حوار بين طالب وخريج هندسة البترول [الأرشيف] - منتديات فرع جامعة قناة السويس بالسويس

ابن القيم

23 - 07 - 10, 03:20 PM

طبعا أحيانا استقبل استفسارات واسئلة عن حال هندسة البترول(او ما يسمي بقسم الحفر والانتاج) قبل التخرج وبعده علي اساس اني عايشت هذه الفترة..

والنهاردة ارسل لي احد طلبة هندسة البترول رسالة خاصة فيها بعض الأسئلة فقلتله هخلي الاجابة عليها في موضوع عام عشان الاستفادة تكون عامة..ولو في نقاش او سؤال من حد تاني تستفيد اكتر..

السؤال الأول:

هو الحياه في مجال البترول كلها بالوسايط؟يعني لو عايز تدريب مثلا لازم اجيب واسطه ولا ممكن يكون في انترفيو لاختيار الافضل؟

الاجابة:

للأسف الشديد اكبر خطأ بيقع فيه طالب هندسة البترول عموما أنه بيدي ودانه للناس فكل حاجة يسمعها يصدقها من غير ما يتحري الدقة وصحة الاخبار ولا اصل الخبر...

يا جماعة الناس بره الكلية بتنظر لمجال البترول علي انه الجنة ونعيمها..وعلي انه افضل مجال من ناحية الفلوس والشغل والراحة وكل حاجة..وده طبعا بيتنافي مع سنن الحياة..لأنه مفيش حاجة بتيجي بالساهل ابدا..ربنا خلق الدنيا كده

ولا شك ان كلية هندسة البترول من افضل الكليات الهندسية من ناحية سوق العمل بعد الدراسة ..ومش معقولة يكون عليها الاقبال الشديد من الطلاب ومجموعها المرتفع ونقول دي كلية تعبانة ومالهاش شغل...

ولكن للاسف الهالة الكبيرة اللي بتحيط بالكلية قبل ما الطالب يجي السويس بتخليه متخيل انه داخل حاجة افضل من الجامعة الأمريكية ..لدرجة كان في اشاعة مرة وانا كنت طالب بأن وزارة البترول بتدينا فلوس مجانا لأننا طلبة البترول المتميزين..ودي اشاعة من الاشاعات اللي بتكرر كتير..

بالنسبة بقي لموضوع الواسطة فده احد الحاجات اللي بيركن ليها الناس الخايبة..وكل حاجة في البترول متخيلنها بالواسطة..وعايز اقوله علي حاجة وهي انك مهندس بترول يعني واحد متعلم يعني مش كل الناس زيك(يعني في فرق ان شركة بترول تطلب محاسبين او اداريين او فنيين وفي فرق لما تطلب مهندسين بترول)..يعني لو في شركة بتاخد مهندسين بالوسايط(وهي شركات معروفة بالاسم) ودي شركات تتعدد علي الصوابع أما باقي الشركات فبها امتحانات ومسابقات(او ما يسمي بالانترفيو) لاخيار افضل المهندسين..او بيتم تشغيل المهندسين اللي سبقوا وقدموا ورقهم وبيعتذروا للباقي(لأن هناك ثقة كاملة في كل خريج هندسة البترول بالسويس) يعني من غير امتحان وده بيحصل وحصل قدامي قبل كده..وكتير من المهندسين القدامي في الشركات عندهم اقتناع كامل بأن كل خريجي هندسة البترول كويسين ومتميزين...

وخلي بالكم اللي بيعيش بالواسطة وبياكل بالواسطة وبيشتغل بالواسطة ده عمره ما هيكون مهندس ناجح او عمره ما هيكون مهندس اصلا ..وبكرة الناس هتضحك عليه لأنه بيكون فاشل في شغله لأنه لا يؤمن بنظرية التعب وعرق الجبين والمجهود من أجل النجاح في الحياة ده بيؤمن بالواسطة فقط... وبيبقي مكسوف لما يقابل حد من دفعته...

أما بخصوص التدريب فيا جماعة التدريب في الشركات ده أسهل ما يكون..فبمجرد ان تتعرف علي مهندس حتي ولو صغير في اي شركة تابعة للهيئة او شركة خاصة ممكن يجبلك تدريب..بل انا اعرف بعض الطلبة راحوا لفوا علي الشركات وقدموا طلب تدريب وجالهم تدريب من غير واسطة ولا أي حاجة...

ولازم تعرف انك مهندس بترول مش بالشهادة لأ..بالكفاح والسعي والنجاح العملي..فأوعي حد يقعد في البيت وينتظر الشركة تقوللي تعالي اتفضل خد تدريب عندنا أو تقوللي ربنا يخليك تعالي اشتغل عندنا..فلازم انت تسعي وتدور علي الأفضل ليك والأحسن والوظيفة المناسبة...ومتخفش سوق البترول ما زال صامد وكل يوم في احتياج..وربنا يوفقك الجميع

يُتبع بإذن الله

beckham7

23 - 07 - 10, 03:58 PM

أنا اعرف خمسة عملوا انتر فيوو فى شركــه

ونجح واحد سادس :h::h::h::h::h::h:

ما دخلشي معاهم الانتر فيوو اساسا

ابن القيم

23 - 07 - 10, 04:13 PM

أنا اعرف خمسة عملوا انتر فيوو فى شركــه
ونجح واحد سادس
ما دخلشي معاهم الانتر فيوو اساسا

معني ان اللي امتحنوا خمسة فقط يعني الشركة صغيرة..يعني الشركة فيها شوية موظفين..يعني الواسطة هتكون اسهل...يعني المهندس هناك مش هيتعلم حاجة..
كل ما الشركة بتكون كبيرة فرصة الوسايط بتكون ضعيفة..

وأحيانا هناك وللأسف وسايط كبيرة جدا ومن جهات عليا لا يستطيع احد في الشركة يقف قصادها(إلا لما يكون مصيره زي خالد سعيد كده)

ولكن الخمسة دول مايزعلوش علي نصيبهم..لازم تؤمن ان كل حاجة نصيب وتوفيق من عند ربنا..ومتفكرش كتير في الحاجات دي لأنه هيجيلك نصيبك...لأن كل انسان له رزقه..

وخلي بالك ان انت لما تتخرج هتقابل مواقف كتيرة جدا زي كده..وخصوصا مع الشركات الصغيرة
وهتلاقي نفسك دخلت أكتر من انترفيوا في اول شهر ولكن ليس هناك نتيجة..
فعليك انت تصبر..وربنا زي ما وفقك ودخلت احسن كلية هندسة هو سبحانه اللي هيوفقك في شركة تناسبك..

وهناك نصائح بخصوص الانترفيوا

1-لازم تكون علي علم بالاسئلة الشهيرة بالانترفيوهات(موقع عرب اويل هيكفيك)
2-لازم تكون متابع مع زمايلك دايما مواعيد الانترفيوهات الجديدة
3-لازم تكون عامل ابليكيشن في كل الشركات علي قدر ما تستطيع(شركات الهيئة أو الأونر)
4-لا تفكر في دخول معترك الشركات الخاصة إلا لما تشوف جو الشركات العامة ايه لأن الافضل ليك التعيين في الشركات العامة..والأفضل من ناحية الخبرة والفلوس الشركات الخاصة
5-لازم تعمل صداقات وصلة مع مهندسين في الشركات عشان غالبا بيساعدوك بمجرد ما يعرفوا انك خريج زيهم من هندسة البترول(وللاسف هتلاقي بعض العصبيات لبترول الأزهر وبترول القاهرة بس السويس تكسب)
6-لازم تذاكر كل مواد التخصص من بعد ما تتخرج..ومش معني انك خلصت كلية انك ترمي الكتب

beckham7

23 - 07 - 10, 04:19 PM

معني ان اللي امتحنوا خمسة فقط يعني الشركة صغيرة

خمسة عملوا انتر فيووو

مش خمسة امتحنواا :smile (249)::smile (249):

ابن القيم

23 - 07 - 10, 04:27 PM

خمسة عملوا انتر فيووو

مش خمسة امتحنواا :smile (249)::smile (249):

انا عندي الاتنين واحد..وفي ناس بتفرق بين الامتحان التحريري والشفوي وبتقول ان الشفوي اللي اسمه انترفيو

وفي ناس بتقول ان مقابلة الشيرمان(اعلي سلطة في الشركة) هو الانترفيو:smile (36):

دي مدارس يا بيكهام

ما تحطش في دماغك:24:

7aneen

23 - 07 - 10, 05:10 PM

6-لازم تذاكر كل مواد التخصص من بعد ما تتخرج..ومش معني انك خلصت كلية انك ترمي الكتب

يا لهويس و هو فى شاب حفر هيجيله قلب يرمى الكتب :smile (53):

ده مش هيجيله نووم إلا و الكتب جنبه ع السرير ...

دى حياتهم كلها .. من غيرها حاياتهم ماتمشيش :SnipeR (65)::SnipeR (65):

ابن القيم

23 - 07 - 10, 05:28 PM

يا لهويس و هو فى شاب حفر هيجيله قلب يرمى الكتب :smile (53):

ده مش هيجيله نووم إلا و الكتب جنبه ع السرير ...

دى حياتهم كلها .. من غيرها حاياتهم ماتمشيش :SnipeR (65)::SnipeR (65):

فعلا هناك من طلاب حفر يحتفظ بكل الأوراق والملخصات والكتب المقررة والغير مقررة

ولكن ليس كل طلاب حفر كده..لأن فيهم اللي بيهتم بالملخصات السريعة فقط وبيحفظها وممكن ينساها ويرميها

وكمان احيانا في شركات بتسأل في كل حاجة في التخصص زي بتوع هندسة الانتاج مثلا(وطبعا احنا ميح في هندسة الانتاج ولكن البركة في الحفظ والتسميع)

beckham7

23 - 07 - 10, 05:30 PM

انا عندي الاتنين واحد..وفي ناس بتفرق بين الامتحان التحريري والشفوي وبتقول ان الشفوي اللي اسمه انترفيو

وفي ناس بتقول ان مقابلة الشيرمان(اعلي سلطة في الشركة) هو الانترفيو:smile (36):

دي مدارس يا بيكهام

ما تحطش في دماغك:24:

:smile (22)::smile (22): أنشاء الله حمسك شييرمااان جاابكوو أو بتروبل

بس سنة كام مش متأكد بالظبط :smile (46):

beckham7

23 - 07 - 10, 05:39 PM

وطبعا احنا ميح في هندسة الانتاج

ربنا يجازى اللى كان السبب :smile (122)::smile (122):

ولا أكنى خدت أنتاج

yaso

24 - 07 - 10, 02:45 PM

جزاك الله خيراً ياباشمهندس :)

ومنتظرين البقية باذن الله تعالى..

أحمد عبد التواب

24 - 07 - 10, 02:58 PM

وخلي بالكم اللي بيعيش بالواسطة وبياكل بالواسطة وبيشتغل بالواسطة ده[COLOR="red"] عمره ما هيكون مهندس ناجح او عمره ما هيكون مهندس اصلا ..وبكرة الناس هتضحك عليه لأنه بيكون فاشل في شغله لأنه لا يؤمن بنظرية التعب وعرق الجبين والمجهود من أجل النجاح في الحياة ده بيؤمن بالواسطة فقط... وبيبقي مكسوف لما يقابل حد من دفعته...

مظبوط يا باشمهندس بكرى .... عمر الوسايط مابتنفع أصحابها ...
بل هى سر تعاستهم....
امتى بس يجى الوقت اللى مايبقاش فيه وسايط ولا محسوبية والناس كلها
يبقى عندها ضميييييييييير !!!؟؟؟؟:smile (57):

beckham7

24 - 07 - 10, 03:36 PM

مظبوط يا باشمهندس بكرى .... عمر الوسايط مابتنفع أصحابها ...
بل هى سر تعاستهم....
امتى بس يجى الوقت اللى مايبقاش فيه وسايط ولا محسوبية والناس كلها
يبقى عندها ضميييييييييير !!!؟؟؟؟:smile (57):

أعرف واحد خريخ قسم تكرير

وشغال directional engineering

وواحد تانى أداب وشغال مهندس طفلة

وتالت هندسة كهربا وشغاال سيفتى على رج

royal.ahmed

24 - 07 - 10, 07:31 PM

CRISTIANO RONALDO

24 - 07 - 10, 07:31 PM

أعرف واحد خريخ قسم تكرير

وشغال directional engineering

وواحد تانى أداب وشغال مهندس طفلة

وتالت هندسة كهربا وشغاال سيفتى على رج
ههههههههههه اشطة انا اعرف تجارة بيشتغل شغل المهندس وبيقبض زى المهندس بالصبط وبعدين خريخ ايه ههههههههههههه:smile (22)::smile (22)::smile (22)::smile (22):

momoo

24 - 07 - 10, 08:49 PM

[بجد كلام رائع يا بشمهندس بكري ..جزاك الله كل خير ..]

عبد الحميد

25 - 07 - 10, 04:37 AM

موضوع جميل و فكرة جامدة و خطوة رائعة من حضرتك يا بشمهندس يا ريت بس المتابعة .. شكراً

CRISTIANO RONALDO

25 - 07 - 10, 02:13 PM

موضوع بجد جميل وفعلا الانسان الطموح واللى عايز يثبت نفسه ويقاوم الوسايط هو اللى يقدر يعدى ويفوت وكله بتوفيق ربنا طبعا

ابن القيم

25 - 07 - 10, 02:29 PM

أعرف واحد خريخ قسم تكرير

وشغال directional engineering

وواحد تانى أداب وشغال مهندس طفلة

وتالت هندسة كهربا وشغاال سيفتى على رج

بغض النظر عن معارفك الكتير لكن المجال مش متقارب من بين التخصصات والشهادات لكن دول يوم مايتحطوا في موقف طارئ الرج هتولع بيهم كلهم ومش هتنفعهم واسطتهم بنكلة عشان هما مش فهامين ولا دارسين ممشين حالهم بكورسين في السخان وشوية تدريب

ههههههههههه اشطة انا اعرف تجارة بيشتغل شغل المهندس وبيقبض زى المهندس بالصبط وبعدين خريخ ايه ههههههههههههه:smile (22)::smile (22)::smile (22)::smile (22):

لازم يا شباب نعرف حاجة مهمة جدا وهي ان شركة البترول قطاع عام او خاص..مصرية او اجنبية..بتحتاج كل التخصصات فهي تحتاج الي محاسبين واداريين وفنيين وعمال نظافة وعمال صيانة وسواقين و....و.....

ولكن للاسف في أذهان كتير مننا ان الشركة ما دامت اسمها شركة بتعمل في مجال البترول فهي حكرا فقط علي خريجي بترول..بل تجد طالب بترول بيستغرب لما يلاقي خريج كلية اخري وشغال في شركات البترول...او لما يلاقي واحد معاه دبلوم واتعين او واحد لاعيب كورة والدولة كرمته بالتعيين في شركة البترول(مع اعتراضي علي مثل هذه المواقف)

لذلك لما تلاقي اي صاحب تخصص وجد فرصة عمل في شركة بترول بواسطة او من غير واسطة فهذا ليس له علاقة بك بالمرة ولم يأخذ مكانك..لأن مكانك هو مكان مهندس البترول فقط لا غير ولا يوجد تخصص ينفع نستبدله مع هندسة البترول نهائيا..ومن المستحيل ان يكون في مكان مهندس البترول في الشركة شخص آخر غيره...

ولكن لازم ألفت انتبهكم لحاجة وهي أن شركات خدمات البترول ومعظمها شركات خاصة تحتاج دايما لفنيين علي بريمة الحفر مثلا..وطبعا شغلة الفني مش شغلتك نهائيا..ولكن أحيانا تجد خريج البترول نظرا لطموحه واستعجاله للدخول معترك العمل يقبل ان يعمل فني في مقابل ان يتعلم وفي المقابل ايضا بأن يجد مصدر رزق له لا بأس به..وأحيانا بتكون مرتبات أعلي من المهندسين الجدد في شركات أخري..وأحيانا يصل إلي مسئول علي الفنيين وهذا في مقام المهندس..

وطبعا لما شركة تطلب فني وتلاقي واحد مهندس بترول محترم بيتقدم لشغل هذه الوظيفة فالشركة بتوافق عليه..وفي المقابل بيجي ناس معاهم شهادات تانية زي تجارة وآداب ودبلوم ومعاهد فبرضو هيلاقوا شغل في الشركات دي..ففي الاساس هذه الأعمال ليست للمهندسين ولا لخريجي تجارة او آداب او معاهد ولكنها في الاساس لمن معهم شهادة دبلوم أو بعض المعاهد(نظام سنتين)..ولكن نظرا للمرتبات المجزية تجد اقبال علي التقدم لشغل هذه الوظائف من كل الفئات التعليمية..

والمهندس في بداية حياته لا ينظر إلي الماديات ولا يلتفت إلي الوجاهة الاجتماعية ولا يركن إلي البحث عن مناصب ادارية..ولكن يجب عليه بعض المرمطة في سبيل التعلم وفهم مجال البترول جيدا حتي يصير غدا مهندس فاهم مش مهندس نص كم...

ولازم تعرفوا حاجة أخيرة وهي ان بعض الشركات الخاصة(وخصوصا الشركات الصغيرة) لا تنظر إلي شهادة العامل بقدر ما تنظر إلي حرصه علي العمل وكفاءته في العمل..يعني بالعربي ممكن تلاقي واحد في شركة ما اسمه مهندس ومسمي نفسه مهندس بترول وهو بعيد كل البعد عن هذا التخصص ولكن نظر لخبرته في مجال البترول أصبح يلقب نفسه ويلقبه الآخرين بالباشمهندس

معلش انا بطول عليكم شوية

abo talkhawi

25 - 07 - 10, 02:56 PM

جزاك الله خيرا يا بشمهندس الكلام ده وضح حاجات كتييييييييييييييييييير كانت غامضة

ma7amed

25 - 07 - 10, 03:11 PM

الحمد لله كده مش هاقعد في البيت :smile (38)::smile (38)::smile (38):

شكرا على الموضوع يا ابن القيم

ابن القيم

25 - 07 - 10, 03:14 PM

[بجد كلام رائع يا بشمهندس بكري ..جزاك الله كل خير ..]

موضوع جميل و فكرة جامدة و خطوة رائعة من حضرتك يا بشمهندس يا ريت بس المتابعة .. شكراً

جزاك الله خيرا يا بشمهندس الكلام ده وضح حاجات كتييييييييييييييييييير كانت غامضة

ماتتصوروش يا جماعة انا بفرح اد ايه بمشاركات الشكر والتقدير هذه وغيرها

لأني بصراحة بكتب كل مشاركة في الموضوع هنا بتركيز شديد وكل كلمة بحطها بتخيل في نفس الوقت وانا كنت طالب في الكلية

انا كان نفسي اي واحد خريج من الكلية يقوللي الحاجات دي من زمان ..كان هيوفر عليا شوية بهدلة

ولكن دلوقتي قلت انا لازم افيدكم علي اد خبرتي..وفي حاجات باكتبها هنا في خمس دقايق وفي الحقيقة انا اتعلمتها في سنتين مثلا

وانا مش عايز منكم غير انكم تدعولي بظهر الغيب بأن ربنا يرضي عني

eng_alaa

25 - 07 - 10, 04:35 PM

ربنا يرضى عنك وعنى يا بشمهندس

beckham7

25 - 07 - 10, 06:11 PM

لازم يا شباب نعرف حاجة مهمة جدا وهي ان شركة البترول قطاع عام او خاص..مصرية او اجنبية..بتحتاج كل التخصصات فهي تحتاج الي محاسبين واداريين وفنيين وعمال نظافة وعمال صيانة وسواقين و....و.....

ولكن للاسف في أذهان كتير مننا ان الشركة ما دامت اسمها شركة بتعمل في مجال البترول فهي حكرا فقط علي خريجي بترول..بل تجد طالب بترول بيستغرب لما يلاقي خريج كلية اخري وشغال في شركات البترول...او لما يلاقي واحد معاه دبلوم واتعين او واحد لاعيب كورة والدولة كرمته بالتعيين في شركة البترول(مع اعتراضي علي مثل هذه المواقف)

لذلك لما تلاقي اي صاحب تخصص وجد فرصة عمل في شركة بترول بواسطة او من غير واسطة فهذا ليس له علاقة بك بالمرة ولم يأخذ مكانك..لأن مكانك هو مكان مهندس البترول فقط لا غير ولا يوجد تخصص ينفع نستبدله مع هندسة البترول نهائيا..ومن المستحيل ان يكون في مكان مهندس البترول في الشركة شخص آخر غيره...

ولكن لازم ألفت انتبهكم لحاجة وهي أن شركات خدمات البترول ومعظمها شركات خاصة تحتاج دايما لفنيين علي بريمة الحفر مثلا..وطبعا شغلة الفني مش شغلتك نهائيا..ولكن أحيانا تجد خريج البترول نظرا لطموحه واستعجاله للدخول معترك العمل يقبل ان يعمل فني في مقابل ان يتعلم وفي المقابل ايضا بأن يجد مصدر رزق له لا بأس به..وأحيانا بتكون مرتبات أعلي من المهندسين الجدد في شركات أخري..وأحيانا يصل إلي مسئول علي الفنيين وهذا في مقام المهندس..

وطبعا لما شركة تطلب فني وتلاقي واحد مهندس بترول محترم بيتقدم لشغل هذه الوظيفة فالشركة بتوافق عليه..وفي المقابل بيجي ناس معاهم شهادات تانية زي تجارة وآداب ودبلوم ومعاهد فبرضو هيلاقوا شغل في الشركات دي..ففي الاساس هذه الأعمال ليست للمهندسين ولا لخريجي تجارة او آداب او معاهد ولكنها في الاساس لمن معهم شهادة دبلوم أو بعض المعاهد(نظام سنتين)..ولكن نظرا للمرتبات المجزية تجد اقبال علي التقدم لشغل هذه الوظائف من كل الفئات التعليمية..

والمهندس في بداية حياته لا ينظر إلي الماديات ولا يلتفت إلي الوجاهة الاجتماعية ولا يركن إلي البحث عن مناصب ادارية..ولكن يجب عليه بعض المرمطة في سبيل التعلم وفهم مجال البترول جيدا حتي يصير غدا مهندس فاهم مش مهندس نص كم...

ولازم تعرفوا حاجة أخيرة وهي ان بعض الشركات الخاصة(وخصوصا الشركات الصغيرة) لا تنظر إلي شهادة العامل بقدر ما تنظر إلي حرصه علي العمل وكفاءته في العمل..يعني بالعربي ممكن تلاقي واحد في شركة ما اسمه مهندس ومسمي نفسه مهندس بترول وهو بعيد كل البعد عن هذا التخصص ولكن نظر لخبرته في مجال البترول أصبح يلقب نفسه ويلقبه الآخرين بالباشمهندس

معلش انا بطول عليكم شوية

برضه واحد تكرير شغال directional

وهندسة كهربا شغال سيفتى على رج

وأداب شغالماااد أنجنيير

ده غير التجارة والمؤهلات و واحد خريج شريعه شغالين على رج

الواسطة هيا الاصل والباقى تقليد :smile (129)::smile (129)::smile (129):

ابن القيم

26 - 07 - 10, 07:29 AM

برضه واحد تكرير شغال directional

وهندسة كهربا شغال سيفتى على رج

وأداب شغالماااد أنجنيير

ده غير التجارة والمؤهلات و واحد خريج شريعه شغالين على رج

الواسطة هيا الاصل والباقى تقليد :smile (129)::smile (129)::smile (129):

خلي بالك من حاجة مهمة جدا

وهي ان اللي انت ذكرته ده يعتبر مش اصل تخصص مهندس البترول فقط

يعني بتوع الميكانيكا والكهربا وغير ذلك من التخصصات بتتقبل في الشغل ده وحتي بتوع دبلوم

فلما الشركات الخاصة دي بتلاقي واحد خريج شهادة عالية زي تجارة وآداب فبيقولوا ده دماغه هتبقي نضيفة وهنعلمه الشغل

وبيسمي نفسه بعد كده مهندس زورا وعدوانا

Mr.DEEB

26 - 07 - 10, 09:43 AM

بصراحة موضوع جميل جدا

أشكر عليه ابن القيم

بس عندي سؤال لو سمحت

حضرتك قلت

-لا تفكر في دخول معترك الشركات الخاصة إلا لما تشوف جو الشركات العامة ايه لأن الافضل ليك التعيين في الشركات العامة..والأفضل من ناحية الخبرة والفلوس الشركات الخاصة

اذا كان الأفضل من ناحية الخبرة و الفلوس الشركات الخاصة ... طيب ليه حضرتك بتنصحنا بالشركات العامة ؟؟؟

هل عشان بيكون فيه عقد ثابت ؟؟ يعني مش ف أي لحظة هيستغنوا عن الهندس ؟؟ ولا فيه سبب تاني

وشكرا ع الموضوع الجميل ده

ابن القيم

26 - 07 - 10, 10:03 AM

بس عندي سؤال لو سمحت

حضرتك قلت
-لا تفكر في دخول معترك الشركات الخاصة إلا لما تشوف جو الشركات العامة ايه لأن الافضل ليك التعيين في الشركات العامة..والأفضل من ناحية الخبرة والفلوس الشركات الخاصة

اذا كان الأفضل من ناحية الخبرة و الفلوس الشركات الخاصة ... طيب ليه حضرتك بتنصحنا بالشركات العامة ؟؟؟

هل عشان بيكون فيه عقد ثابت ؟؟ يعني مش ف أي لحظة هيستغنوا عن الهندس ؟؟ ولا فيه سبب تاني

وشكرا ع الموضوع الجميل ده

السؤال ده انا منتظره من بدري واستغربت ان مفيش حد علق عليه..لأن انا سايب حاجات غامضة في كلامي عشان الناس تفكر وتسأل..

بخصوص الشركات العامة او التابعة لهيئة البترول او التي تتبع الحكومة يعني العمل فيها تعيين

مميزات:
تثبيتك في العمل وعدم المساس بمكانتك الوظيفة أبدا ولا يحق لأحد طردك من العمل وحقوقك الوظيفية والمعاشية والتأمينية محفوظة لك..ويمكنك التدرج في عملك الحكومي لبلوغ المناصب الحكومية الادارية او الوزارية العليا ويا سلام لو كنت عامل كارنيه في الحزب الوطني وتكون كلمنجي شوية..وكمان مهندس بترول يبقي انت هتوصل بسهولة(يا حبيبتي يا مصر)

عيوب:
ضعف الامكانات وقلة الخبرات بسبب الطلب الزائد في السوق وخصوصا في دول الخليج..فالمهندس الذي يعمل في شركة بترول هل سيرضي لنفسه مرتب يصل اقصاه 4 آلاف جنيه بعد عدة سنوات من العمل أم يوافق علي العمل بالخليج بمرتب يومي(وليس شهري) يصل إلي 2000 جنيه مصري احيانا..

الشركات الخاصة:

مميزات:العمل الدؤوب والخبرة المستمرة والمرتبات المجزية(مثلا شامبرجير او هليبرتون تعطي الخريج الجديد مرتب 4 آلاف وهو نفس المرتب الذي يقبضه مهندس البترول بعدد مرور 5 سنوات مثلا في الشركات الحكومية وزيادة المرتبات في الشركات الخاصة تختلف عنها في الشركات البترول الحكومية)

العيوب:الانقطاع عن الحياة وقلة رؤيتك لأهلك بسبب السفر الدائم والمستمر..ويستطيع مديرك في الشركة طردك واستبدالك بآخر في أي وقت

ونظرا لانشغالي الآن فصعب ان استوفي المقارنة حقها كاملة..وما كتبته الآن هو علي عجالة..وبإذن الله سأزيدكم في هذا الشعر ابيات وابيات عندما يسمح الوقت لي

Mr.DEEB

26 - 07 - 10, 10:19 AM

بخصوص الشركات العامة او التابعة لهيئة البترول او التي تتبع الحكومة يعني العمل فيها تعيين

عيوب:
ضعف الامكانات وقلة الخبرات بسبب الطلب الزائد في السوق وخصوصا في دول الخليج..فالمهندس الذي يعمل في شركة بترول هل سيرضي لنفسه مرتب يصل اقصاه 4 آلاف جنيه بعد عدة سنوات من العمل أم يوافق علي العمل بالخليج بمرتب يومي(وليس شهري) يصل إلي 2000 جنيه مصري احيانا..

ع كده يا دوب أشتري لي مدفن 3 × 3

أنا بشكر حضرتك جدا ع الرد الجميل ده

بس أنا شايف إن الشركات الخاصة أحسن

لإنك كل ما هتشتغل أكتر ... و تفكر و تكسب خبرات .... هيزيد دخلك

بينما الشركات الحكومية ... محلك سر ... تصحى و تروح و تيجي ع الظهر ... تتغذى و تنام

يعني اللي عاوز ينام ف الخط بيخش حكومي ... و أهو ضامن مكانه و بيآخذ مرتبه

بينما اللي عاوز يكبر و يحتك

مرة هيصيب و مرة هيخيب ... صحيح هيتعب .... بس الآخر هيكون أفضل

و انا شايف الفرق الأساسي ((من كلام حضرتك)) :

الخاص : هيكون خايف من الفصل ... هيبذل كل جهده لإثبات نفسه

الحكومي : ههههههههه ابقى فوت علينا بكره يا عم الحاج

يا ترى وجهة نظري دي صحيحة ؟؟؟

أحب أسمع رأي حضرتك ابن القيم ف الكلام ده

ابن القيم

26 - 07 - 10, 10:39 AM

طبعا وجهة نظر صحيحة يا ديب

ولكن كلنا كنا متفقين معاك في وجهة النظر دي لحد ما اتجوزنا وخلفنا ومع مرور السنين بتتعلق اكتر بأولادك وزوجتك وكمان صحتك مع العمر بتقل وانشغالاتك الاجتماعية بتزيد
فالأسلم والأفضل الوظيفة الحكومية

وهناك أمر آخر..وهو انه لا قدر الله ممكن يصاب الانسان بحادث ينتج عنه عجز فلو هو في شركة خاصة فيتم الاستغناء عنه حينها
أما في الشركات العامة فالأمر يختلف

the prime

26 - 07 - 10, 11:15 AM

ألف شكر ليك يا باشمهندس
على الرغم انى ما عنديش فكرة عن كتير من الكلام اللى بتقوله لانى لسه مخلص اعدادى لكن استفدت كتير من خبرتك
جزاك الله خيرا وجعله فى ميزان حسناتك

bedo17

26 - 07 - 10, 11:34 AM

كلام زي العسل ربنا يرضى عنك يا ابن القيم

ويا ريت حضرتك تعمل لينا موضوع حوار بين طالب وخريج هندسة التكرير لان اكيد في طلبة كتير هتستفيد منه ...

لو حضرتك تفيدنا او تعرف لنا خريج من القسم يكون زميلك ...

وجزاك الله كل خير

ابن القيم

26 - 07 - 10, 11:41 AM

ألف شكر ليك يا باشمهندس
على الرغم انى ما عنديش فكرة عن كتير من الكلام اللى بتقوله لانى لسه مخلص اعدادى لكن استفدت كتير من خبرتك
جزاك الله خيرا وجعله فى ميزان حسناتك

وجزاك مثله

وأكيد لما ترجع للموضوع ده بعد كده هتستفيد منه اكتر

وربنا يوفقك

ابن القيم

26 - 07 - 10, 11:42 AM

ويا ريت حضرتك تعمل لينا موضوع حوار بين طالب وخريج هندسة التكرير لان اكيد في طلبة كتير هتستفيد منه ...

لو حضرتك تفيدنا او تعرف لنا خريج من القسم يكون زميلك ...

جاري البحث عن خريج تكرير
والحمد لله تم ايجاد زميل من خريجي فلزات

وفقك الله

Mr.DEEB

26 - 07 - 10, 11:47 AM

Mr.DEEB

26 - 07 - 10, 12:26 PM

أحمد عبد التواب

26 - 07 - 10, 11:01 PM

هوا ينفع الواحد يشتغل ف الخاص لحد لما يتجوز و يضبط أموره و بعدين يحول حكومي ؟؟؟

و هل بتخدمه ف كده سمعته اللي عملها و هوا شغال ف الخاص ؟؟؟

و هل بيبدأ من الصفر ؟؟؟

و هل الموضوع ده سهل و لا لأ ؟؟؟

ياسلام عليك يا ديب .....نفس السؤال اللى كنت هسأله.....

يعنى هل ممكن نشتغل شوية فى شركات السرفيس لحد مانكون نفسنا وبعدين نحول على شركات حكومية...

وجزاك الله خيرا يا ابن القيم على هذا الموضوع المتميز...

yaso

27 - 07 - 10, 01:00 AM

والله كنت لسه داخل أسأل سؤال الديب بخصوص بداية الحياه في الشركات الخاصه ^_^

mr.ahmed

27 - 07 - 10, 01:18 AM

ههههههههههههههههههههه ايه يا جماعه الظلم دا فين خرجين تكرير ينصحوا شوي بدل ما حفر مستوليين ع المنتدى

ابن القيم

27 - 07 - 10, 10:55 AM

معليش استحمل رخامتي

هوا ينفع الواحد يشتغل ف الخاص لحد لما يتجوز و يضبط أموره و بعدين يحول حكومي ؟؟؟

و هل بتخدمه ف كده سمعته اللي عملها و هوا شغال ف الخاص ؟؟؟

و هل بيبدأ من الصفر ؟؟؟

و هل الموضوع ده سهل و لا لأ ؟؟؟

و معليش ع كتر أسلتي

اجابة سؤالك ده صعب ان انتهي منها في مشاركة واحدة او موضوع ولكن علي اد ما اقدر هجاوب.ولو حد عنده اي استفسار يقوله..

بخصوص العمل في القطاع الخاص ده بيعتمد علي الشركة نفسها..فهناك شركات خاصة صغيرة لها روتين عقيم ونظام جائر..
وهناك شركات خاصة كبيرة بتحترم أي واحد اشتغل فيها وتديله حقوقه كاملة بل وأحسن بكتير من اي شركة حكومية..
وكما قلت من قبل اني لم استوفي الكلام حقه في المقارنة بين الشركات الخاصة والعامة فيما ذكرته في مشاركة سابقة لي..

فأنت لو جاتلك فرصة تشتغل في شركة خاصة كبيرة اشتغل فيها ولكن لازم تستحمل العيوب بتاعتها في كثرة السفر والترحال بين البلاد والبعد مدة طويلة عن أهلك وبلدك..

وانا من نظري أكتر حاجة ممكن تأثر فيك لو انتمائك لدينك ضعيف انك تصير مثل الأجانب في التعاملات والكلام والملابس..وانا قابلت واحد من زمايلنا لبس سلسلة في رقبته وساب الصلاة وبيتهمك بالتخلف لو بتقوله قال الله أو قال الرسول..ولكن انت لو فاهم دينك كويس وهتعرف تحافظ علي تدينك في أي مكان هتروحو يبقي ساعتها انت ممكن تروح(وهناك برضو ناس من زمايلنا لم يتأثروا بجو الشركات الخاصة الأجنبية).

وفي الآخر الموضوع ده بيرجع لظروف الشخص نفسه وحبه لخوض التجربة وعشقه للسفر وعوامل اخري كثيرة..

وبخصوص لو هتقعد شوية في الخاص وتروح بعد كده العام فخلي بالك
- ان الشركات العامة بتطلب دائما الخريجين حديثي التخرج فممكن فرصتك تضيع ساعتها في الالتحاق بالعام..

-زائد طبعا انت بتكون احيانا اتعودت علي مبلغ او مرتب معين فمن المستحيل ان تتنازل عنه لمرتب اقل منه..

-كما ان اللي بيشتغل في الشركات الخاصة ويشوف النظام والتقدم والناس اللي فاهمة البترول علي صح بيكره يتعامل أو يعمل في الشركات العامة الحكومية..

-كما انك لو روحت الشركات العامة بعد الخاصة مش بيعتبروا الفترة اللي انت قعدتها في الخاص خبرة وبيعاملوك زي الخريج الجديد...

وخلاصة الأمر اني فقط بتكلم عن وجهة نظري..فارجو ألا يأخذ احد منكم وجهة نظري علي محمل المعلومة القاطعة فهناك من يخالفني في وجهات نظري..فالعمل في الشركات الخاصة ليه موال كبير والعمل الشركات العامة ليه موال أكبر...وصعب اني اختصره كله في مشاركة واحدة

وخلي بالك هناك بعض الوظائف في الشركات العامة مرتبها أعلي مثل الشركات الخاصة بالضبط...فالموضوع كبير جدا وللمرة الثانية ارجو ألا يأخذه أحد علي محمل المعلومة القاطعة..

ابن القيم

27 - 07 - 10, 10:57 AM

ههههههههههههههههههههه ايه يا جماعه الظلم دا فين خرجين تكرير ينصحوا شوي بدل ما حفر مستوليين ع المنتدى

بص روح منتدي عرب اويل وهو التجمع الأول لخريجي بترول السويس
واعمل موضوع بطلب حد من خريجي تكرير يمكن استضافته في المنتدي وعمل حوار معه
وانتظر النتيجة منهم واعتقد انك هتلاقي اكتر من شخص متكوع مثلي

وربنا يوفقكم

ابن القيم

27 - 07 - 10, 10:58 AM

ياسلام عليك يا ديب .....نفس السؤال اللى كنت هسأله.....

يعنى هل ممكن نشتغل شوية فى شركات السرفيس لحد مانكون نفسنا وبعدين نحول على شركات حكومية...

وجزاك الله خيرا يا ابن القيم على هذا الموضوع المتميز...

والله كنت لسه داخل أسأل سؤال الديب بخصوص بداية الحياه في الشركات الخاصه ^_^

وده كان سؤالي الدائم وانا كنت طالب وكذلك في الفترة الأولي بعد التخرج

Mr.DEEB

27 - 07 - 10, 12:01 PM

ابن القيم

27 - 07 - 10, 12:25 PM

و معليش فيه سؤال كمان
بالنسبة لموضوع التدريب

أنا سمعت ان فه شركات بتدرب تدريب شتوي
يا ترى حضرتك عندك خلفية عن الموضوع ده ؟؟ أو أي تفاصيل ؟؟
و هل فعلا الواحد بيروح يدرب و يدفع فلوس عشان يدرب ؟؟
و كل شركة و مستواها ؟ظ و لا ايه النظام ؟؟؟

التدريب الشتوي اعتقد انك كطالب مش هتكون فاضي عشان تفضي وتروح مشوار للتدريب في الصحرا
هو فعلا في تدريب شتوي ولكن بيبقي كام يوم وبتنسيق بين الكلية والشركة فقط
يعني بتكون الاستفادة فيه ضعيفة
ومستجيل حتي لو معاك واسطة انك تشوف تدريب صيفي مع نفسك
لأن ادارة الشركات مش بتستقبل طلبات تدريب في اثناء الدراسة

فالتدريب الصيفي احسن بكتير
وحاول تجيب تدريب صيفي علي اد ما تقدر حتي لو كنت في سنة اولي لأنك هتستفيد كتييييييييييييييييير
والتدريب طبعا اللي تبع الكلية بيكون مرة واحدة او اتنين احيانا وبيكون في اجازة سنة تالتة
غير كدهفحاول تشوف تدريب نفسك وتدور وتلف علي الشركات ويستحسن لو تعرف حد يوفر عليك المجهود ده..

ومفيش تدريب بفلوس نهائي

ولازم تروح في تدريب شركة كبيرة لكي تستفيد استفادة كويسة
عشان تشوف كل حاجة وتتعرف علي كل حاجة(علي حسب اجتهادك)
اما لو شركة صغيرة فالموضوع يبيقي محدود

Mr.DEEB

27 - 07 - 10, 04:24 PM

عاوز رأي حضرتك يا ابن القيم ف الكام فيديو دوول ؟؟

http://www.youtube.com/watch?v=5X9zQV7t70M
.
.
.

http://www.youtube.com/watch?v=dN0IcCxKjMQ&NR=1
.
.
.
.

.

ليه الناس دي مش اشتغلت ف وجهة نظر حضرتك ؟؟

ابن القيم

27 - 07 - 10, 04:57 PM

ليه الناس دي مش اشتغلت ف وجهة نظر حضرتك ؟؟

في موضوع انا عملته ساعت البرنامج ده
ولكن حصل نقاشات مع بعض هؤلاء الخريجين
وطلبت حذف الموضوع من الادارة
فبلاش افتح الموضوع ده تاني
ومعظم اللي جه في البرنامج حاليا شغالين

Mr.DEEB

27 - 07 - 10, 05:17 PM

في موضوع انا عملته ساعت البرنامج ده
ولكن حصل نقاشات مع بعض هؤلاء الخريجين
وطلبت حذف الموضوع من الادارة
فبلاش افتح الموضوع ده تاني
ومعظم اللي جه في البرنامج حاليا شغالين

اوك مش مشكلة

بس هل فيه ناس خريجة الكلية و ممكن تكون مش شغالة

.... طبعا أنا بتكلم ع الولاد بس .... لإن البنات متهيأ لي صعب ليهم الشغل

و لو فيه ناس عاطله .... يا ترى ايه السبب من وجهة نظر حضرتك ؟؟؟

ابن القيم

27 - 07 - 10, 05:22 PM

Mr.DEEB

27 - 07 - 10, 05:36 PM

طب انا المرة دي عايز اسألك

مش انت قسم استكشاف؟؟
طب القسم ده هيخرجك مهندس حفر ولا استكشاف؟؟
اصل في فرق بين الاتنين..؟؟
وهل القسم ده في مثله في جامعة تانية؟؟
يعني انتوا اول دفعة ليه؟؟
طب ايه طبيعة احتياجه في سوق العمل.؟

لأني مش عايز اجاوبلك علي اسألتك وفي الآخر اكتشف أنك لست تابع لهندسة الحفر والانتاج اللي هو القسم اللي بنتكلم عليه واللي هو القسم اللي انا متخرج منه

القسم اللي أنا فيه اسمه بالكامل

هندسة استكشاف و إنتاج البترول

و بالنسبة للمواد اللي بنآخذها .... بتكون مواد حفر + مواد جيولوجيا
بس الشهادة بيكون مكتوب فيها خريج حفر

و إحنا هنحاول نكلم حد عشان دي هتبقى مشكلة بعد كده... ولو انها هتكون ميزة ف نفس الوقت ..... بس لسا الموضوع ده بدري عليه

بصراحة ما أعرف إذا كان فيه زيه ف جامعة تانية ولا لأ .... بس ما أعتقدش

لا
أول دفعة ليه هتتخرج السنة دي ..... بس دي دفعة ميؤوس منها

بالعكس الدفعة دي هيا اللي سوءت سمعة قسمنا ف الكلية

إحنا نعتبر تاني دفعة فعلية ف القسم

و بالنسبة لإحتياجية سوق العمل .... أنا مش عارف أعرف المعلومات دي منين

Smooth Criminal

27 - 07 - 10, 06:54 PM

احب الاول اشكرك بجد علي الموضوع ده اللي مينفعش يتقال عليه اقل من رائع وعلي مجهودك وتعاونك الجميل في المنتدي
وبس كان عندي سؤال عن التدريب الصيفي يعني ياريت لو حضرتك تقولي لو رحت تدريب ممكن اعمل ايه فيه وفترته اد ايه وبستفيد ازاي منه ولو هاخده ف سنه اولي هيبقي مفيد ولا لأ ولو كان في حاجة تثبت اني اخدت التدريب وبس كده وجزاك الله خيرا

ابن القيم

28 - 07 - 10, 10:36 AM

اوك مش مشكلة

بس هل فيه ناس خريجة الكلية و ممكن تكون مش شغالة

و لو فيه ناس عاطله .... يا ترى ايه السبب من وجهة نظر حضرتك ؟؟؟

للاسف الناس اقنعونا قبل ما ندخل الكلية أن فرصة العمل هي التي تبحث عنك وليس العكس
ولكن الحقيقة انك انت الذي تبحث عن فرصة العمل

فهناك بفضل الله تخصصات كثيرة في الشركات تحتاج إلي خريجي بترول وتعدين عموما وليس هندسة حفر فقط
ولكن كثير من الطلبة لا يفقه ذلك وفاكر انه بشهادته فقط سيستقبل في الشركات استقبال الفاتحين

فمثلا هناك كورسات لازم ياخدها خريج فلزات وسوف يجد كثير من الفرص فلا يكفيه فقط شهادته
وكذلك الحال بنسبة لتكرير ..فلهم تخصصات وفروع تفوق هندسة حفر ماديا ومركزا ولكنهم لا يعلمون
كما ان الخريجي تنتهي عنده نظرية المذاكرة بمجرد الحصول علي الشهادة وهذا خطر كبير جدااااااا علي مستقبله المهني كمهندس(مش عارف حاسس اللي انا باكلم نفسي)

وفي حاجة كمان تسبب بعض البطالة وهي ضعف دور الكلية في تسويق خريجيها
انا بلاقي احيانا خريج بترول الازهر وبترول القاهرة بيشتغل قبل خريج السويس
نظرا لاهتمام كل كلية من دول بخريجيها..واهتمام خريجيها بزملاءهم الخريجين الجدد وهكذا
وكفاية كده عشان آخر نقطة دي بتنرفزني بصراحة
وأتمني من طلبة الكلية يعملوا شكاوي إلي العميد حتي لو وصل الأمر لتنظيم وقفة صامتة لذلك

ابن القيم

28 - 07 - 10, 10:38 AM

كان عندي سؤال عن التدريب الصيفي يعني ياريت لو حضرتك تقولي لو رحت تدريب ممكن اعمل ايه فيه وفترته اد ايه وبستفيد ازاي منه ولو هاخده ف سنه اولي هيبقي مفيد ولا لأ ولو كان في حاجة تثبت اني اخدت التدريب

تابع معانا في الموضوع وهاتكلم بشئ من التفصيل والتوضيح بخصوص التدريب
وذلك لأهميته في تكوينك كمهندس بترول(في ناس بتعارضني بشدة في الموضوع ده)

Mr.DEEB

28 - 07 - 10, 11:41 AM

يعني حضرتك شايف إن الكلية مش كفاية عشان نشتغل بشهادتها

و إن احنا لازم نآخذ كورسات خارجية

إيه هيا الكورسات اللي احنا محتاجينها بعد التخرج ؟؟

طيب ممكن نآخذها ف الصيف بعد التدريب و نتخرج نشتغل ع طول ؟؟

و لا إيه نظام الكورسات الاضافية دي ؟؟

و ايه أهم الكورسات من وجهة نظر حضرتك ؟؟

ابن القيم

28 - 07 - 10, 02:03 PM

لاحظ أني لم أتكلم عن أمر الكورسات بالنسبة لخريج حفر
أنا باتكلم عموما وضربت مثال بفلزات بالأخص لأنه اكتر قسم بيحتاج كورسات لفتح مجالات عمل كثيرة لخريجيه

سأجيب عن كل الأسئلة بإذن الله قريبا
ولو حد عنده استفسار عن اي حاجة متعلقة بتخصص هندسة البترول يسيبه في الموضوع وسيتم الرد لاحقا

bedo17

29 - 07 - 10, 02:09 PM

وكذلك الحال بنسبة لتكرير ..فلهم تخصصات وفروع تفوق هندسة حفر ماديا ومركزا ولكنهم لا يعلمون

الكلام ده بجد وحقيقي ولا ايه؟ ممكن حضرتك توضحلنا ازاي ,,,,

CHE GEVARA

29 - 07 - 10, 03:14 PM

^ بعض الطلبة راحوا لفوا علي الشركات وقدموا طلب تدريب وجالهم تدريب من غير واسطة ولا أي حاجة...^

سبحان الله
حصلت معايا

Mr.DEEB

29 - 07 - 10, 08:48 PM

طيب ألف إزاي و أنا ما أعرفش أماكن الشركات

أنا أصلا ما أعرفش أسامي الشركات عشان أعرف عناوينهم

منين أعرف أسامي الشركات و عناوينهم ؟؟؟ و لو فيه حد يعرف ايه لورق المطلوب ياريت يفيدنا ؟؟

و شكرا

beckham7

05 - 08 - 10, 03:17 AM

هوا الموضوع ده لسه ما اتحزفشي

ابن القيم

05 - 08 - 10, 12:25 PM

هوا الموضوع ده لسه ما اتحزفشي

باين اللي انا بحوشلك الرد عليك لحد لما تيجي شقير
ياريت قبل ما تيجيلي ودع صاحبك واقفل اكونت الفيس بوك
:smile:

neamt

05 - 08 - 10, 06:58 PM

بجد الموضوع جميل جدا ومفيد لينا وميرسى اوى

UNIQUE

05 - 08 - 10, 07:34 PM

موضوع كويس
ومفيد جدا
جزاك الله خيرا يا ابن القيم
وارجو الاجابة على الاسئلة المطروحة بخصوص التدريب وتوضيح اكبر قدر من المعلومات عن الموضوع ده

ابن القيم

07 - 08 - 10, 10:56 AM

وبس كان عندي سؤال عن التدريب الصيفي يعني ياريت لو حضرتك تقولي لو رحت تدريب ممكن اعمل ايه فيه وفترته اد ايه وبستفيد ازاي منه ولو هاخده ف سنه اولي هيبقي مفيد ولا لأ ولو كان في حاجة تثبت اني اخدت التدريب وبس كده وجزاك الله خيرا

وارجو الاجابة على الاسئلة المطروحة بخصوص التدريب وتوضيح اكبر قدر من المعلومات عن الموضوع ده

-التدريب الصيفي مهم جدا لطالب الحفر..ولا يسعر الطالب بأهميته للاسف إلا ما بعد ما ينتهي منه

-التدريب الصيفي التابع لقسم حفر من افضل التدريبات العملية للطلاب علي مستوي الجامعات..حيث يذهب الطالب في رحلة عملية لمشاهدة ما درسه نظريا فقط..ويستمر التدريب عادة اسبوعين يري الطالب فيه أغلب ما درسه

-هيكون افضل لو استطاع الطالب الحصول علي أكثر من تدريب خلال فترة الصيف حتي لو في سنة أولي دون الاكتفاء بالتدريب التابع للكلية

-يجب انم يعلم الطالب ان التدريب ينقله إلي عالم واقعي مؤقت لحياة مهندس البترول الحقيقية ويختلط بخريجي الكلية..فالتدريب مهم جدا في فهم كثير من الأمور والتساؤلات التي دائما في ذهن طالب الحفر

-يجب التركيز في ايام التدريب علي تخصصك كمهندس حفر وانتاج..يعني يجب الذهاب إلي أمكاكن تواجد مهندسي الحف في ادارات الحفر والهندسية والخزانات والانتاج ومتشغلش بالك بالادارات الأخري لأنه ليس هناك وقت لزيارتها فالأهم هو تخصصك

-أهم ادارة يجب ان تمكث فيها كثيرا هي ادارة الهندسية او هندسة الحقول ففيها كل الأعمال التي يقوم بها مهندس الحفر..

-يجب ان تنتهز الفرصة وتسأل مهندسي الحفر والانتاج علي كل شئ..واوعي تستغبي نفسك في سؤال تراه غبي..اسأل براحتك وهتلاقي الناس في خدمتك(نحن كخريجين نحب طلاب التدريب جدا لأننا تخصص واحد)

-يجب ان تعلم أنه أحيانا في الانترفيو بتتسأل عن فترة التدريب الصيفي..لذلك يجب تدوين كل ملاحظاتك والحاجات اللي انت اتعلمتها وتحتفظ بهذه المذكرة إلي حين تخرجك وتطلع عليها..والأفضل لو كان هناك صور وفيديو لكل ما تراه...هيفيدك جدااااااااااااااااااا

-الحصول علي التدريب سهل ويسير فيجب ان تبذل قصاري جهدك في التقدم للشركات بطلب تدريب (ويكون في الفترة قبل امتحانات اخر العام)

لو حد عنده سؤال بخصوص التدريب يتفضل..ومعلش انا خليت الكلام علي نقاط غير مترابطة لأنه ليس لدي وقت لترتيب ومراجعة المشاركة

bedo17

07 - 08 - 10, 12:27 PM

وكذلك الحال بنسبة لتكرير ..فلهم تخصصات وفروع تفوق هندسة حفر ماديا ومركزا ولكنهم لا يعلمون

الكلام ده بجد وحقيقي ولا ايه؟ ممكن حضرتك توضحلنا ازاي ,,,,

مستني تعليق حضرتك

ابن القيم

09 - 08 - 10, 06:29 PM

لو سمحت يا باشمهندس كنت عاوز استفسر من حضرتك على حاجة بالنسبة للتدريب الصيفى شهاداته بتفيد فى الشغل بعد كدا " لما أقدم على شغل " ولا أهميته هى الإستفادة من ناحية تطبيق المعلومات النظرية بس ؟؟

ذهابك للتدريب الصيفي واجتهادك فيه لجمع اكبر قدر من المعلومات له عامل كبير في عملك بعد كده.وده بغض النظر أنك أخذت شهادة تدريب او لا...لأنه أحيانا بعض الشركات تتهاون في اعطاء شهادة تدريب للطالب...

ولكن في النهاية بتستفيد ولما تروح شركة معينة بيسألك ولازم يسألك عن مكان تدريبك الصيفي ويسألك انت شوفت ايه واتعلمت ايه ولاحظت ايه..وأحيانا بيسألك عن اسامي الآبار في الحقل اللي انت روحته واسامي الطبقات الأرضية اللي بتنتج منها الآبار..ويسألك برضو عن انتاج الشركة من الزيت والغاز,,,ويسألك بردو عن artifigial lift هل هي جازليفت ولا ESP ولا .....وكمالن يسألك ليه احنا استخدمنا الوسائل ده...ويا ويلك لو انت روحت تمتحن في شركة هي نفسك الشركة اللي أخذت فيها تدريب وانت طالب..لأن ساعتها هيعصرك أسئلة

يعني لازم تجتهد علي قدر ما تستطيع في التدريب الصيفي وأوعي تفتكر أنه رحلة ترفيهية ...لأن مستقبلك كمهندس ناجح بيعتمد أحيانا علي التدريب الصيفي..

Eng/Amr Gharieb

09 - 08 - 10, 09:10 PM

ما شاء الله كلام زى الفل وجميل جدا يا بشمهندس بكرى بس دة كان ايام العز ايام حضرتك كدة ولحد 2006-2007 بعد كدة لو فى 20 واحد شغالين 19 بالواسطة وو1من غير واسطة انا اعلم جيدا ان التقدير بيد الله سبحانة وتعالى وهذا لاشك فية ولاكن الاحوال التى الت لها البلد الان من تخبط ادارى كبير وكسيح اصبح من ليس له اى علاقة بالبترول اسمة مهندس وهرويلك قصة بسيطة جدا وهذا مما رايتة وسمعتة احد الطلبة ضاف احد اصدقائنا على الفيس بوك وهوة لا يدرى وانظر الى الحديث الذى دار بينهم

المجهول: ازيك انا حابب اتتعرف عليك

طالب هندسة البترول:(بكل فخر)هندسة بترول السويس السنة الجاية بكالوريوس

المجهول:اها انا شغال فى شركة ويزر فورد

طالب هندسة البترول0متعجبا : هوة مش حضرتك مواليد 88

المجهول:اها ولسة ناجح

طالب هندسة البترول:طب ولحقت انك تشتغل

المجهول :اها انا شغال من سنة اولى وبقبض 3 الاف جنية

طالب هندسة البترول : اها لازم ليك حد قريبك فى الشركة

المجهول:اها والدى وعمى وجيرانى وعائلتى كلها

طالب هندسة البترول: اها وحضرتك اتخرجت من هندسة اية (جامعة اية )

وكانت المفاجاة

المجهول : هندسة اية يا راجل انا قسم محاسبة

هههههههههههههههههههههههههههههههههههههههههههههههههه ههههههههههههههه

بدون تعليق
لم اقابل احد قى شركة بتروبل ولم يقول لى الواسطة من اقل مهندس الى اكبر مهندس فى الشركة ما عدا واحد ولكن كان الثانى على دفعة 2007

فهل بعد هذا كلام
لا اعتقد مع كل الاحترام الى كلام حضرتك يا بشمهندس انة اصبح مما تقولة شى دة كان زمان (وقول للزمان ارجع يا زمان )

Eng/Amr Gharieb

09 - 08 - 10, 09:11 PM

اكمل ممكن حاجة صغيرة واحد اتدرب فى شركة رشيد 4 سنوات وراء بعض وجة يقدم قلولة امشى ياض هههههههههههههههههههههههههههههههههههههههههه حقيقة والله العظيم

CRISTIANO RONALDO

09 - 08 - 10, 11:08 PM

اكمل ممكن حاجة صغيرة واحد اتدرب فى شركة رشيد 4 سنوات وراء بعض وجة يقدم قلولة امشى ياض هههههههههههههههههههههههههههههههههههههههههه حقيقة والله العظيم
شكرا يا عمور اديتنا جرعة اكتئاب ومصل ضد التفاؤل ههههههههههه
بس دى الحقيقة:smile (46)::smile (46):

beckham7

09 - 08 - 10, 11:35 PM

أعرف واحد تجارة شغال

packer

Eng/Amr Gharieb

10 - 08 - 10, 10:45 AM

يا حبيب قلبى انا كنت مفكر فعلا انو فية من غير واسطة بس مفيش مهندس قابلتوا ومقلش الواسطة من خريجى كليتنا من 99- لحد 2005 والقاهرة 2008 ولعلمك انا قابلت واحد دفعت طلعت بتاع المذاكرات وقالى انوة هوة شغال فى ال bp

اسماعيل سالم

10 - 08 - 10, 12:59 PM

السلام عليكم أنا ليا سؤال مهم جداجداجدا بس مالوش علاقة بالشغل عايز اعرف هل صحيح ان مواد قسم هندسة حفر بتعتمد على الحفظ لاني سمعت ان طلبة القسم دا بتنسى حاجة اسمها فهم وللاسف الكبير انا ماليش ومابحبش (في ) الحفظ ياريت الرد في اسرع وقت وبشيء من التفصيل ولو صحيح ايه هي المواد دي الا محتاجة حفظ

beckham7

10 - 08 - 10, 03:32 PM

ا ولو صحيح ايه هي المواد دي الا محتاجة حفظ

أكيد فى مواد حفظ ف القسم

عاوز تعرفهم ليه
حتبتدى تحفظ من الصيف ؟؟:smile (46):

اسماعيل سالم

10 - 08 - 10, 05:23 PM

مش هبتدي أحفظ من الصيف طبعا بس هو دا طبيعي في أي هندسة والا الحفظ بزيادة في بترول وغالبا هي الجيولوجيا والبيئة الا محتاجين حفظ في حاجة تاني محتاجة حفظ :smile (38):

beckham7

10 - 08 - 10, 06:32 PM

وغالبا هي الجيولوجيا والبيئة الا محتاجين حفظ في حاجة تاني محتاجة حفظ :smile (38):

:h::h::h::h::h:

CRISTIANO RONALDO

10 - 08 - 10, 06:46 PM

مش هبتدي أحفظ من الصيف طبعا بس هو دا طبيعي في أي هندسة والا الحفظ بزيادة في بترول وغالبا هي الجيولوجيا والبيئة الا محتاجين حفظ في حاجة تاني محتاجة حفظ :smile (38):
جيولوجيا وبيئة هههههههههههههه
اضرب دول (عندنا الرياضة بتتحفظ ومدخل حفر والكميا العضوية وحفر 1 وميتالورجى(مادة المستحيل) وحفر 2 والات حفر والات انتاج وبرودكشن 1 وحاسب وجيوفيزياو هندسة استكشاف وامن صناعى وكومبلشن ولسه بقى رابعة وتقريبا ستة منعشر مواد حفظ هههههههههههههه)
يلا ابسط يا عم مفيش اكتر من كدة تفاؤل:smile (46)::smile (46):

UNIQUE

10 - 08 - 10, 10:05 PM

ما ينفعش كده يا شباب هتكرهوا الراجل فى الكلية
يا عم ماتخفش الموضوع مش صعب كده الناس اللى بتكلمك دى كانوا زيك فى يوم من الايام
لكن عادي هتسلك ماتقلقش وماتقللش من قيمة نفسك وكل الناس ببتخاف لما بتسمع كلام زي ده لكن الناس بتحب تبالغ حبتين
اينعم الناس اللى اتكلمت اكبر مني وتعرف اكتر مني لكن ده مايمنعش ان الموضوع وجهات نظر

prince

11 - 08 - 10, 01:37 AM

ابن القيم

11 - 08 - 10, 11:38 AM

إلي ابن القيم :
ممكن تقولي ايه مجالات عمل خريجي القسم المميز في الكلية ؟
انا عارف ان مفيش ولا دفعة اتخرجت لسه بس عاوز اعرف رأيك ايه ؟!
وهل بيتساووا بحفر ولا لأ ؟!!

انا محتار بين مدني والقسم ده ؟؟!! عاوز اعرف رأيك ...

انا معنديش اي معلومات عن القسم ده وظروفه بعد التخرج بسبب انه مالوش دفعة اتخرجت لحد دلوقتي

بس في الغالب الأعم الحاجات اللي فيها فلوس وفيها بيزنيس بيكون فيها لعب كبير

يعني لازم يتم توفير فرص عمل ولازم يتفهم انه كقسم حفر عند الشركات

والله أعلم

CRISTIANO RONALDO

12 - 08 - 10, 06:13 AM

ما ينفعش كده يا شباب هتكرهوا الراجل فى الكلية
يبنى هو سال سؤال وانا جاوبته بامانة
لكن الناس بتحب تبالغ حبتين

هنبالغ على ايه يعنى :smile (53):
كل المواد دى حفظ وانت بنفسك هتشوف كدة
الموضوع اللى بتحفظه دا هيتفهم ولا كولكشن كان:smile (122):
وبالتوفيق للجميع بس لازم نرسم الصورة صح لكل اللى بيسال وهو صاحب القرار

ابن القيم

12 - 08 - 10, 12:08 PM

انا نفسي اعرف بتجيب توقيعاتك منين دي يا كريستيانو؟؟؟

اسماعيل سالم

12 - 08 - 10, 12:48 PM

هي المواد دي كلها في اولى حفر والا انت بتتكلم على مدار ا الاربع سنين طب(( اسمها هندسة ليه)) ومحدش جاوبني الحفظ الكتير دا عادي في أي هندسة يعني والا في بترول بس

CHE GEVARA

12 - 08 - 10, 03:12 PM

هي المواد دي كلها في اولى حفر والا انت بتتكلم على مدار ا الاربع سنين طب(( اسمها هندسة ليه)) ومحدش جاوبني الحفظ الكتير دا عادي في أي هندسة يعني والا في بترول بس

واضح انك فاهم الهندسة غلط
1-عمر مالهندسة كانت ماقل ودل لكن الهندسة هي انك تعرف الكثير عن مجالك والحفظ لازم هنا
2-مسألة الفهم والحفظ مش منفصلين عن بعض يعني عمرك ما هتحفظ الا وانت فاهم

وبعدين انت ليه ضاربها طناش؟

اسماعيل سالم

14 - 08 - 10, 12:02 PM

كلام واقعي بس بردو مش هو دا الا انا عايزو انا سؤالي كان الحفظ في هندسة بترول زي الحفظ في اي قسم هندسة تاني ـ في اي جامعة مش باقي الاقسام في بترول وتعدين ـ والا في بترول الحفظ بيبقى زيادة شوية
انا ضاربها طناش من ناحية الهوايات والكلام دا

elhalwany

14 - 08 - 10, 03:01 PM

عمرك ما هتحفظ الا وانت فاهم

http://thumb9.shutterstock.com.edgesuite.net/display_pic_with_logo/174943/174943,1210144012,1/stock-photo-smiley-emotion-yellow-face-illustration-12321883.jpg

Students Revolution

14 - 08 - 10, 07:05 PM

الموضوع أكثر من رئع ارجو التكملة

CHE GEVARA

22 - 08 - 10, 05:56 PM

http://thumb9.shutterstock.com.edgesuite.net/display_pic_with_logo/174943/174943,1210144012,1/stock-photo-smiley-emotion-yellow-face-illustration-12321883.jpg

ايوتها خودعه؟

صاحب الكلية

30 - 08 - 10, 08:11 AM

هي المواد دي كلها في اولى حفر والا انت بتتكلم على مدار ا الاربع سنين طب(( اسمها هندسة ليه)) ومحدش جاوبني الحفظ الكتير دا عادي في أي هندسة يعني والا في بترول بس

أولا احب أشكر البشمهندس ابن القيم على الموضوع المفيد والمعلومات القيمة ، ثانيا ، يا بشمهندس اسماعيل :-

إنت مصعب الحكاية ليه ، افهم اللي المطلوب يتحفظ وادخل الامتحان اكتب من فهمك ، صحيح مش حتجيب امتياز لان ده للحفيظة قوي ، ده غير انك حتحفظ حاجات كتير من غير ما تاخد بالك خصوصا الحاجات اللي بتاخدها قبل الميد ترم عشان بتذاكرها اكتر من مرة ، ولو في امتحان شفوي كمان حيثبتلك المعلومات اكتر يعني الحكاية مش معضلة .

اسماعيل سالم

30 - 08 - 10, 06:03 PM

شكرا ياباش مهندس على الافادة الطيبة وانا مش مصعبها ولا حاجة بس قريت حاجات غريبة على كمية الحفظ الا في بترول وقلقتني
وربنا يوفقنا جميعا

bma

01 - 09 - 10, 07:46 AM

مساء الخير .. أو صباح الخير

بعد إذن حضرتك دلوقتي أنا عايز أستفسر عن حاجة

أنا سمعت إن هندسة بترول السويس ممكن طالب أي كليه هندسة بترول تانية يحول ليها بس بيدفع مصاريف وكنت عايز أعرف هل الكلام ده صح ولا لأ ؟

وكمان لو كان الطالب ده في جامعة خاصة هل ينفع أحول لبترول السويس

HeRo 4 EvEr

24 - 09 - 10, 04:07 PM

السلامـ عليكمـ ورحمــة الله وبركاتــه

باشمهندس ابن القيمـ .. بجد ألف شكر على المجهود الرائع منكـ

والله العظيمـ أفادتني جداً ..

وبجد ألف شكر ليكـ على الموضوع التحفــه دي

بس كان عندي سؤال .. بالنسبة للقادمين من الخارج

بيكون مستواهمـ في الإنجليزي منخفض شويه

فعلشان يدخل البترول لازمـ يآخذ كرس إنجليزي ولا مش لازمـ ..؟

لأني لما سألت عن الطــب .. قالي مش لازمـ

لأن أغلبية الطب مصطلحات ..

فالبترول لازمـ فيه إيه ..؟

ابن القيم

25 - 09 - 10, 02:32 PM

كورس اللغة وأنت طالب لا حاجة لك به
وممكن تاخد من أجل العلم بالشئ والثقافة العامة
أما الدراسة بالانجليزي في الكلية فهي بسيطة وسهلة
ولا تحتاج سوي ان تهتم بالمذاكرة

HeRo 4 EvEr

25 - 09 - 10, 03:15 PM

ألف شكـر لكـ .. على إجابتكـ السريعــة .. :)

وإهتمامكـ بالمتابعــة ..

وربنا يوفقكـ يارب .. ويسعدكـ .. ويجعل هذه المساعدات

في ميزان حسناتكـ

ابن القيم

19 - 10 - 10, 07:04 PM

ألف شكـر لكـ .. على إجابتكـ السريعــة .. :)

وإهتمامكـ بالمتابعــة ..

وربنا يوفقكـ يارب .. ويسعدكـ .. ويجعل هذه المساعدات

في ميزان حسناتكـ

اللهم آمين...

لا تنسوني من صالح دعواتكم

7aneen

05 - 02 - 11, 10:09 PM

وكذلك الحال بنسبة لتكرير ..فلهم تخصصات وفروع تفوق هندسة حفر ماديا ومركزا ولكنهم لا يعلمون

الكلام ده بجد وحقيقي ولا ايه؟ ممكن حضرتك توضحلنا ازاي ,,,,

بشمهندس ابن القيم .. حضرتك مردتش ع السؤال ده ليه ؟؟

انا كنت عاوزة اعرف بردو بعد اذنك ...

و شكرا طبعا ع الموضوع و ع الافادة ربنا يجازيك كل خير

ابن القيم

06 - 02 - 11, 07:41 AM

بشمهندس ابن القيم .. حضرتك مردتش ع السؤال ده ليه ؟؟

انا كنت عاوزة اعرف بردو بعد اذنك ...

أكثر من مرة كتبت تعليقا وردا طويلا وأضغط اعتماد للمشاركة لأجد أن المنتدي يطلب مني تسجيل الدخول مرة أخري ويحذف ما كتبته(فيصيبني بانتكاسة معنوية)..وهذا لا أراه سوي هنا في نسخة تصفح هذا المنتدي فقط...

أعدكم بالرد لاحقا

beckham7

06 - 02 - 11, 07:30 PM

(فيصيبني بانتكاسة معنوية).

هههههههههههههههههه

ف الردود الطويلة اللى زى دى اعمل كوبي يا بشمهندس قبل ما تعمل اضافه رد

The Genius

07 - 02 - 11, 01:37 AM

ياريت حضرتك تجيبلنا الأسئلة بتاعة الانترفيو .. عشان بس الواحد يقدر يقيم نفسه . وشكرا

beckham7

07 - 02 - 11, 01:50 AM

:patch_sante: تقصد امتحانات الشركات

الانتر فيوو مالوش اسئلة

The Genius

07 - 02 - 11, 02:05 AM

يس ..
بالظبط .. بالذات شركة شلمبر

لأنى سمعت من مهندس قريبى أن ليها امتحانات تفاضل وتكامل وانجليزى .. وحجات كتير غريبة

beckham7

07 - 02 - 11, 02:15 AM

هيا رياضة وانجليزى

حاجات غريبة ازاى يعنى
حيمتحنك فلسفة مثلا :patch_sante:

الحاجات دى تقريبا موجودة ف سوسكا

The Genius

07 - 02 - 11, 02:17 AM

ناس أخدة رياضة مع دكاترة كليتنا .. ورايحة تمتحن فى شركة عريقة .. أكيد هتبقى غريبة جدا .. احنا هنضحك على بعض ..
الامتحان من الأمثلة المحلولة

ابن القيم

07 - 02 - 11, 08:23 AM

:patch_sante: تقصد امتحانات الشركات

الانتر فيوو مالوش اسئلة

مش شرط علي حسب الانترفيو اللي انت داخله
لو انترفيو بالشيرمان يعني حاجة نهائية وكشف هيئة بيسألك عن حياتك الشخصية او يطلب منك تتكلم انجلش عن حياتك وحاجات زي دي..
وبيكون علي حسب الشيرمان أحيانا...فلو الشيرمان مهندس بترول فممكن يسألك سؤال عابر كده...اما لو مهندس بترول خريج الازهر فهما بيكرهو بتوع السويس

اما لو الانترفيو امتحان شفوي فهو هيسألك في كل حرف أخدته أحيانا..وأحيانا بيركز معاك في اللي هو فاهمه..وأحيانا بيمتحنك كذا واحد في التخصص اللي هو شغال فيه
وبيقرروا في الآخر مصيرك (؟؟؟؟) ..والأرزاق علي الله

صعب اللي انا اجمع اسئلة الانترفيو أو امتحان الشركات ولكن اعتبر نفسك بتمتحن في الكلية...وموقع عرب اويل هيفيدك لو عايز الاسئلة المشهورة في الامتحانات

بخصوص الشركات سيرفيس زي شمبرجير فهي مش بتفرق انت معاك ايه اصلا..ومش بتبص انت خريج ايه..وبتمتحنك فعلا في الاستاتيكا ورياضيات وحاجات زي كده وليه طريقة امتحان غريبة...اصل انت هتشتغل شغلانة فيها(كش مهندس بترول بمعني الكلمة) وهتلاقي معاك في نفس الشغلانة خريج اتصالات وكهربا والكترونيات وهندسة كيمياء وحاجات كتير...بس فلوسها كويسة طبعا

عشان كده بتمتحنك من أول خالص وبتشوف انت أكاديمي ولا واخد الشهادة بالتزوير مثلا