مكتبة الكلية

[thephilosopherpoet]

بما ان هذا الموقع يعتبر منبرا هاما لتوصيل صوتنا إلى إدارة الكلية ، فاننى أرجو من جميع الأعضاء المشاركة فى هذا الاستفتاء ... وشكرا

ما رأيك فى مستوى مكتبة الكلية ؟

1- رائع والكتب متوفرة

2- جيد ويفى بالغرض

3- يندر وجود الكتب التى أريدها

4- هى دى مكتبة أصلاً

[soma_911]

:eek: انا مش بحس اني بدخل مكتبه اصلا وكمان المعامله غير جيده

[memo]

أنا برجوا العاملين بالمكتبة أن يتعاونوا مع الطلاب ويراعوا الله فيهم

[thephilosopherpoet]

ياجماعة ياريت كلنا نشارك فى هذا الاستفتاء ونكون ايجابيين للوقوف على سلبيات الكلية وايجابياتها حتى تعم الاستفادة ..

[ميروتويتي]

فعلا انا مش بحث اني داخلة مكتبة اصلا والمعاملة سيئة للغاية ومفيش كتاب نسأل عليه ونلاقيه غير نادرا
كمان الواحد كل ما يفكر يدخل اساسا لازم يقول لمشرفة المكتبة هو عايز يعمل بحث في اي موضوع انا نفسي افهم هي المكتبة للابحاث بس مينفعش يعني ندخل نقرا عادي

[thephilosopherpoet]

فعلا انا مش بحث اني داخلة مكتبة اصلا والمعاملة سيئة للغاية ومفيش كتاب نسأل عليه ونلاقيه غير نادرا
كمان الواحد كل ما يفكر يدخل اساسا لازم يقول لمشرفة المكتبة هو عايز يعمل بحث في اي موضوع انا نفسي افهم هي المكتبة للابحاث بس مينفعش يعني ندخل نقرا عادي

والله هو ده اللى دفعنى إلى كتابة مثل هذا الاستفتاء ، والنتائج حتى الآن تؤكد كلامك

[flawers2008]

انا من سنه اولى حرمت انى ادخل المكتبه بسبب الذل الى شوفته فيها المعامله صعبه جدا بجد محتاجه تغيير في كل حاجه

[hfathy2008]

فعلا انا مش بحث اني داخلة مكتبة اصلا والمعاملة سيئة للغاية ومفيش كتاب نسأل عليه ونلاقيه غير نادرا
كمان الواحد كل ما يفكر يدخل اساسا لازم يقول لمشرفة المكتبة هو عايز يعمل بحث في اي موضوع انا نفسي افهم هي المكتبة للابحاث بس مينفعش يعني ندخل نقرا عادي

:):)ارجو الرد فى هذا المجال والتغيير فيه***

[halawa]

وكمان مش كدة وبس المكتبة ناقصها كتيييير من الكتب محتاجة لسة المزيد يعنى احنا لما دورنا على اى كتب فى موضوع المساحة المستوية ما لقيناش اللى احنا عايزينة

[soso.m]

ده اصلا مش مكتبة والمعاملة سيئة جداجدا جدا

[محمد النشار]

انا بيتهيالى انهم خايفين عالكتب لتتنشل ولا حد يحطها جوة القميص ولا يقطع منها ورق ولا حاجة

[AbdoHolmez]

يا جماعه تحمدوا ربنا ان عندكم مكتبة احنا فى بترول اللى عايز المكتبة لازم يروح الكلية لقديمة اللى فى المعمل

[wa7id_of_elnas]

المرة الوحيدة اللى دخلت فيها المكتبة لما امتحنت شفوى خواص مواد
كان عليها اقبال تاريخى ساعتها

[mazen 22]

مش لما يكون فى ناس بتقرا الاول

[EMY_NOUR]

علي فكره انا موظفه بالمكتبه عمري ماشفت تعامل معاكم الا في منتهي الادب والذوق واللي شايف غير كده يجي يكلمني بنفسه واحنا نعالج السلبيات دي معاه ومن غير زعل لاننا والله نفسنا تشاركونا ونتعامل معاكم وتساعدونا

[hamies]

:Applause:

[hamies]

:Applause:

برافو ياemy_nourوهو دة اللى احنا عاوزينة

[hamies]

ده اصلا مش مكتبة والمعاملة سيئة جداجدا جدا

بصى ياsosoلوساعديهم هم هايساعدوكى ودة عن تجربة صدقنى

[محمود أحمد حسين]

بما أنا من كلية التربية جامعة قناة السويس ولكن فرع الكلية بالإسماعيلية والحال من بعضه ف أنا بقول وهى دى مكتبة أصلاً .

[noda_noda]

ياجماعة انامهما احكى و اقول عن المكتبة دى مش هايقضينى صفحةاو اتنين اوممكن تلاتة

انا بجد مش قادرة استحمل المعاناة اللى بنعانيها من:

1- سوء المعاملة وانا اعنى الكلام اللى بقوله فالمعاملة سيئة للغاااااااااااااااااااااااااااااااااية.

2-قلة وندرة الكتب المفيدة داخل المكتبة يعنى لما ابقى عايزة اعمل بحث ونفسى اجيب مرجعين مش بلاقى الا مرجع واحد ودا اذا كان ربنا بيحبنى ولقيته اصلا مع العلم ان المكتبة مليانة كتب لكن مش مفيدة والطلبة مش بتستعملها

3-عدم السماح بدخول المكتبة الا بورقة واحدة ،وفيها ايه لو دخلت بورقتين يعنى انا نفسى اعرف؟؟!!
وبعدين البحث مش بيكفى اكتب فى الورقة دى بس وهو احنا المفروض فى اول السنة نشترى كشكول للتقطيع(نقطع منه ورق للمكتبة) وكشكول للمحاضرات؟ وانا لما بخرج من المكتبة الورقة دى بتضيع ومجهودى كله بيضيع معاها

4-عدم تطبيق كلام و كيل شئون الطلبة حيث كنت احد الحاضرين فى الاجتماع بخصوص السماح للطلاب بالاستعارة عن طريق الكارنيه القديم لفترة مؤقته حتى يتم استخراج الكارنيه الجديد

5- هو انا مينفعش اقرأقراءة حرة؟؟! لازم اكون داخلة اعمل بحث؟ سؤال محتاجة اجابة عنه مع العلم ان اول سؤال يتسئله الطالب وهو داخل المكتبة ..انت هاتعمل بحث للدكتور مين؟ فانا ارد واقول: الدكتور فلان
فيقولولى شايفة الكتاب اللى على يمينك ده خديه هو ده اللى هاتعملى البحث عنه للدكتور فلان
والله حاجة غريبة

6-طلب اخير يا جماعة(نفسى اشوف الاوضة اللى فيها الكتب من جوه قبل ماموت) انا عمرى مادخلت الاوضة دى مع العلم ان فى ناس معينة وبلاش ذكر اسامى بيدخلوا ويطلعوا ويجيبوا كتب على راحتهم وطلبة زينا ومفيش اى فرق بنا وبينهم غير ان ليهم واسطة جوة المكتبة.

اقول ايه بس لسة عندى كتير والله بس كفاية كدة
وياريت ميكونش كلامنا ده مجرد فضفضة وهاتروح لحالها
بجد يا جماعة لازم المكتبة دى يحصل فيها تغير جذرى وباسرع وقت ممكن ونحن كطلبة نستسمح المسؤلين بسرعة الاستجابة

والدنيا كلها بتتغير الا المكتبة دى مش عارفة ليه؟

[بوسى]

[size="2"][color="blue"]فعلا المكتبة محتاجة تغيير من جميع النواحى
من حيث الكتب والعاملين بطريقة معاملتهم والمكان ايضا الذى يسع الى حد ما من الطلبة

[نهر الحياة]

أنا مع memo
بسألى محتاج بيحارب:laughing at::laughing at:

[nor]

الواحد بجد بيكره دخول المكتبة بسبب سو المعاملة ، لدرجة أننا بنتحايل علي بعض علشان ندخل و ذلك للضرورة القصوى
بالذمة بش حاجة تزعل
:crying::crying:

[نسمات هادئة]

دخلت معظم مكتبات كليات التربية بالجمهورية ولم اجد سوء معاملة مثل ما حدث معي في هذه المكتبة فانا باحثة دكتوراة وقطعت مسافة سفر 5 ساعات للوصول الي السويس للحصول علي رسالة دكتوراة وعندما وصلت قال لي مدير المكتبة ان التصوير ممنوع وحينما اخذت موافقة من عميد الكلية علي التصوير قال لي االمدير ان ماكينة التصوير معطلة ولا استطيع التصوير وحينما استاذنت في التصوير بمكان اخر رفض وقال ان الامر ممنوع .
ممنوع بعد خمس ساعات سفر وبهدلة يعني لو واحد معرفه كان هيبقي ممنوع برضه؟
الحق يقال الوحيد الذي كانت معاملته ممتازه الاستاذ محمد عارف مدير مكتب العميد وصاحب الرسالة الذي اتصلت به شخصيا وامدني بما اريده بعيدا عن دهاليز عتاولة المكتبة

[Princesse Nour]

لا والله المكتبه بيبقى فيها كتب مفيده و بيساعدونا كتير و خصوصا لطلبه قسم اللغه الفرنسيه
كل اللى بنحتاج بنلاقيه ومفيش مشكله بتواجهنا هم بيساعدونا وبنعرف نوصل للى محتاجينه بسهوله

[shaimaa salah]

ليه يا جماعه المعامله سيئه ليه؟
الناس كويسين جدا