اعــــــــــــــتــــــــــــــــــذـ ار

[salmaelmasrey]

هنا في نفس المكان اللي شهد في الخلاف بيني وبين اخويا بكري
انا بعتذر له
واقول له انا اسفه مش قصدي اضايقك
واكرر الاعتذار لكل الموجودين
اسفه يا بكري

!}{+_)

[المهاجر الي حبيبه]

انا مش فاهم الموضوع بس اسفك اكيد مقبول سيدتي
بس لا يوجد هنا مجال للأعتذار يين الاعضاء لاننا في النهاية اخوات

تحياتي

المهاجر الي حبيبه

[محمود الفرنساوي]

شكرا سلمي انك نزلتي الموضوع
يارب بكري يقبل الاعتذار ويرجع
وبعدين هو انا كل يوم ح اعمل نداء لحد
يا جماعه احنا اكبر من اي خلاف
بكري ارجع كده الموضوع انتهي

[ThE_InViSiBlE]

كدا انتى صح يا سلمى
100/100
سلمى للأمام دائما

[SleeplessHeart]

ياريت حد يكلم بكري ويقوله يدخل يشوف الاعتذار ويرجع مش ينفع كدة ياجماعة احنا اكبر من كدة بكتير

[salmaelmasrey]

شكرا ميرسي يا جماعه
بس الاعتراف بالخطا دي ده من صفاتي
ومش بحب اكابر

[محمود الفرنساوي]

كويس سلمي انك عملتي كده وعرفتي فرق السن وبعدين انتي بنت وهو راجل
وخلاص اي خلاف بينتهي بسرعه
زى ما بيبدا بسرعه

[محمود الفرنساوي]

عارفه في شيء عجبني فيكي

[salmaelmasrey]

ايه يا فرنساوى قول

[محمود الفرنساوي]

ان قلبك لسه ابيض زى زمان

[salmaelmasrey]

طيب كويس انه مش منقط
ههههههههههههههههههه

[ابن القيم]

الحمد لله وكفي....وسلام علي عباده الذين اصطفي....
لا سيما عبده المصطفي ...ونبيه المجتبي...وآله المستكملين الشرفا...

أما بعد

فإني أوجه الشكر لكم جميعا....(محمود-sleeplessheart-invisble-....
وإلي صاحبة الموضوع سلمي)

ولكنكم لم تعلموا سبب انقطاعي....فلعل حذفي لمشاركاتي في موضوع (انتباه) تزامن مع قراري في الانقطاع... الذي ربما يكون نهائي والله أعلم.... ولقد أبلغت الإدارة بإلغاء إشرافي علي قسم كلية هندسة البترول ....

فلا داعي للاعتذار

وأشكركم علي الاهتمام بي وبمواضيعي...ولقد قضيت معكم وقتا مفيدا في هذا المنتدي الطيب.....

أما أسباب انقطاعي فهي كثيرة وسأورد بعضها...(وللعلم أني لم أشارك في المنتدي إلا للدعوة إلي الله ورفع راية لا إله إلا الله وأسأل الله أن يتقبل مني ذلك)....


1-ذهابي للعمرة في الأيام المقبلة واستعدادي لها نفسيا وروحيا
2-عندي بعض المشاكل في العمل في هذه الأيام
3-أنا عندي مسئوليات اجتماعية(أنا مش فاضي زيكم) حيث أني متزوج وعندي بلال...وجلوسي علي النت فترة طويلة أثر علي حياتي
4-حدوث انخفاض في مستواي العلمي والعملي في الفترة الأخيرة....مما أثر علي كفاءتي في كل شيء
ولعلها تكون الأسباب الرئيسية بإجمال شديد وليس لها علاقة بموضوع انتباه....ومن يعرفني عن قرب يعلم أني أكبر من هذا....(بل والكثير من زملائي زممن حولي يستعجب من اهتمامي الشديد بهذا المنتدي في الفترة الأخيرة) ..

ولقد سعدت كثيرا بالمشاركة في هذا المنتدي والدعوة إلي الله فيه وتبادل النصيحة بيننا ....وكنت من قبل ممنوع من فعل هذا وأنا طالب.....فلقد كنت في قائمة الإسلاميين المشاغبين في الكلية......

وأخيرا أرحب بكم أصدقاء علي إيميلي الشخصي .....

أخوكم في الله والعبد الفقير إلي الله ......
أبو بلال محمد بن بكري المصري السلفي....



ومن عجب أني أحن إليهم....واسأل عنهم من أري وهم معي
وتطلبهم عيني وهم في سوادها...ويشتاقهم قلبي وهم بين أضلعي

[ThE_InViSiBlE]

مع السلامة يا بكرى هتوحشنا و الله
ابقى ادعيلنا معاك فى العمرة

[محمود الفرنساوي]

بكري خلي بالك من نفسك
ولا تحرمنا من نصائحك
استودعك الله
لا اله الا الله

[HiThAm]

ايه اعتذار ده مش عيب عليكو لما تبقو كبار كده وطول بعرض وتقعدو تعتذروا لبعض على هيافات
الناس خلاص مخها ضرب
والله يرجعك بالسلامه يا ابو بلال ايه ابو بلال دى انت عاملى فيها عمر المختار
الناس بقت غريبه اوى

[HiThAm]

وبعدين انت كنت فى قايمه المشاغبين فى الكلية اكيد لازم تبقى من قايمه المشاغبين على المنتدى

[salmaelmasrey]

انت مين سمح لك انك تتدخل في شيء مالكش دخل فيه وانت مالك

[light]

haitham بصراحة انت ماعندكش دم
المهم الرجوع للحق خيرٌ من التمادى فى الباطل

[beckham7]

إيـــــــه ده يــــــــا جــــــمــــــاعه حنتخانق تــــانى ..... احنا احسن نسمى المنتدى ده ( منتدى الخناقات والاعتذارات )

[salmaelmasrey]

هههههههههههههههههههههههههههه
والله معاك حق يا بيكهام
بس اصل اسلوبه مستفز
المفروض يحترمنا علي الاقل لاننا اقدم منه ولا ايه

[beckham7]

أيوه كده عاوزين ضحك يا جماعه وترفيه شوبة .......أحنا كل مىة نتخانق كده .......يــــــا ريت فى مرة كده نتفق كلنا نتقابل ونقعد نضرب بعض بدل ما احنا عاملين نتخانق فى المنتدى كده

[salmaelmasrey]

صح نتقابل امتي وفين وانا مستعده اعض واخربش

[beckham7]

كــــــل واحـــد بمطوته .......واللى مش حيـجى بمطوته حــيــتــمد وحيضرب عصايــتــيـتن

[محمود الفرنساوي]

وبعدين انت كنت فى قايمه المشاغبين فى الكلية اكيد لازم تبقى من قايمه المشاغبين على المنتدى
كان في قائمه المشاغبين في الجامعه لالتزامه واعتراضه علي السفاهات
والفجور
لكن انت بسم الله مشاء الله فاتحها سداح مداح
ولا ايه

[محمود الفرنساوي]

ايه اعتذار ده مش عيب عليكو لما تبقو كبار كده وطول بعرض وتقعدو تعتذروا لبعض على هيافات
الناس خلاص مخها ضرب
والله يرجعك بالسلامه يا ابو بلال ايه ابو بلال دى انت عاملى فيها عمر المختار
الناس بقت غريبه اوى
ايه الغريب في كده
الغريب واللي اغرب منه
واحد زيك بيتريق علي عباد الله من غير وجه حق
لحد هنا وانتبه
اقف عن حدك
بكري راجل مش موجود علشان يرد غيبته
بس انا هنا مكانه
واللي يفكر يتكلم عنه كلمه مش في وجه حق
مش بس انا اهزئه لا واهينه كمان
افتكر كفايه عليك الفاصل القصير ده بدل ما اكمله لك بالفاظ خارجه يا محترم

[mr.mk]

ترجع بالف سلامة يا أبو بلال
و لا تنسانا من صالح دعائك

[ابن القيم]

السلام عليكم ورحمة الله وبركاته
وإن شاء الله ترجع بالسلامة
ومش محتاج اقولك تدعيلنا

لقد سعدت بمرورك أيها المدير....وإن شاء الله لن أنساك في الدعاء


إيـــــــه ده يــــــــا جــــــمــــــاعه حنتخانق تــــانى ..... احنا احسن نسمى المنتدى ده ( منتدى الخناقات والاعتذارات )

دائما أنت شخصية مرحة يا بيكهام....هادعيلك ربنا يهديك(ابتسامة)

كان في قائمه المشاغبين في الجامعه لالتزامه واعتراضه علي السفاهات
والفجور


وما كنا لنهتدي لولا أن هدانا الله......
شرفني مرورك أخي محمود ودفاعك عني.....


ترجع بالف سلامة يا أبو بلال
و لا تنسانا من صالح دعائك

الله يسلمك أخي....وإن شاء الله لن أنساك في الدعاء

ومن عجب أني أحن إليـــهم...وقد سكنوا قلبي وروحي ومهجتي
معاهد أفراحي ديار سعادتي ...مواسـم أرباحــي أويقاتــي لذتــي

[HiThAm]

انا رجعت ليكم لما اشوف ايه الردود السلبيه اللى اتقالت دى للاسف انا مش فاضى اليومين دول اوى يا دوب بعرف اوفر من وقتى ساعه بس للنت
ما علينا
الاخت اللى بتقول اقدم مننا دى اقدم منى فى ايه يا استاذه انتى ولو سمحتى اتكلمى باحترام شوية وخاصة انتى متعرفيش انتى بتكلمى مين ولا اساسا انا اتكلمت عنك بأى كلمة
ومش انتى اللى حتحكمى ان اسلوبى مستفز من عدمه

اما الاخ التانى اللى غلط وبيقول فاتحها سداح مداح يا عم الله يسامحك وعيب اساسا انى انزل وارد عليك وانت بتقول اكمل بالفاظ خارجه وعاملى فيها متدين وبتدافع عن الاخ بكرى......سبحان الله
اما الاخ بكرى انا مش قصدى اغلط فيك لا لا سمح الله مش انا استغربت اوى من كلمة ابو بلال دى وانت عارف بقه شغل الكنية اللى ماشى اليومين دول ابو رفاعة وابو العز وابو وابو زى ما يكونو كلهم مجاهدين
انما مش بغلط ولاقصدى الغلط ممكن يكون حد منهم فهمنى غلط
بس برضه مش من حق اى حد فهمنى غلط انه يرد
ونصيحه اتقوا شرى احسن انا مش غاوى مشاكل بس لو المشاكل جاتلى لحد عندى يبقى اهلا وسهلا

[محمود الفرنساوي]

ا

اما الاخ التانى اللى غلط وبيقول فاتحها سداح مداح يا عم الله يسامحك وعيب اساسا انى انزل وارد عليك وانت بتقول اكمل بالفاظ خارجه وعاملى فيها متدين وبتدافع عن الاخ بكرى......سبحان الله
كل بس لو المشاكل جاتلى لحد عندى يبقى اهلا وسهلا
ده مش اهلا وسهلا بس ده انا اقول يا مليون مرحبا
لما واحد زيك داخل مش عاجبه حاجه يبقي بناقص من دخوله
وخليك في حالك
احسن لك
وبعدين انت شايف انك لما ترد عليا بتنزل لمستوايا يا كابتن
انا اللي ما يشرفنيش التعامل معاك لانك علي راي ناس sicko

[HiThAm]

ده خليك فى حالك ده اعتبره تهديد سيادتك يعنى ولا ايه
لو سمحت متغلطتش واتكلم على قدك
والزم حدودك

[محمود الفرنساوي]

لالالالالالالالالالالا تعليق

[beckham7]

عــــــــــــــــاوزيــــــــن دم..... عـــــــــــاوزيــن النــــــــاس تــتـــلم.....هــييييييييييييييه

[سمو الامير]

يمكن مليش حق اتدخل في الموضوع

بس مينفعش اشوفكوا بتتخانقوا بلطريقة دي واسكت

مهو يا تتخانقوا بجد وعاوزين دم زي ما بيكهام بيقول

يا اما خلاص يا جماعة احنا ناس كبار ميصحش نمسك لبعض ع الواحدة

ومهما حصل يعني احنا اصحاب في منتدي واحد

يعني بيننا عيش ومشاركات ( ولا ايه ؟!!! )

صلوا ع النبي كده وفضوها سيرة بئا

[ThE_InViSiBlE]

الموضوع ده بجد من اغرب مواضيع المنتدى
و بصراحة انا شايف ان لو كل عضو سحب مشاركته منه و محدش دخله تانى ده هيبقى احسن حل للمشاكل
و ........
ربنا يهدى الجميع

[salmaelmasrey]

هههههههههههههه
انا معاك يا انفزيبل بجد
ده موضوع انا اللي كاتباه مش مشاركة فيه قد باقي الاعضاء اللي دخلوه
بس احسن رد علي ......... هو الصمت

[beckham7]

أمـــــــشـــي يــــــاد انـــتـــــــا وهو ....حنـــرش مــــــــيـــــــــا

[ابن القيم]

ونصيحه اتقوا شرى احسن انا مش غاوى مشاكل بس لو المشاكل جاتلى لحد عندى يبقى اهلا وسهلا

وأهلا بيك يا هيثم ......

[HiThAm]

اهلا بيك..........

[zara]

ممكن حد بقى يحكيلي ايه سبب الخناقه اصلا وللا احنا مش في المنتدى وللا ايه
اصل ما تبقاش خناقه وردود زي دي فالمنتدىوفيه أعضاء مش عارفين حاجه عنها
مادام اخدت مساحه من المنتدى يبقى من حقنا نعرف
وكل اللي غلط يعرف غلطه
يا اما تكفوا على الخبر (....)ونلم الموضوع وكل متسبب في الموضوع يقدم اعتذار غير مشروط
لأعضاء المنمتدى لتضييع وقتهم في حاجات ملهاش.................

[beckham7]

أمـــــشي يـــــــــاد انتا وهــــــو وهــــــي حـــــــنرش ميـــــــــا .........طششششششش

[zara]

الله يا سلام عليك يا بيكهام بتيجي ف الوقت المناسب
ياه الدنيا حر

[beckham7]

طشششششششششش طششششششششش حاسبى يا (zara) لحسن المرة الجيا حرش ميا نــــــار

[محمود الفرنساوي]

انزل انا بميه النار علي اللي منرفز الاعضاء ولا ايه

[beckham7]

طشششششششششش طششششششش طششششششش لا حول ولا قوة إلا بالله اهو واحـــــد هنــــاك وشه راح

[محمود الفرنساوي]

لا اله الا الله

[beckham7]

لازم الواحــــــــد يزعــــــــق ويـــــــشخط ويــــــــــرش ميــــــا عشان تسكتوا
.....
.....
أعضـــاء تــــخاف متــختشــيــش

[salmaelmasrey]

هو انت كل شويه داخل الموضوع بتاعي تكتب فيه
ايه مش لاقي مكان تاني تكتب فيه
غير هنا

[beckham7]

مـــــــين العضوة دى ؟؟؟؟؟؟؟؟ حـــــــد يعـــرفــــها ؟؟؟؟ تبع حد دى يا جماعه ؟؟؟
...
...
أكــــــــيد انتى بــتشبهي علـــيا !!!!!!!

[salmaelmasrey]

لا يا يا خفه
عارفاك وقصداك

[beckham7]

طــــب أمـــــشي بـــــــقا عشــــــــان حــــــــنرش مــــيــــــــا نـــــــــار
حاسبى وشك .....طششششششششش طشششششششششش
..
..
حاسبييييييييي .....لا حول ولا قوة الا بالله اهى واحده وشها راح ...يلا ع البركة

[salmaelmasrey]

ميه النار دي انت تشربها الصبح علي الريق

[beckham7]

هههههههههههههههههههههه على الريق ؟؟؟
...
...
اللى متعرفهوش بقا انى بطلت اشربها عشــــان ارشـــها فى الموضوع بـــتاعك ده اللى الناس بتتخانق فيه
...
الحق عليا انى فـــضتلك الخناقة دول كانوا حيبوظولك الموضوع خالص

[salmaelmasrey]

لا العفو ده واجب عليا

[beckham7]

كـــــــلمة تـــــانية فى الموضـــــوع ده ومش مســـــئول انا حعمل ايه

[zara]

ممكن أعرف ايه اللي بيحصل يعني لو بترخموا على حد نا معاكوا

[salmaelmasrey]

اوك يا زارا ده بيكهام بنرش في وشه ميه نار بس تحبي تشاركي معانا

[beckham7]

اللى حصل ان كنت بـــــــاكل شبسي أكتر بتاع احمد السقا ده اللى كان بيقع من سور الكلية
وهيــــا خطفته منى .......بس هيا دى كل الحكاية
..
واحنا بنتخانق دلوقتى مين يدفـــــع حق الكـــــيس

[salmaelmasrey]

ونسيت البيبسي يا بيكهام

[beckham7]

اه صـــحيح نسيت اقولك على البيبسي بس اللى حصل انى دلوقت البيبسي على سلمى
الصراحة كان منظرها يااااااااااي كويس انك مشوتهاش

[محمود الفرنساوي]

عيب يا بنات انتم لسه صغيرين
محدش يقدر يشوه وش بيكهام

[beckham7]

ربـــــــنا نـــصفني أخــــيرا وكدنــا العوازل

[limoooo]

ايه هو المنتدى بقى ساحه خناق ولا ايه

[limoooo]

ماتتلموا شويه هوا مفيش هنا كبير ولا ايه

[limoooo]

بطل رش ميع يا عم بيكهم خلاص الموضوع خلص

[limoooo]

يالا كل واحد على اميله

[limoooo]

خلاص الليله خلصت وكل واحد يعرف غلطه

[محمود الفرنساوي]

اللهم ما طولك يا روح

[beckham7]

ميــــن الاســـــتاذ اللى فرحــــــــان بأميــــله ده ....طب ما احنــــا عندنـــــا اميلات برضه
...
...
وبعدين إيه كمية المشاركات دى ما تكتب كل اللى تحبه فى مشاركة واحده ده انــتا مبـــزر جـــدا

[محمود الفرنساوي]

علي رايك شكله مش لاقي حد يكلمه فحط الايميل بتاعه

[salmaelmasrey]

انا اقول لكم هو بيشارك كتييير ليه
بص هو عضو جديد عايز يبقي عضو وبعدين عضو نشيط
فيعمل ايه
يشارك كتييير
حتي لو بكلمه
اهو اتحسبت له مشاركه
بس اول مرة اشوف حد بيمضي بالايميل بتاعه
ده دليل انه مش لاقي كلمه يحطها في التوقيع

[beckham7]

ههههههههههههههههههههههه
...
...
شــــــــــكلك وحــــــــش جدااااا

[HiThAm]

باااااااااااااااك
ورجعت للمنتدى تانى
سورى كنت مشغول اليومين اللى فاتو

[salmaelmasrey]

نقول نورت المنتدي
ولا نقول ايه

[HiThAm]

لا انا سايب المنتدى منور بناسه واهله

[beckham7]

الطشت قالى ....الطشت قالى

[beckham7]

limooooo
>>
>>
>>
أنــــــتا نـــــاقص تـــكح ........وتحطها فى مشــــاركة لوحدهــــــــا
عجــــــــايب

[محمود الفرنساوي]

احنا احسن شيء نعمله ندعي له انه يبقي عضو خبيييير

[beckham7]

بعد كده الواحد لو عـــــطس يبـــــقـــــا يحـــطها فى مشـــــاركة
...
...
حاجات غريــــــبة بــــتحــــصل فى المنـــتدى ده

[limoooo]

شكرا لكم جميعا

[محمود الفرنساوي]

انت زعلت ولا ايه
ايه يا عم احنا بنهرج معاك

[ابن القيم]

إيه يا جماعة ده الموضوع كبر خالص

[limoooo]

ياريت كل واحد يبص لنفسه الاول

[ابن القيم]

يرفع للتذكير

[سمو الامير]

يرفع للتذكير



عندك حق يا ريت يا جماعة نبقي أقوي من أي خلاف بيحصل

وياريت المشكلة دي تتحل بسرعة

[ابن القيم]

عندك حق يا ريت يا جماعة نبقي أقوي من أي خلاف بيحصل

وياريت المشكلة دي تتحل بسرعة


معاك حق يا أحمد...وعلي راي بيكهام احنا نسمي المنتدي ده منتدي الخناقات