ايه اللي مش عاجبك؟

[حسونة]

بعد ما كتبت موضوع السويس ومشكلة الغربان وخلاص الحمد لله عدا يمكن مش على خير أوي بس عدا وخلاص
المهم
اكيد كل واحد شايف شيئ مش عاجبة ومش قصدي شيئ مادي او محسوس
لأ
اي شيئ مضايقه
وبرده مش قصدي في هنا بس
لأ في اي مجال
اللي شايف اي حاجة مضايقاه في حياته ونفسه يغيرها بجد ممكن يقولنا عليها وان شاء الله عن طريق الردود ممكن نساعدك في حلها
جرب مش هتخسر حاجة

[ماهيتاب]

الموضوع اكيد هيكون كويس بس لما كلنا نتكلم بصراحة
وانا بصراحة من ضمن الحاجات اللي مضيقاني ان المنتدي الكلية مش حاسة بيه
وفيه ناس كتير من برة وطبعا هما منورين المنتدى بس انا قصدي ان المفروض معظم الطلبة تشارك فيه
يمكن ده يكون الحاجة الفاضلة بعد مانخلص اللي تفكرنا ببعض وتعرفنا اخبار بعض
ياريت نتوصل لطريقه لنشره
وشكرا لافكارك الجديدة حسونة

[ماهيتاب]

لا طبعا يا استاذ مومو يا ...... انا مستحيل اقيد حد في حملته ضد السويس ومتهيقلي ده واضح في ردي على اخر واحد كتب في الموضوع بتاع السويس

وانا معرفش حد من اللي هنا في المنتدى اصلا علشان اقف مع حد او اتحامل مع حد
وميرسي بجد على ذوقك وعلى طريقتك في الكلام علية

[المهاجر الي حبيبه]

اصدقائي
هف تيم وقت مستقطع
كفايه بقي الموضوع خد وقت كبير اوي اظن ان الادارة قفلت الموضوع
ياريت نفكر في موضوع تاني يكون احسن عن السويس

شكرا

[ماهيتاب]

اب على الصدمة
ايه اللي انا شفته ده
صورنا في الكارنيهات كارثة
واخدين صورنا من ايام الطفولة
ده حبا هيجيبونا واحنا بالببرونة وبنقول وااااااااااء واااااااااء
ده في ناس معرفتهاش والله


رغم اننا ودينا صور للشئون علشان الصور الحلوة ده متنزلش بس بجد مش عارفة ازاي ده يحصل
حد يقولنا على حل
ده لو كان ليها حل
يا اما يخلوها ليهم باه
احنا مش عايزنها

[agamy]

هههههههههههههههههههههه
بجد موقف مش لزيز
انا متأكد انها كانت صدمه

ربنا معاكم
http://ghadaabdo.jeeran.com/cat_with_big_gold_eyes2.jpg

[حسونة]

اولا:
انا بجد يا مومو نفسي اعرف انت ليه كده (فصيل)؟؟؟؟؟
انا مش عارف انت مين اصلا وبجد نفسي اتعرف بيك واسمع وجهات نظرك المستفزة دي عشان بجد انا زهقت من ردودك اللي فعلا ملقيتش حاجة اكتبها اوصف بيها مدي خنقتي منها....
ثانيا وده الاهم:انت ايه اللي غايظك ومنرفزك كده من ماهيتاب, ولا كلام الحق الايام دي تقيل على قلبك؟!
المهم يا مومو (انت كرهتني في مومو على فكرة) احنا معاك اهو للاخر رغم ان الموضوع القديم خلص ولو عندك حاجة مزعلاك منه يا ريت اكون بكده رديت عليك

[حسونة]

فعلا يا جماعة الكارنيهات الجديدة غريبة أوي انا صورتي فيه هي نفس الصورة اللي انتو شايفينها عالموقع, ودي صورتي من
2 ث
انا اصلا رحتلهم عشان اديهم صورتي دلوقتي ومرضوش ياخدوها مني
بس برضه خطوة حلوة للكلية تتحسبلها بجد والله انهم بدأوا يعملوا كارنية ال7 جنية , قصدي كارنية البار كود

[حسونة]

انا مش معاكي يا ماهيتاب بس انا متهيألي ان كل اللي بيشكاركوا معانا في الكلية
هو طبعا الاقبال من الطلبة ضعيف
بس الحكاية دي في ايدينا احنا
لو كل واحد عرف اتنين اصحابه (اتنين بس) بالمنتدى بجد هتلاقي ناس كتير جت
ولا ايه رأيكم؟؟

[حسونة]

http://www.scusuez.org/stud/tmp/petrol/3rd/4155.jpg

تخيلوا؟؟؟

[سمو الامير]

بصراحة ومحدش يزعل مني

أنا أكتر حاجة مضايقاني طريقة النقاش والحوار بتاعتكم في المنتدي

كل حاجة تقلبوها خناقة وكل واحد متأكد إن هو الوحيد اللى رأيه صح

يا ريت نتعلم إزاي نتكلم مع بعض ونقنع بعض بوجهات نظرنا من غير ما نمسك في بعض

أكيد في طرق محترمة كتير

[سمو الامير]

بالنسبة للكارنيهات بس هي تييجي بس

مش مشكلة صور صغيرة ولا واحنا في الحضانة

هي مش دي صورنا برده ؟

خلاص مش هتفرق كتير

بدل ما الواحد ماشي بكارت ميناتل كده
شكرا يا حسونه على الموضوع

( خطوة سديدة بإذن الله على الطريق الصح )

[حسونة]

عندك حق والله يا سمو الامير
طريقة النقاش محتاجة شوية تحضر وموضوعية و عقلانية وعدم تهور

[3tho]

والله يا حسونة انا شايف انك بهدلت السويس اوى و كفاية كدة بس بينى و بينك طبعا عندك حق مفيش حاجة فى البلد دى اصلا تدعو الى التفاؤل

[3tho]

بس يا حسونة مش كل حاجة وحشة يعنى

[3tho]

يعنى عندك مثلا ...................

[3tho]

و الله ما لاقى حاجة اقولها

[3tho]

عندك حق يا حسونة انت تقول ما بدالك فى البلد دى

[3tho]

دة كفاية اول ما بوصل على الاكتئاب اللى بيجينى

[3tho]

ازاى الكلية تلم فلوس و هى اصلا واخدة مننا فلوس زيادة مع المصاريف.............