قاموس الروشنة..............شديد طحن(تم إضافةحرف الدال)

[كريم الباشا]

حرف ال (أ):

1)أستمورننج:
لفظ يقال فى الصباح بغرض تناول الطعام او التدخين او شرب الشاى حتى يفيق الشاب من نعاسه
مثل: هروح اعمل استمورننج ع القهوة وجاى


2)أديها جاز:
عبارة تقال فى مواقف المشاحنات بين الاصدقاء لزيادة حدة المشاجرة
مثل:أدى الخناقة جاز علشان تولع أو شعللها


3)ايه النظام؟
بمعنى ايه الموضوع ولقد استغلت الكلمة فى احد اعلانات الموبيل فى نظام كروت الشحن
مثل :ايه النظام؟.........النظام فى العظام

4)أليط:
لفظ بمعنى المتكبر الذى يتعامل مع الاخرين بأسلوب فيه تعالى أو ينظر للاخرين نظرة دونية متعجرفة.

5)another stone
كلمة روشة بعنى حجر اخر للشيشة لشاربى الشيشة على القهاوى

6)اتشبح:
لفظ يعنى الضرب حتى التعذيب
مثل: شبحته اى اعتديت عليه بالضرب المبرح


7)إتم:
وتعنى الغلاسة والرخامة والتناحة وكل الصفات السيئة التى قد يتصف بها شاب معين

8)أمبلايز
لفظ بمعنى (فى الفشوش) اى ان الموضوع الذى سعيت من اجله لم يتم اى تعبت على الفاضى ويقال
الحياة فى الامبلايز اى ان الحياة تعبانة وفاشلة

9)أبجنى تجدنى:
عبارة تعنى انه يمكن شرائى بالمال او اعطنى المال لكى انفذ ما تريده


10)أنجز بالونجز
كل المشاكل التى تقابلها لها حل سريع ما دمت تدفع المقابل والونجز يقال انها كانت نوع من السجائر قديما ولكنها هنا تعنى النقود

11)أستك:
مصطلح يعرفه التجار ويعنى الالف جنيه

12)أرنب:
مليون جنيه
الربع ارنب يعنى ربع مليون جنيه

13)أخلع دلوقتى
تعنى رغبتك فى رحيل شخص ما انهيت الحديث معه

14)اتزرع هنا:
انتظر هنا ولا تتحرك مثل اى جماد او شجرة
مثل: اتزرع هنا لحد ما اجيلك تانى


15)احنا اللى بهيظنا الفهايص
عبارة يطلقها قائد شلة الفساد افتخارا بنفسه
ومعناها انا اللى جعلت الجميع يغيب عن الوعى

16)أوزى :
لفظ يطلق على الفتيات الصغيرات الجميلات فى المدارس الاعدادية والثانوية او ما شابه ذلك

17)أدعك الفانوس
عبارة بمعنى انصرف الان لقد انهيت مهمتك


18)أنتخ:
جلس بدون هدف ينتظر الفرج حتى يأتى له


19)أشتغله:
بمعنى اكله البلوظه او اخدعه او استهبل عليه
وتقال: انت بتشتغلنى


20)أقعدلى فى حته ناشفة:
جملة سخرية توجه للشاب الاهبل او الذى يخطئ فى الكلام كالاطفال الذين يتبولون على انفسهم على اعتبار ان الشباب والرجال لا يخطئون ولديهم تحكم ذاتى بالنفس ( الحمام يعنى)

21) أفتكس
كلمة تعنى القدرة على الاختراع او التأليف فى مجالات الحياة المتعددة التى تتسم بطابع العبط او الاستظراف


22)استكانيس
لفظ يدل على الراحة والرفاهية والمتعة ويقال
انا كده مستكانيس ع الاخر.



to be continued مع باقى الحروف

[mr.mk]

هههههههههههههههه

شكرا

يا كريم

[محمود الفرنساوي]

ههههههههههههههههههههههههههههههههه
thanks kemooooo

[كريم الباشا]

ياااااااااااااااااااااه
ايه اللى فكركم بالموضوع ده يا جدعان
ده بقاله 7 شهور اهو


لسانى عاجز عن الشكر
:laughing at:

[CRISTIANO RONALDO]

الموضوع حلو ما دام بقاله سبع شهور
فين باقى السلسلة
هههههههههههههههههه
عايزين نتعلم القواميس دى:laughing at:

[Broken_Heart]

ههههههههههههه ايه الكلام الجامد ده يا كريم هههههه لا بجد تسلم ايدك بس نسيت تقول مسطلح((لطخ )) هههههههه وطبعا ده تبع يعنى واحد رخم وبيغلس هههههههه

[CRISTIANO RONALDO]

لطخ اهلا
ايه المصطلح دة
اسمها اهطل
هههههههههههههههه
على العموم فى انتظار الدفعة القادمة
:laughing at:

[كريم الباشا]

ههههههههههههه ايه الكلام الجامد ده يا كريم هههههه لا بجد تسلم ايدك بس نسيت تقول مسطلح((لطخ )) هههههههه وطبعا ده تبع يعنى واحد رخم وبيغلس هههههههه


لا منستهاش بس ده حرف الألف بس
لسه باقى الحروف
ولطخ ف الاااااااااااااااااااااااخر خالص عشان هى حرف اللام


مشكورة ع المرور

[كريم الباشا]

الدفعة التانية
حرف ال(ب)

1- بيرمى ودن
عبارة تعنى انه يتصنت على شئون غيره بتوجيه الرادار الملقب بالأذن لاثنين يتحدذون سرا لكى يفسر الكلام الهامس

2-بكابورت
صفة تطلق على الروائح الكريهة الصادرة من شخص ما لتدل على انه مقزز لدرجة خيالية

3-ابعته
لفظ بمعن اخدعه او اضحك عليه حتى تضحك من تصرفاته

4-بشلة
علامة عل الوجه ناتجة عن المشاجرات تدل على ان صاحبها بلطجى


5- بتهوبص
لفظ بمعنى ( بتستعبط) اى تتظاهر بالغباء وانت اعلم الناس
ويقال:
انت بتهوبص علينا

6- بيظيط
لفظ بمعنى النطق بكلام فارغ والشخص الظايط هو الذى يردد كلام لا يفهمه او يفهمه غيره .
ويقال: ماتظيطش يا عم



7- برطعة
لفظ بمعنى ""اكل ومرعة وقلة صنعة""
اى يسير فى الحياة بدون هدف او غاية

8- بأف
وهو الشخص قليل الفهم والاستيعاب ويتصرف بعفوية نادرة لا تخرج جتى من حيوان اليف


9- بلط
الشاب الذى يحتوى على المادة السحرية التى تصنع منها الغتاتة او الرخامة اوالغتاتة
والشاب البط هو التوكيل االرسمى لهذه المادة السحرية

[Ahmed Omran]

لا جامد يا كريم

[كريم الباشا]

شكرا يا ابو حميد

[noda_noda]

هههههههههههههههههه
حلو الموضوع ده يا كريم

وكمل باقى الحروف ياريت

[كريم الباشا]

ميرسى سا نودا وان شاء الله هنكمل باقى الحروف

[كريم الباشا]

بس انا بس بعمل تشويق
:laughing at:

[كريم الباشا]

حرف التاء (ت)

(1) تنشن

حالة من الغضب أو الزعل تنتاب الشاب عند سماع الاخبار السيئة
ويقال: ""ما تتنشنش كده""


(2)تنح
أدهش وأزبهل
أو على حسب وصف الكرتون سقط فكه على الارض ف بلاهة وجحظت عيناه من محجريهما


(3)تسالى يا لوز
نداء خاص ببائع اللب والسودانى فى الشارع
ولكن استخدمه الشباب للدلالة على ان العلاقة الغرمية التى يعيش فيها مجرد قضاء وقت


(4)ترلالى
بفظ يطلق على المعتوه أو المجنون الذى يخالف طبيعته فجأة


(5)تعبان موله
تعنى أن الشاب ليس له فى الطور او الطحين .اى لا يعرف اى شئ
وأحيانا يقولها الشاب الذى يمر بحالة من الفلس







حرف الثاء (ث)

ثلج نار

تعنى ان الجو بارد لدرجة التجمد




معلش هو حرف فقير شوية

[SleeplessHeart]

هههههههههههههههه
حلو الكلام ياكيمو
شكرا عالموضوع
مستنين البقية

[كريم الباشا]

مشكور يا سليبلس على المرور
قريبا ..باقى الحروف

[CRISTIANO RONALDO]

جميل يا كريم
منتظرين باقى الحروووووووووووف
ومشكووووووووووووووووور عالموضوع

[كريم الباشا]

مشكووووور عل مرورك يا رونالدو

[without name]

ههههههههه حلو يا كريم مستنين باقى الحروف

[كريم الباشا]

أسعدنى مرورك يا هوما
يا جماعه متقلقوش
باقى الحروف هتنزل
بس كل حرف لازم ياخد حقة شوية
هههههههههههههههه

[mamohemo]

حلو اوى يا كريم والله جااااااااااااااااااااااااااااااااااااااااااااااااا ااااااااااااااااااااااااااااااااااامد
الواحد ما كانش عايش يا جدع:laughing at::laughing at::laughing at:

[كريم الباشا]

مشكور على مرورك وردك الجامد يا mamohemo

[كريم الباشا]

ج

(1) جلنف

قليل الذوق في الحديث ، يتكلم بإسلوب غير حضارى مثل العربجية " كورباج ورا يا أسطى "



(2) جلياط

قليل الذوق ايضاً في استخدامه لعباراته او يتكلم بغشم وغباء


(3) جبت جاز

يقصد الشاب بالعبارة غالباً انه وصل الى مرحلة غير متوقعه من التعب ، ويستشعر من العبارة ان الانسان عباره عن أله تعمل في الحياة بقوه ، وعندما يوجهها اى خلل تسقط هاوية " اكيد في عيب في الصيانه "


(4) جيب لنا لب من تنزانيا

اعلان الرغبه في انفصال شخصاً ما عن باقى الشله لان هناك موضوع هام يودون الحديث فيه مثل " روح جيب لب من تنزانيا " عقبال لما نخلص الموضوع ده ، اى تريد التحدث بحريه


(5) جيبة مخروم

صفه يتصف بها الشاب المبزر .. وتقال " أنت جيبك مخروم " أى لا يستقر فيه المال

(6) جعجاع

لفظ بمعنى الصوت العالى الذى لا يؤثر في الاخرين .. والجعجعة هو الصراخ والعويل والتهديد ولكن بدون تصرف فعلى


(7) جلدة

لفظ يطلق علي الشخص البخيل الذى يهون عليه الموت ولا يهون عليه ان يصرف مليم واحد


(8) جهجهون

مصطلح متعدد الاغراض ، فاحياناً يأتى بمعنى " بدون تركيز " بغير استأذان " بدون تنظيم او تخطيط وتفيد في معناها العام العشوائية في التصرفات .. مثل " ايه داخل جهجهون كده "


(9) جهبز

وهو الشخص ذو القدرات الابتكارية الجبارة او دو العبقرية الخارقة .. يوصف باللفظ الاشخاص الاذكياء فقط


(10) جالى جرب في ودانى

عبارة بمعنى .. لا اريد سماعك مره اخرى .. انت رغاى ... صدعتنى .. ابعد عنى ... وكلها عبارات تفيد طلب الكف عن الثرثرة من الشخص الرغاى

[كريم الباشا]

ح
(1) حطيت ايدى علي البلف

اى لمست جوهر الحقيقة داخل شئ ما ..


(2) حاتى

لفظ بمعنى صاحب جاه او يملك فلوس .. او سلطه او نفوز وتقال ده شاب حاتى اى قوى بماله الذى يجعل له سلطه بين الشباب والحاتى لفظ يطلق ايضا علي بائع الكباب والكفته


(3) حافرتى

بمعنى دايس في الدنيا ، لدية الخبره الازمه في فن التعامل مع الحياة ، او قادر علي معالجه الامور بحكمة وخبره

(4) حاجة بربع جنية

عبارة بمعنى الرغبه في الحصول علي ايه مصلحه او فائده مهما كانت قليلة الاهمية حتى ولو بربع جنية والقائل لهذه العبارة هو انسان انتهازى مستغل للفرص ، او يعامل الناس بهدف الحصول علي مكسب

(5) حانوتى

مهنة تحولت الى لفظ مستخدم بمعنى " بخيل " محب للمصائب وتقال انت شاب حانوتى اى لا تفيد في شئ الا في حاله انعدام الفائدة والمنفعه ، مثل " ممكن تسلفنى عشره جنية " فيقول الحانوتى " كان نفسى .. بس الفلوس اللى معاي مش بتاعتى دى بتاعت خالتى اللى في امريكا

(6) حرك

لفظ يطلق علي الشاب المجتهد في عمله اى الشاب النشيط الذى لا يعرف الكسل

[SleeplessHeart]

ههههههههههههههه
اله يخربيت شيطانك ياكريم
بقى انت ياض ههههههههههههه يطلع منك كل ده
هههههههههههههههههههههههههههههههههههه
فعلا انت واد جهبز ههههههههههههههههههههه ترجم ياخويا ههههههههههههههه

[كريم الباشا]

للأمانة: انا مش بألف الحاجات دى
دى موجوده عندى ف كتاب اسمه قاموس الروشنة


أسعدنى مرورك يا شحاته

انتظروا باقى لحروف

[جمال عبد الناصر]

الف شكر يا مان

[كريم الباشا]

مشكور على مرورك يا جمال
لك منى أجمل تحية

[CRISTIANO RONALDO]

فعلا يا كريم قاموس جميل
ومنتظرين الباقى
شـكــ وبارك الله فيك ـــرا لك ... لك مني أجمل تحية .

[كريم الباشا]

مشكور على مرورك الجميل يا كريستيانو

[beautygirl]

الموضوع حلو اوى

[كريم الباشا]

مشكورة بيوتى على مرورك الجميل
يارب يكون عجبك

[كريم الباشا]

حرف الخاء (خ)

1) خبط فى الكلام


عبارة يقصد منها توجيه اللوم لشاب حيث تدخل فى موضوع لا يخصه


2) خيشة


وهو الشاب الذى لا يفقه شئ ويتظاهر بعكس ذلك..أو الشاب الجاهل الغبى
ولقد استخدمها المطرب الشعبى شعبان عبد الرحيم فى أغنية " كداب يا خيشة كداب أوى ...انا كنت فاكرك فهلوى""


3)خرمان

لفظ بمعنى انه محتاج الى سيجارة حالا وهو لفظ تعدى حدود الروشنة فهو يستخدم بين كل الناس وفى الافلام والمسلسلات


4) خلبوص

لفظ بمعنى مية من تحت تبن أى يظهر غير ما يبطن .

ويقال اللفظ فى المواقف التى تظهر فيها حقيقة الشخص الذى أمامك


5) خنفس


يطلق على الشاب المايع الذى يرتدى الملابس المهلهلة ويقول أنها موضة وروشنة أو يربى شعره مثل النساء ويؤكد روشنته والروشنة منه بريئة


6) خدنى تحت جناحك

بمعنى ساعدنى لأصل الى هدفى ...وتقال لشخص ذو منصب أو ظهرت عليه النعمة فجأة



7) خر

لفظ بمعنى أعترف بسرك أو أظهر ما كنت تخفيه






حرف الدال ( د)


1)دايس عليها قطر

عبارة تطلق على الفتاة قبيحة المنظر لدرجة مبالغ فيها ويقال :"" البت دايس عليها قطر""


2)دباليمو

لفظ يدل على ان الشاب أو الفتاة حاصل على الدبلوم
"" دبلوماتك برجالاتك..دبلة دهب فى صباعاتك""
يدل على أن الدبلوم طريق سريع للشاب للدخول الى معترك الحياة والعمل بأعتبار ان الحاصل على الدبلوم قد يجد مهنة أسرع من الجامعى


3) دماغ

بمعنى الانفصال عن الواقع أو الابتعاد عن المشاكل
"" يا عم دماغك"": أى انسى المشاكل


4) دبور

وهنا لا تقصد حشرة الدبور بوجه خاص ..ولكن نقصد صفاته التى امتزجت بصفات الشاب مثل الرغى...
لكن غالبا ما ياتى هذا اللفظ للتعبير عن الفتى الذ ينتقل من فتاة الى أخرى أى كثير العلاقات



5) دبلج المسائل

عبارة بمعن - صلح المواضيع - حاول أن تخفف الأخطاء وتصلح الامور



6)دؤرم

لفظ يقال على الشخص الذكى أو الذى يفهم الكثير أو الذى يعرف ما يدور حوله فى الخفاء



7) دغف

حالة من الغباء المستحكم الخالى من الخبث والمكر ويقال ::
"" أنت دغف "" أى لا تفهم أى شئ وتتعامل بجهل شديد


8) داير

لفظ بمعنى لافف أى خبير فى الطرق والاتجاهات سواء كانت شوارع أو موضوعات

[frenzy55]

طب ابجني وانا ارد:laughing at: هههههههههههههههههه

[كريم الباشا]

ههههههههههههههه
مشكور على مرورك الطيب

[misho]

شكرا يا كيمو ومستنى باقى القاموس الروش

[كريم الباشا]

منور الموضوع يا ابو مسلم
والباقى فى السكة ان شاء الله
بس انت عارف الواحد مشغول اليومين دول فى الدراسة

[hfathy2008]

جامدة اووى يا كريم

شـكــ وبارك الله فيك ـــرا لك ... لك مني أجمل تحية .

[كريم الباشا]

مشكور يا فتحى ع المرور
موفق بإذن الله ... لك مني أجمل تحية .

[without name]

مستنين الباقى ده انا بعد القاموس ده نسيت العربى كله
معلش هستلف منك الفكرة هعمل قاموس مزارع عشان يسهل ع الطلبة المذاكرة

[كريم الباشا]

حرف الخاء


خبط فى الكلام

عبارة يقصد بها القاء اللوم على شاب حيث يتحدث فى أشياء لا تخصه أو كان يقصد الشتيمة
مثل : أنت بتخبط فى الكلام ...أى تقول كلام ليس له داعى


خيشة

وهو الشخص الذى لا يفقه شئ ويتظاهر بالعكس ..أو الشاب الجاهل الغبى
ولقد استخدمها المطرب الشعبى شعبان عبد الرحيم فى أغنية """كداب يا خيشة ..كداب أوى ..ده انا كنت فاكرك فهلوى""":laughing at:


خرمان


لفظ بمعنى انه محتاج الى سيجارة أو كوباية شاى حالا
وهو لفظ تعدى حدود الروشنة فهو يستخدم بين كل الناس وفى الأفلام والمسلسلات


خلبوص

لفظ بمعنى ""مية من تحت تبن ""أى يظهر غير ما يبطن
ويقال اللفظ فى المواقف التى تظهر فيها حقيقة الشخص الذى أمامك


خُلل


وهو الشخص المصاب بحالة من الجنون أو الذى يتصنع العبط والاستهبال ويتصرف تصرفات غير طبيعية وغير مقبولة



خُنفس

حشرة حقيرة سوداء اللون بطيئة الحركة ,شكلها مقزز,موطنها الأصلى البالوعات
واللفظ أطلق على الشاب المايع الذى يرتدى الملابس المهلهلة ويقول أنها موضة وروشنة
أو يربى شعره مثل النساء ويقول روشنة والروشنة منه بريئة



خدنى تحت جناحك


بمعن ساعدنى لأصل الى هدفى وتقال لشخص ذو منصب أو ظهرت عليه نعمة فجأة
مثل: يا عم خدنا تحت جناحك احنا غلابة



خُر

لفظ بمعنى اعترف بسرك أو اكشف ما كنت تخفيه



خمفشارى


لفظ بمعنى الشئ غير المعروف
وتقال اللغة الخمفشارية أو الخنفشارية أى اللغة غير المعروفة أو غير الموجود أساسا

[SleeplessHeart]

هههههههههههه ايه ياعم دا

كل دي غيبة وراجعلنا بشوية الفاظ عنب

بس جميلة ياكريم وعبال حرف الدال:laughing at:

[كريم الباشا]

هههههههههههههههه
ألفاظ عنب؟؟؟؟

:laughing at:

شكرا على مرورك يا شحاته
وانتظروا باقى القاموس

[the great emperor]

انا اسف يا برنس على اللى هقوله بس يا ريت تقبل رايى من غير زعل !!!!!!!!
بذمتك مش مكسوف من نفسك وانت بتسجل الكلام ده المفروض مننا بقى اننا اول ما نقفل المنتدى ندخل على شات ونهيص بقى بالمفردات الجديدة دى ؟ولا اطلع لاصحابى وافضل اترازل عليهم بيها واعلمهالهم كمان!!!!!!!! انا اسف واعذرنى لكنى اتضايقت لما لقيتكم بستبدلوا العربى لغة الرسول و القران وكمان لغة الحساب بقاموس الروشنة واخرا وليس اخيرا الاختلاف فى الراى لا يفسد للود قضية وشكرا

[رحيل]

كريم بجد فى كلام اول مره اعرفه بحياتي وميرسي على المعلومات القيمه دي

[كريم الباشا]

انا اسف يا برنس على اللى هقوله بس يا ريت تقبل رايى من غير زعل !!!!!!!!
بذمتك مش مكسوف من نفسك وانت بتسجل الكلام ده المفروض مننا بقى اننا اول ما نقفل المنتدى ندخل على شات ونهيص بقى بالمفردات الجديدة دى ؟ولا اطلع لاصحابى وافضل اترازل عليهم بيها واعلمهالهم كمان!!!!!!!! انا اسف واعذرنى لكنى اتضايقت لما لقيتكم بستبدلوا العربى لغة الرسول و القران وكمان لغة الحساب بقاموس الروشنة واخرا وليس اخيرا الاختلاف فى الراى لا يفسد للود قضية وشكرا



شكرا على مرورك
وانا متقبل رأيك وعلى فكرة انا معاك
بس انت فهمت غلط
انا مش جايب المصطلحات دى وبشجع الناس انها تستخدمها ف حياتها بدل اللغة العربية أو المصرية العامية الجميلة .

الموضوع على سبيل الترفيه وسرد للمصطلحات المتداولة بين الشباب

[كريم الباشا]

كريم بجد فى كلام اول مره اعرفه بحياتي وميرسي على المعلومات القيمه دي


شكرا زينب على مرورك الجميل
واستنى المزيد من المصطلحات قريبا

[كريم الباشا]

حرف الدال

دايس عليها قطر

عبارة تطلق على الفتاة / الشابقبيح /ة المنظر بدرجة مبالغ فيها ويقال :
""دايس عليه/عليها قطر""


دباليمو


مصطلح يعنى أن هذا الشاب أو هذه الفتاة حاصل على دبلوم صنايع أو دبلوم تجارة
"" دبلوماتك برجالاتك دبلة دهب قى صباعاتك ""
وهذا يعنى أن الدبلوم طريق سريع للشاب ليدخل الى معترك الحياة ةوالعمل باعتبار أن الحاصل على دبلوم قد يجد عمل قبل الجامعى كما أن الفتاة الحاصلة على الدبلوم تتزوج قبل الجامعية

ويقال أيضا ""دبلوم العدل"" أى دبلوم الزواج




دهاليز الحياة


عبارة تعنى متاعب الحياة ومعاناتها اليومية ويقال:

"" الواحد تاه فى دهاليز الحياة "" أى متاعبها ومشكلاتها



دماغ

لفظ بمعنى الانفصال عن الواقع أى الرغبة فى تجنب المشاكل ويقال ::
"" يا عم دماغك"" أى انسى المشاكل



دبور

وهنا لا نقصد حشرة الدبور بوجه خاص ولكن نقصد صفاته التى امتزجت بتصرفات الشباب مثل الرغى أى الذى لا يكف عن الحديث .
ولكن غالبا ما يطلق هذا المصطلح على الشاب الذى ينتقل من فتاة الى اخرى اى كثير العلاقات الغرامية



دبلج المسائل

عبارة بمعنى "" صلح المواضيع""
حاول أن تخفف أخطائى أو ظبط الأمور أو خفف حدة التوتر الذى سببته



دؤرم

لفظ ثناء على الشخص الذكى أو الذى يفهم الكثير أو الذى يفهم ما يدور حوله فى الخفاء


دغف

حالة من الغباء المستحكم الخالى من الخبث والمكر ويقال :

"" انت دغف "" يعنى لا تفهم أى شئ وتتعامل بجهل شديد


داير

لفظ بمعنى لافف أى خبير فى الطرق و الأتجاهات سواء كانت شوارع أو مواضيع
مثل :"" انا داير فى السوق"" بمعنى أعرف كل شبر فيه


وأحيانا يقال ""دايرة على حل شعرها "" أى تسير بحرية ولا تهتم لكلام الأخرين ونصحهم

[Broken_Heart]

بجد موضوع يجنن انا مش قادره اقولك ان فيه حاجات كتيره الواحد استفاد منها كان بيسمعها ومايعرفش معناها هههه

بس ياترى لما تخلص كل الحروف نكون نسينا الكلام والحمد الله دا مخلوش حاجه الا وطلعوا عليها كلمه تريقه
وانا ف انتظااااار باقى الحروووف ربنا يسترهههههههههههههههههههههه

[SleeplessHeart]

ماشي يا دبور قصدي ياكريم

الجزء دا جامد:laughing at:

[كريم الباشا]

بجد موضوع يجنن انا مش قادره اقولك ان فيه حاجات كتيره الواحد استفاد منها كان بيسمعها ومايعرفش معناها هههه

بس ياترى لما تخلص كل الحروف نكون نسينا الكلام والحمد الله دا مخلوش حاجه الا وطلعوا عليها كلمه تريقه
وانا ف انتظااااار باقى الحروووف ربنا يسترهههههههههههههههههههههه




شكرا لمرورك الجميل
نورت الموضوع

انتظروا البقية

[كريم الباشا]

ماشي يا دبور قصدي ياكريم

الجزء دا جامد:laughing at:


ماشى يا عم ال ..... "" كلمة مما وردت فى الجزء الأخير"" ههههههههههه
مش هقولها
اعرفها انت

[hooma]

ياريت لما تخلص كل الحروف نعمل مراجعة بسيطة ع اللى فات :medicine:

[كريم الباشا]

بعد رمضان ان شاء الله هنكمل

[moon lover]

موضوع يموت من الضحك .. هههههههههههه:laughing at: