ياريت بسرعه

[محمود الفرنساوي]

بسم الله الرحمن الرحيم
السلام عليكم ورحمة الله وبركاته

ياريت يا جماعه اللي معاه محتوي علمي جاهز

يرفعه لنا علي النت هنا في المنتدي

او يبعته لي علي الايميل

لان محتاجين نعرف مده الدراسه والاسعار

وياريت بسرعه قبل اخر الشهر

الايميل
egyalexazmy@gmail.com (egyalexazmy@gmail.com)

[taha123]

محتوى علمى عن ايه بالظبط

[Q8Forever]

السلام عليكم ورحمة الله وبركاتة
أنا طلبت من أحمد عادل عشان يجيبه يوم الأحد ويا رب يقدر يجيبة بس ده من القاهرة أو حلوان
بس يا ترى هينفع لكل الدفعات

[taha123]

محتوى علمى عن ايه بالظبط حد يرد عليا

[Q8Forever]

السلام عليكم ورحمة الله وبركاتة
المحتوى العلمي قالة محمود قبل كده اللي هو محتوى المواد نفسها
اللي الواحد درسها يعني من كتاب الثرمو داينامك مثلا من شابتر كذا لشابتر
أو كتاب الهيت ترانسفير من شابتر كذا لشابتر كذا

[taha123]

شكرا يا باشا

[م/اجمد عادل]

المحتوى الدارسى الخاص بقسم تبريد وتكييف إن شاء الله هرواح الكلية يوم الأحد أجيبه ,,على فكرة كل قسم له محتوى مختلف عن الأخر شكرا للأخ سكر وبيقول لمحمود ما تزعليش منى ,,كل رمضان وأنتم طيبين فى رعاية الله .

[محمود الفرنساوي]

بص المحتوي العلمي بيكون بالطريقه دي

تكتب من فوق اسم الماده والسنه اللي درستها فيه
وبعد كده
تكتب الفصل الاول
ويتكون من : -

وتكتب كل النقاط اللي في الفصل الاول

يعني اكتب العناوين بتاعه الفصل ده
والنقط اللي فيه
وتكرر الموضوع ده في كل فصل من فصول
الكتاب ده
وبعد ما تخلصه تكرره في كل مواد وكتب دراستك
طبعا الهندسيه
واكيد معاهم الفيزياء والرياضه والكيمياء والميكانيكا
بعد ما تخلص المواد الهندسيه كلها والثقافيه
بتروح للدكتور بتاع كل ماده تعتمد منه المحتوي
وبعد كده بتروح علي وكيل الكليه لشئون التعليم والطلاب
وبعد كده العميد
لو قدرت تجيب ختم الجامعه ده كويس جدااا لو انت مسافر بيه بره
لو راح تكمل في جامعه اجنبيه
لو مش مسافر يبقي كفايه ختم الكليه بس
طيب افرض الدكتور لا قدر الله مات او سافر او مش موجود
يبقي اعتمده من وكيل الكليه لشئون التعليم والطلاب وبعد كده العميد
وبكده تكون عملت المحتوي


المهم في كل ده
ان فاروس فاتحه التقديم ليوم 30 في الشهر ده
ولازم المحتوي يكون متقدم قبل كده

[taha123]

شـكــ وبارك الله فيك ـــرا لك ... لك مني أجمل تحية .

[bahaa]

ازيك يامحمود وشكرا علي التوضيح

بس لازم قبل اخر الشهر ده ؟

ولا فيه فرصة تانية ؟

[محمود الفرنساوي]

اخر ميعاد اخر الشهر

[حسام السعيد هيبه]

يامحمود المحتوى العلمى يالانجليزى ممكن ولا لازم بالعربى أصل هاياخد وقت على مانترجمه لوينفع رد عليا أروح أجيبه من الكلية سريعا...ودى يكون المحتوى العلمى لقسم العمارة...ولو موجود مع حد ياريت يقول بدل ما أروح الكلية فى بنى سويف ويوفر عليا المشوار..وشكرا

[محمود الفرنساوي]

باي لغه
انجليزي او عربي او فرنسي مش مشكله
المشكله انه مش موجود في الكليه
انت اللي بتعمله وتمضيه من الجامعه

[محمود الفرنساوي]

الحمد لله
قسم عمارة بني سويف ختم المحتوي بتاعه
وجاري رفعه علي المنتدي لطباعته والاستفاده منه
برضه قسم تبريد في كليه حلوان
خلص المحتوي العلمي بتاعه
لسه باقي الاقسام
ياريت السرعه يا شباب
ربنا يسهل

[محمد زهران]

السلام عليكم يا جماعه حد عرف يجيب المحتوى العلمى لقسم الكهرباء تعليم صناعى القاهره يا ريت لو فى حد عرف يجيبه يقولى

[powereg2000]

السلام عليكم ورحمة الله وبركاته اخوانى بارك الله فيكم وجزاكم حسن الاخرة وكل عام وانتم بخير نحن فى شهر الخير وبأذن الله سوف يكون شهر خير علينا جميعا وسوف تحل مشكلنا لكن يجب ان نكثر من الدعاء الى الله فى هذا الشهر الكريم لكى يمد الله لنا يد العون ويسعدنا على حل مشاكلنا وكان الله فى عون العبد مدام العبد فى عون اخيه وبارك الله فيكم وتوج مجهودكم بالنجاح
اخوكم العبد الفقير الى الله احمد يوسف جامعة حلوان 2005

[محمد حسنى مبارك]

سلام عليكم
كل سنه والكل بخير ونسأل الله ان يسلمنا الى رمضا ويسلمنا له ويتسلمه منا متقبلا
وطمنى عليك يا حود
سلام عليكم

[aliwahpa]

السلام عليكم ورحمة الله وبركاته
كل عام وأنتم جميعا بخير
أنا أرسلت لك على الأيميل المحتوى الدراسي والخطة الدراسية الخاصة بكلية التعليم الصناعي جامعة بني سويف قسم تكنولوجيا الألكترونيات وطبعا معتمد من العميد ومختومه بختم النسر
وجزاك الله خيرا على كل اللي بتعمله وربنا يجعلك من عتقائه في هذا الشهر الكريم