أخر أخبار الكلية ...

[AbdoHolmez]

بسم الله الرحمن الرحيم

الموضوع ده يا جماعة ان شاء الله احنا اللى هنكبره وهنملاه اخبار
ببساطه كده احنا هنعمل حاجة كده زي فريق عمل جوه الكلية بحيث ان واحد يبقي مسئول عن الجداول بتاعة المحاضرات وواحد مسئول عن مواعيد الامتحانات واى اخبار جديدة تبقى هنا ان شاء الله وكل واحد يعرف خبر جديد يدخل يحطه فى مشاركة ويحط مصدر الخبر وان شاء الله كل الاخبار هتتحط اول بأول فى المشاركة الرئيسية وياريت الكل يساهم معانا


1)يا جماعة يوم الاتنين اللى جاى 12/5/2008
امتحان حاسب الى شفوى وكمان تسليم الشيتات بتاعت الحاسب.

2)امتحان الورش الاسبوع اللى جاى كل واحد فى ميعاد ورشته.

3)واللى مجبش الكارنيه يجيبه علشان بيقولوا محدش هيدخل الامتحان من غير الكارنيه.


جدول عملي الفيزياء
نزل وديه صورة للجدول
هو هيبدأ يوم الأحد المقبل

http://img247.imageshack.us/img247/7033/amh873gv6ry8.jpg


على فكرة يا جماعه مفيش ميد تيرم لغة وعمرنا ما سمعن عن الحكاية دى
اخر اخبار اللغة هى :
1)اللى ناقصه اى paragraphيقدمه الاسبوع اللى جاى.
2)الشيت هيتقدم اول اسبوع فى مايو.
3)فى extra assignmentللناس اللى مش بتشارك ومفيش مانع اى حد يعمله ويقدمه برده الاسبوع اللى جاى

************************************************** ***************



عندى خبر
امتحان عملى الفيزياء اول اسبوع ف مايو حسب السكاشن
وامتحان الميترم حاسب وجبروتكامل ف نفس الاسبوع برده
وتقديم كل الشيتات برده
يعنى كل حاجه ناقصه هتحصل ف الاسبوع ده
اه صحيح ياجماعه فيه مراجعه لتجارب الفيزياء ذى الترم الاول يوم الثلاثاء والاربعاء الاسبوع الجاى

************************************************** *

جدول امتحانات الترم التانى نزل وزى ما قلنا ان احنا بايدينا هنقدر نجيب كل الأخبار والنتايج أول بأول من غير ما نستنى شئون الطلبه او غيرهم كل الشكر للعضو iso man صاحب السبق فى تصوير الجدول ووضعه بالمنتدى
لمشاهدة الجدول : http://scusuez.org/vb/showthread.php?t=4397




-----------------------------------------------------------------


استعدوا يا شباب لامتحان الرسم والفيزياء
أهم الملاحظات : الرسم هيبقي يوم الاتنين ولازم تجيب ورقتين من كراسة تفصيل (0.5 سم) وادواتك طبعا
الفيزيا : جزء الدكتور عبدالمنعم شمعة هيبقي لحد اخر الباب الرابع
وجزء دكتور لطفى لأخر الباب الثالث
وجزء دكتور فريد حنا لحد نهاية الفصل الأول فى المغناطيسية وزود عليه حاجات كتير من ال slide show وان شاء الله هنحاول نحطها هنا فى المنتدى
بالنسبة لمعاد الفيزيا هيبقي من سكشن 1-8 يوم الاتنين
ومن سكشن 9-15 يوم التلات
وربنا يوفقنا يا جماعة




-----------------------------------------------------------------

يوم الاتنين الجاى هيكون فى QUIZ فى الحاسب
درجة التأكد : أكيد
مصدر الخبر : د / هانى الجوهرى


-----------------------------------------------------------------

يوم الاتنين الجاى هيتم تسليم AutoCad projects اللى هما رسمتين بتوع الشيت والرسمة اللى فى الكتاب
درجة التأكد : متوسط
المصدر : د/هانى الجوهرى بس كان بيقولها بعدم اهتمام


----------------------------------------------------------------


جدول امتحانات الميدتيرم


http://img354.imageshack.us/img354/1940/gadwalan7.jpg


----------------------------------------------------------------


فى شيت تانى جديد نزل فى مكتبة المجد للدكتور عبدالمنعم شمعة بعد الشيت الأولانى
درجة التأكد من الخبر : أكيد
المصدر : مكتبة المجد

[SleeplessHeart]

هو مش الدكتور هاني قال ان الرسمة اللى ف الكتاب مش نعملها بس نعمل الاتنين اللى ف الشيت؟
عالعموم انا عملت الاتنين بتوع الشيت وقدمتهم xD

[AbdoHolmez]

الخبر بتاعك يا sleep محتاج توضيح اكتر
درجة التأكد وسلمتهم فين ؟؟؟ يا ريت نشارك مع بعض يا جماعة

[SleeplessHeart]

hدرجة التأكد حوالى 70% وانا حطيتهم ف الكمبيوتر الاخير ف الصف التاني

[hfathy2008]

*****ربنا يوفقك يا عبد الرحمن******

[first1232003]

في واحد في المدينه حل المسائل شيت1.2.3.4 السيد عوض المسائل الي مش محلوله وحله حل نموذجي

درجه التاكد 100%

المصدر طالب في المدينه

[AbdoHolmez]

يعنى هى المشكلة يا first فى الاربع مسائل دول ؟؟؟؟؟؟؟؟؟
عالعموم مشكوور برده بس ده ما يعتبرش خبر يعنى

[elzaim111]

انت هايل يا عبد الرحمن علي الفكرة دي ويا ريت تعممها

[ابن القيم]

ربنا يوفقكم يا جماعة......

[AbdoHolmez]

انا مبسوط ان فى ناس عاجبها الشغل وفى نسبة مشاهدات كبيرة وديه البداية عقبال ما الردود تزيد عشان نعرف فعلا الناس استفادت ولا لأ؟

[EngMahmoudHafez]

ربنا يقويك يا عبده
وإحنا معاك إن شاء الله

[الملاك الباكى]

فكره جميله جدا
وعندى خبر
امتحان عملى الفيزياء اول اسبوع ف مايو حسب السكاشن
وامتحان الميترم حاسب ولغه وتكامل ف نفس الاسبوع برده
وتقديم كل الشيتات برده
يعنى كل حاجه ناقصه هتحصل ف الاسبوع ده
اه صحيح ياجماعه فيه مراجعه لتجارب الفيزياء ذى الترم الاول يوم الثلاثاء والاربعاء الاسبوع الجاى

[AbdoHolmez]

شكرا ملاك عالأخبار وتم ادراجها فى المشاركة الرئيسية

[الملاك الباكى]

بس ياريت تتاكد من صحتها اولا لانى مش متاكده من كل الاخبار وربنا يوفقنا

[AbdoHolmez]

كل الأخبار اكيدة ما عدا ميدتيرم اللغة عشان كده ما حطيتهوش ومنتظر حد يأكد الخبر لانى بقالى كتير ما حضرتش لغة

[medooooo]

لو سمحتوا يا جماعه كان ليا مداخلة بسيطة : مجهود كبير اوى اللى بيتعمل على الموقع ده بس كده احنا بنحكم على نفسنا بخمس سنين ثانوية عامة تانى فى الكية واعتقد ان نظام الكلية مش محتاج الفرق اللى عاوزين تكونوها للشيتات والاشاعات والكلام ده ....متخلوش بقية الدفعـــات تدحك عليـــنا ..كل الدفـــعات واخده عننا فكرة اننا ادح دفعه فى الكلية _ وكمان ياما ناس طلعت اوائل من غير كل ده .

[AbdoHolmez]

شكرا على مرورك ميدو
بس انا لى تعقيب بسيط ليك
أولا : حكاية ان الفرق تضحك علينا ديه مشكلتهم هما او بالأصح مشكلتك انت اذا كنت مش واثق من انك بتعمل الصح
ثانيا : حكاية الأخبار ديه انا عن نفسي باعانى منها جدا فى الكلية لانى ما باروحش غير تلات ايام وساعات بالاقى حاجات بتحصل فجأة فقلنا هنا نحط الأخبار أول بأول والفكرة زى ما انت شايف عجبت ناس كتير وفى ناس بتشارك
ثالثا : ما ظنش ابدا ان بالأخبار ديه هتكون السبب ان الأوائل يطلعوا بيها واكبر مثال انا قدامك اهو ف المنتدى وماقربتش حتى ناحية الأوائل القصد فقط خدمة الناس لأن الرسول قال " خيركم خيركم لأهله" واظن ان كلنا اهل فى الكلية
رابعا : انا وانا باعمل الموضوع ده كنت متأكد ان فى كتير هيعارضوه بدعوى انه دح وكلام من ده بس والله يا جماعه الموضوع اللى هيستفيد منه مش الدحيحة بالعكس الدحيحة عندهم الأخبار اول بأول لانهم ما بيفوتوش لحظة من اى محاضرة او سكشن

وفى الأخر يا ريت ما تزعلش لان كلامى ما يزعلش انا حبيت بس ابين لك الهدف من الموضوع لانه يظهر حصل سوء فهم وشكرا على مرورك وتعقيبك مرة تانية

[كريم الباشا]

على فكرة يا جماعه مفيش ميد تيرم لغة وعمرنا ما سمعن عن الحكاية دى
اخر اخبار اللغة هى :
1)اللى ناقصه اى paragraphيقدمه الاسبوع اللى جاى.
2)الشيت هيتقدم اول اسبوع فى مايو.
3)فى extra assignmentللناس اللى مش بتشارك ومفيش مانع اى حد يعمله ويقدمه برده الاسبوع اللى جاى

[AbdoHolmez]

شكرا كريم باشا عالأخبار ويا ريت الكل يتواصل معانا كده

[Iso Man]

بصراحة بعد كول اللي سمعته ده مفيش عندي اي جديد !
بس انا مع كريم مفيش ميد تيرم لغة
انا بجد اول مرة اسمع عن حاجة اسمها ميد تيرم لغه هنا في المنتدى !!!

[AbdoHolmez]

يبقي الموضوع كان اشاعه وراحت لحالها

[ahmed e]

يا عبد.................... انا معاك

[ahmed e]

خلاص يا عبد انا مش معاك.......هههههههه

[كريم الباشا]

1)يا جماعة يوم الاتنين اللى جاى 12/5/2008
امتحان حاسب الى شفوى وكمان تسليم الشيتات بتاعت الحاسب.

2)امتحان الورش الاسبوع اللى جاى كل واحد فى ميعاد ورشته.

3)واللى مجبش الكارنيه يجيبه علشان بيقولوا محدش هيدخل الامتحان من غير الكارنيه.

[petrol]

ya shabab ana 2e3dady momayez wa 3ayez 7d ye2olly ento 3amlto eh bel zabetf 2met7an el werash el 3amly
eh elly hasal ya3ne kano beymtehnko ezay
b3d 2zneko 7d2oly