ارجـــــــــــــــــــــــــو المساعده انجدونى يا اخوانى

[محمدجبريل]

السلام عليكم ورحمه الله وبركاته
انا محمد احمد عبد الحميد جبريل كنت طالب بكليه تعليم صناعى السويس الدفعه اللى دخلت الكليه سنه 2006/2007 المهم دخلت الكليه اول سنه وللاسف طلعت ب 7 مواد 3 فى الترم الاول و4 فى الترم التانى المهم قولت مش مشكله ودخلت تانى سنه امتحنت الترم الاول فى الكليه وفى ناس كتير طبعا ساعدونى لانى مكنتش قادر انى اعيد تانى سنه لاول مره فى حياتى منهم طلبه زمايلى ومنهم مهندسين المهم دخلت اتلترم الاول ونجحت تقريبا
بس يوم 16/2/2008 بالتحديد والدتى تعبت تعب شديد قوى المهم مرحتش اساسا علشان اعرف نتيجه الترم الاول ايه المهم يوم 1/3/2008 توفت والدتى الله يرحمها وبعد كده مرحتش الكليه تانى الا مرتين علشان اجيب شهاده قيد المهم فى تاريخ 9/6/2008 سافرت الى ليبيا وبعد كده وصلنى جواب فصل من الكليه فى شهر 7 المهم مقدرتش انزل وادينى هنا بقالى حوالى سنه ونص المهم اللى انا طالبه منكم تشوفولى حل انى ارجع الكليه تانى نفسى اكمل تعليمى فى الكليه دى وانفذ وصيه امى الله يرحمها ومستعد ارجع من الصبح لو فى حل لمشكلتى دى بالله عليكم ساعدونى

[yaso]

ربنا يوفقك ويارب حد يستجيب ويساعدك

[ابن القيم]

ياريت يا محمد تكتب شكواك دي في قسم شكاوي الكليات بالمنتدي

وسيتم النظر فيها عن طريق ادارة الجامعة بإذن الله تعالي

[vendetta]

الموضوع محتاج شوية مجهود وبصراحه محتاج استلواح

خد شهادة وفاة الوالده وروح لعميد الكليه وكلمه وان حكمت وريله شهادة الوفاه وقله ظروف وفاة والدتى واعمله من الحبه قبه واستموت لحد مايوافقلك او يدلك على الطريق من الاخر وان شاء ربنا يوفقك وتحاول تكمل تعليمك

[ahmed_totta]

انا اعرف ان اللى بيعيد سنة اولى مرتين ف اي كلية بيتفصل

[نهر الحياة]

ربنا يوفقك والافضل أنك تتابع الموضوع بنفسك
وتروح من بكرة الكلية وتسأل

[محمود الفرنساوي]

ماينفعش تعمل قيد تاني
قدم شكوى للعميد
ممكن تقدم لكليه تانيه
رحم الله والدتك

[elmohnds]

الاول تعازينا ليك وربنا يصبرك

تاني شيء انته جيت في كليه مش عارف اغرب كليه في العااالم انا في حلوان وبقولك ديه اغرب كليه في العااالم والله مش عارف اقولك ايه بس انته لازم تتعب ومن نحيت هتتعب هتتعب جدا وان شاء الله هتلاقي حل