اسوأ موقف حصل لك فى الجامعة....................

[3tho]

اكتبلنا و احكيلنا عن اسوأ المواقف اللى واجهتها فى الكلية........

[3tho]

هى طبعا المواقف المحرجة كتير فى الاول انا فاكر اول محاضرة ليا فى اعدادى كانت اول محاضرة ليا فى الجامعة كانت رسم هندسى للدكتور محمد نجيب و رحت متأخر و الدفعة كلها كانت موجودة و انضردت طبعغا دلوأتى نتمنى لو الدكاترة تطردنا و منحضرش ولا حاجة.........

[ابن القيم]

أسوأ موقف تعرضت له هو أني وأنا رايح الكلية في سنة أولي وفاكر أني في قسم تكرير..كما تقدمت..وكنت رايح أحول فلزات..وجدت الكلية حطاني في قسم بترول ومعرفتش أحول من هذا القسم حيث رفضوا التحويل...ولم أكن أحلم به بتاتا...وفضلت أكره هذا القسم إلا أن تخرجت...

[3tho]

ييا راااجل و هتفضل تكره القسم دة طول حياتك مع الاعتذار لبتوع حفر يعنى

[sphenix]

ياعم حد طايل يبقى فى قسم حفر

[3tho]

لا مشش للدرجة دى يعنى تكرير احسن طبعا..........

[mos_oil]

وانا فالكليه فى الزيتيات كنت بالعب كرة مع اصحابى فى الملعب اللى جوا الكليه وكنت لابس بنطلون قماش واتشديت فاللعب وفجاءة البنطلون اتقطعت قطعه كبيرة وباينه وانا مش كنت قاعد فالمدينه كنت فى شقه بره من حظى كان زميلى سويسى عنده عربيه اخدنى فالعربيه وطلعنا بره للكافتيريا وقعدنا نشحت ابره وخيط من البنات زمايلنا والكافتيريا لغايه اما لقينا وربنا سترها وخيطت البنطلون
او لصمت البنطلون لغايه اما وصلت بس كان يوم فظيييييييييييييييييييع

[aBoKaMaL]

انا بقى اسواء موقف حصلى كان فى امتحان شفوى
دخلنا خمسة للدكتور بلاش اقول اسمه وكان معايا التانى ع الدفعة والباقى ناس كويسين بردة
وكان مقعدنى فى الاخر عشان انا كنت فى اخر سكشن وده من حسن حظى
وكان الدكتور يسال السؤال لاول واحد وبعدين يسال الباقى نفس السؤال لحد مايجى الدور عليا
واعد افكر افكر وقلوا معرفش
وقعدت كام سؤال
والمشكلة انى مش عارف اخد كلمة واحدة من الناس اللى بتجاوب عشان مش فاهم حاجة
وبعد كدة لما كان بيجى عليا الدور كنت بقوله زى مقالوا بالظبط
كل مرة كدة
لحد مسأل سؤال واحد بس اللى جوبه
وجه الدور عليا روحت قايله زى ما قال بالظبط
و انا خارج راح قالى الناس ديه بتقول احلى كلام روحت ضاحك و مشيت
و انا مش عارف عيعمل معايا ايه
بس الحمد الله عديت فى المادة ديه وجيبت جيد بس عشان كان فيه دكتور تانى معاه بيدرس المادة ديه

[AbdoHolmez]

و انا خارج راح قالى الناس ديه بتقول احلى كلام روحت ضاحك و مشيت

هههههههههههههههه جامده اوى بس الحمد لله انك عديت

[محمود الفرنساوي]

الدكتور ده جلال عطيه

[محمود الفرنساوي]

بص هو انا تعليم صناعي
بس اسوء موقف مر عليا كنت في سنه تانيه
وكان الدكتور طلب مننا بحث من علي النت
المهم رحت وانا بفتح مواقع كان محددها لقيت اتفتحت مواقع اباحيه
فالمهم قفلت ورحت فتحت تاني بس اجزاء معينه وجبت كل اللي كان عايزه بالظبط
المهم تاني يوم قابلتنا بنات وشباب في الكليه
كانوا بيحكوا نفس مشكلتي
المهم فبنت معملتش البحث فالدكتور كان بيقسم الدفعه علي يومين علشان القاعات بتاعتنا صغيرة
المهم البنت دي بيسالها عن البحث قالت له في واحد زميلنا قال ما تفتحوش المواقع دي علشان بتفتح مواقع اباحيه
وانا مش بحب الكلام ده فعشان كده ما عملتش البحث
عايز اقول لكم الدكتور بقي شبه مجنون
وقرر ينسفني نسف
المهم تاني يوم البنت دي حضرت والدفعه كلها كانت بتتكلم في الموضوع ده والمهم ان انا مقلتش لبنات كده انا كل اللي قلته انا حصل معايا كده
المهم المحاضرة ابتدت والدكتور كان عايز يعرف مين الطالب ده
والبنت دي سالها هو موجود سكتت
قال الطالب اللص اللي واللي وطبعا تخيلوا كلماته الجميله لو عنده شجاعه ينزل لي بعد المحاضرة
الناس قالت ما تحضرش تاني
وناس قالت ما تروحش ويخبط دماغه في الحيط
انا قلت لو تهربت يبقي انا فعلا بثبت الكلام ده عليا
نزلت بعد المحاضرة ودخلت له
وقلت له كل اللي حصل
الدنيا كلها ما كانتش مصدقه ان انا ح اواجه
ويومها اللي وقف معايا كان mr mk
اللي معانا في المنتدي
والله بجد راجل محترم
بس اتعلمت اقصر مسافه بين نقطتين هو خد مستقيم

[ziko]

اســــوأ موقــف لما نجحــت في سنه اولي و معايا مادتين و بقيت في تانيه و رايح الكليه في امان الله لاقيت نفسي مع سنه اولي لسه و معايا 5 مواد في عين العدو

الغريب اني لاقيت مواد كنت ناجح فيها الترم الاول شايلها و مواد مينفعش تتشال شلتها المهم مسكتش و رحت لوكيل الكليه في هذا الوقت ربنا يمسيه بالخير مطرح ماهو قاعد و دخلنا و جبنا الكشف بتاع الدرجات ....

ا3 مواد مكتوب فيهم ل و ض في نفس الخانه ههههههههه اقله يا دكتور مقبول اهي يقلي يا ابني ض اهي هههههههههه كان موقف جميل و يفرح القلب بصراحه

اخروني سنه عشان مش عارفين يدوني ض ولا ل هههههههه يا عم ادوني 100 جنيه وانا مش جاي الكليه تاني

[A.Selim]

الدكتور ده اسمه دكتور شهدي ؟؟؟؟

[beckham7]

ششششششش الحيطة ليها ودان

[meshmesh]

انا بقى الكلية دي بجد لغايو دلوقتي مشوفتش فيها موقف حلو بجد بجد كل المواقف اللي شوفتها فيها كانت بايخو موووووووووت او مش بايخة بس دي كانت رخمة لا لا مش رخمة كانت 00000000000 مش عارف اوصفها والله
المهم انا هاحكيلكوا ابوخ موقف حصل معايا
ده كان في امتحان شفوي وداخلين مجموعة للدكتور وكان الناس الكبار قالولنا الدكتور ده مهما يقولك يشتمك سيبه متكلموش انت لو طلت تقولوا تاني قوللوا
المهم الدكتور طلب ان اوريله حاجة اسمها الكشكول ده بنرسم فيه رسومات طبعا شباب فلزات عارفينه
بقدرة قادر بقى الدكتور اول ماشاف الكشكول بتاعي راح ضاحك قولت في نفسي كويس الكشكول عجبه ويارتني مقولت
الدكتور راح قايللي قوللي بقى انت بتاخد كورس عند مين طبعا انا ساكت عشان نصيحة الكبار
هوه لقاني ساكت راح سايق فيها بتاخد عند مين وبكام وفين و0000000000
وانا رحت جاي قايله مبخدش كورسات خالص
قال لا بتاخد انت هتعرف اكتر مني !!!!!!
المهم ده راسه والف سيف اني باخد كورس وانا اقوله لا يقولي اه
قالي بص من الاخر بقى قولي اسمه اللي بيديك كورس ايه وانا اديك النهاية راحت طالعه في دماغي اضربله اي اسم بس قولت حرام
قلتله برده مبخدش
قالي طيب ملكش امتحان يلا بقى من هنا وطبعا خرجت وانا اجر اذيال الخيبة حلوة اذيال الخيبة دي صح
طبعا ده موقف من المواقف الكتيييير ممكن ابقى اكتبهم بس لما اكون فرحان
اصل انا كل ما اعوز اضحط افتكر عمايل الكلية فيا زي مبيقولوا هم يبكي وهم يضحك