قصة حياة طالب فى كلية هندسة بترول

[The Ultimate Legend]

بسم الله الرحمن الرحيم


النهارده انا هاكتبلكم قصة حياة واحد كان من الأوائل طول عمره - مش اوى كده يعنى -لحد ماحصله حاجة رهيبة فظيعة كان فى بيجرى وراها لغاية لما بقى نفسه يخلص منها وبيتمنى اليوم اللى ميشوفهاش تانى


ماتتخضش اوى كده يا عم ده ماتجوزش ولا حاجة ...........

ده عمل شئ افظع من انه اتجوز هو عمل شئ واحد واحد هو

هو

هو

هو

هو

هو

دخل كلية هندسة البترول والتعدين


هههههههههههههههههههههههههههههههههه ضحكتنى يا مان هو كده عمل مصيبة ههههههههههههههه يا عم دخل توب الكليات فى مصر انت مجنون ولا ايه


لا والله يا حبى انا مش مجنون ولا حاجة هى فعلا توب الكليات ومستقبلها حلو بس المشكلة انك عقبال ما تتخرج يكون اتقضى عليك نفسيا ومعنويا وحتى عقليا


للدرجة دى !!!!!!!!!! لاحول ولا قوة الإ بالله احكيلى احكيلى فضفض واحكيلى ده انا زى اخوك


انت عايز تشيل الهم خلاص انت حر يلا بينا نبدأ :::::::

بدأت الحكاية والرواية لما كنت فى 3 ثانوى وكنت جبت 98 فى الثانوية العامية طبعا كل قالى ادخل علوم وابقى دكتور لكن اكمنى مابحبش الحفظ قولت لا يا عم الحاج انا ادخل رياضة علشان ادخل كلية الفهم والفهيمة --كلية هندسة هههههههههههههههه قال فهم ده كله حفظ من الجلدة للجلدة ---

المهم الاساتذة وانا بحجز الدروس كانوا مستغربين اوى

لكن انا اخدت قرار ولن اتراجع عنه مهما كانت الظروف

المهم بعد ما حصل اللى حصل وجبت المجموع المتين يبقى مش قدامك غير بترول وتعدين

وكنت فرحاااااااااان جدا ان مجهود الثانوية العامية مارحش هدر وقولت خلاص بقى هبقى مهندس كبير وهتعين اقبل ماخلص وبعشراتاشر الف يورو على حسب ماكنت بسمع

وقضيت الإجازة وانا فرحان الباشمهندس راح الباشمهندس جاى من كل اللى اعرفه لغاية لما التنسيق بدأ وقدمت وكنت خايف لا تروح منى ومستنى على احر من الجمر لغاية لما ظهر الحق وعرفت انى دخلتها طبعا

فرحتى ماكنتش سايعانى وكنت فرحااااااااااااااااااااااااااااااااااااااااان موت بكلية القمة اللى كسبت طب بلدى بنى سويف وبقت اخيرا الاولى على كل كليات مصر وواخدة صفوة عباقرة علمى
رياضة فى المحروسة مصر

وبعدين ساااااافرت السويس وشوفت المفاجأة .................................................. ...........................




قريبا جدا نلتقى مع الجزء التانى من سلسلة

"حياة طالب فى قسم الفحت وردم الكتب"
كان معكم مصطفى أبوزيد

[AbdoHolmez]

هههههههههه
انا عشت الجزأ الأول بتفاصيله
منتظرين الجزأ التاني يا باشا

[The Ultimate Legend]

عن قريب يا ريس بس انت اكيد كمان عشت شويه اجزاء تانية يا ريت تقولى رأيك فى الجزء الاول

[hfathy2008]

هههههههههه
انا عشت الجزأ الأول بتفاصيله
منتظرين الجزأ التاني يا باشا

************************************************** *****
ربنا يستر ياجماعة

************************************************** ***/*/*/*/*/*/*/

[halawa]

فعلا عندك حق ابو زيد من كبارات الدفعة من الناس الدحيحة

[The Ultimate Legend]

انا فعلا من كبارات الدفعة طالع ال 86 على الدفعة يعنى داخل القسم بالعافية وبلاااااااااااش انت يا حلاوة اعتقد انك ال 11 تقريبا يبقى مين فينا الدحاح
واعتقد يا باشمهندس بكرى ان حضرتك متعرفنيش شخصيا علشان تتكلم عنى وتحكم على فرجاء عدم الحكم دون دراية

واعتمادا على خبرة اعتقد انها مش صحيحة !!!!!!!!!!!!!!!!!!

[ابن القيم]

الجزء الثااااااانى ::::: الصدمة ::::::::



فرحتى ماكنتش سايعانى وكنت فرحااااااااااااااااااااااااااااااااااااااااان موت بكلية القمة اللى كسبت طب بلدى بنى سويف وبقت اخيرا الاولى على كل كليات مصر وواخدة صفوة عباقرة علمى

رياضة فى المحروسة مصر

وبعدين ساااااافرت السويس وشوفت المفاجأة................

كانت انها مدرسة ابتدائى من ايام الملك مينا - وقلت لنفسى وانا بتحسر انت بتحلم يا حلمى - قلت لاصحابى الاكبر منى بسنةيا جماعة بطلوا اشتغالات بقى قالولى الحقيقة وان المدرسة ديه هى الكلية

صدمت من المنظر و فضلت مش مستوعب الموقف لغاية لما لقيت نفسى فى اتوبيس بلدى وانا مروح بعد ما قدمت الملف فى الكلية ورجعت البيت وانا على يقين انى مش راجعلها تانى خلاااااااااااااااااص يا عم

هو انا اروح للعذاب برجلى انا هحول هندسة القاهرة وخلااااااااااص.

وهنا بدأت محاولات الاقناع ومباحثات الشرق الاوسط وقمة كامب ديفيد لحل مشكلة تحويلى من هندسة البترول الى هندسة القاهرة عن طريق فريق المباحثات وعلى رأسه السيد رئيس جمهورية

بيتنا المتواضع السيد والدى ووزيرة الخارجية السيدة والدتى وكل من اللجنة الرباعية السيد ( م .ع. ) طالب بالفرقة الرابعة هندسة الفلزات و السيد ( ع.ع. ) طالب بالفرقة الثالثة هندسة البترول

والسيد ( ع.هــ. ) من اصدقاء والدى واخيرا جدتى.

وبعد شهر من المباحثات المكثفة بعدم التحويل من هندسة البترول بعد تعداد المزايا من فرص عمل متوفرة وانى هيتعاقدوا معاى بعد سنة اولى فى شركة اوربية افريقية متوسطية مريخية كونية هيدونى

1000000000000 مليون شخلول - والشخلول هو جمع الشخلله وهى عملة التعامل بين الافراد فى دولة اوزبكستان فى عهد ال mesozoic - وخلااص يا ريس ابواب الغنى اتفتحتلك ومفيش

احلى من كده والكلام الحلو زى انت من الصفوة ,انت من قادة المستقبل ,مصر كلها وراك يا ميدو - مقتبسة من فيلم ميدو مشاكل - واخيرا اقتنعت انى هبقى مهندس بتروووووول .

وجه يوم السفر تجمعت سفراء جمهورية بنى سويف الديمقراطية مستعدين لتمثيل بنى سويف فى المحفل العالمى ورفع اسمها بين صفوة عباقرة مصر - كما كنت متخيل - كانت الساعة حوالى 3 الفجر علشان

نلحق نركب الميكروباص المخصوص و نروح السويس علشان نلحق مدينة الاحلام مدينة السلام وطبعا كنت متخيل قاعدة نضيفة وكويسة على الاقل مش اقل من هندسة القاهرة الاقل تنسيقا وكل واحد فى اوضة وممكن

استخدام اجهزة كهربائية وفى مواعيد لكل حاجة .

واتعرفت على السادة السفراء ومن دفعتى كنت عارف 2 بس - بس ليه كده اقولك على اساس ان احنا كنا 50 ده احنا كنا 3 بس انا وهما - الاول ( ا.ا.م.م ) حبيبى وللصراحة انا مكنش فى تعامل ما بنا

قبل الكلية غير سلامووووو عليكم لما يبقى واقف مع اصحابو اللى هما اصحابى لكن بعد الوضع اختلف بقى ليه معزة - عزيز عليا اوعى تفتكره انه ليه عندى معزة ولاحتى خروف - خاصة عندى دى برضه

عشرة عمر والتانى كان ( م.م ) وكنت اعرفه من قبل كده لانه كان معاى فى المدرسة والفصل وكان قدامى فى اللجنة .

اما فى بقية الدفع فكنت اعرف بس 2 برضه هما اعضاء اللجنة الرباعية السابق ذكرهم لكن بعد ماركبت الميكروباص اتعرفت عليهم كلهم وبقينا حبااااااايب وقضيناها تهيس وضحك لغاية المدينة واحنا بنتكلم عن المواد والدكاترة

وتحضر كذا وتذاكر كذا وبرضه اكيد تنفض لكذا.

المهم رحت وانا على امل ان المدينة التى لم يتجاوز تاريخ انشائها بضع سنوات انها تكون احسن حالا من من مدرسة الملك مينا للبترول ولكن كااااااااااااااااااااااااااااااااااااااااااااااااا اااااااااااااااااانت

المفاجأة اروع واصعب انها المدينة...................


ونلتقى قريبا فى الجزء التالت من سلسلة قصة طالب فى قسم الفحت وردم الكتب


كان معكم ( مصطفى ابوزيد )

..................................

[halawa]

قصة رائعة ياااااااااااااة انت يا ابو زيد حصلك كل دة انت بتعانى يابنى
وانا كنت 11 السنة اللى فاتت وانت عارف الل فيها السنة دى
عارف المجموع ولا اقولة لكن انت
انت عارف بردة مش هقول

[AbdoHolmez]

جامدة اوى يا ابو زيد وبجد وانت بتحكي كأنك بتحكي اللى حصل لى السنة ديه
ههههههههههههه شر البلية ما يضحك

[medooooo]

المــــــوضــــوع ده بيـــتكلم عن ايه ........ومين اللى ثــــبـــته ......وليه أتــثبـــت ؟؟؟؟

[halawa]

انا معاااااااك دا مش المفروض يتثبت فى مواضيع احلى

[ابن القيم]

المــــــوضــــوع ده بيـــتكلم عن ايه ....
هذا الموضوع يتكلم عن قصة حياة طالب في كلية هندسة البترول....


......ومين اللى ثــــبـــته[/b] ......

أخوك في الله بكري اللي ثبته مشرف منتدي الكلية.....
ولو مش عاجبك التثبيت قول ليه؟؟؟واحنا نرجعه.....(وأمرهم شوري بينهم)


......وليه أتــثبـــت ؟؟؟؟
موضوع مفيد وسيتفاعل معه كثيرا من الأعضاء بإذن الله....
أُمال التثبيت اخترعوه ليه......


ونحن نُرحب باقترحات كل الأعضاء أصحاب النقد البناء

[ابن القيم]

انا معاااااااك دا مش المفروض يتثبت فى مواضيع احلى

ما هي المواضيع الأحلي ....شاركنا أخي حلاوة وبارك الله فيك.....
و معلومة ليس معني أن الموضوع اتثبت يعني اتثبت علي الطول.....كما يحدث في كثير من المنتديات

[medooooo]

i don't think so
انـــــا مخـــتلف معـــاك يا اســـــتاذ بكـــرى .... والاسباب المذكورة غير مقنعه ومش داعى انك تــثبت موضوع ذي ده......... ومش شرط يا اســـتاذ بكرى ان الانـــسان يكون دايـــما صح ....وأظن رأيى من رأي ناس كتير فى المنتدى ...........اخـــيرا انتا ليك الـــقـــرار ويا ريت تــعمل بالحكم اللى حضرتك كاتبها فى اكثر من موضوع وخصوصا الموضوع بتاع ( شاب حفر استايل ومعاه موبايل ) بتاع قسم هندسة البترول

[beckham7]

بـــــيــــكهام عاد يــــــــا رجالة ..العدد الثالث على التوالى ........انتظروا سلسة بيكهام فى منتدى الكلية

[~الســـراب~]

eSHTaAAAAAAAAAAAAAAAAAAATK YA MAN

[Ahmos Sena]

الله عليك يابو زيد أنت طلعت بتعاني قوي وإحنا مش عارفين ربنا يكون في عونك يابني .........
بس كان عندي سؤال ......... لما أنت عانيت كل ده ليه مفكرتش تحول بعد إعدادي ؟؟ ولا أنت بتغييز طلبة إعدادي بتوع السنة اللي جاية و تقولهم هيحصلكم كده ؟؟؟؟؟؟؟؟
وو عندي تعقيب تالت مش تاني ........ كان ممكن تتكلم وتحكي بس توضحلنا إزاي انتصر الخير علي الشر في الحدوتة بتعتك ؟؟؟؟
ياريت ده يكون في الجزء التالت ........ وسلاحف

[Deity death]

,والله أنا صراحة سوداني وقلت بعد ما أخدت الثانوية من السعودية يا طب يا هندسة بترول وقدمت ودخلت بترول السويس الله لا يوريكم والله سافرت من القاهرة ورحت الاسماعلية وبعد ده كله قلولي البترول في السويس طيب ركبت مواصلات على السويس وأول ما وصلت الموقف وقفت تاكسي قلتلوا عاوز أمشي كلية البترول وداني فيييييييييين؟؟؟ المعمل!!!!!
طبعا أخوي معاي وبيدرس طب في القاهرة المهم دخلنا المعمل والله من دون أي مزاح قلت لاخوية يلا نرجع وكل ده ونحنا لسه ما دخلناش الكلية شفت بيوت مهجورة وحاجات كده في الأفلام بس... والله لولا تشجيع أخوية ما كنتش حضرت ولااااا محاضرة قلت خلاص يا عم احضر يمكن الجامعة حلوة . وأول محاضرة رسم اسقاط ..أو حاجة زيها الصراحة مش عارف المهم أخدت لفة مع عيوني على المدرج .... وهب....الله يلعن اليوم الي دخلت فيه جامعة السويس . بدون زعل يعني كلهم مصريين و15 أو 30 بنت في المدرج وكمان مصريين الله أكبر (مع حبي وإحترامي للمصريين على راسي من فوق) بس!!!!! حرام .. يعني دخلت طب القاهرة في يوم مع أخوية قلت أطلع أغير جو يعني مصريين على سودانين على شوام على بحرينيين يعني خلطة توابل عربية وكمان الواحد يعرفلوا كم واحد وهو في الغربة ديه مش أمشي بلد فوق ماهيه زبالة ما فيش ولا واحد أجنبي صراحة صدمة. المهم قلت يا عمي جمد السنة وخدلك إجازة تلفلف مصر شوية بدل السويس ديه والسنة الجاية بقى عيد التقديم أو أعمل أي حاجة المهم نطلع برة السويس
.. والله مش جامعة أبدا never.

مع تحيات: O$@M@ H@$$@N

[halawa]

لما انت بتزهق من المصريين وزعلان اوووى ان الكلية كلها مصريين بتيجى مصر لية وتتدخل كليات مصرية لية؟؟؟؟؟؟؟؟
الشعب المصرى دا من افضل الشعوب فى العالم العربى ودا بدون مبالغة.....
وياريت تكون شوفت دة وعرفت الكلام اللى بقولة

[SleeplessHeart]

يا بشمهندس حلاوة الراجل بيقول رأيه ولازم نحترم رأيه وان عارف ومتأكد ان كلامه صح 100%

[bawadylion]

احنا عارفين ان جامعة قناة السويس لا تقارن بجامعة القاهرة لكن على الاقل احسن من جامعة الخرطوم اللي عندكم اللي تعتبر احسن جامعة في السودان!!!! اللي هي اصلا فرع(شقة) صغير من جامعة القاهرة
الله يرحم

[theshadow]

يا جماعة خلاص صلوا عالنبى(عليه الصلاة والسلام)
وبعدين ايه يا عم السودانى انت جاى تتفسح ولا تتعلم ومالهم المصريين يعنى
اكيد انت اتعاملت مع غيرهم وعارف انهم احسن من غيرهم وبعدين سبحان الله بدل ما تشكرنا على اننا قبلناكو فى كلياتنا رايح تشتم فيها

[SleeplessHeart]

الله عليك ياعبدالله ف الرد العنيف ده هههههههههههههههههههه
ياجماعة فكوها بقى احنا مش واخدين الاجازة عشان نتجمع ف المنتدى ونتخانق........

[halawa]

صح ان المصريين مش كويسين اصلك انت ما اتعاملتش ما حد تانى عشان كدة ما تعرفش
انت فى نعمة انك مصرى بجد والله

[ziko]

,والله أنا صراحة سوداني وقلت بعد ما أخدت الثانوية من السعودية يا طب يا هندسة بترول وقدمت ودخلت بترول السويس الله لا يوريكم والله سافرت من القاهرة ورحت الاسماعلية وبعد ده كله قلولي البترول في السويس طيب ركبت مواصلات على السويس وأول ما وصلت الموقف وقفت تاكسي قلتلوا عاوز أمشي كلية البترول وداني فيييييييييين؟؟؟ المعمل!!!!!
طبعا أخوي معاي وبيدرس طب في القاهرة المهم دخلنا المعمل والله من دون أي مزاح قلت لاخوية يلا نرجع وكل ده ونحنا لسه ما دخلناش الكلية شفت بيوت مهجورة وحاجات كده في الأفلام بس... والله لولا تشجيع أخوية ما كنتش حضرت ولااااا محاضرة قلت خلاص يا عم احضر يمكن الجامعة حلوة . وأول محاضرة رسم اسقاط ..أو حاجة زيها الصراحة مش عارف المهم أخدت لفة مع عيوني على المدرج .... وهب....الله يلعن اليوم الي دخلت فيه جامعة السويس . بدون زعل يعني كلهم مصريين و15 أو 30 بنت في المدرج وكمان مصريين الله أكبر (مع حبي وإحترامي للمصريين على راسي من فوق) بس!!!!! حرام .. يعني دخلت طب القاهرة في يوم مع أخوية قلت أطلع أغير جو يعني مصريين على سودانين على شوام على بحرينيين يعني خلطة توابل عربية وكمان الواحد يعرفلوا كم واحد وهو في الغربة ديه مش أمشي بلد فوق ماهيه زبالة ما فيش ولا واحد أجنبي صراحة صدمة. المهم قلت يا عمي جمد السنة وخدلك إجازة تلفلف مصر شوية بدل السويس ديه والسنة الجاية بقى عيد التقديم أو أعمل أي حاجة المهم نطلع برة السويس
.. والله مش جامعة أبدا never.

مع تحيات: O$@M@ H@$$@N

الراجل مغلطش بطلوا تحامل علي الناس .... !!

انتوا لو مكانه هاتدوروا علي مصريين زيكم هوا حقوا يدور علي ناس يحس معاهم انه في بلده و انه م غريب او منتقد و فعلا بخته الاسود انه دخل بترول ... !!

[beckham7]

يا ريت الموضوع يتقفل وكفاية كلام ملوش لازمة

[love_queen]

يـــــــا ربــــــي أنا كل أما أدخل موضوع أتعقد أكتر من كلية بترول من قبل ما أدخلها بس مش عارفه ليه برده جوايا إصرار علي المغامرة علي العموم مرسيي يا مصطفي علي الموضوع الجميل ده وربنا يطمنك زي ما طمنتني
وبالنسبة للأخ السوداني يا جماعه انا حاسه بيه انا واخده الثانوية في السعودية وكنت دايما بدور علي واحدة مصرية اتكلم معاها لان أكيد المصرية أقربلي من السعودية او اي جنسية تانيه هو يمكن زودها في الكلام عن المصريين بس هو أكيد مش قصده

[abdlrahman90]

هههههههههههههههه بس حلوة حكاية مدرسة الملك مينا ديه
انا يوم ماجيت اقدم كان معايا ولاد خالتى وكنت متعنطز اوى ولما جم شافوا منظر المعمل كانت رقابتى قد السمسمة لكن هما مشافوش مدرج المحاضرات بتاعنا اللى عند الموقف اللى هو احلى بكتير من المعمل والصراحة مدرج عالى اوى
انما الحاجة المشتركة ان كل واحد اول اما ييجى يقدم بيرجع وهو واخد قرار انه يحول لكن اللى نصيبه يقعد بيقعد واللى نصيبه يحول بيحول

[ENG/ MOUTAZ]

والله العظيم انت عبرت عن اللي كنت مكسوف اقوله ويا ريت الناس اللي اصغر مننا يقروه عشان يعرفوا سينارو الايام الجايه في حياتهم

[babycat86]

يـــــــا ربــــــي أنا كل أما أدخل موضوع أتعقد أكتر من كلية بترول من قبل ما أدخلها بس مش عارفه ليه برده جوايا إصرار علي المغامرة علي العموم مرسيي يا مصطفي علي الموضوع الجميل ده وربنا يطمنك زي ما طمنتني
وبالنسبة للأخ السوداني يا جماعه انا حاسه بيه انا واخده الثانوية في السعودية وكنت دايما بدور علي واحدة مصرية اتكلم معاها لان أكيد المصرية أقربلي من السعودية او اي جنسية تانيه هو يمكن زودها في الكلام عن المصريين بس هو أكيد مش قصده

انا مش معاكي يا love_queen في حكاية المصريين بره احسن من السعوديين انا عشت 18 سنة في السعودية مسمعتش ولا عاشرت مصري تعامله كويس للأسف بيمثلو صورة وحشة قوي للمصريين بره وده اللي مكره السعوديين فينا وانا مش بلومهم حقهم. اما بالنسبة لانك تتأثري من كل حاجة تقريها ده مش صح لان مفيش حاجة كاملة المهم تبقي واثقة من نفسك وقد قرارك

[babycat86]

بالنسبة لأخونا السوداني انت حقك تتصدم من أي حاجة وخصوصا لو قارنت بالقاهرة او عين شمس مثلا وكمان من حقك تعبر عن رأيك بكامل الحرية بس أكيد لازم تحترم شعور الناس اللي انت في بلدهم ويكون الكلام مش جارح لان البلد ديه مرحبه بيك وشايلاك على ارضها بكل احترام وكرامة ولم تسئ اليك شخصيا. عموما اتمنالك التوفيق في اللي ربنا كتبهولك

[love_queen]

انا مش معاكي يا love_queen في حكاية المصريين بره احسن من السعوديين انا عشت 18 سنة في السعودية مسمعتش ولا عاشرت مصري تعامله كويس للأسف بيمثلو صورة وحشة قوي للمصريين بره وده اللي مكره السعوديين فينا وانا مش بلومهم حقهم. اما بالنسبة لانك تتأثري من كل حاجة تقريها ده مش صح لان مفيش حاجة كاملة المهم تبقي واثقة من نفسك وقد قرارك
حضرتك أنا مقولتش إنهم أحسن من السعوديين بس أكيد أنا او اي حد في الدنيا بيرتاح أكتر لولاد بلده حتي لو كان في ناس أحسن منهم بس أكيد بنحب ولاد بلدنا اكتر لان في حاجات كتير بتجمعنا وبنشترك فيها وأولها الوطن وكمان انا قابلت مصريين كتير هناك في غاية الاحترام هو اه الغالبية بيبينونا بصورة مش حلوة هناك بس في كتير برده ناس ولاد أصول ومحترمين ومتحاوليش تقنعيني انك مقبلتيش ولا مصري تعامله حلو لان في كل مكان في الدنيا في الحلو والوحش وانتي كده بتشوهي صورة المصريين علي فكرة وبتعملي زي أخونا السوداني
وانا متأثرتش ولا حاجه بكلام الاعضاء عن الكلية لو تلاحظي انا كاتبه اني مصره بإذن الله علي قراري وعلي اني أغامر مقولتش انا رجعت فيه أرجو متكونيش إتضايقتي من تعليقي علي ردك بس انا بس بوضحلك وجهة نظري المتواضعه
وإنتي اخت غالية عندي طبعا

[babycat86]

حضرتك أنا مقولتش إنهم أحسن من السعوديين بس أكيد أنا او اي حد في الدنيا بيرتاح أكتر لولاد بلده حتي لو كان في ناس أحسن منهم بس أكيد بنحب ولاد بلدنا اكتر لان في حاجات كتير بتجمعنا وبنشترك فيها وأولها الوطن وكمان انا قابلت مصريين كتير هناك في غاية الاحترام هو اه الغالبية بيبينونا بصورة مش حلوة هناك بس في كتير برده ناس ولاد أصول ومحترمين ومتحاوليش تقنعيني انك مقبلتيش ولا مصري تعامله حلو لان في كل مكان في الدنيا في الحلو والوحش وانتي كده بتشوهي صورة المصريين علي فكرة وبتعملي زي أخونا السوداني
وانا متأثرتش ولا حاجه بكلام الاعضاء عن الكلية لو تلاحظي انا كاتبه اني مصره بإذن الله علي قراري وعلي اني أغامر مقولتش انا رجعت فيه أرجو متكونيش إتضايقتي من تعليقي علي ردك بس انا بس بوضحلك وجهة نظري المتواضعه
وإنتي اخت غالية عندي طبعا

من حق كل واحد يقول وجهة نظره لكن انتي فهمتيني غلط لاني بقولك ملكيش دعوة بكلام حد مادمتي عندك الاصرار والعزيمة واللي يكون كده ويشد حيله ربنا بيكرمه وبيديله على قد تعبه وانا عشمانه فيكي كده بمشيئة الرحمن. وعموما طمنيني امتى تنسيقك؟ ربنا يوفقك
اما في حتة السوداني انك تشبهيني بيه ده غلط لانك انتي قلتي من حق كل واحد يعبر عن رأيه وانا مشتمتش في مصر انا قلت اللي شفته من المصريين في السعودية وده كلام انا متأكده منه ومصممه عليه اعتقد كده اني مغلطتش في حد بعينه.

[love_queen]

من حق كل واحد يقول وجهة نظره لكن انتي فهمتيني غلط لاني بقولك ملكيش دعوة بكلام حد مادمتي عندك الاصرار والعزيمة واللي يكون كده ويشد حيله ربنا بيكرمه وبيديله على قد تعبه وانا عشمانه فيكي كده بمشيئة الرحمن. وعموما طمنيني امتى تنسيقك؟ ربنا يوفقك
اما في حتة السوداني انك تشبهيني بيه ده غلط لانك انتي قلتي من حق كل واحد يعبر عن رأيه وانا مشتمتش في مصر انا قلت اللي شفته من المصريين في السعودية وده كلام انا متأكده منه ومصممه عليه اعتقد كده اني مغلطتش في حد بعينه.

حبيبة قلبي فعلا أنا معاكي من حق كل واحد يعبر عن وجهة نظره وأنا برده مازلت مصره علي وجهة نظري المتواضعه بس طبعا إختلاف الرأي لا يفسد للود قضية وزي ما قلتلك انت أخت غاليه عليا وبحترمك جدا كفايه وقفتك معايا من يوم ما إشتركت في المنتدي ونصايحك ليا اللي بجد فادتني كتير كل ده مستحيل أنسهولك وبالنسبه لتنسيقي لسه همتحن مستوي رفيع يوم السبت الجاي ان شاء الله
وهقدم بعده علي طول بمشيئة الرحمن دعواتك إنتي بس وان شاء الله ربنا يقدم اللي فيه الخير

[Einstein]

سبنا الكلية والكلام اللى الرجل تعب فى كتايته واحنا فضينا بقأ نأول من احسن مصريين ولا سودانيين ولا سعوديين
علاشان نجيب من الاخر اكـــــــــــــــــــيد احسن بلد هى















وانتوا مالكم

[Einstein]

الموضوع جامد يا ابو زيد وسيبك من الحاقديين
وخلاص طالما انا قلت انه جامد يبقى خلصت

[بنت مصريه]

بالله عليك يا كابتن ما انت مكمل..........
انا ما صدقت اتنع نفسي بالكليه دي
ما تخلينيش اندم اني فوتت معاد التحويل من غير ما احول
والله انتوا ناس تجيب الاحباط بجد
حراااااااااااااااام ....كفاااااااااااااااااااااااااااااااااااااايه
بجد انا زعلانه اوي كابتن مصطفى
بلاش تحبطوني اكتر من كدا
دا انتوا محسسني اني رايحا المعتقل
او سجن ابو غريب
ممكن اللي يتكلم او يعلق يقول كلمه حلوا او ما يقلش حاجه خالص احسن
دا السكوت من دهب والكلام من فضه

[وليد على]

فين الجزاء الثالث ياا ابو زيد احنا مستنينه

[وليد على]

فين الجز الثالث يا ابو زيد احنا مستنينوه وبجد اسلوبك حلو فى الكتابه وحلوه حكاية الشخليل ديه

[a7med]

:crying:di kst 7yatna kolna