart]

50 الف جنيه ؟؟؟
ده كتير جدا يا استاذ محمود

ايه الحل

[محمود الفرنساوي]

50 الف جنيه ؟؟؟
ده كتير جدا يا استاذ محمود

ايه الحل


سافر تعادل بره مصر في روسيا او اوكرانيا ارخص لك

[angel heart]

يا جماعة انا مش عايز اكون محبط
انا مقدر جدا مجهودات الباشمهندس محمود الفرنساوي
واي حد مشي في الموضوع ده
بس ازاي تبقي المصاريف 50 الف جنيه
يا اما اسااافر برة مصر عشان اعادل
طب ماهو لو انا قادر ادفع المبالغ دي ماكنت دخلت هندسة خاصة من الاول
ده حتي الواحد كدة هيبقي صرف اكتر من اللي دخل هندسة خاصة
لاننا بنتعلم 4 سنين الاول وكمان ندفع 50 الف او اسافر برة

ياريت يا جماعة ندور علي حل

وانا اسف لو كلامي زعل حد

[angel heart]

طب هل برضو جامعة مصر الدولية نفس المصاريف كدة ؟؟

[فري ستايل]

السلام عليكم ورحمة الله وبركاته

أولا" ياريييييت تجيب لنا التكلفه كاااااام بالظبط علشااان احنا تعبنا من كنر الكلام دة . احنا فضلنا نسعي ورا كلام ده وده لحد ما زهقنا من الموضوع ده
ثانيا" ربنا يوفقك ياعم (أخوووووك فريد)

fery style $$$

[محمود الفرنساوي]

طب هل برضو جامعة مصر الدولية نفس المصاريف كدة ؟؟

معرفش والله ممكن تسال وتعرف منهم المصاريف

[محمود الفرنساوي]

السلام عليكم ورحمة الله وبركاته


أولا" ياريييييت تجيب لنا التكلفه كاااااام بالظبط


واجيب لك التكلفه ليه
هو لاسمح الله انت معاق متقدرش تسال لنفسك


علشااان احنا تعبنا من كنر الكلام دة .

انت تعبت طيب اعمل غيره ورينا شطارتك

احنا فضلنا نسعي ورا كلام ده وده لحد ما زهقنا من الموضوع ده


ده اللي عندي

ثانيا" ربنا يوفقك ياعم (أخوووووك فريد)



fery style $$$


ويوفقك يا فريد بس نصيحه مني
ياريت تورينا شطارتك شوية
واتحرك الدنيا مش راح تيجي لك وانت نايم في البيت

[angel heart]

استاذ محمود الفرنساوي بعد ازنك حضرتك قولت ان في جامعة تانية غير فاروس بتعادل
اسمها مصر التكنولوجية
انا عملت بحث عالنت مالقتش جامعة اسمها مصر التكنولوجية
هل حضرتك تقصد مصر الدولية ولا مصر للعلوم والتكنولوجيا؟؟

[محمود الفرنساوي]

هي مصر للعلوم والتكنولوجيا
في 6 اكتوبر
اتكلم معاهم وربنا يوفقك

[م/اجمد عادل]

انا بشكر كل الناس وعلى راسهم المهندس محمود على تعبه كتير معانا بس انا وصلت الى مقولة مافيش فايده والحمد لله
ازيد من 40000 الف جنيه والله حرام انا لو هدرس هندسة من الاول مش هيكلفنى الرقم ده
شكرا بجد ليك يامحمود انته تعبت قوى بس للاسف انته بتفخه فى اربه مخرمومه ,,بالله عليك يامحمود ماتزعلى منى انا بقالى كتير مابخيشيش المنتدى علشان انته بتزعل من كلامى انا اسف ليك أخوك فى الله أحمد.

[elmohnds]

عااارف يامحمود اقولك علي حاجه بس برده تكمله علي كلام احمد هو فعلا انته عملت المطلوب انك وصلت لحل للمشكله وانا وكل الناس الي دخلت الموضوع مقدرين تعبك وتعب :sad:الناس الي سألت بس للاسف الشديد في مصر هنا التعب ديما بيتمري علي الارض انا مش بقول كده علي شان احبطك او احبط اي حد من الناس لا والله بس ده فعلا الي بيحصل

انته وصلت لحل المشكله وكتر خيرك بس حل المشكله فتح لينا مشكله اكبر من كده معظم الجامعات الخاصه ممكن تقبل تعادلنا مش هتبقه مشكله بالنسبه ليهم بس هيضربوا ارقام فلكيه وناس كتييير اوي هيبقه من المستحيل عليهم انهم يكملوا علي شان الفلوس وكله هيحسبها من ناحية مانا الي هيدفعني كل ده ما كنت دخلت هندس خاصه من الاول واسمي في هندسه وفي نفس الوقت كرنيه النقابه مضمون والحياه تبقه اسهل انما احنا للاسف طلبة التعليم الفي كا كل سواء في كليه او في مدرسه ملناش اي صوت في البلد في اي شيء هي كده محدش يعرفنا ولا يسمع بينا اصلا مع ان التعليم الفني نظري الصناعه والعملي كمان بس هتقول ايه

انته كتر خيرك وانا عارف كلامي ممكن يضيقق بس هي ديه الحقيقه والواقع احنا ملناش الا امل واحد والي لازم نسعى ليه اننا نكبر الموضوع اوووووووي ونحاول اننا نتواصل مع الجهات المسؤله علي شان نحاول نخليها تمشي تبع جامعات حكوميه غير كده هتبقه صعبه علي ناس كتير اوي اولهم انا وربنا ييسر الحال يارب للجميع

[vendetta]

والله العظيم انا رايى ان مدام الموضوع كده والارقام دى خلاص يبقى فى روسيا احسن واسمنا هانشوف قمة العلم واحدث مايوجد فى تخصصاتنا وادينا هاندرس ونتدرب وهانشوف الحاجات اللى مش هاتيجى مصر اللى بعد تلاتين ولا اربعين سنه على الاقل وكمان شهاداتنا معتمده دوليا واروبيا يعنى باشاوات واللى مش عاوز يشتغل فى اوروبا دول الخليج بترحب جدا باى حد جاى من الدول الصناعيه الكبرى زى روسيا كده وربنا يوفقا ان شاء الله والله برى مصر احسن

[محمود الفرنساوي]

انا بشكر كل الناس وعلى راسهم المهندس محمود على تعبه كتير معانا بس انا وصلت الى مقولة مافيش فايده والحمد لله
ازيد من 40000 الف جنيه والله حرام انا لو هدرس هندسة من الاول مش هيكلفنى الرقم ده
شكرا بجد ليك يامحمود انته تعبت قوى بس للاسف انته بتفخه فى اربه مخرمومه ,,بالله عليك يامحمود ماتزعلى منى انا بقالى كتير مابخيشيش المنتدى علشان انته بتزعل من كلامى انا اسف ليك أخوك فى الله أحمد.

انا ما زعلتش من كلامك يا احمدبس بجد والله انا جالي احباط وتعبت من كتر التعقيدات اللي عماله تطلع قصادي
والمشكله ان كل ما امشي خطوة قدام يجي حد يرجعني عشرة ورا
انا حسبتها صح
لقيت ان روسيا اوفر مكان لحد دلوقتي
ده بالاضافه انك ممكن تشتغل في شهر 7 وشهر 8 في بلد زي ايطاليا او اليونان او تركيا او اي بلد اوروبيه وخصوصا ان انت معاك فيزا تسمح لك بدخول الاتحاد الاوروبي
بالنسبه للمجال اللي تحب تدرسه عندك مجالات كتير ممكن تكمل في تخصصك وممكن تبدا في اي مجال جديد
احزم امرك وربنا يسهل وييسر الحال " فاذا عزمت فتوكل علي الله "

[محمود الفرنساوي]

عااارف يامحمود اقولك علي حاجه بس برده تكمله علي كلام احمد هو فعلا انته عملت المطلوب انك وصلت لحل للمشكله وانا وكل الناس الي دخلت الموضوع مقدرين تعبك وتعب :sad:الناس الي سألت بس للاسف الشديد في مصر هنا التعب ديما بيتمري علي الارض انا مش بقول كده علي شان احبطك او احبط اي حد من الناس لا والله بس ده فعلا الي بيحصل

انته وصلت لحل المشكله وكتر خيرك بس حل المشكله فتح لينا مشكله اكبر من كده معظم الجامعات الخاصه ممكن تقبل تعادلنا مش هتبقه مشكله بالنسبه ليهم بس هيضربوا ارقام فلكيه وناس كتييير اوي هيبقه من المستحيل عليهم انهم يكملوا علي شان الفلوس وكله هيحسبها من ناحية مانا الي هيدفعني كل ده ما كنت دخلت هندس خاصه من الاول واسمي في هندسه وفي نفس الوقت كرنيه النقابه مضمون والحياه تبقه اسهل انما احنا للاسف طلبة التعليم الفي كا كل سواء في كليه او في مدرسه ملناش اي صوت في البلد في اي شيء هي كده محدش يعرفنا ولا يسمع بينا اصلا مع ان التعليم الفني نظري الصناعه والعملي كمان بس هتقول ايه

انته كتر خيرك وانا عارف كلامي ممكن يضيقق بس هي ديه الحقيقه والواقع احنا ملناش الا امل واحد والي لازم نسعى ليه اننا نكبر الموضوع اوووووووي ونحاول اننا نتواصل مع الجهات المسؤله علي شان نحاول نخليها تمشي تبع جامعات حكوميه غير كده هتبقه صعبه علي ناس كتير اوي اولهم انا وربنا ييسر الحال يارب للجميع

الكلام ده صح

اللي يحلها مسئول يتقي ربنا

" واتقوا يوما ترجعون فيه الي الله "

[محمود الفرنساوي]

والله العظيم انا رايى ان مدام الموضوع كده والارقام دى خلاص يبقى فى روسيا احسن واسمنا هانشوف قمة العلم واحدث مايوجد فى تخصصاتنا وادينا هاندرس ونتدرب وهانشوف الحاجات اللى مش هاتيجى مصر اللى بعد تلاتين ولا اربعين سنه على الاقل وكمان شهاداتنا معتمده دوليا واروبيا يعنى باشاوات واللى مش عاوز يشتغل فى اوروبا دول الخليج بترحب جدا باى حد جاى من الدول الصناعيه الكبرى زى روسيا كده وربنا يوفقا ان شاء الله والله برى مصر احسن

معاك حق يا حماده

وقريبا جدا تفاصيل لقاء جديد في المركز الثقافي الروسي

[tito_helal]

بسم الله الرحمن الرحيم

السلام عليكم ورحمة الله وبركاته
اولا كتر الله خيرك يا فرنساوى على مجهوداتك والله يعطيك من عنده لانك سعيت كتير ومش عاوز تتنازل عن حق ليك الله يجزيك كل خير وثانيا مفيش حاليا غير روسيا لان انت لو دورة كتير فى هذه البلد حيمر السنتين الى كنت درستهم فى روسيا
المهم انا معاك فى السفر الى روسيا وحمشى معاك ان شاء الله فى السفر اذا يسمح السفر هذه السنه حتى نعين بعض فى الغربه ان شاء الله ياريت ترد عليا با محمود وكمان ترسلى تليفونك او تاخد رقم تليفونى وتكلمنى شوف الى يريحك المهم نعين بعض انشاء الله وانا من اسكندريه ماشى ااتمنى ان ترد عليا
شـكــ وبارك الله فيك ـــرا لك ... لك مني أجمل تحية .

[sokar_1982]

السلام عليكم ورحمة الله وبركاتة
مع إحترامي لكل أرارء روسيا وتفضيلي لها في الدراسة أكثر من مصر
بس اللي أعرفه إن روسيا ليست ضمن دول الإتحاد الأوروبي
ثانيا : بما أن روسيا ليست ضمن دول الإتحاد الأوربي الستة عشر فغير مسموح بدخول أي من دول الإتحاد الأوروبي
إلا بفيزا صادرة من قنصلية الدولة المراد الدخول لها
ثالثا مش كل دول الخليج بتفضل أو بتعتمد الشهادات الروسية
أخيرا أنا مش بقول الكلام ده علشان أكسر مقاديف حد بس بقوله للعلم
والله أعلى وأعلم



يا ريت أرى تعليقك على هذا الكلام يا فرنساوي وخصوصا إن روسيا ليست تابعة لدول الإتحاد الوروبي

[محمود الفرنساوي]

بسم الله الرحمن الرحيم

السلام عليكم ورحمة الله وبركاته
اولا كتر الله خيرك يا فرنساوى على مجهوداتك والله يعطيك من عنده لانك سعيت كتير ومش عاوز تتنازل عن حق ليك الله يجزيك كل خير وثانيا مفيش حاليا غير روسيا لان انت لو دورة كتير فى هذه البلد حيمر السنتين الى كنت درستهم فى روسيا
المهم انا معاك فى السفر الى روسيا وحمشى معاك ان شاء الله فى السفر اذا يسمح السفر هذه السنه حتى نعين بعض فى الغربه ان شاء الله ياريت ترد عليا با محمود وكمان ترسلى تليفونك او تاخد رقم تليفونى وتكلمنى شوف الى يريحك المهم نعين بعض انشاء الله وانا من اسكندريه ماشى ااتمنى ان ترد عليا
شـكــ وبارك الله فيك ـــرا لك ... لك مني أجمل تحية .

تم ارسال رقم الهاتف

[محمود الفرنساوي]

السلام عليكم ورحمة الله وبركاتة
وعليكم السلام ورحمه الله وبركاته
مع إحترامي لكل أرارء روسيا وتفضيلي لها في الدراسة أكثر من مصر
اكيد
بس اللي أعرفه إن روسيا ليست ضمن دول الإتحاد الأوروبي
ده حقيقي
ثانيا : بما أن روسيا ليست ضمن دول الإتحاد الأوربي الستة عشر فغير مسموح بدخول أي من دول الإتحاد الأوروبي
إلا بفيزا صادرة من قنصلية الدولة المراد الدخول لها
وانت راح تدخلها ازاي من غير فيزا؟
بتسافر عن طريق القطار الدولي الي اي بلد

ثالثا مش كل دول الخليج بتفضل أو بتعتمد الشهادات الروسية
ده علي حسب الجامعه اللي انت متخرج منها
لان روسيا فيها اكتر من 500 جامعه واكاديميه ومعهد معتمد دوليا بس في معاهد ممكن تحصل علي شهادتها بالفلوس بدون دراسه
بمعني تشتري البكالوريوس بتاعها
علشان كده بيكون فيها شك
أخيرا أنا مش بقول الكلام ده علشان أكسر مقاديف حد بس بقوله للعلم
والله أعلى وأعلم
انت حابب تتطمن مش اكتر

يا ريت أرى تعليقك على هذا الكلام يا فرنساوي وخصوصا إن روسيا ليست تابعة لدول الإتحاد الوروبي
كتبت ردي عليك





وانتظر مني نتيجه زياره للمركز الثقافي مرة اخري
لو عندك اسئله او اي حد ياريت يكتبها لي علشان اضيفها للي عندي
شكرا لك يا سكر

[angel heart]

ياريت يا استاذ محمود تعرف تفاصيل عن الجامعات الروسية اللي شهادتها معتمدة دوليا ومايكونش حواليها شك وتعرف مصاريفها و تعرف شكل الحياة هناك لما تسافر تعمل المعادلة هناك
وكمان يا ريت تسأل عن السنة التمهيدية دي بتكون اختيارية ولا اجبارية و مثلا لو انا معايا كورس لغة روسية ده بيلخليني اختصر السنة دي ولازم يكون معتمد من وزارة الخارجة ولا اي كورس
وياريت لو عرفت تسألنا عن تفاصيل السفر من ساعة ما بتمشي لحد ما ترجع بأذن الله
معلش يا باشمهندس الكل متعشم فيك
بس اكيد برضو انت بتكون مبسوط لما بتفرح الناس المكتئبة دي
واسف للأطالة

[sokar_1982]

السلام عليكم ورحمة الله وبركاتة
شكرا يا محمود على سرعة ردك
بس السؤال التاني معلشي إستحملنا شوية
إخواتك بيدلعوا عليك
هل لو إنت معاك فيزة روسيا يبقى من السهل إنك تحصل على فيزة أي بلد ضمن الإتحادالأوربي
أو صعب

[waelfawaz]

بخصوص الفيزا اذا كان لديك فيزا لدولة اوربية من السهل الحصول على فيزا لأى دولة اوربية أخرى، لكن روسيا ليست تابعة للاتحاد الاوربى لذلك لا اعتقد هذا حسب وجهة نظرى.

[sokar_1982]

السلام عليكم ورحمة الله وبركاتة
شكرا على سرعة ردك يا دكتور وائل
وبكمل لكلام حضرتك أنت لو معاك فيزة أي دولة إتحاد أوروبي
مش محتاج لفيزا تانية علشان تتنقل بين دولة وآخرى من دول الإتحاد الأوربي
ماعدا إنجلترا على ما أعتقد
يعني لو معاك فيزة إنجلترا تقدر تدخل بيها أي دولة من دول الإتحاد الوروبي
ولو معاك فيزة أي دولة من دول الإتحاد الأوربي من الصعب عليك دخول إنجلترا إلا بفيزة دخول لإنجلترا

[محمود الفرنساوي]

ياريت يا استاذ محمود تعرف تفاصيل عن الجامعات الروسية اللي شهادتها معتمدة دوليا ومايكونش حواليها شك

حاضر بص اصبر اخد ميعاد واقول لك وعموما الجامعات هناك المحترمه والمعتمده تبدا اسعارها من 1000 يورو حتي 4000 يورو في السنه
وتعرف مصاريفها و تعرف شكل الحياة هناك لما تسافر تعمل المعادلة هناك
حاضر ودي سهله ممكن النهارده او بكره اكتب لكم التفاصيل كامله
وكمان يا ريت تسأل عن السنة التمهيدية دي بتكون اختيارية
هي تعتبر اختياري بس لازم تاخدها
اوضح لك المعني انت ممكن تدرس التخصص علي طول بس هما بشرحوا روسي وانت ما تعرفش يبقي راح ترسب وتعيد السنه
لكن لو تعرف روسي بيتعمل لك مقابله وتدخل علي التخصص لو انت نجحت فيها
ولا اجبارية و مثلا لو انا معايا كورس لغة روسية ده بيلخليني اختصر السنة دي ولازم يكون معتمد من وزارة الخارجة ولا اي كورس

كده تختصر التمهيدي مدام انت معاك روسي بشرط انك تنجح في المقابله
وياريت لو عرفت تسألنا عن تفاصيل السفر من ساعة ما بتمشي لحد ما ترجع بأذن الله
حاضر النهارده او بكره اكتب لكم كل التفاصيل
معلش يا باشمهندس الكل متعشم فيك
بس اكيد برضو انت بتكون مبسوط لما بتفرح الناس المكتئبة دي
ربنا يجعلني سبب في اضافه ابتسامه وفرحه ليكم
" ادخل السرور علي قلب مسلم "
واسف للأطالة

مفيش اطاله او اي حاجه كلمني اي وقت

[محمود الفرنساوي]

السلام عليكم ورحمة الله وبركاتة
شكرا يا محمود على سرعة ردك
بس السؤال التاني معلشي إستحملنا شوية
انت تأمرني
إخواتك بيدلعوا عليك
احب الدلع انا ههههههههه
هل لو إنت معاك فيزة روسيا يبقى من السهل إنك تحصل على فيزة أي بلد ضمن الإتحادالأوربي
أو صعب


طبعا سهل لان انت لو دخلت اوروبا مرة يبقي من السهل تدخلها 100 مره بعد كده مدام انت ما اخلتش بالنظام والقواعد في البلد دي

[waelfawaz]

السلام عليكم ورحمة الله وبركاتة
شكرا على سرعة ردك يا دكتور وائل
وبكمل لكلام حضرتك أنت لو معاك فيزة أي دولة إتحاد أوروبي
مش محتاج لفيزا تانية علشان تتنقل بين دولة وآخرى من دول الإتحاد الأوربي
ماعدا إنجلترا على ما أعتقد
يعني لو معاك فيزة إنجلترا تقدر تدخل بيها أي دولة من دول الإتحاد الوروبي
ولو معاك فيزة أي دولة من دول الإتحاد الأوربي من الصعب عليك دخول إنجلترا إلا بفيزة دخول لإنجلترا



معذرة على المداخلة رغم ان الموضوع الرئيسى ليس الفيزة، لكننى سافرت الى انجلترا ،وزملاء لى ذهبوا الى السفارة الفرنسية حينما كانوا فى مصر وحينما وجدوا فيزة انجلترا اعطوهم فيزة فرنسا بسهولة من مصر، لكننى تأخرت ولم اجد وقت لذلك، لذلك الاوربيين من حقهم التنقل بدون فيزا، لكن بالنسبة للاجانب لايمكن دخول احد دولة الا بواسطة الفيزا لها.

[محمد جمال عبد الحميد]

بسم الله الرحمن الرحيم
انا رحت هناك واقولى انى المعادله دى مش لخركى الكليه ممن اعرف اسال مين هناك شـكــ وبارك الله فيك ـــرا لك ... لك مني أجمل تحية . :talking-phone:

:medicine:

[محمود الفرنساوي]

الموضوع باختصار
انت لازم يكون معاك 25 واحد نفس التخصص يقدموا طلب ويدفعوا مبلغ 12.500 جنيه والمحتوي العلومي
وبعد كده يتعمل مقاصه
ويترفع طلب للوزير لو وافق انت راح تعادل ولو موافقش يبقي شكرا جداا وتاخد باقي فلوسك
بالنسبه لسبب الرفض
ان في واحد ربنا يبارك له لما قدم الورق بتاعه ولقي ان التكلفه وقتها 45 الف راح شتم وقل ادبه وعمل شغل مالوش لازمه
هات 25 واحد وروح قدم لرئيس شئون الطلاب

[sokar_1982]

السلام عليكم ورحمة الله وبركاتة
لا حول ولا قوة إلا بالله
الحسنة بتخص والسيئة بتعم
إن لله وإن إليه راجعون

[محمد جمال عبد الحميد]

بسم الله الرحمن الرحيم
نداء الى كلى خرجى الكليه ياريت نقابل ونروح الى الى كليه مصر التكنولوجيه هذه الاسبوع حتى نضع حل لهذه الامر دى نمره الموبيل 0123348948الرجاء الاهتمام شـكــ وبارك الله فيك ـــرا لك ... لك مني أجمل تحية .

[محمد جمال عبد الحميد]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
مقتبس


اخواتى فى الله
السلام عليكم ورحمة الله وبركاته

احب اعرفكم على حاجة ممكن تفيد اى حد عنده استعداد
نظام الساعات المعتمدة بجامعة شبي - المنوفية

النظام كالاتى:
اولا: عدد الساعات فى الترم الواحد 18 ساعة
ثانيا: عدد الساعات الاجمالى 180 ساعة
ثالثا: سعر الساعة الواحدة 220 جنيه مصرى
رابعا: نظام الحضور يومين فى الاسبوع بالاتفاق مع الدكتور
خامسا:تعطى شهادة بكالوريوس هندسة قسم كهرباء و حاسب الى فقط
يعنى كانك فى كلية هندسة من الاول مع الاخذ فى الاعتبار السعر و مدة الحضور على مدار الاسبوع

الموضوع شغااااااااااال وانا ابتديت فى الاجراءات عشان ابتدى من الترم ده ان شاء الله

على فكرة انا شايف ان ده اسلم حل كلية حكومية وكارنيه نقابة وساعات حضور محدودة ومصروفات اقل من المتاح الان


انا على فكرة شغال حاليا مهندس كهرباء واجهزة فى شركة بترول وعاوز اقولكم انى عانيت وبعانى كتير حتى الان من الكارنيه
لكن بالنسبة للشغل انا شايف ان احنا مؤهلين للمجال ده
ارجو الاستفادة لكل الموجودين
فى انتظار ردودكم واسفسارتكم
اخوكم : محمد مصطفى

[Ayman Abbas]

الاخ محمد مصطفي ممكن رقم موبايلك

[angel heart]

يا اخ ايمن انت واضح انك روحت توهت هناك الموضوع قرار وزاري نازلوكان المفروض انه هايبقي لينا تكمله فيها لكن ماحصلش نصيب بسبب اللي راح عمل المشكلة هناك
الراجل تعب نفسه لحد ما جابلنا الخبر ده وكان في تنسيق للموضوع وكله تمام وبالتفاصيل كلها
اللي بتقول عليه مسئول كبير ده كان من الاخر كدة عايز زبون للجامعة عشان كدة قالك ده كلام فارغ
وبعدين قولي صاحبك اللي حول تجارة ده لما هايتخرج هايشتغل ايه
في منه الاف في مصرواكتر من الهم عالقلب
انت واللي بيفكروا زيك كدة هم اللي جايبين الكلية دي ورا ومش عايزينها تتقدم
وشكلك كدة عايز تقضيها في الجامعة مش رايح جامعة عشان تدرس
وياريت يا جماعة بعد كدة اللي عنده كلام مفيد يقوله
احنا مش عايزين احباط والنبي

[angel heart]

وياريت يا استاذ محمود تحذف اي كلام فاضي زي ده برة الموضوع
وتخلي الكلام المفيد عن التكملة في روسيا او المحاولة مع الجامعات الخاصة التانية الدنيا يعني ماوقفتش عند جامعة فاروس

[محمود الفرنساوي]

مش معقول ان يجي واحد بعد كل ده
يطلع يقول الفرنساوى كان بيكدب
اسميه ايه
ممكن اقول ....ولا بلاش
يا سيدي كتر خيرك
ياريت تروح تجيب مكان محترم ندرس فيه وانا قاعد هنا مستني
ولو متعرفش
انا رحت من اسكندريه للعريش
وفي ناس كتير تشهد بكده
مش معقول بعد كل تطلع كده تكدب كل ده
لو انت مش مصدق
ربنا موجود وشاهد
وشكرا مرة تانيه